Urgeljlel 2

Сэтгэл нь эрэгтэй юу үгүй юу гэдэг нэг өөр хэрэг боловч, бие минь эрэгтэй.




Тийм эрэгтэй хүнтэй найзлана гэдэг, Томогийн хувьд нилээдгүй хэцүү зүйл байсан болов уу. Гэхдээ Томо минь, энэ зүйлийг *хэцүү байна, болохгүй, бүтэхгүй* гэж бодох нь миний хувьд бүр хүндээр тусна гэдгийг мэдэж байсан мэт.



Сексийн талаар ч гэсэн, анхандаа яаж хийхээ мэдэхгүй, янз бүрээр оролдож байв. Гэхдээ Томогийн *хайр* байсан тулдаа, юм л бол туниад уначихдаг над шиг хүнтэй ч гэсэн болсон мэт... (Яаж сээгэс хийдэг байсанаа бичихгүй тэ? аймаар өөдгүй..)





Нэг өдөр.

Томо гадуур ажилтай гээд гарсан, би ажил, сургууль хоёроо амарчихсан байсан юм.



Орой тийшээ, гадагшаа харсан бороо орж байв.

*А, нөгөөх чинь нээрээ зонтик авч гараагүй юм байна ш дээ* гэж бодоод, би метроны буудал хүртэл угтаж авахаар гарав.



Томогийнд нэг муу винилэн зонтик ганцxан ширхэг л байдаг байсан болохоор, тэр зонтикийг аваад.



Метроноос буунгаа намайг хайж Томогийн нүд, жоохон хүүхэд шиг харагдсанд, нэг нуугддаг юм бил үү гэж бодсоноо, араас нь нурууг нь тогшив.

*О! Ирчихсэн байсан юм уу? * гээд Томо бид хоёр нэг зонтикны доор ороод гэр лүүгээ алхав. Эргэн тойрноо харсан, нэг зонтикон доор хамтдаа ороод алхаж байгаа хүмүүс дандаа хосууд харагдав.



Эрэгтэй эмэгтэй хосууд... тэр дунд хоёр эрэгтэй хүн нэг зонтикон доор ороод алхах нэг л ичмээр байсан тул би аль болох хурдан алхаж байв..



*Юундаа тийм хурдан алхаад байгаа юм?* Томо, зонтикноос хойш нь татан болж өгвөл удаашруулах гэнгээ асуув



*Хүмүүсээс санаа зовоод*



*Юундаа?*



* Хоёр эрэгтэй байж нэг зонтикон доор... Чамайг хүмүүс гаж донтон гэж бодвол яана?* би жоохон тоглоом шоглоом болгосон маягтайгаар инээнгээ хэлэв.



Томогийн царайнд хоромхон зуур гунигтайхан төрх илэрсэнээ, миний мөрөөр тэвэрсэнээ намайг үнсэв.



*Хүүш чи яаж байна аа... хүмүүс харж байна ш дээ...* би тэгэж хэлээд Томогийн гараас мултрав.



*Чи ч гэсэн, би ч гэсэн гаж биш шүү дээ. Дахиж битгий тэгэж яриарай. Гаж донтон гэж бодох хүн байвал байна л биз, бидний хэрэг биш*

Ингэж хэлэх Томогийн нүд туйлын серёзны (<--- энэ үгэнд яг таг таарах гоё Монгол үг олох юмсан... Чухал гэхээр нэг л биш...) харагдав...



--------------------------



Тэр орой.

*Жишээ нь байшдээ. За унтая гээд унтана даа? Тэгэхэд, түрүүлж унтсан хүн нь сүүлд унтсан хүнээсээ хайр нь арай бага байдаг гэж мэдэх үү?*

гэнэт Томо хэлэв.



*Яадаг гэнэ ээ?*



*Догдлохгүй байхаар түрүүлээд унтчихдаг байхгүй юу. Тэгээд, догдлоод, унтаж чадахгүй байгаа нь нөгөөдөө илүү хайртай гэсэн үг байхгүй юу*



*Ан тийм үү.. Гэхдээ чи дандаа түрүүлээд унтчихдаг биз дээ? Унтахдаа ямар хурдан гээч? Нэг хоёр гурав гээд л нам шүү дээ!*



*Гэхдээ өчигдөр би чамаас сүүлд унтсан шүү. Чи бол зад хурхирч байсан гээд л бодчих. Би хажууд чинь догдлонгоо унтаж байгаа нүүрийг чинь зөндөө удаан ширтсэн гээд л бодчих*



*Дандаа түрүүлж унтдаг биз дээ? кэкэ*



*Өчигдрийн тухай ярьж байхад чинь*



Болохгүй сэдэв хөндчихсөн Томо, үүний дараа намайг түрүүлж унтуулах гээд үзэж тарав. Намуухан хөгжим тавиад л, *Нойр хүрч байгаа биз дээ?* гэж асуугаад л.



Гэхдээ хамгийн сүүлд нь өөрийнхөө тавьсан урхинд ороод, унтчихсан нь Томо байв...



(Иймэрхүү юм их ярьдаг нь Япончуудын зан уу? Манай экс экс экс бф ч гэсэн, экс экс бф ч гэсэн иймэрхүү юм ярьж байсан нь санаанд орчихлоо... По дороо унтчихдаг, унтаж байгаа царайг чинь ширтээд хэвтэж байхдаа дуртай энээ тэрээ гээд... Кяаааа... Лаг ичмээр юм ярив. кэкэкэ)



---------------------------------



Томогийн хайран дотор миний дотор нэг зүйл өдөр ирэх тусам том болж байв.

Олон жил бусдаас, өөрөөсөө нууж ирсэн *Үнэн төрхөөрөө байгаа БИ*...



Болж өгвөл, эмэгтэй хүний бие махбодид бага багаар ч болов дөхөж очмоор байна гэдэг хүсэл.. Гэхдээ ийм хүсэлтэй байлаа ч гэсэн, Томо бол намайг байгаагаар минь, *БИ* гэдэг хүнийг хүлээн зөвшөөрөх учир.





Их сургуулийн 1, 2-р курсдээ ихэнх кредитээ аваад дуусчихсан байсан тул би, хөгшчүүдийг асрах газарт ажил хийж эхлэв.

Зөнөчихсөн хөгшин хүмүүсийг асрана гэдэг эхэндээ нилээд хэцүүхэн ажил байлаа.



Гэхдээ энэ ажил надад олон зүйлийг өгсөн гэж боддог юм. Хамгийн сайн найз Микигээс эхлээд л.



Мики нэг их хүн амьтанд санаа тавиад байдаг хүн биш, харин өөрийнхөө дураараа хүн байв. Царайлаг, гоё биетэй, тэгээд инээхдээ асар эршүүд инээдэг нэг тийм хүүхэн, тэгээд яриа их нийлдэг байв.



Хамгийн анх Томогийн тухай каминг аут хийсэн хүн маань Мики байсан юм.

Бүтэнсайн өдөр ажил хийж байх үеийн өдрийн амралтаар.



*Э? Юуны тухай яриад байгааг чинь нэг л сайн ойлгохгүй байна шүү!* гээд чангаар өгүүлэх Мики.



Би нэгд нэгэнгүй тайлбарласныхаа дараа, Микиг яаж хүлээж авах бол гэж айсан шиг харав.



*Ннн... Хэрвээ чи л тэгээд сэтгэл хангалуун байвал болоо юм биш үү??*



Хөнгөхөн ч юм шиг, гүнзгий утгатай ч юм шиг ийм үгийг, тун энгийнээр өгүүлэх Мики.

Энэ өдрөөс хойш бид хоёр улам сайн найзууд болсон билээ



----



*Соуичи, Соуичи*



Миний нэрийг дөхүүлсэн хирнээ дандаа андуурч дууддаг нэг эмээ байж билээ.

90 гарсан, хэвтэрт ороод, нилээд зөнөчихсэн, гэхдээ намайг мэдээд, их сайн байдаг тийм эмээ байсан юм. Хүү нь Соуичи гэдэг нэртэй байсан болохоор, хүүтэйгээ намайг зүйрлэдэг байсан ч байж магадгүй л юм.



Залуудаа үнэтэй ресторан ажиллуулж байсан, нөхөр нь улс төрч байсан бөгөөд, олон хүүхэдтэй ч, хүүхдүүд нь бараг хаячихсан шахуу тийм эмээ байв.



Энэ эмээ хааяа подхийсэн подхийсэн юм хэлдэг байв.



*Эр хүн, эм хүнээс нэгээр бузар. Яагаад гэвэл эр хүний шунал нь эм хүнийхээс нэгээр олон болохоор. Тэр нь шалиг байдал* гэх мэт.



Иймэрхүү яриа болсон орой заавал Томод өдөр нь юу болсон талаар ярьдаг байв.



*Өө. ёстой яг голоор нь аваад хаячихаж* гээд хоюулаа инээлддэг байж билээ.





Нэг өдөр.

Хацу эмээ над руу харсанаа хэлэв



*Чи залуухан байна. Өөрийнхөө хүссэн амьдралаараа л амьдрах хэрэгтэй. Хичнээн агуу мундаг хүн байсан ч гэсэн, хамгийн сүүлд юу ч үлддэггүй юм. Тийм болохоор, өөрийнхөө хүссэнээр амьдрах хэрэгтэй шүү.*



Би эхэндээ юу хэлсэнийг нь сайн ойлгоогүй боловч, яагаад ч юм нулимс асгарчихав.



Бүр багаасаа л би * Би ингэж амьдармаар байна* гэсэн хүсэл сонирхол байхгүй байлаа. Эцэг эхээсээ ч, эргэн тойрноосоо ч тэр өөрийнхөө үнэн төрхийг нуухад хамаг энергиээ зарцуулдаг байсан тулдаа ч тийм байж магадгүй.



*Ингэж амьдармаар байна* гэдэг талаар бодож ч байсангүй.



Томотой хэрвээ би учраагүй байсан бол, Хацу эмээгийн энэ үгийг би сайн ойлгохгүй л байсан болов уу. Хөгшчүүл дахиад л үглэж байна ухааны юм бодоод л өнгөрөх байсан байх.





Энэ ярианы дараахан Хацу эмээ нас барсан юм.

Настайчуудыг асрах газар ажил хийж байхад, хүний үхэлийг олон удаа үзэх хэрэг гардаг юм.



Хүн гэдэг үнэхээр үхэх цаг нь ирэхээр амархаан үхдэг юм билээ.

Үхэл гэхээр нэг л их холын төсөөлөхөд хэцүү зүйл мэт боловч, цаг нь ирэхээр, өөрийн биеэ ч хөдөлгөж чадахгүй болоод, тэр хүртэл өөрт чинь байсан алдар нэр, эд хөрөнгө ямар ч утга учиргүй болоод, цорын ганцаар үхдэг юм билээ.



*Өөрийнхөө хүссэн амьдралаар амьдрах*



Энэ үгийг 20 дөнгөж гарсан надад Хацу эмээ зааж өгсөн юм.



20 хэдхэн настай миний хувьд цаашид амьдрах хугацаа хангалттай байлаа. Гэхдээ, энэ урт замыг *ЭР ХҮН* гэсэн тодотголтойгоор амьдрах нь надад улам бүр хэцүү болсоор байв. Төсөөлөхөөс ч халширмаар.



Энэ л цагт надад амьдралыг өөрөө сонгохын утга учрыг зааж өгөх Хацу эмээ, эрэгтэй ч бай эмэгтэй ч бай намайг хайрлах Томо дайралдсан нь маш том тохиолдол байв.



*Эмэгтэй хүн болмоор байна*



Ингэж бодоод, би гормоны эмнэлэгийн талаар судалж эхлэв.





--------------------



Сүкияки. Томогийн дуртай хоол байв.

Цалин буусан өдрөө заавал илүү амттай сайн чанарын мах, тэгээд ногоо худалдаж аваад хоюулаа Сукияки хийж иддэг байв.



Тэр орой ч гэсэн Томогийн Сукияки хийж идэж байв.



*Томо, нэг ярих юм байна...* хэмээн би өгүүлэв.



Зурагт үзээд инээж байсан Томо наашаа хараад асуув. *Яасан?*



* Эмэгтэй гормон ууж эхэлдэг юм бил үү гэж бодлоо л доо...*



Томо гайхсан байдалтай наашаа харсанаа асуув



* Э? Тэрийг уухаар яадаг юм?*



Би гормоны талаар, гормон ууж эхлэхээр ямар үр дүнтэй, бас ямар сөрөг дагавартай талаар, яагаад гормон уухаар шийдсэнээ нэг бүрчлэн ярьж өгөв. Ингэж ярингаа, өөрийнхөө энэ шийдвэр минь зөв эсэхийг давхар шалгангаа...





Хэсэг дуугуй байсанаа Томо өгүүлэв. Үгээ нэг нэгээр нь зөөнгөө...



*Эмэгтэй болохыг хүсэж байгаа юм байж. Тэрийг чинь ойлголоо. Гэхдээ биеээ өөрчлөнө гэдэг тийм амар эд биш шүү дээ. Тэгээд, тэр гормон гэдэг чинь нэг ёсны хор шиг эд биз дээ? Чиний биенд чинь санаа зовж байна...*



*анхан*



*Гэхдээ хэрвээ эмэгтэй болсон нь чиний хувьд сэтгэл амрах, үнэхээр сонгомоор сонголт юм бол би чамайг дэмжинэ. Гэхдээ хамгийн гол нь нилээд хэцүү, эрүүл мэндэд ч тийм сайн биш зүйл болохоор, байнгын эмчийн үзлэгт орно гэдгээ амлах юм бол шүү!*



*За*



хэсэг анир чимээгүй байдал үргэлжлэв.



*Яагаад ийм байх ёстой гэж...* Томо гэнэт чимээгүйхэн санаа алдав



*Чи уг нь эмэгтэй шүү дээ.. Гэтэл яагаад заавал эм ууж байж эмэгтэй болох ёстой юм бэ, яахаараа юм ийм байх ёстой юм бэ...* Томогийн нүднээс нулимс асгарав,,,

Надад уйлж байгаа царайгаа харуулахгүй гэсэн дээ доошоо хараад чимээгүйхэн уйлав.





*Хүн хүн өөр болохоор...* би Томог аргадахаар ингэж хэлэв



*Би байшдээ... Хэрвээ чи л аз жаргалтай байвал тэгээд л болоо * уйлангаа Томо хэлэв.



*Чамтай учирсан болохоор би жаргалтай шүү дээ...* би инээмсэглэнгээ Томод хэлэхэд , Томо бүр чангаар, жоохон хүүхэд уйлж эхлэв.... *Би чамаас илүү жаргалтай мэдэв үү* гэж хэлсэнийхээ дараа....





Ингээд би эмэгтэй гормон ууж эхэлсэн юм.....

Эмэгтэй болохын төлөө, бага багаар.



--------------------------------------------------------------------------









Зиа би зөндөө урт юм орчууллаа шүү, кэкэ.


Санаа байгаад, сач хүрэх юм бол үргэлжлүүлж магадгүй.






Гэхдээ миний блог гэж нээг л их уянгын халил болоод шал сонин юм аа, кэкэ.










Маргаашнаас Голден Вийк гээд Японы амралтын өдрүүд эхлэх болохоор хэсэгтээ архидах байх. Вива холидэй!!!










Гэснээс, 80-аад он гэхээр хүмүүст юу санаанд ордог вэ хэлээрэй!!!


Хоум Партиныхаа сэдвийг 80-аад он гэж сонгосон хирнээ, өөрөө яахаа мэддэггүйээ, кэкэ.






Синди Лопер шиг хувцасладаг юм уу хаашаа юм тэ? кэкэкэ