Tuesday, May 29, 2012

Heneerhel




*Манай Монгол ИЙМ ТОМ байсан юм!*
Өчигдрөөс хойш, энэ линкийг хүн болгон шэйрлээд л мундаг байна аа.

Ийм том байсан нь үнэн л дээ.
Бахархах нь ч зөв байх.

Гэхдээ, ийм том байсан гэдгийг нь бүгд нийтээрээ асар гайхаж ирээд л шаагилдаад унахыг бол утгыг нь ойлгохгүй л юм байна.
Эсвэл өчигдөр л анх удаа мэдэж байгаа юм уу???

Бахархах гэдэг нэг өөр, сагсуурах гэдэг бас нэг өөр асуудал юм шиг.
Англи хүмүүс *Манай Британийн их гүрэн ийм том байсан* гээд ч юм уу шаагилддаггүй л байх.
Гэхдээ бүгд ямар том байсан бэ гэдэгээ мэддэг, дотроо бахархдаг л байх гэж бодож байна.

Тэгээд, хамгийн гол нь, за ийм том байсан юм байна.  *Тэгээд юу гэж?* гэдэг бас нэг асуудал байгаа юм.

Тэртэй тэрэнгүй ийм том биш болчихсон юм чинь *энэ чигээрээ байсан бол* гэж санаа алдах утгагүй мэт.

Эсвэл *буцаад хүчирхэгжээд ийм том болох юмсан* гэсэн сэтгэгдэл дотор нь яваад байна уу?


Хараад байхад, манай Монголчуудын доторх *эх оронч үзэл гэж юу вэ* гэдэг нь нилээд аюултай тал руугаа хандаад байх шиг санагдаад байдаг юм.

Хятадуудад дургүй байж, тэднийг дайралдахаар нь зодох нь эх оронч үзэл үү?
Хятад хүнтэй унтлаа гээд хүүхнүүдээ зодож, тэдний үсийг нь хусах нь эх оронч үзэл үү??
Хэн нэгэнийг *хятадын эрлийз, хятадын шээс* гэж орилолдох нь эх оронч үзэл үү?

Дээр үед хэсэг хүнтэй юм яриад сууж байсан юм.

Тэгээд ийм асуулт тавьсан юм л даа.
*Чиний бодлоор, Монгол цустай (аав ээж нь Монгол) боловч Монголоор огт ярьж чаддаггүй, гадаадад амьдардаг хүүхэд Монгол уу, эсвэл аав нь хужаа (эсвэл хар арьстан ч байсан болно) боловч, зөвхөн Монгол хэлээр л ярьдаг, Монголд амьдардаг хүн хоёрын аль нь Монгол хүн бэ?* гээд.

*Монгол цустай нь Монгол* гэх хэсэг хүмүүс дийлэнх байна билээ.

Надад бол итгэмээргүй л хариулт санагдаж байсан юм.
Энэ чинь ямар хонь хурга, мал залын үүлдэрийн тухай ярьж байгаа биш дээ??
Цус гэж юу юм бэ???

Миний бодлоор, үндэстэн гэдэгийг тодорхойлдог гол зүйл бол хэл болон соёл болохоос биш, ямар нэгэн ЦУС гэдэг зүйл биш болов уу хэж боддог юм.

Тэгээд, ийм үзэл дээрээ нэмээд, өөрсдийн ДАЙСАН болох хүмүүсийн талаар мэдье, судлая гэсэн сонирхол байхгүй байгаа нь их аюултай мэт.
Хятад гэнгүүт л юм ч ярих сонирхолгүй, шууд л *ДУРГҮЙ* гээд шат даун хийчихдэг.
За нөгөөдүүл нь жишээ нь *Танай Монгол чинь бид нарын нэг хэсэг* гэх мэтийн юм хэлчихвэл бүүр уурлаад, гачин юм болно.

Тэр хүмүүсийн яагаад тэгж бодох болсон, ямар учиртай болох талаар огт сонирхолгүйгээр, зүгээр л шууд л шатаут!

Тайванд ирсэнээс хойш, иймэрхүү талын яриа хийх нөхцөл ихэссэн юм.
Тайван чинь 2002 он хүртэл Монголын тусгаар тогтнолыг хүлээн зөвшөөрөөгүй улс юм байна ш дээ??
2002 он хүртэл, Монгол улс чинь Тайванчуудын хувьд * Дундадын Бүгд Найрамдах Улс*-ынх нь нэг хэсэг гэж үзэгддэг байсан, тийм болохоор Тайван явах виза ч байдаггүй (өөрсдийнхөө иргэдэд виза олгоно гэж юу гэсэн үгэв гэсэн логикоор) байсан юм байна.

Тийм болохоор, харьцангүй нас өндөр хүмүүстэй юм ярихаар нэг иймэрхүү яриа болно шүү дээ.

- Чи гадаадаас ирсэн юм уу? (Тайванчууд гадаад хүмүүст их дуртай).  Хаанаас ирсэн юм?
- Монголоос ирсэн юм.  Одоо энд Хятад хэл сурч байна.
- Хятад хэл сурах ий??  Монголчууд чинь хятадаар ярьдаг биз дээ?  Ямар сонин юм?  Эсвэл гадаадад байсан юм уу??
- Үгүй ээ.  Монголчууд хятадаар ярьдаггүй ш дээ.  Өвөр Монголчууд бага зэрэг ярьдаг байж магадгүй, ар Монгол чинь тусгаар улс, тэгээд хятадаар ярьдаг хүн бараг байдаггүй юм.  Би амьдралдаа анх удаа хятад хүнийг 20 нас хүрч байж харсан гээд л бодчих
- Тийм үү?  Гэхдээ, хятад хэлтэй төстэй биз дээ тэ?  Ханз хэрэглэдэг үү?
- Монголчуудын хувьд харин хятад хэл, хамгийн хэцүү хэл юм шиг байгаа юм.  Дүрэм өөр, дуудлага бүр шаал өөр, бичдэг үсэг нь өөр.  Угаасаа шал өөр үндэстэнгүүд болохоор арга ч үгүй л байх л даа.


Тэгээд энд байдаг нэг Монгол хүүхэдтэй уулзсан юм.
Тэгсэн, мань хүн, жил гаруй байсан хирнээ хятад хэл сурья гэж оролдоогүй.
Хятадуудад дургүй юм шиг байгаа юм.

Тэгсэнээ *энэ муу Тайванууд чинь, юм яриад Монгол гэхээр доош нь чихээд байдаг юм.  Тийм болохоор уур хүрээд, сүүлийн үед өөрийгөө Солонгос, эсвэл Япон гээд хэлчихдэг болсон* гэнэ.

Дандаа маргалдаад, тайлбарлаад байх ядаргаатай л даа.
Гэхдээ, миний бодлоор, *Монгол чинь муу, муухай* ч гэдэг юм уу, *Монголчууд чинь бид нартай нэг улс шүү дээ* гэсэн үг хэллээ гээд уурлах нь үндэсний үзэл биш л болов уу.
Харин тайлбарлаж, ойлгуулах нь хамаагүй дээр сонголт мэт.



За тэгээд, энэ хятадууд яагаад Монголыг өөрсдийнхөө нэг хэсэг гэж үзээд байна вэ гэдэг талаар ч гэсэн, сэтгэхүйг нь ойлгох хэрэгтэй юм шиг.

Хятадуудыг Монголчуудад дургүй гэж манайхан бодоод байдаг юм шиг байгаа юм.
Миний бодлоор, харин ч эсрэгээрээ, Хятадууд, Монголчуудад, Монгол нутагт асар дуртай юм шиг байгаа юм.
Амттай хоолоо *Монгол шөл, Монгол хуурга* гэж нэрлэдэг ч юм уу, Чингис хааны нэрээр хоолны газар, бар саваа нэрлэдэг ч юм уу.

Дээр үед нэг кино үзэж байсан юм.  Тэрэн дээр, гол дүрийн залуугийн мөрөөдөл нь Монгол явах гээд гардаг ч юм уу.

Тэгээд энд ирээд өөрийгөө Монгол гээд ярихаар, хүмүүс их сонирхож, юм ярьдаг юм.

Хятадуудын одооны юмыг үзэх үзэл нь хамгийн сүүлчийн Чин гүрэнтэй шууд холбоотой байдаг юм шиг байгаа юм.

Чин гүрэн нь бид нарын хамгийн сүүлчийн гүрэн.
Чин гүрэний үед, Монгол, Төвд, Уйгур Шинжан бүгд нэг *Дундад Улс* гэдэг улсын дотор байсан болохоор, одооны *ДУНДАД УЛС*-ын дотор энэ улсууд байх ёстой.
Энэ үед манай Хятад улс ИЙМ ТОМ газар нутагтай байсан!  Тийм болохоор, одоо ч гэсэн хүчирхэгжихээрээ ийм том болох ёстой!  гэх мэт.

Хятадууд Монголын газар нутаг болон Монгол гэдэг юманд *ДУРТАЙ* байдаг нь ч гэсэн энэнтэй холбоотой байх.

Чин гүрэний анхны Нурхачийн эхнэр нь Чингисийн удамын Монгол бүсгүй байсан гэдэг юм билээ.
Европын Хабсбург-тэй төстэйгөөр, тухайн үед, Монголчууд их гүрэнээ нэгтгэх нэг стратеги болгож, Монгол угсааны Чингисийн удамын хүнтэй бусад газрын хүмүүсийг суулгадаг байсан гэж ярьдаг юм билээ, үнэн эсэхийг мэдэхгүй. Тэгээд угаасаа Манж үндэстэн, Монгол үндэстэнтэй их ойрхон үндэстэн байсан гэдэгийг мэднэ биз дээ тэ?

Хэл зүйн утгаараа ч тэр (Би = Би, Тэр = Тэрэ, Хот = Хото, Бичиг = Бичиг гэх мэт, уншихаар 50-60%-ыг нь бол ойлгохоор) , Манжуудын хувьд (= Чин гүрэний хувьд) Монгол гэдэг нь, ХАМААТАН үндэстэн нь байсан, тийм ч утгаараа Монголд их ханддтай байдаг байсан юм шиг.
Яг энэ үзэл нь тэр чигээрээ одооны хятадуудын хувьд үлдсэн байдаг бөгөөд *НЭГ ДЭЭВРИЙН ДООР БАЙХ ЁСТОЙ* гэж үздэг юм шиг байгаа юм.

ХАЙРГҮЙ гээд Монголчуудыг хэлээд байхад хойноос *БИ ЧАМД ХАЙРТАЙ!  БОЛОХГҮЙ БОЛ ХҮЧЭЭР Ч ХАМААГҮЙ АВААД СУУНА* гээд хөөцөлдөөд байдаг хүнтэй жоохон төстэй ч юм шиг.

Зиаг тэгээд, энэ *Монгол ийм том байсан* гэдэг үзэлийн аюултай тал нь.

Хятадуудын хувьд бол, *Чи бид хоёр нэг гэрт байсан шүү дээ* гэдэг нь чухал болохоос, хэн нь гэрийн эзэн байсан нь огт чухал биш.  *Миний хайр!  Миний хөгшин! Алив, хоолны дээж* энэ тэр гэж ярингаа, яс юман дээрээ нөхрийнхөө тархийг барьчихсан байдаг айлын эхнэр байдаг даа?

Тэрнэрхүү юм биш үү?  Тийм маягаар харьцсаар байгаад Манж үндэстэнийг өөртөө уусгаад авчихсан.  Юань-ийн үед ч гэсэн бараг Монголыг уусгах шахаж байсан юм биш үү??  Манайх ямар азаар Мин улсад хөөгдөөд буцаад өөрийн нутагтаа ирсэн юм.

За тэгээд...
Ийм эхнэрүүдийн хувьд, *Тийм тийм, чи бид хоёр нэг гэрт байсан* гээд хэлүүлчих юм бол, дараад нь бол юм амархан шүү дээ.  Хөөргөж байгаад л...

Манай Монголчууд тэгээд өөрсдөө *Манай гэр ийм том байсан.  Ийм их газар нутагтай байсан. --> Энэ газар нутаг биднийх!  Хүчирхэгжвэл энэ том газар нутагийг буцааж өөрийн болгомоор байна* гээд бодоод эхлэх юм бол, Хятадуудын санаснаар болно гэсэн үг.

Экстрим жишээ авья л даа.

Хятадууд, Монголчуудыг хөөргөөд, *Хоюулаа нэг гэрт байсан шүү дээ.  Мэдээж чи гэрийн эзэн!!  Угаасаа чи л дандаа захирдаг байсан.  Хоолны дээжийг зоогло!   Хоёр улсаа нэгтгэе!  Бид дагаар орьё!  Тэгээд улсаа та нар Монгол улс гэж нэрлэ!  Монгол улсын Улаанбаатар нийслэл.  Монгол улсын Бээжин хот!  Дэлхийн хамгийн хүчирхэг, хамгийн баян гүрэний нэг!* гээд хэлье гэж бодьё.

*Монгол ийм том байсан юм!* гэж боддог хүмүүст бол их л аятайхан санал мэт сонсогдох байх.
Буцаад хүчирхэг болох асар том шанс.

Тэгээд нэг гэрт орчих юм бол, цаад хятадууд чинь яаж Монголчуудыг уусгахаа бол хэнээр ч заалгахгүй.
Тэртэй тэрэнгүй олон зуун, олон мянган жилийн туршлагатай улс.

---------------------

Монголчуудын Хятадуудыг үзэн ядах сэтгэлгээ сүүлийн 20 жилд асар их хүчирхэгжиж байгаа мэт.
Болгоомжилж болно, болгоомжлох ч хэрэгтэй.

Зүгээр үзэн ядах??? Утгагүй зүйл мэт.
Энэ ч гэсэн, аягүй бол Хятадуудын явуулга юм биш үү?

Албаар өөртөө эвгүй зүйл хийлгүүлээд, тэрүүгээрээ нээнтэглэх гэсэн санаа гэх юм уу.
Бас нэг экстрим жишээ авья.

Хятадууд, Монголчуудыг нээнтэглээд болбол өөртөө нэгтгэх санаатай байг.

Хүмүүсийнх нь *эх оронч сэтгэлгээ* гээчийг дэвэргэж байгаад, хэдэн хятад хүн Монголд аваачингуутаа албаар алуулуулчихья гэж бодьё.

Тэгээд сүүлийн үе шиг, Монголчууд хятадуудыг үзэн яддаг болсон үед, бас хятадаас олон барилгачин хятадууд ирдэг болсон үед бол, ийм байдал үүсгэх тийм ч хэцүү биш.
Угаасаа Хятад шиг хүнээр илүүдсэн газар, хэдэн хүн алуулуулах бол нэг их сүртэй гарз биш.

Гэхдээ иймэрхүү юмаар нээнтэглээд, Монголд дайн зарлаж эзэлж авах ч юм уу, эсвэл зүгээр л улс төрийн дарамт үзүүлэх бол их амархан зүйл мэт.

Иймэрхүү маягаар бодохоор, манай Монголчуудын сүүлийн үеийн энэ *ЭХ ОРОНЧ* хэнээрхэл, явж явж Хятадуудын бодлого юм биш үү?? ккк


Жоохон олон таван юм бодож үзэв, ккк.
Дэмийрээд юм бичээд суучихсан чинь, гарч жим орохоо мартчихаж....

Хэдэн Тайванууд хамт ууя гээд дуудаад байна, гарч уухаас.

Tuesday, May 15, 2012


Зиаг байз...

Саяны тавдахь өдөр нээрээ Тайчун хот явж ирсэн юм байна.

Тайпэйгийн барнуудыг нь дуусгаж байгаа болохоор, хааяа өөр газар луу явж үздэг юм бил үү гээд.
Тэгээд, өмнө нь Тайванд ирэхдээ, Каохшун, Тайнан 2-т нь очиж үзсэн болохоор, улсдаа 3 дахь том хотод нь очиж үзэхгүй бол гэж бодоод, тэгээд гараад туучихсан юм.

Төлөвлөгөө мөлөвлөгөө байхгүйгээр, зүгээр л шалдан гуяа алгадаад л гараад туучихсан.
Амьхандаа *Зиа даа, очоод тэртэй тэргүй геи бар энэ тэр байгаа л байлгүй. Тэгээд дотор нь орохоор хүн амьтантай танилцаад учир нь олдож л таарна* гэж бодоод, юу ч бодож санаагүй юм.

Тэгээд л оччихоод, интернет дээр байгаа геи барнуудаас эхнээс эхлээд л очиж үзэв...

Эхний бар... хоосон хаалга мөргөв... За яахав, эрт хаасан ч юм уу, хаагдчихсан байх гэж бодоод, цааш нь үргэлжлүүлээд барнуудаар очив...
2 дахь бар... хоосон хаалга.  3 дахь бар хоосон хаалга...Ингэсээр 7 баранд очсон бүгд хаалттай...

Гайхшрав.  Яахаа мэдэхээ болив.  Хар шөнөөр, бардахаас өөр юу хийх билээ тийм биз дээ?
Тэгээд юу ч болсон, Тайчунд байдаг таньдаг хүүхэд лүүгээ мэссеж бичээд, тосуулж аван байж уулзав.

Тэгээд асуусан, Тайван дотроо, Тайпеи, Каоxшун-гийн хотын захиргаа нь геи хүмүүст элэгтэй болохоор, их нээлттэй байдаг боловч, Тайчунгийн хотын мэйер нь геи хүмүүст дургүй болохоор, бүх барнуудыг хаалгачихсан юм гэнэ!!!
Одоо ганцxан геи бар л байдаг тухай ярьж байсан.

Ингээд харахаар, геи хүмүүсийн эрх ашиг гэх мэт, олон зүйл, хэн нэгэнд зүгээр даатгаад орхичихвол, их амархан өөрчлөгддөг мэт.

Нэг улсын дотор байгаа 3 өөр хот гэхэд, байдал нь шал өөр байна гээд бодохоор...
Тайпеи, Каохшун бол асар нээлттэй хотууд, гэтэл Тайнан, Тайчун болохоор их хаалттай.

Обама геи гэрлэлтийг хүлээн зөвшөөрөх тухай мэдэгдэж байгаа цаг үе боловч, ийм байдал нь хэзээ орвонгоороо эргээд, Гитлерийн үе шиг геи хүмүүсийг башинг хийх вэ гэдэг нь ч мэдэгдэхгүй мэт.

Оросыг л хар л даа.  Уг нь гайгүй юм болов уу гэж байсан, Санкт Петербургтээ, геи гэдэг үгийг хэрэглэхийг хүртэл хориглодог ч юм уу.

Тиймэрхүү утгаараа хүмүүсийн нилээд консерватив болоод *нэрээ бод, геи гэхээр ийм хүмүүс байдаг гэж бодогдох вий* гэдэг зүйл, бас нэг бодлын зөв ч юм шиг...
Би хувьдаа бол тэр саналд нэг их дуртай биш байдаг юм.  Ямар нэг байдлаар, *нэрээ бодож чадахгүй/ бусдаас өөр хүмүүсээ гадуурхах* үндэслэл болдог учир...

Гэхдээ Монголынх шиг нөхцөлд бол нэг бодлын зөв байж магадгүй юм гэж бодогдсон нэг үдэш байв.


Зиаг ингээд, Тайчун.
Геи бар орж чадаагүй ч, нутгийн индиануудтай, гудамжинд пиво уусан шиг, дэмий чалчсан шиг өнгөрөөж бол чадсан шүү.






Тэгээд хамгийн гол нь, мотоциклных нь ард сууж чадсан! ккк
Хөөрхөн залуугийн нуруунд нь наалдаад л, тэгээд салхи татуулан мотоциклоор давхих гоё шүү! хаха.

Энэ Тайчунд байдаг хоёр залуу, их *мода* хөөцөлддөг залуучууд байгаа юм.
Баавгайнууд моданд орсон чинь өөхөө ихэсгэж, биеэ томруулаад, ийм баавгай болчихсон байсан, тэгсэн одоо тэр нь моданаас гарч эхэлсэн чинь *одоо турж, улф (=чоно =булчинлаг боловч өөх багатай хүнийг хэлдэг үг) маягтай болох санаатай* гэсэн юм ярьсан шиг.

Ямар ч амархан нэмэгдэж хасагддаг өөх юм...
Намайг тэгсэнээ *чи одоо яасан хоцорч баавгай болоод байгаа юм (=таргалаад байгаа юм) * энэ тэр гэж доош нь чихсэн шиг...

Хуц мэд үү! таргалья гээд таргалсан юм байхгүй байхад юу гээд байгаа юм!!! гэж жаал хэрүүл хийсэн шиг...

Нэг тиймэрхүү маягаар, Тайчун бол боломжийн л өнгөрөв.

Хагассайнд нь буцаж ирээд, тэгээд Жамп орсон.
Ийм хөөрхөн жаалууд бүжгийн үзүүлбэр энэ тэр үзүүлээд байсан...




За за нэг тиймэрхүү нэг иймэрхүү.

Tuesday, May 08, 2012

2 kino


Өнөөдөр, жим орохоос залхуу хүрээд, тэгээд 2 гей коммеди дараалуулж үзэв.

1.  Another Gay Sequel - Gays Gone Wild



2.  Cut Sleeve Boys.



Америк маягийн инээдэм, Англи маягийн инээдэм хоёрын  ялгаа маш тод илэрсэн мэт санагдсан.

Нэг нь болохоор нэг тийм, жоохон хүүхдэд зориулсан юм шиг маягийн инээдэм, ямар ч ёжлол, гүнзгий агуулга байхгүй...тэгсэн хирнээ тэр ДВД-нийх нь гадна талд нь 18 наснаас дээш хүнд зориулна гэсэн...

Нөгөөх нь бөөн ёжлол, нэг тийм гашуун инээд.
Хоёр дахь нь, өөрсдийгөө харж байгаа ч юм шиг гэсэн утгаараа ч тэр, нилээд сонирхолтой санагдав.

Особу ажаа, Баябага ажаа.  Олоод үзэхэд сонирхолтой санагдах байх шүү.  Заримдаа өөрийгөө олоод харж байгаа ч юм шиг санагдах гэсэн утгаараа ч тэр.


Monday, May 07, 2012

Orchuulga 2


Нялуун болохоор нь тэр *эрэгтэй хүнд хайртай гэж хэлүүлсэн эрийн блог*-ийг орчуулахаа болилоо, гэхдээ дотор нь явж байсан *сонирхолтой* байж магадгүй хэсгүүдээс нь рандомоор орчуулбал..
Ан, бай да вэй, энэ бичсэн хүн нь стрэйт хүн, өөрийнхөө бодлыг бичсэн гэдгийг битгий мартаарай.  Бас ярилцаж байгаа транс хүүхэн нь ч гэсэн, янз бүрийн утгаараа тэр л хүн, бусадтай адил бодох албагүй гэдгийг ч гэсэн бодолцоорой.

Намайг буруу ойлголттой байна гэдэг ч юм уу, буруу ойлголт бусдад үлдээлээ гээд битгий загнаад байгаарай даа, хэхэ.
Бас, хэтэрхий нарийн ширийн тодорхойлолтын талаар битгий загнаад байгаарай, гуйя, хэхэ.

Эртээд, транс хүмүүсийн талаар бичихдээ, Гамбууш шиг хүн гээд биччихсэн, Гамбуушийг доромжиллоо, Гамбууш чинь манин хүн, хүний эрхэнд халдлаа энэ тэр гээд зөндөө загнуулсан.
Уг нь доромжилсон санаа бол огт байгаагүй, тэгээд ч Гамбуушийг би транс л гэж бодож байсанаас, манин гэж огт бодож байгаагүй/ мэдээгүй.  Тэгээд хамгийн гол нь миний хувьд уг нь төрсөн биений хүйс нь, сэтгэлийн хүйснээсээ ялгаатай хүн гэсэн утгаар нь хэрэглэсэн санаатай байсан юм.

Манай Монголчууд чинь тэгээд аймаар ууртай, юм л бол загнаад хэцүү юм байлээ, ккк.
(Бичиж чадахгүй юм бол битгий бич энэ тэр гэдэг ч юм уу)

Таалагдахгүй бол зүгээр л хаячих гэдэг их хэцүү байдаг юм шиг байгаа юм.
Хайран нерв, хайран цаг байдаг байгаа даа гэж хааяа бодогдох л юм байлээ...  гээд биччихээр бас загнуулах байх аа, ккк.

За олон үг нуршилгүй орчуулгаа оруулья.


-------------
Окама- бар луу зүглэх замдаа би Ихара-сан (намайг окама баранд (=транс гэх юм уу даа... хүйсээ солиулсан, эсвэл солиулах гэж байгаа хүмүүсийн байдаг бар) дагуулж очсон ах )-аас таксин дотор цаг нөхцөөх гэж, яагаад окама баранд очих болсон талаар нь асуув.

*Юм яриад суухад сонирхолтой байгаа биз дээ?*

Маш энгийн хариулт.
Гэхдээ яагаад *сонирхолтой* юм бол???

*За даа, тэд нарын ажил нь юм болохоор аргагүй л байх л даа.  Угаасаа ийм баранд, жоохон сонин (=гаж, бусдаас өөр) юм үзэх гэж ирдэг хүмүүс их байдаг болохоор, тэд нарыг сэтгэл хангалуун байлгахын тулд ч гэсэн энэ зэргийн сонирхолтой байхгүй бол болдоггүй байх л даа...*

*... Гэхдээ байна ш дээ...  Ажил нь юм болохоор гэдэг шалтгаан байгаа байж магадгүй ч гэсэн...Окама гэдэг амьдралаар амьдрана гэдэг, хир баргийн хүмүүсийн хийж чадахгүй зүйл.  Ийм амьдралаар амьдраад, ийм амьдралыг сонгосон гэсэн утгаараа ч тэр, энэ хүмүүс бусад жирийн хүмүүсээс өөрөөр юмыг сэтгэж, өөрөөр харж чадах чадвартай болдог юм болов уу гэж надад санагддаг юм.   Тийм болохоор, *ажил* гэдэг юмыг нь авч үзэхгүйгээр харсан ч гэсэн, сонирхолтой байдаг байж ч магадгүй*

Нээрээ ч тийм байж магадгүй л юм хэмээн намайг хариулахад *Чи одоо ийм юм мэдэлгүйгээр, Окама-баранд байнга очдог байсан юм уу!?* хэмээн Ихара-сан шоолон өгүүлэв...

...байнга очих гэж...энэ удаад 2 дахь удаагаа юмсан...

----------------

Баранд ортол *Ирашаймасэ* гэх нялуун хоолой...  Дотор нь жоохон боргил хоолой холилдсон сонсогдож байв...

Хэн байна гээд харсан, Мэгү-сан байв.  Ажлаасаа гарчихсан байх вий гэж жаал санаа зовж байсан болохоор жоохон сэтгэл амрах ч шиг...

*Чамайг дахиад ирнэ гэж мэдэж байсан юм*
Коктеил хийж өгөнгөө, Мэгү сан инээмсэглэн байж ийнхүү өгүүлэв.

*Яагаад ирнэ гэж бодсон юм?* хэмээн асуухад
*Яагаад ч юм. жоохон юм юманд төөрөлдсөн байгаа юм шиг санагдсан болохоор.  Тийм хүмүүс их ирдэг юм л даа, ийм баранд...  Эрэгтэй ч биш, эмэгтэй ч биш хүнд зовлонгоо ярихад илүү амар байдаг байж ч магадгүй л юм...*

Магадгүй л юм.  Би Мэгү-сантай ярилцмаар санагдсан нь, эрэгтэй хүнээс нуух зүйл, эсвэл эмэгтэй хүнд хэлж чадахгүй зүйлээ бүгдийг нь Мэгү сан-тай ярилцаж болох болохоор ирсэн байж ч магадгүй учир.

Эхлээд Мэгү-сантай жирийн юм ярилцан суув.  Баранд хүн хир их ирж байна, амралтын өдрөөрөө юу хийв гэх мэт...

Ингэж байтал Мэгү-сан миний нүд лүү хараад *Үнэндээ, ийм юм ярих гэж ирсэн биш биз дээ?  Өмнө ирж байсанаасаа илүү төөрөлдсөн харцтай харагдаж байна!* хэмээн пал хийтэл хэлдэг байгаа...

*Төөрөлдөж байгаа чинь...хайр дурлалтай холбоотой юу????*

*Хайр дурлал энэ тэр ч арай биш л дээ...* хэмээн би жаал булзааруулангаа хэлэв.

*Хайртай гэж хэлүүлсэн юм уу?  Эсвэл хайртай гэж хэлэх гээд хэлж чадахгүй байгаад байгаа юм уу?*

Шууд төөрөлдөж байсан зүйлийг хэлдэг байшд...Аргагүй л... Эсвэл, ийм төөрөгдөл хамгийн их байдаг юм болов уу??

Өмнө нь ирэхдээ ч гэсэн, Мэгү-санд хэлэх үү байх уу гэж жаал төөрөлдсөн юм.
Яагаад ч юм, хамгийн зөв зөвлөгөө өгөх юм шиг санагдаад... Миний уулзсан анхны ижил хүйстэн болохоор нь тэр хүнд итгэж байгаадаа байж ч магадгүй л юм.  Ижил хүйстэн гэдэг тодорхойлолт буруу ч байж магадгүй л дээ...энэ хүн өөрийнхөө дотроо *ЭМЭГТЭЙ ХҮН* гэсэн утгаараа эрэгтэй хүнийг хайрладаг болохоор.

Би яахав, хамгийн чухал хэсэг (эрэгтэй найздаа хайртай гэж хэлүүлсэн гэдэг)-ээ хэлэлгүйгээр тайлбарлав.

Маш сайн найздаа хайртай гэж хэлүүлээд, гэхдээ тэр найзыгаа тийм нүдээр (хайр дурлал гэх мэт) харж байгаагүй, тийм харьцаанд орно ч гэж бодож байгаагүй болохоор, яахаа мэдэхгүй байгаа гэсэн маягаар тайлбарласан юм.

*Тэгвэл одоо, тэр найзыгаа ТИЙМ НҮД-ээр, хайр дурлал энэ тэр болбол яах бол гээд харвал ямар байна?*
*Харин, тэгж харахаар... хайрлаж дурлаж бол чадахгүй юм шиг байгаа юм*

*Тэгвэл, чадахгүй л гэсэн үг юм биш үү?*
Хүзүүгээ гилжийлгэнгээ Мэгү-сан ингэж хэлсэнээ...
*Гэхдээ, эсрэгээрээ, хайр дурлал гэдгийг дэндүү хэцүү зүйл мэтээр, ийм тийм байх ёстой гээд бодоод baigaa байж ч магадгүй юм... * ингэж хэлсэнээ, Мэгү-сан миний нүүр лүү харав.

*Яг таачихлаа!  гэсэн юм шиг царайлж байна шүү!* гэж хэлэнгээ Мэгү-сан чангаар инээв.

*Хэтэрхий их бодолд автах шаардлага байхгүй юм биш үү?? Хайртай бол тэр л биз, тэглээ гээд ямар үхчих биш.  Юу ч болсон, юу болохнов, нэг их хүндээр хүлээж авалгүйгээр, юу болнов, тэнгэр мэдэг! гээд даатгачихад болох юм биш үү??...*

Ингэж хэлэнгээ Мэгү-сан миний тамхийг асаангаа үргэлжлүүлэв

*Гэхдээ тэгж амархан болдог байсан бол, анхнаасаа тэгж их төөрөлдөхгүй гэж хэлмээр санагдаж байгаа биз... Ойлгож байна ойлгож байна....*
*... Гэхдээ, төөрөлдөж байна аа гэдэг чинь, чиний дотор ч гэсэн тэр хүнийг бодох / хүсэх үзэл, огт байхгүй БИШ гэсэн үг байх шүү.  Хайр дурлал энэ тэр гэж бол харж чадахгүй... гэхдээ тэглээ гээд, шууд харилцаагаа таслаад хаячихаж ч чадахгүй...  Тийм байна аа гэдэг чинь ямар нэг зүйл та хоёрын дунд байна л гэсэн үг байж магадгүй л юм...  ... Юу ч болсон үерхээд үзэхгүй юу??  Чиний хувьд хамгийн *ЗӨВ* гэж бодогдох хэлбэрээр*

Миний хувьд хамгийн *ЗӨВ* гэж бодогдох үерхэлийн хэлбэр... гэж юу юм бол...
Мэдэхгүй юм... Эрэгтэй хүмүүсийн хоорондох хайр дурлал гэдэг юм ямар байх ёстой вэ гэсэн ойлголт миний дотор байхгүй болохоор...  *Байхгүй юм бол, шинээр ҮҮСГЭХ-эд л болох юм биш үү?*...  Мэгү-сан миний энэ тайлбарт ингэж хариулах болов уу...

*Хайр дурлал, үерхэл гэдэг үг хэрэглэхээр төөрөлдмөөр, яахаа мэдэхээ байдаг байж магадгүй л юм... Хэрвээ тийм бол, өөр үг хэрэглэхэд болно шүү дээ.  Миний хувьд маш чухал, хамгийн хайртай НАЙЗ ч гэдэг юм уу???*

Ингэж хэлэнгээ Мэгү-сан инээмсэглэнэ.
Миний хувь инээх зүйл огт биш байдаг.

Инээж чадахгүй байх над луу Мэгү-сан нүүрээ ойртуулав.
Эрэгтэй байсан гэхэд итгэмээргүй, ямар ч үсний нүх, сахал хуссан зүйл мэдэгдэхээргүй, шаазан шиг цэвэрхэн царай.

Нүүрээ ойртуулаад Мэгү-сан хэлэв.
*Тэр найз гэдэг чинь, эрэгтэй хүн биз? тийм үү?*

Ийм үед, би өөрийнхөө сандруу тэнэг байдалд үнэнгээсээ дургүй хүрдэг юм.
Зүгээр л *үгүй* гэж худлаа хэлээд инээхийн оронд, би юу хэлэхээ мэдэхгүй, дэмий л амаа ангалзуулан байв.

*Тэгтлээ сандрах зүйл байхгүй шүү дээ.  Эрэгтэй хүн, эмэгтэй хүнд *Би чамд хайртай* гэж хэлүүллээ гээд, ингэтлээ төөрөлдөж, санаа зовдоггүй л байхгүй юу*

*Гэхдээ, чи тэр найзыгаа, хамгийн хайртай сайн найз гэж боддог биз дээ?  Тийм бол тийм гэдгээ хэлэхэд болохгүй зүйл байхгүй мэт...*

*Хайртай гэж... сайн найз, хайртай найз гэсэн НАЙЗ гэсэн утгаар уу?*

*Анхан!  Чи ч гэсэн, тэр найздаа НАЙЗ гэсэн утгаар нь, ХҮН гэсэн утгаар нь хайртай.  Танай тэр найз чинь ч гэсэн, чамайг гэдэг, чамд хайртай.  Ийм байна гэдэг чинь, уг нь хүмүүсийн хүсэн хүлээдэг л харилцаа биш үү?? *

*Тийм л дээ... Гэхдээ, би тэр найздаа *ЭРЭГТЭЙ ХҮН БОЛОХООР*-оо хайрлуулмааргүй байна!*

*Тийм гэж үү?? Миний бодлоор, тэр чамайг бусад бүх хүнээс илүүгээр хайрладаг болов уу гэж бодож байна.  Эрэгтэй болохоор гэж чи хэлж байгаа боловч, түүний хувьд *ЭРЭГТЭЙ БОЛОХООР* гэдэг нь огт хамаагүй зүйл байх гэж би хувьдаа бодож байна*... *Хайрласан хүн нь *ЭРЭГТЭЙ БАЙЖ ТААРСАН*... ердөө л тэр юм биш үү?*

*Гэхдээ төөрөлдөж, шаналж байгааг чинь бол ойлгож байна.  Би ОКАМА болох (хүйсээ солиулах) сонголт хийж байсан үетэй ялгаагүй хэмжээний төөрөгдөл, шаналал байгаа байх !*

*Хүйсээ солиулахад, тэгж их шаналсан юм уу?*  хэмээн би асуув.

*Мэдээж шүү дээ.  Төрсөн хүйсээ солиулна гэдэг, жирийн нэг амархан шийдчихдэг үйлдэл ч биш, ОКАМА байна гэдэг ч гэсэн жирийн үзэгдэл биш.  Жирийн бус байна гэдэг айдасаар дүүрэн зүйл шүү дээ.  Эцэг эх маань юу гэж бодох бол, найзууд маань хүлээж авахгүй болов уу, хүйсээ солиулсаны дараа амьдрал минь яаж орвонгоороо эргэх бол гээд л, бодох зүйл, төөрөлдөх зүйл зөндөө их*

Жишээ авсан зүйл нь арайл хэтрүүлэгтэй санагдсан ч гэсэн *жирийн бус зүйлээс айх* гэсэн айдас байгаа гэдэг тал дээр нийтлэг тал байж магадгүй л санагдав...

*Гэхдээ байна ш дээ... Хүн өөрийнхөөрөө байх гэдэг нь *ЖИРИЙН* байх гэдэгээс хамаагүй үнэтэй зүйл юм болов уу гэж надад санагддаг юм.  Бод л доо, ганцxан удаа амьдрах амьдрал шүү дээ.  Өөрийнхөөрөө амьдрахгүй, хэнийхээр амьдрах юм бэ?*

Энэ сонголтоосоо болоод, эцэг эхтэйгээ ч уулзаж чадахгүй болоод, найзуудаасаа ч гэсэн хөндийрсөн гэх.

*Би энэ сонголтынхоо төлөө, асар том зүйлээ алдсан... Гэхдээ, өөрийн сонгосон сонголт болохоор, түүнийхээ үр дүнг хүлээхээс өөр арга байхгүй болов у*

*Гэхдээ би энэ сонголтондоо л лав огт харамсдаггүй.  Өөрийгөө даран байж, өөрийнхөөрөө байж чадахгүй эрх чөлөөгүй амьдралаар амьдрахаас хамаагүй дээр болохоор*

*Гэхдээ ингэж ярьж байгаа нь, чамайг өөрийгөө хүчлэн байж ямар нэг сонголт хий гэж хэлж байгаа юм бол биш шүү.  Чи өөрөө яамаар байна, тэр зүйлээ л хийх хэрэгтэй байх.  Гэхдээ, одоогийн байдлаар, юу хиймээр, яамаар байгаагаа өөрөө ч мэдэхгүй байна гэсэн үг байх, тийм үү?*

Яг үнэн, би өөрөө өөрийгөө мэдэхгүй байгаа, тийм болохоор шаналж, төөрөлдөж байгаа юм...

*Гэхдээ, ганцхан зөвлөгөө чамд өгч чадах юм байна.  Тэр найз чинь эрэгтэй болохоор болохгүй гэсэн...тийм өнгөцxөн зүйл бодох л хэрэггүй юм шүү!*

*Хоёр эрэгтэй хүн хоорондоо сээгэс хийнэ гэж бодохоор, дотор муухай оргиод... гэж бодогдоод, яахаа мэдэхгүй байгаа биз дээ?  Гэхдээ чиний тэгж бодохыг бол ойлгож чадахгүй зүйл бас биш л дээ...  Би ч гэсэн урьд нь тийм байсан болохоор*

Яагаад ч юм, ингэж хэлсэнд нь гайхав.  Хүйсээ хүртэл солиулсан ижил хүйстэн атлаа...

*Хэрвээ тэгж боддоггүй байсан бол, ингэж их мөнгө зарцуулан байж хүйсээ солиулах тухай бодохгүй л байсан болов уу...

Хорвоо дээр хос байхын тулд, эрэгтэй эмэгтэй байж байж л хос болох ёстой...  Ийм бодол миний дотор маш гүнзгий суусан байсан болохоор би өөрийнхөө хайртай эрэгтэй хүнтэй холбогдохын тулд эмэгтэй болохоос өөр аргагүй гэж бодоод, эмэгтэй болох сонголтыг хийсэн байж ч магадгүй санагддаг юм.*

За тэгвэл, эрэгтэй чигээрээ эрэгтэй хүнийг хайрладаг геи хүмүүс яах болж байна???

*Хошногоор сээгэс хийх ч гэхдээ дажгүй гэдэг юм байлээ шүү!  Би ч гэсэн хааяа найз залуутайгаа тийм сээгэс хийдэг юм*

Шөнийн амьдралаар амьдардаг хүмүүс, ийм хүнд яриаг пал хийтэл хэлнэ ээ...
*Нээрээ юу? тэгээд хир байдаг юм?*
*Муугүй шүү!*
*Муугүй гэхээр, тийм сайхан ч бас биш гэсэн үг үү?*
*Тэгтлээ их сонирхоод байвал, өөрөө туршаад үзэхгүй юу!*
Жоохон хүн шоолсон ч юм шиг харцтайгаар инээнгээ, Мэгү-сан ийнхүү өгүүлэв.

Миний геи хүмүүсийн талаар асуусан асуултыг шал өөр зүйл болгон булзааруулсан Мэгү-сан.
Өөрийнхөө мэдэхгүй зүйлийн талаар мэдэмхийрэн ярихгүй гэсэндээ ярианы сэдвийг өөрчилсөн байж ч магадгүй л юм.

-----------------------------------------

Wednesday, May 02, 2012

Oguulleg?


Straight zaluugiin gay hund *bi chamd hairtai* gej heluulsen tuuh geheer ni haritsangui gaigui yum baih gesen....

Ando So-giin hair durlalyn tuuh shig nileed nyaluun bolohoor ni orchuulahaa bolichihloo...


Yuu ch bolson, heseghen hesegees cekc.mn deer taviiya geed orchuulsanaa oruullaa.

Here you go

------------------


Хүйсээ солиулсан *ХҮҮХЭН*-тэй хийсэн яриа.

Японд ажиллаж байхдаа нэг удаа *ОКАМА БАР* гэж нэрлэгддэг, манайхаар бол Гамбууш шиг хүмүүсийн ажилладаг баранд нэг удаа очиж байсан юм.

Сайндаа ч биш л дээ.

Манай ажлын хэдэн хүүхнүүд, шинэ юм сонирхмоор байна гээд, тэр талын барны талаар сайн мэддэг хүнийг дагуулж яваач гэж гуйж байгаад явахаар болсон чинь... тэр сайн мэддэг *МЭРГЭЖИЛТЭН* нь миний хуучин дарга байж таараад, тэгээд би цуг явахаас өөр аргагүй байдалд орсон тул...

*За, чамайг ямар бариад идчих биш, сүртэйш дээ* хэмээн манай дарга...
Дандаа очдог ОКАМА БАР нь юм гэнэ.

Уг нь эмэгтэй хүн л сонирхдог баймаар атал...

 *Охид хүүхнүүд, иймэрхүү юм сонирхох нь их байдаг юм.  Хааяа, паркийн аймшгийн байшин ч юм уу, эсвэл аймшгийн кино үзэх сонирхолтой байдагтай нь төстэй... Эмэгтэй хүмүүс гэдэг чинь ер нь нилээд *шуналтай* хүмүүс байдаг болохоор...иймэрхүү бар ганц нэгийг мэддэг байхад, тэр хүүхнээ дагуулаад болзоонд явахад уйдаахгүй, мундаг юм мэддэг хүн болно гэсэн үг шүү дээ* хэмээн тайлбарлангаа жуумагалзаx манай дарга...  

3-ын 3н хүүхэдтэй байж, хүнд баагий шүү...


Ингээд, эхлээд нэг дажгүй пабд жаал пиво уучихаад, 11 өнгөрөөгөөд тэр барандаа очсон юм.

Аргагүй л дарга, байнгын үйлчлүүлэгч бололтой, барны хүмүүс ч *Хөөх!  XXXX байшдээ!  Ёоноо!  Өнөөдөр бас зөндөө олон хөөрхөн хүүхдүүд дагуулчихсан айн???* хэмээн угтав...

Саяхныг хүртэл шуугилдаж байсан ажлын газрын хүүхнүүд хүртэл жоохон ханд нь дарагдсан уу, чимээгүй болчихсон...

Гэхдээ иймэрхүү юманд дассан бололтой
*Алив, яасан?  Ариунцэцэг царайлцгаагаад байгаа юм уу?  Окама (манин, гомо гэх мэтийн үг гэх юм уу даа)-аас айгаад ичээд байх юу байдаг юм!  Алив наашаа суугаадах!?* хэмээн яриа үүсгэх барны ажилчид. (Гамбууш гээд нэрлэчихье, тэр нь амар юм байна)

Намайг харсанаа *Энэ чинь ёстой идчихмээр хөөрхөн залуу юу даа?* хэмээн хэлэх Гамбууш...

Мэдээж, огт үнэн сэтгэлээсээ хэлсэн зүйл байхгүй гэдэг нь харваас илт, гэхдээ иймэрхүү маягаар, бусдыг баясгах талаараа нилээд сайн мэддэг гэдэг нь илт харагдаж байв.

Би ч яахав, өөдөөс нь худлаа инээсэн шиг л...

Ингээд, баран дотор ороод, ажилчдыг нь харсан, 2 төрлийн хүмүүс байв.

- Харахад, эрэгтэй боловч, эмэгтэй хувцас өмссөн юм байна даа гэж бодогдохоор хэсэг хүмүүс
- Яаж ч харсан, хүүхэн гэмээр хүмүүс.  Яахав, жирийн охидуудтай харьцуулбал жоохон том биетэй л юм уу даа...

Нэг мэдсэн, ажлын газрын хүүхнүүд ч бишүүрхэхээ байгаад, нэг мэдсэн ямар фирмийн пудр дажгүй, ямар үнэртэй ус яадаг ийдэг гээд, бөөн хүүхнүүдийн яриа болчихсон байв...

Миний хувьд хүнтэй яриагүй байсан боловч, иймэрхүү маягийн байдлыг хараад суух, сонирхолтой л санагдаж байв.

Ингээд сууж байтал *Яасан, уйдсан шинжтэй байхав дээ* хэмээн хэлэхийг сонсоод иргээд харсан, хөөрхөн бизнес үмен маягийн хүүхэн...бишээ, залуу? бишээ, окама зогсож байв.

Дараад нь авсан нэрийн хуудаснаас нь харахад, түүний нэр нь Мэгү.  Мэдээж, жинхэнэ нэр биш л дээ.

Өөрийнхөө жинхэнэ нэрнээс хэсэгчилж авсан нэр хэмээн тайлбарлаж байсан.

10 залуу зогсоогоод, 10 хүүхэн дунд Мэгүг байлгаж байгаад хамгийн хөөрхөн нь аль нь вэ гэж асуухад, бүгд Мэгү-г заахаар, тийм тун хөөрхөн царайлаг...гэхдээ....
гэхдээ сайн харахаар, ТӨВӨНХ нь....

Түүнтэй хийсэн яриа, нилээд сонирхолтой байсан тул, тэр талаараа секс.мн-тэйгээ хуваалцая гэж бодсондоо энэ бичлэгийг бичиж байна.


Мэгү-сан надтай адилхан 27 настай.

*Эмэгтэй хүнээс насыг нь асууна гэж, яасан бүдүүлэг эр вэ энэ чинь!* хэмээн инээнгээ, 27 настай гэж шивнэнгээ хэлж өгсөн юм.

27 настай гэж сонсоод нилээд гайхсан боловч... Наснаа залуу харагдсанд уу, наснаасаа хөгшин харагдсанд уу аль нь вэ гэвэл би сайн мэдэхгүй юм...

Аль ч биш байх аа..

Наснаасаа хөгшин, залуу гэдэгт биш, ердөөсөө *НАС* гэдэг юмыг санагдуулах юм байгаагүй гэвэл илүү зөв хариулт болох болов уу...  Энэ хүнд *НАС* гэдэг юм байдаг гэж төсөөлөхөд хэцүү гэх юм уу даа...

Нэг мэдсэн хоёулхнаа ярьчихсан сууж байсан, тэгээд зөндөө олон хувийн асуулт асуусан.
Түүний хувьд ч яахав, үйлчлүүлэгчид нь байнга асуудаг л асуултуудын нэг байх л даа...

Тэрээр одоо нэг залуутай хамт амьдардаг гэх.

Түүнийг тэр залуу нь *ЭРЭГТЭЙ* хүн гэж хардаг юм болов уу, эсвэл *ЭМЭГТЭЙ хүн* гэж хардаг юм болов уу, аль эсвэл тэр хоёрын дундуур нь хардаг юм болов уу хэмээн асуув.

(Мэгү, хөх хийлгэчихсэнээр барахгүй, боожгойгоо ч гэсэн авхуулчихсан гэж байсан)

Мэгү, өөрөө ч аль нь гэж найз залуу нь өөрийг нь хардаг болохыг мэдэхгүй гэж байв.

*Хүйс ер нь гэхдээ аль ч байсан хамаагүй юм биш үү?* 
Сэтгэл нь эмэгтэй.  Албан ёсоор бол эрэгтэй.  Бие нь эрэгтэй, эмэгтэй хоёрын хооронд...
Эрэгтэй, эмэгтэй, хоёрын хооронд, бүх юм өөрт нь байгаа гэх Мэгү, чимээгүйхэн инээмсэглэнгээ ингэж хариулсан юм.

Яагаад эрэгтэй хүн байхаа больсон талаар нь асуув.

Бүүр жоохон хүүхэд байхаасаа дурладаг хүмүүс нь эрэгтэй хүмүүс байсан гэх.  Гэхдээ эхэндээ энэ *сайн болох* гэдэг нь, найз болохоороо тэгж байгаа юм гэж боддог байсан аж.
Бага ангид байхдаа өөрийнхөө доторх *ЭМЭГТЭЙ ХҮН*-ийхээ талаар сайн мэддэггүй байсан боловч, дунд ангид ороод, шилжилтийн нас явагдах үед өөрчлөлт орсон юм байх.

Дунд сургуульдаа байхдаа *ХАМГИЙН ХАЙРТАЙ / САЙН* найз нь найз охинтой болсон юм байх.
Найзууд нь бүгд түүнд атаархаж байхад, Мэгү ганцаараа бусдаас жоохон өөр зүйл мэдэрсэн гэх,

Найзуудынх нь атаархал, *Ямар атаархмаар юм бэ* гэж бодогдож байгаа хүн нь тэр бандид чиглэсэн байсан бол, Мэгүгийн атаархал, тэр бандид биш, түүний найз охинд чиглэсэн байсан аж.

Найзууд нь ч, эцэг эх нь тэр бандийн талаар мэдэж чадахгүй тийм нандин зүйлийг мэдэх эрх олгогдсон түүний найз охинд.

Тэгээд тэр найз охинд нь атаархаж байгаа нь, Мэгү өөрөө тэр зүйлийг хүсэн хүлээж байсан болохоор.


Ийм байх нь *жирийн биш* зүйл гэдгийг, дунд сургуулийн сурагч ч гэсэн, Мэгү сайн мэдэж байсан гэх.  Ийм, *жирийн бус* өөрийгөө, өөрөө ч хүлээж авч чадахгүй гэдгээ ч гэсэн.

Өөрийгөө үнэхээр тийм юм уу, эсвэл үгүй юм уу гэдгийг, зөндөө олон удаа бодож тунгааж,  өөрийгөө ТИЙМ БИШ ШҮҮ ДЭЭ гэж итгүүлэх гэж оролдож үзсэн аж.

Бараг итгүүлж чадсан удаа ч байсан гэх...


*Гэхдээ, яг л одоо тарган хүн турах гэж оролдох үед, жоохон турчихаад л буцаад таргалдаг даа?  Англиар ребаунд гэдэг бил үү?  Яг тэрэн шиг, хичнээн итгэх шахлаа ч гэсэн, буцаад л өөртөө эргэлзэж эхэлдэг юм байлээ...* хэмээн тайлбарлах Мегү.

Жирийн байх гэж, найз охинтой болж үзэж.  Порно кино үзэж үзэж...
Гэвч, хүчлээд итгэх шахлаа ч гэсэн, эцсийн эцэст энэ бүхэн нь түүнийг бусдаас өөр гэдгийг батлаж л чадсанаас, жирийн гэдгээ өөртөө итгүүлж чадаагүй гэнэ...


*Хичнээн хичээгээд, болохгүй бол, ТҮҮНТЭЙГЭЭ ЭВЛЭРЭХЭЭС ӨӨР АРГА БАЙДАГГҮЙ ЮМ БАЙНА БИЛЭЭ* хэмээн тайлбарлах Мэгү.

Гэхдээ, өөрийнхөө байдлыг хүлээж авлаа гээд, ямар нэг зүйл өөрчлөгдсөн ч юм байсангүй.  Ямар нэг байдлаар бүх юм сайхан болоод үлгэр амар сайхандаа жаргасан ч юм байсангүй...

Харин, өөрийнхөө юу хүсч байгааг ИЛҮҮ ГҮНЗГИЙ, ИЛҮҮ ТОДООР мэддэг л болдог гэж тайлбарлаж байв.


*Би өөрийгөө эрэгтэй хүнд татагддаг гэдгийг, хүмүүст зарлаад явж чадахгүй л дээ... гэхдээ...хүн амьсгалдагтай яг адилхан... хүн дурладаг л юм байна билээ*

*Анх удаа хүнд хайртай гэж хэлсэнээсээ болж зодуулж байж билээ* гээд инээх Мэгү.


Зөвхөн зодуулах ч биш, элдэвээр доромжлуулсан л байх, гэхдээ энэ талаараа Мэгү юм яриагүй юм.
Үүнээс хойш, хүнд хайртай гэдгээ өөрөө эхэлж хэлж байхаа больё гэж шийдсэн Мэгү..

*Гэхдээ, би ганцаархнаа амьдралыг барах тийм зоригтой, зүрхтэй, чадалтай хүн биш байсан юм байна билээ* хэмээн тайлбарлах Мэгү.

Ганцаардлаасаа болоод, геи хүмүүсийн байдаг газар луу нилээд олон удаа очиж үзсэн гэх,
Гэхдээ, адилхан ижил хүйстэнээ сонирхдог байлаа гээд, тэр болгонд дурлана гэж байхгүй, тэгээд ижил хүйстэнээ сонирхдог байлаа гээд адилхан байх албагүй болохоор, нэг л өөрийнх нь хүсэн хүлээсэн зүйл нь тэнд байхгүй байна гэж мэдээд, нэг их очихоо больсон гэх...

*Эрэгтэй чигээрээ, эрэгтэй хүнийг хайрлаж болоогүй юм уу?* хэмээн намайг асуухад

*Эрэгтэй хүн чигээрээ хүнд хайрлуулах, эмэгтэй хүн болж хүнд хайрлуулах хоёр өөр байдаг юм* хэмээн хариулах Мэгү.

Яг юу нь ялгаатай талаар асуусан *Юм болгоныг үгээр тодорхойлж, тайлбарлая гэдэг, эрчүүдийн нэг муу зан байгаа юм.   Мэдээж юмыг, цагаан юм уу, хар юм уу гэдгийг тодорхой болгох чухал л даа... Гэхдээ саарал өнгө гэдэг юм ч гэсэн, орчлонд чухал эд шүү дээ* *Саарал өнгө яагаад чухал вэ гэдгийг, зөвхөн эмэгтэйчүүд л мэднэ! хахаха* гээд, миний асуултанд тодорхой хариулт өгөөгүй юм...

Хүнд хайрлуулмаар байна хэмээн бодох боловч, хайрлуулах боломж нь байхгүй байх хугацаанд, Мэгүд бодох хугацаа зөндөө байсан аж.  *Ийм ч биш юм, тийм ч биш юм* хэмээн бодох хоорондоо, өөртөө хамгийн таарсан хариу нь *ЗӨВХӨН ЗҮРХ СЭТГЭЛЭЭ Ч БИШ, БИЕ МАХБОДИО Ч ГЭСЭН ЭМЭГТЭЙ ХҮНД ДӨХҮҮЛьЕ* гэсэн хариулт байсан аж.

Эмэгтэй хувцас өмсөх сонирхолтойдоо өмсөж байгаа биш, нүүрээ будаж, палаж өмсдөг нь эмэгтэй хүн болохоор л өмсөж байгаа гэх.

Гэхдээ надад бол ойлгогдохгүй зүйл их л юм билээ.
Мэгү, нэг ч удаа эмэгтэй хүн байж үзээгүй.  Яг үнэндээ *ЭМЭГТЭЙ* хүн гэсэн утгаараа бусдад хайрлуулж ч үзээгүй.  Тэгсэн атлаа *ЭМЭГТЭЙ ХҮН ГЭДЭГ нь юу болох, эмэгтэй хүн яаж бусдаар хайрлуулж, яаж бусдыг хайрладаг гэдгийг мэднэ* гэх..

Миний бодлоор, түүний хэлж байгаа *ЭМЭГТЭЙ ХҮН* гэдэг нь, энэ орчлонд байдаг эмэгтэй хүн ч биш, энэ орчлонд оршин тогтнох эмэгтэй ч биш, зүгээр л тийм *ҮЛГЭРИЙН ОРНЫ* эмэгтэй хүн юм биш үү??  Түүний *ЭМЭГТЭЙ ХҮН ИЙМ БАЙХ ЁСТОЙ* гэж бодох тэр л эмэгтэй хүн.  

Аль эсвэл, түүний доторх *ЭР ХҮН*-ийх нь *МӨРӨӨДЛИЙН ЭМЭГТЭЙ* ч гэдэг юм уу...
Өөрийнхөө *Мөрөөдлийн эмэгтэй*-д өөрийгөө ойртуулах... түүндээ дөхөж очихын тулд өөрийгөө өөрчлөх....

Нэг бодлын жинхэнэ *Нарцисис* (= өөрөө өөрийгөө хайрлах) гэдэг энэ байж ч магадгүй мэт...

Цэвэрхэн цагаан, хэр баргийн залуу дурлахаар Мэгүгийн царайг харангаа би ингэж бодож байсан юм....


Мэгү-сангийн одооныхоо найз залуутайгаа танилцсан шалтгаан нь, найз залуу нь түүнийг найрсанд байх гэх.

Гэхдээ, найрахад нь, өөрийгөө нуулаа гээд ямар ч олигтой зүйл байхгүй гэж бодсон Мэгү *Би хагас эрэгтэй ш дээ* гэж тайлбарласан гэх.

Түүнийг анхнаасаа эмэгтэй гэж бодож байсан, нөгөө залуу нь тоглоом гэж бодоод итгээгүй гэх.
Угаасаа тэр үед Мэгү, аль хэзээний боожгоогоо ч авахуулаад, мөөм ч хийлгэчихсэн байсан, хальт харахад, барьж үзэхэд эмэгтэй хүн болчихсон байсан гэх. 

Өөрийгөө хагас эрэгтэй гэдгээ батлах нь хэцүү байсан Мэгү, энэ үед төвөнхөө үзээлээд *Хардаа!?  Ийм томбогор төвөнхтэй хүүхэн үзсэн үү?* гэх хариулангаа, тэр залуугийнхаа гарыг төвөнхөн дээрээ тавьсан аж.

Тэгж үзүүлсэн авч, бүрэн итгэж чадаагүй боловч *гэхдээ нэг л сонирхолтой юм биш үү?  Хамт хоолонд орьё* хэмээн уриад, тэгээд нэг их удалгүй найзалж эхэлсэн юм гэсэн.

*Саваагүй шохоорхол маягийн юм л байсан болов уу... Гэхдээ, юм гэдэг эхэндээ тийм л байдаг шүү дээ...* гэнгээ инээмсэглэх Мэгү.

*Одоо надад хайртай гэдэг болохоор, тэр л байхад хангалттай биш үү? Анхны шалтгаан нь ямар байсан ч хамаагүй*

Шохоорхол гэдэг юм, амархан гандаж гунддаг гэдгийг, Мэгү сайн мэддэг бололтой байв.

*Үүрдийн юм гэж байдаггүй шүү дээ.  Хэрвээ, чи түүнийгээ мэдэж байвал, ямар нэг юмаа алдлаа ч гэсэн, хэдий гунигтай, хэцүү ч гэсэн, түүнийхээ ард талд гарч чадна*

Тэрээр ийм маягаар л, олон зүйлийг хүлээн зөвшөөрч, олон зүйлд өөрийгөө тааруулсаар ирсэн байж ч магадгүй юм.
Зөндөө олон зүйлийг хүлээн зөвшөөрсний эцэст бий болсон түүний царай миний өмнө байв.  Бахархмаар ч юм шиг санагдсан тэр мөч.


*Ямар нэгэн зүйлд санаа чинь зовоод байгаа юм аа даа?  Хайр дурлалын талаар...* хэмээн асуух Мэгү.

Яагаад ч юм, тэр надад олон зөв зам зааж өгчих ч юм шиг санагдаад, өөрийнхөө тухай ярихыг шахсан боловч, яагаад яриагүй юм бол???

*Чи нилээд бардам залуу юм аа даа* гээд инээмсэглэх Мэгү.

Нэг мэдсэн, ажлын хүүхнүүдтэйгээ ирсэн гэдгээ ч таг мартаад Мэгү-тэй хоюулхнаа 2 цаг яриад суучихсан байв.

Дараагийн нэг дэх өдөр нь миний талаар *Окама (= Гамбууш шиг хүмүүс)-тай учир ургуулчихсан байсан* гээд яриа гарчихсан байсан талаар ярих ч хэрэггүй байх аа даа, хэхэ.