Sunday, February 27, 2011

Зиаг байз юунаас эхлэх вээ энэ чинь

Ойрын үеийн сонин сайхан?
Олигтой юм байхгүйээ...

Сүүлийн үед хагас бүтэнсайны хурдан өнгөрч байгааг.
Баасан ажаагийн төрсөн өдрийг өглөө болтол тэмдэглээд, хагассайн өдөр өдөржингөө зараа залгиж хэвтээд... орой босч Бямба авхайн төрсөн өдрийг өглөө болтол тэмдэглээд, Ням гуайн төрсөн өдрөөр өдөржингөө эсгий гутал залгиж хэвтээд...

Тэгээд л өдөр хоног чинь дуусчих юм байшд...
Өчигдөр орой, гэртээ хоол хийж идсэн юм байна.

Ойрд хоол моол хийж идэхгүй байсан, гэнэт дуршил хөдлөөд...

Тэгээд нэг иймэрхүү юм хийж идэв




Кок о ван (улаан винонд чанасан тахиан мах)
Банья Кауда (анчоби, сармисны соусанд дүрж иддэг ногоо)
Сашими (түүхий загас)
Спинач сотэ
Хясааны цагаан винонд чанасан шөл
Морнин Глоригийн сармистай хуурга

гэх мэт...

Баахан сармис хэрэглэчихсэн чинь, өнөөдөр унгас гэж хүн авахын аргагүй өмхий наачихсан...
За тэр ч бас яахав.

Өчигдөр орой тэгээд шал согтуу, блог дээрээ бичлэг хийх гэсэн, андуураад өөр хүний сэтгэгдэл рүү явуулчихсан уу? бүү мэд, алга болчихсон байлээ

Уур хүрээд байгаа юм.
Тэр сээгэс мн лүү би нэг бичлэг хийж явуулсан даа?
Юмыг ялгаж салгаж учиртай харж байя аа гээд.

Тэгсэн доод талд нь *энэ Японд байдаг Зоригоо гээд гомо залуу ямар учиртай энэ порног өмөөрөөд байна? Ер нь судалж үзэх хэрэгтэй гэж бодож байна* гэсэн сэтгэгдэл үлдээчихэж.

Хүний бичсэн юмыг ингэж ойлгож хүлээж авах чадвартай хүнтэй бол хичнээн тайлбарлаж бичээд утга байхгүй байх гэсэн утгаараа бол хаячихмаар байгаа юм.

Хамгийн уур хүрээд байгаа юм нь, энэ ингэж сэтгэгдэл үлдээсэн гар, яаж ч бодсон надтай уулзаж байсан, намайг таньдаг хүн байгаа байхгүй юу.
Санал нийлэхгүй байгаа бол яагаад, ямар учиртай юу гэж бодож байна вэ гэдгээ бичих л хэрэгтэй биз дээ?
Шүүмжилж болно, шууд над руу мэйл бичсэн ч гэсэн болно шүү дээ. Зүгээр ямар ч ач холбогдолгүйгээр ингэж байхаар.

Миний энэ *манайхан юмыг ялгаж салгаж харж сураачээ* гэж бичээд байгааг, огт тэр утгаар нь хүмүүс уншиж ойлгохгүй байгааг нь би бас гайхаад байгаа юм.

Тэр порно хүнд таалагдах уу үгүй юу гэдэг чинь огт тусдаа асуудал. Зарим нь уурлаж болно, зарим нь тоохгүй байж болно. Энэ чинь тухайн хүний үзэл бодол. Хүн хүн өөр байгаа, энэ асуудалд угаасаа *зөв хариулт* байхгүй нь ойлгомжтой.

Гэхдээ бусдын үзэл бодол гэдэг юмыг ялгаж салгаад сонсож сурмаар юм шиг.
Санал нийлэх албагүй шүү дээ. Зүгээр гэхдээ *энэ хүн яагаад ингэж бодож байна. Ямар логикоор ийм дүгнэлтэнд хүрч байна* гэдгийг нь ойлгочихоод, тэгээд санал нийлэхгүй зүйлээ санал нийлэхгүй гэдгээр нь хэлэх, шүүмжлэхэд хангалттай мэт.

Тэгэхгүй, учиргүй өөрсдийнхөө үзлийг тулгах гэсэндээ хүний бодоогүй зүйл санаанаасаа зохиогоод давхицгаачих юм...
Бараг энэ чигээрээ бол намайг урвагч, Японы тагнуул энэ тэр болгоод давхичих шинжтэй шүү??
1930-аад оны хэлмэгдүүлэлтийн сэтгэхүйгээсээ огт дэвшилт гараагүй л хүмүүс байна даа гэж бодогдсон.

Хөгжилтэй...

За за, иймэрхүү хүмүүстэй ярилцаад ч ойлголцохгүй юм шиг байгаа юм, ингэсгээд хаяхаас.

Monday, February 21, 2011

blah blah blah

seeges mn luu ingeed yavuulchlaa, kkk

Бөхтэй порногийн талаар хэдэн үг

Сүүлийн үед энэ бөхтэй порногийн талаар бөөн юм болж байх шиг байна аа.
Зурагтаар, мэдээгээр хүртэл гаргаад.
С1-ээр нь хүүхэд зурагт үздэг цагаар, порно киног *Энэ муу Япончууд даварч байна, модон тавчикнаас илүү гарах соёл ч байхгүй муусайн юмнууд, Монголчууд эд нарыг дарж ч ирсэн, дарсаар ч байх болно* энэ тэр гэж *АСУУДАЛ ДЭВШҮҮЛСЭН* байдлаар гаргаад л, бөхийн холбоо нь *Японы элчин сайдын яам, уучлалт гуй! Мөнгө нэхнэ* гэж мэдэгдэл гаргасан гэнэ гээд л.

Мэдээж, өөрийнх нь хүндэлж явдаг зүйлийг, өөрийнх нь дургүй зүйл (порно, гомо гэх мэт)-тэй холиод гаргачихаж байхаар шуугилдах нь аргагүй л байх л даа. Надад ч нэг их аятайхан бол санагдаагүй.

Гэхдээ манайхан юмыг жоохон ялгаж салгаж харж сурмаар юм шиг.
Учир зүггүй л *Муусайн Япончууд* гээд л хоморголоод давхичих юм.


За энэ киног, өөр жишээгээр тайлбарлах гээд үзье л дээ.

Монголчуудын хувьд, мөр, толгой маш дээд, чухал зүйл гэдэг бөгөөд, мөр толгойдоо хүнээр хүргүүлэх дургүй байдаг. Тэрнийг мэдээж гадаад хүн бол мэдэхгүй. Найзархаг загнаад мөр, толгойд нь хүрчих тохиолдол байна.

Ийм тохиолдолд жирийн хүн бол яах уу? *Наадах чинь манай ёс заншилаар болдоггүй эд юм аа. Дахиж битгий ингээрэй* гэж сануулна. Дахиад хүрчлээ гэж бодьё. Мартаад ч байг, албаар ч байг... Тэр тохиолдолд жирийн хүн бол тухайн хүндээ уурлана, уучлал гуйхыг шаардах байх. Мэдээж өөрөөс нь.

Харин, *Та нар муусайн Оросууд / Америкууд / Японууд, Дэлхийн хагасыг эзэлсэн манай Монгол үндэстний ёс заншилыг албаар доромжиллоо. Бид нарыг хүчирхэг байсан болохоор нь албаар ингэж байгаа юм. Элчин сайдын яамнаасаа уучлалт гуйлга* гэж ирээд улс төржүүлээд унахгүй л болов уу.

Үүнтэй адилханаар, тэр видео хийсэн компани луу нь дургүй хүрсэн хүмүүс нь шууд холбоо бариад, уучлалт гуйлгуулаад, интернет дээрээс арилгуулаад авахад бол амархан шүү дээ?

Тэгтэл учир зүггүй *хакерд* гэж ирээд л бусдын гараар могой бариулах гэсэн хүмүүс. Хакердах гэдэг чинь өөрөө гэмт хэрэг шүү дээ.
Японы элчин лүү хандлаа л гэх юм. Бараг элчингээс нь мөнгө нэхэх гээд байгаа юм биш үү? Нэг Монгол компани, Монголд Япончуудыг доромжилсон юм хийлээ гэе. Тэглээ гээд Японд байгаа Монголын элчин сайдын яам тэрэнд хариу барих уу гэвэл үгүй л байхгүй юу... Мөнгө өгнө гэвэл бүр хуц биз дээ??
Яахаараа шууд өөрсөдтэй нь ярьж болдоггүй юм бол? Яахаараа юм л бол мөнгө мөнгө гэдэг юм бол???

Тэр компани нь аль хэзээний *Бидэнд хэн нэгнийг доромжлох санаа бол байхгүй. Зүгээр л Монгол бөхчүүд их сээгсий юм гэж бодсондоо ингэж хийсэн юм. Xэрвээ та нарт эвгүй санагдаад, хүсэлт тавивал арилгаж болж байна* гээд хариу өгчихсөн байхад шүү??

За тэгээд доромжиллоо гэж шуугилдахын талаар.
Энэ кино бөх байсан нь болж дээ. Хэрвээ нөгөө архины шошгон дээр хүртэл байдаг Чингис хаанаар нь ийм кино хийчихсэн бол дайн дэгдээх нь л дээ.
Угаасаа порно кинонд бол иймэрхүү зүйл зөндөө байдаг.

Монголд хамгийн сайн мэддэгээс нь эхлэхэд л, Оросын хатан хаан Екетарина азаргатай шаалцдаг кино гээд л яриад л байдаг байсан биз дээ? Эсвэл, Распутинаар сэдэвлэсэн порно ч юм уу. Тэглээ гээд оросууд учир зүггүй Германуудыг *Манай орос орныг доромжиллоо* гээд шуугилдаад унадаггүй л байх.
Тэр тусмаа, олон нийтийн телевизээрээ, хүүхэд нялхас үзэх цагаар порно киног үзүүлээд байдаггүй л байх!!!!

Манайхан л гэж нэг л их эмзэг хүмүүс. За энэ бөхтэй кино ч дүүрч, порно байсан нь хохь нь, гомо байсан нь хохь нь, угаасаа өмөөрөх хүн гарч ирэхгүй.

За тэгвэл өөр киногоор жишээ авахад, тэр Бодровын *Монгол* гээд кино байна, эсвэл Төрмөнхийн *Нохойн Орон* гээд кино байна.
Гарангуут нь л *Манай эзэн Чингисийг доромжиллоо*, *Манай Монголын түүхийг гуйвууллаа* гэж ирээд л гомдоллоод эхэлсэн биз дээ? Эсвэл *Манай Монголын сайхан орныг Нохойн Орон гэж гутаалаа* гэж ирээд л.

Угаасаа дэлхий даяар ямар нэг зүйлийн талаар буруу ухагдахуунтайгаар, эсвэл өөрийнхөө хүлээж авч байгаагаараа зөндөө л кино хийдэг.

Энэ дээдэх маягаар бол, Тарантиногийн *Инглориус Бастардс* энэ тэр бол түүхийг гуйвуулсан, Германыг доромжилсон кино болох юм байна л даа? Гэх мэтээр, угаасаа жишээ дурдвал дуусахгүй.

Явж явж, эзэн Чингисийн талаар бидний мэдэх түүх үнэн ч юм уу, худлаа ч юм уу мэдэхгүй юм байж л донгосов гэдэгчлэн.

Эх оронч үзэл гэж ийм юмыг хэлдэггүй л байхгүй юу.
Тэр тусмаа бусдыг үгүйсгэсэн байдлаар өөрсдийгөө мундаг гэж бодох бол бүүр утгагүй асуудал.

Би ч гэсэн багадаа, олон улсын хүмүүсийг уурлуулж л байлаа.
Америкуудыг *Танай муу улс, хэдхэн зууны түүхтэй улсыг ямар юмных нь үндэстэн гэдэг юм* гэдэг ч юм уу, Швецаруудыг *өөрийн гэсэн хэл усгүй улсыг ямар юмных нь үндэстэн гэдэг юм* гэдэг ч юм уу... Орос, Японуудыг модон шаахайтай гэж доромжилдог ч юм уу...

Эцсийн эцэст, өөрсдөд нь бахархах юм нь бага болохоороо л (Чингис, дэлхийн талыг эзэлсэн гэсэн 2хон юмнаас өөр бахархах зүйлээ олж харж чадахаа больчихсон) бусад руу хадардаг байхгүй юу.

Америкууд, тугаараа труски хийж өмслөө гээд эх оронч биш болчихгүйтэй адилхан, юмыг наанатай цаанатай, хэлбэрдсэн биш агуулгаар нь ойлгож сурмаар юм шиг.


Тийм л их бөхөө хүндэлдэг юм бол, ийм юман дээр шалчиг шалчиг гэж байхаар, бага сургуулийн биеийн тамирын хичээл дээр нь бөх барилдах, морь унахыг заадаг болчихоод, дараад нь ярьж баймаар юм шиг.

Залуу үе нь өөрийнхөө үндэсний спорт, урлаг, хэл, ёс заншилынхаа талаар огт мэдлэггүй, зүгээр хийрхэхээс өөр чадваргүй болсон одооны боловсролын систем нь жинхэнэ утгаараа Монголд хор хөнөөлтэй болохоос, нэг муу порно киноны хор хөнөөл гэж юу л байв гэж.

Харин ч хүмүүсийн сонирхол татаж чадаж байвал, шүүмлүүлсэн ч гэсэн хүмүүсийн эх оронч сэтгэлийг асааж чадаж байвал энэ кино харин ч үүргээ 150% биелүүлж чадсан юм биш үү? Тэр нь бидний гараар биш, нөгөө муу модон тавчиктай Япончуудын гараар шүү??


За за үг олдож үхэр холдлоо, гарч аль дайралдсан Япон, Гомо хоёроор гарын загатнаагаа гаргая байз, ядаж байхад л зугаатай


Tuesday, February 15, 2011

Patatepatata - porno kino nairuulagch???

Өнөөдөр лаг томоотой, ажилаа хийгээд сууж байсан, Баябага дарга утасдаж байна....


*Чамайг тэр Монгол бөхийн өмсгөлтэй порно киног авсан гээд Монголд зурагтаар гарч байна гэнэ* гээд....

За, яг ш дээ, тийм лаг юм юу байдаг юм гэсэн *Чи тэр Вимо дээр ороод хар, тэгээд биччихсэн байлээ* гэнэ ээ...

Гайхах ч шиг, жаахан айх ч шиг, тэгээд ороод харсан чинь
*По ажаа, чи тэр киног хийсэн юм уу? Монголд С1 сувгаар гарч байна* гэсэн бичлэг байна.


Арай ч дээ, тийм алдартай юм гэж юу байдаг юм, хүмүүс нээрээ сайхан цуурна аа ухааны юм ярьж байсан, Ю Тьюб дээр тавьсан бичлэгийг нь олж тавьж өгсөн сайн хүн байв.

Үзсэн, энэ порног анх үзэж байсанаас нэг их дутахааргүй инээдтэй ч санагдах шиг...

Манайхан нээрээ сайхан туйлширч, сайхан улс төржнө өө.
Нэг муу порног ёстой сайхан өөд нь татаж байх шиг байгаамаа....

За энэ нэвтрүүлэг дээрх хүнд хүнд серифүүдийг хэлээд ч юу гэхэв...кэкэкэ

*Өвс ногоо мод шороотой, Монгол гэмээр орчин* <---- Өвс ногоо, мод шороотой л бол Монгол? ккк
*Энэ 2-ыг Монголын 10 настай хүүхэд элэглээд хаячихна*
*Бичлэг хийх гэж бодсон юм шиг байгаа юм, Монгол шиг төрхтэй бүдүүн мүдүүн*<--- Монголчуудыгаа бүдүүн гэж доромжлоод байна уу? ккк
*Энийг үзсэн гадаадын иргэд бол Монгол бөхчүүд дандаа гомо байдаг гэж ойлгохоор*
*Энэ гомо нарыг харахаар бас нэг Монгол төрхтэй, бүдүүн мүдүүн тэ?* <--- Монголчуудыг бүдүүн гэж доромжлоод байна уу?? кк
*Энийг бол одоо өмсгөл мөмсгөлтэй нь тэ?, тэгээд ядаж байхад гомо нар хурьцал үйлдэж доромжлоод*
*Энэ яаж мэдэхэв дээ, энэ муу будааны хүүхдүүд, Малгай залгай байтугай.... Нэг модон тавчиктай, нэг тийм л нөхдүүд шдээ, Япончууд гэж*
*МОнголчууд Сумог нь дэлхийд таниулж, дэлхийн нийтийн болгож байхад*
*Сонгосон хүмүүс нь нэг Монгол төрхтэй, бүдүүндүү* <-----Хэд дахин хэлж байна вэ...
*Жижиг мафи, якузанар бухимдаад тэсэхээ болихдоо аргаа бараад, балиар юм хийгээд*<--- Монголчуудад бухимдахдаа гэсэн гэсэн....
*Монгол хакерууд бүх газар луу орж бичлэгүүдийг нь устгана уу гэж уриалж байна*

*Монгол залуус сумогийн дэвжээн дээр ноёрхчихсон байгаа, энэний бухимдлыг дэлхий даяар ийм маягаар түгээх гэж байна уу даа гэж бодож байна*
*Япончуудыг манай Монголчууд үеийн үед дарж ирсэн, дарсаар ч байх болно*

За үг бүрийг нь ёжлоё гэхээр арай л барахгүй юм, кэкэкэ.

Гэхдээ Гэй Монголиа, энэ порног тавьсан нь жоохон эртэдсэн байж магадгүй л юм.
Угаасаа иймэрхүү маягаар хүлээж авах хүн олон гэдэг нь ойлгомжтой шүү дээ...

За за нэг тиймэрхүү нэг иймэрхүү.

Энэ нэвтрүүлгээс болоод зүгээр явж байгаа Японууд, зүгээр явж байгаа гомонуудыг хүн амьтан битгий дарамтлаад эхлээсэй л гэж хүсэх байна.

Wednesday, February 09, 2011

Монгол ген, Монгол хромосом, Монгол иргэншил



Ойрд зав муутай, залхуу ихтэй, заа тэгээд юм бичих онгон монгон онгод монгод нь орж ирэхгүй их л чимээгүй байлаа.

Вимог харж байсан, манайхан баахан эх оронч юм ярьцгаасан байв.
Би л муугаараа тийм ярианаас нь дандаа хоцорч таараад...

Санаанд үлдсэн зүйл 3 байв.

1. Монгол ген, дэлхийд хэддүгээрт орох ген вэ? Хаанахтай холилдвол хамгийн мундаг гентэй болох вэ?
2. Хон Хэрээдийн Энхбатын бичсэн зүйлийг унших хэрэгтэй юу үгүй юу?
3. Германы иргэн болох гэсэн юм яах уу?

Хүмүүсийн сэтгэгдэл их сонирхолтой санагдав.

Ингээд юу ч болсон эхнээс нь өөрийнхөө саналыг бичвэл.

1/ Тэр нэг тэнэг *Дэлхийн хамгийн күүл үндэстэн хаанах вэ?* гээд нэвтрүүлэг гарсанаас хойш хүмүүс иймэрхүү асуудлуудыг их сонирхоод шуураад байх шиг байгаа юм... Мэдээж өөрсдийгөө дэлхийд хаагуур тэнэж явдагийг сонирхох нь ойлгомжтой л доо. Гэхдээ тэр харах өнцөг нь нэг л тийм приматив юм шиг санагдав...

Юу вээ гэхээр, *Боловсролын түвшин, орлогын хэмжээ, Нобелийн шагнал, Бичиг гаргалт* гэх мэтийн обьективны зүйлээр харах бол нэг өөр... Зүгээр л *шилмэл гентэй* гэж харах бас нэг өөр мэт.
20-р зууны эхэн хүртэл байсан, *Ари сайн, Еврэй муу* гэдэг Гитлерийн үзэл мүзэл ч юм уу, эсвэл зүгээр л *Тэнгэрийн гаралтай цагаан арьстан* гэдэг үзлээс нэг их ялгаагүй, тийм ч утгаараа тэр Даяар Монголын хэлээд байгаа зүйлстэй нэг их ялгаагүй юм шиг. Монгол цус мундаг, ариун бла бла бла гээд.

Эцсийн эцэст, *мундаг ген* гэж ямар тодорхойлолттой нь ойлгомжгүй...
Хэрвээ өндөр бие, өндөр Ай Кюу ч юм уу, арилжааны авьяас ч юм уу, тийм зүйлийг хэлээд байгаа бол.. Манай Монголчууд чинь дуун дээрээ хүртэл өөрсдийгөө *Намхан нуруутай, Навтгар Хамартай* гээд дуулаад байдаг биз дээ? ккк

Тэгээд, хэрвээ судалмаар байвал, өөрийнхөө генийг янз бүрийн үндэстэнтэй хольж олон хүүхэд гаргаад, хооронд нь харьцуулаад судалгаа хийхэд ч болохгүй зүйлгүй мэт, ккк

Өндөр хүүхэдтэй болмоор байвал Скандинав, том боожгоотой хүүхэд бол Африк, арилжаандаа сайн (гентэй байх магадлалтай / энэ нь генийн түвшинд үүсдэг эд бол) бол Хужаа эсвэл Евреи гээд л унтаад үзэхгүй юу тэ? *Олон улсын янхан* гэдэг хоч авч, Даяар Монголд үсээ хусуулчихгүй л бол...


Ядаж байхад тэр Күүлэст Нэйшн гэдэгийн коммент нь, яаж ч бодсон комплимент (магтаал) гэж бодогдохгүй байгаа юм... Дэлхийн хамгийн күүл залуу бол Чингачкук гэдэгтэй агаар нэг мэт...

2. Хон Хэрэйдийн Энхбатын бичсэн юмыг унших ч хэрэг байхгүй, муу үр дүнтэй гэсэн үзэл... Манайхны дунд яваад байдаг нэг сонирхолтой *уруу татагдана* гэсэн үзэл байх шиг байгаа юм.
Өөрсдийгөө нэг бодлын үнэн доош нь хийчихсэн юм шиг... Юмыг тунгаан бодох чадвартай бол тэгж амархан *уруу татагдаад* давхчихмааргүй л юм. Санаа нийлэхгүй байсан ч гэсэн, бусад хүн яагаад, ямар үндэслэлээр ингэж бодож байна вэ гэдгийг мэдэхгүйгээр тухайн хүмүүстэй нэг тавцан дээрээс юм ярилцаж ч чадахгүй мэт. Харилцан бие биеэ *нөгөө хүмүүс яагаад ингэж бодож байна* гэдгийг мэдэхгүйгээр, хүлээн зөвшөөрөхгүйгээр үгүйсгээд давхичихвал хэзээ ч ойлголцохгүй мэт...
За тэгээд яг эсрэг утгаараа Даяар Монголынхноосоо нэг их ялгаагүй болох юм шиг ээ..
*Хятад = муу* гэсэн ойлголт байхаас, яагаад муу болох, ямар шинж чанартай хүмүүс болох талаар ойлголтгүйгээр зүгээр л үгүйсгээд байдагтай яг адилхан...

Шүүмжлэх бол ядаж л дотор нь ороод үзчихээд, юу бодож яадаг ийдэгийг нь мэдчихээд, түүн дээрээ өөрийн үзлээ нэмэрлэж хачирлаж байгаад шүүмжлэх хэрэгтэй гэж бодогдоод байгаа юм

3. Иргэншилийн асуудал... Хүн угаасаа хаана амьдарч ямар улсын иргэншилтэй байх нь тухайн хүний өөрийн асуудал л даа. Гэхдээ хараад байхад, нэг муу цаасан дээрх бичиг төдийхөн хирнээ, энэ их хүчтэй нөлөөтэй юм шиг байгаа юм.
1-р үе дээрээ ч яахав, *Би Монгол хүн, Монгол сэтгэхүйтэй, Монголдоо буцаж очиж чадна гэж бодох байх л даа. Үр хүүхэддээ ч гэсэн Монгол хэлээ заах байх. 2-р үе, 3-р үе дээрээ юу болох вэ гэдгийг тэр Бразилийн Японууд, Америкийн Солонгосууд/ Японууд, тэр бүү хэл Америкийн Ирланд, Италиудыг харахад ойлгомжтой мэт.

Энд цусны яс үндэс, сэтгэхүй / нийгэмшлийн яс үндэс гээд 2 том, шал өөр юм яваад байх шиг байгаа юм. Мэдээж эцсийн хариу байхгүй, хүн хүний бодол өөр байх л даа.
Гэхдээ л, миний бодлоор, Монголоороо ярьж чадахгүй, Монгол соёлоо мэдэхгүй, хамгийн гол нь өөрийгөө Монгол гэж боддоггүй Монгол цустай хүнээс, Монголд төрж өсөөд, шар ч гэсэн өөрийгөө Монгол гэж боддог Местны Орос нь хамаагүй Монгол мэт санагдаад байдаг юм.
Тэгээд ч хэрвээ цусаар тооцно гэвэл, хэдэн хувь хүртэл Монгол цусыг Монгол гэх вэ (эрлийз хүүхэд бол хаанах болох вэ?) гээд тодорхойлолтын асуудал хэцүү болохоос гадна, хэтэрхий хадуурвал тэр дэлхий дээр хэдэн саяараа байдаг *Чингисийн гентэй* гэгдэх хүмүүс бүгд Монгол болох магадлал хүртэл байгаа мэт...

Гэхдээ ер нь бол үндэстэн хүчирхэг үедээ *нийгэмшил / соёл*-оор нь тодорхойлох *үндэстэн* үзэл хүчтэй байдаг бол, сул доройтохоороо *цус*-аар нь тодорхойлох *үндэстэн*-ий үзэл их болдог ч юм шиг...


За за баахан дэмий нуршчихлаа....

Дээрээс нь давслаад нэг асуулт / ажиглалт.
Хараад байхад, Манай Монгол эрчүүд / Япон хүүхнүүд бол гайгүй таарамжтай, эсрэгээрээ Япон эрчүүд / Монгол хүүхнүүд таарамж муутай байдаг юм шиг санагддаг, та нар юу гэж бодож байна.
Мэдээж хүн хүн өөр л дөө, гэхдээ нийтлэг байдалаар харвал...

Монгол хүүхнүүдийн талаар Япон эрчүүдийн нийтлэг бодол: Хэт биеэ даасан, зөрүүд, зодуулчихаж магадгүй, том биетэй, бакь, эршүүд, хав хув хам хум (ки га цуёой)

Япон эрчүүдийн талаарх Монгол хүүхнүүдийн нийтлэг бодол: Эр юм уу эм юм уу? туниагүй, танхиагүй, маамьгүй, шалчигнасан, жон жон гэсэн, маягтай

Монгол залуучуудын талаар Япон хүүхнүүдийн нийтлэг төсөөлөл: Эршүүд, эр хүн шиг, хөрслөг бор, шөрмөслөг, дуу цөөтэй, ичимхий хирнээ хэрэгтэй үед намайг хамгаалах юм шиг / яг яс юман дээрээ лаг чичирч дайрдаг

Япон хүүхнүүдийн талаарх Монгол залуучуудын нийтлэг төсөөлөл: Жижигхэн, туньхан, хойноос эргүүлж гүйдэг, дуу цөөтэй, гэрийн ажилдаа сайн, гэвтэрийн ажилдаа ч сайн (жижигхэн биетэй болохоор юм хум нь ч гэсэн бариу жижигхэн байдаг байх гэж манай нэг найз яриад байсан) бла бла бла

Tuesday, February 01, 2011

Yapony zuragtaar....

seegsii!!