Oguullegiin urgeljlel

Ёоноо, энэ хүмүүс чинь ямар аймаар ормаанчик юм бээ? кэкэ.



Барьж идэх нь энэ чинь (Нүүр нь баяссан шинжтэй хирнээ наанаа муухай аашлав...)






Орчуулж эхэлсэнээ, дэндүү урт болохоор нь дундаасаа жоохон залхуу хүрээд сууж байна, кэкэ.






Ажил ихэсчихсэн... Гэхдээ орой болохоор гайгүй цаг гарч байгаа болохоор, хариад хийх юм олдохгүй юм чинь бага багаар орчуулахаас одоо.... (Үнэрхэн байж эхлэв, кэкэ. Цүндэрэ гэдэг юм ийм хүмүүсийг... Наанаа муухай аашилсан хирнээ, цаанаа үнэн дуртай, кэкэ)



-----------------------------------------------------------



Томотой зай барьж эхэлсэнээс хойш хоёр сар орчим...

Энэ өдрийг би сайн санадаг юм. 5 сарын 31-ний өдөр.



Гэнэт Томо утсаар ярив..



*Өнөөдөр завтай юу?*



*Ан, жоохон зав муутай...* би нөгөө л бултдагаараа бултахаар өгүүлэв.



*Жоохон цаг гаргачих*

Уг нь нэг их шахаад хүчлээд байдаггүй Томо энэ өдөр юу болсон юм, нилээд хүчлэн өгүүлэв.



*Хэдэд тарахаа ч мэдэхгүй, оройтох болохоор дараа больёо*



*Хэд ч байсан хамаагүй. Нөгөө хүлээж байдаг газраа хүлээж байя*



Ингэж хэлээд бараг хүчээр шахуу Томо утсаа таслав.





.... Гэнэт, тэгээд нилээд хүчээр шахуу утасдсанд нь жоохон гайхахын зэрэгцээ, Томод ямар нэг юм болсон юм байхдаа хэмээн жоохон санаа зовов.



Тэр өдрийн орой.

Шөнийн 12 дөхөж байхад, Томо намайг байнга машинтай ирж авдаг байсан газраа хүлээгээд байж байлаа.



*Оройтчихлоо, соорий*

*Ан, зүгээр зүгээр... Би хүчээр шахуу чамайг дуудсан болохоор...* нэг л биеэ барьсан байдалтайгаар Томо өгүүлэв.





Машин дотор нь ороод суусан ч нэг л тийм, яахаа мэдэхгүй тийм уур амьсгал...



*Юу болоов?*... жоохон сэтгэл зовонгоо асуув.



*Ан....* тамхи асаангаа наашаа харах Томо.. гэвч юу ч хэлсэнгүй..



Би ч энэнээс илүү асууж шалгаагаад яахав гэж бодоод ФМ асаав.



*Ойрд уулзсангүй шүү* хэмээн чимээгүйн дундаас бага зэрэг инээмхийлэнгээ өгүүлэх Томо.



*Ан.. Удаан уулзсангүй гэж, 2 сар орчим л биз дээ?...*





Яг үнэндээ надад 2 сараас хамаагүй удаан санагдаж байсан юм. Яг л элсэн цаг тавьчихаад ажиглан суух шиг...



Уг нь бол өдөр бүр л уулзмаар байсан юм...

Өдөр бүр өөрийгөө хүчлэн дарж байсан тэр л мэдрэмж... Томогийн машин доторх тамхины үнэр... үүнийг мэдрээд л дороо буцаж сэрэхэд бэлэн байлаа...



*Аллерги гайгүй болсон юм уу?*



*Ан... контакт зүүж байгаа юм....*





Яриа минь ингэсгээд дахиад зогоод, дахиад л анир чимээгүй машин доторхыг эзэмдэв.





*Би, юу...*



Томо, машины үрүүлийг тэврэнгээ удаанаар ярьж эхлэв...





*Би, юу... чамтай уулзахгүй байх хугацаандаа нилээд удаан бодлоо л доо... Олон юм...*



*Ммм...* Томогийн яриаг таслахгүйн тулд би толгой дохив.



Томо үргэлжлүүллээ,,

*Уулзаж өгөхгүй эхний үед, үнэхээр чамайг завгүй юм байх гэж бодож байлаа л даа... Тэгээд, долоо хоног, хоёр долоо хоног болоход бодогдох боллоо л доо... Арай надаас болсон юм биш байгаа даа гэж... Тэгээд, тэр Сакуратай өдөр миний хэлсэн үгнээс болсон юм биш байгаа даа гэж...

Тэр өдөр миний хэлсэн үг, үнэн сэтгэлээсээ хэлсэн үг байсан, тэгээд ч тэгж хэлье гэж бодож хэлсэн үг байсан юм л даа...*



*Чамайг надад сайн юм болов уу гэж таамаглаад, бага багаар тийм юм байна даа гэж мэдрээд... тэгээд яахаа мэдэхгүй байсан юм л даа... Яадаг юм билээ гэх юм уу даа? Тэгээд, тэр өдөр асуусаныхаа дараа чиний байгаа байдлаас үнэхээр тийм байсан юм байна гэж баттай бодоод, тэгээд чамд хэлсэн юм,,, *



Энэ үгээ дахиж хэлэх гэж намайг дуудаж ирээд уулзсан юм байх даа? Томогийн яриаг сонсонгоо миний дотор шархираад явчихав.



*Гэхдээ, чамд тэр үгийг хэлэнгүүт, чамайг надтай холбоо барихгүй алга болчихно гэж ердөө бодоогүй байлаа... Сайндаа л эхэндээ жоохон эвгүй байх байх... Гэхдээ тэгээд яваандаа буцаад хуучнаараа л, байсан хэвэндээ орох болов уу л гэж бодож байлаа л даа... Дэндүү дураараа тэ...*



Би Томогоос нүүрээ буруулан цонх руу харав...



*Тэгээд, гэнэт чамайг уулзахаа больчихсонд хамгийн их шоконд орсон нь би байлаа... Бүтэн жил гаран, өдөр болгон шахуу уулздаг байсан атал, гэнэт нэг том нүх гарчихсан юм шиг...*



*Тэгээд... жишээ нь дурлалын тухай дуу ч юм уу сонсохоор, чамайг гомдоосо ч гэдэг юм уу, тийм юм хамгийн түрүүнд санаанд ордог ч юм уу......



Чамайг надад дурласан байх гэж анх анзаарч эхлэхдээ яахаа мэдэхгүй байсан н; үнэн ч гэсэн... үнэхээр чамайг өөрөөсөө холдуулах нь дээр байсан бол, *азны юм, шаврын хаалт холдлоо* гээд бусад хүнтэй нийлэхэд болно шүү дээ.. Гэхдээ бусад найзуудтайгаа нийлэхээр нэг л сонирхолгүй... нэг л хоосон оргиод...



*анхан...* хэмээн хариулахдаа би юуны тухай яриа болоод байгааг сайн мэдэхээ ч болив...





*Тэгээд удаан бодлоо л доо... Тэгээд бодох тусам санаанд орж байгаа юм нь чиний уйлж байсан царай, уурласан царай, бүтэхгүй юм сэдсэн үеийн царай... тэгээд хамгийн ихээр санаанд орж байсан нь чиний инээсэн царай... Улам бүр сэтгэл дотор орон зай нь ихсээд л... Тэгээд бодлоо л доо.. Чи миний хувьд эмэгтэй хүүхэд юм байна шүү дээ.. Тийм болохоор миний сэтгэл чамруу зүглээд байгаа юм байна гэж...

Тийм болохоор, чамтай хамтдаа баймаар байна... Энэ бол, эрэгтэй хүүхэд эмэгтэй хүүхдэд сайн болдог яг л тэр сэтгэл шүү...*





Би учраа олохоо байв... Энэ үгс надад биш, хэн нэгэн өөр хүнд хэлж байгаа үгс шиг... гэхдээ нэг л тийм үзэсгэлэнтэй үгс шиг сонсогдож байв...



* Уваа... Би одоо ямар учир нь олдохгүй юм яриад байна аа... Солиотой хүн шиг сонсогдож байна уу... Гэхдээ солиотой хүн шиг сонсогдсон ч гэсэн хамаа алга! Би өөрөө л болж байвал* Томо учиргүй сандарч, ичингүйрсэн байдалтайгаар ингэж хэлсэнийхээ дараа наашаа харсанаа *Би чамд сайн юм байна аа..* гэв





Би энэ үдшийг мартахгүй...



Хайртай хүндээ хайрлуулах гэдэг ямар их том учрал гээч...



Миний дотор бүх юм гэнэтийн, хөл алдмаар байсан боловч, би тайванаар Томогоос асуув



*Гэхдээ наадах чинь, сайн найзыгаа ойрд уулзахгүй болохоор ганцаардсандаа биш үү...*



Томо миний үгийг гүйцээлгүйгээр, толгойгоо сэгсрээд хэлэв

*Үгүй дээ.. Би наадах талаар чинь зөндөө бодож үзсэн. Гэхдээ тийм сэтгэл биш юм билээ. Би чамайг, эрэгтэй хүүхэд эмэгтэй хүүхдэд сайн болдог, тийм байдлаар сайн юм!! Чи миний хувьд бол сайн болсон эмэгтэй хүүхэд. Эрэгтэй эмэгтэй нь ч хамаа байхгүй!! Би чамд, чи болохоор чинь хайртай!!!



Гээд... xэдэн удаа, хайртай сайн гэж хэлүүлэх гээд байгаа юм бэ!!!*



Томог ингэж хэлээд бид хоёр чангаар инээлдэв... Урьд өмнөхөөсөө огт ялгаагүйгээр.





Ингэж хэлсэний дараа цагийн зүү 12 цаг өнгөрсөнийг илэрхийлэв. 6 сарын 1н.



*Ингэхэд чи надад хайртай гэж хэлсэн чинь, 5 сарын 31 болж байгаа юм уу? 6 сарын 1н болж байгаа юм уу?* би шоолон байж асуув



*Ан, аль аль нь! Жил болгоны 5 сарын 31, 6 сарын нэгнийг *Би чамд хайртай гэж хэлсэн өдөр* болгоод тэмдэглэж байя!! * хэмээн Томо өгүүлэв..



*Нэр өгөх гэж алчих юм байна л даа*



*2 сар уулзаагүй байсанаа, сая чамайг наашаа алхаж байгааг чинь хараад би ямар баяртай байсан гээч... Би чамд зөндөө сайн юм байна гэдгээ мэдсэн*



*Хэдэн удаа сайн, хайртай гэх гээд байна аа?* гэж би шоолоод чангаар инээлээ.. бас бага зэрэг уйллаа... Амьдралдаа анх удаа баярласандаа уйлж үзэж байгаа минь энэ...



--------------------



Бид хоёр анх удаа үнсэлцсэн минь энэ өдрөөс хойш 2 долоо хоногийн дараа...



Томогийн гэрт хичээлээ пялчихаад хамтдаа байж байв. Би Томогийн хажууд ном уншаад хэвтэж байлаа.



*Өлсөж байна шүү..* гээд Томо тамхиа унтраагаад босоод суув.



*Дөнгөж сая идээгүй билүү?* гээд намайг асуухад



*Ан.. гэхдээ л жоохон..* гээд булзааруулсан шиг өгүүлэх Томо.



*За тэгвэл нэг юм идэх үү?* гээд босч суух гэтэл нүүрний урд тал харанхуйлаад Томогийн царай нэг харагдав уу гэж бодогдсон, уруул дээрээ үнсүүлсэн байв...



Хормын төдийгийн хооронд... Тамхины амт амтагдах шиг болсоноо, Томо биеэ холдуулангаа * Үнсчихлээ!!!* хэмээн бага ангийн хүүхэд шиг ичингүйрсэн байдалтай өгүүлэв...



*А, гэнэдчихлээ...!* хэмээн намайг хэлэхэд



*Гэнэдүүлчихлээ гэж.. дургүй байсан юм уу?* хэмээн Томо асуув



*Дургүй ч биш л дээ.. Гэхдээ үнсэх юм бол арай романтик байдлаар үнсэж болно доо.. А.. одоо намайг үнсэх гэж байна, үнсэх гэж байна, үнсэх гэж байна, үнсүүлчлээ!! гэж мэдэгдэхээр гэх юм уу...*



*Ан... нээрээ тийм л дээ.. Гэхдээ гэнэт үнссэн нь ичиж барихгүй байх гэж бодсон юм... Тэгсэн, үгүй байна... нүүр улайгаад сонин болчлоо*



Хоюулаа инээгээд, дахиж үнсэлцэв...





--------------------------------

Энэ хэсгээсээ хойш нэг хэсэгтээ хайртай дуртай, хамтдаа жаргалтай гэсэн маягийн бичлэгүүд байсан болохоор, тэр хэсгийг нь товчлоод, эмэгтэй гормон уух болсон үеийн эписод болон сүүлд яагаад салах болсон тухай гэсэн хэсгийг нь зав гарахаараа оруулья.






Өнөөдөртөө ингээд өндөрлөөд, явж архи уулаа