Лемоонз Лемооонз

Монголчууддаа гомо гэдгээрээ баригдсан байж магадгүй???

Саяны хагассайн өдөр, Баябага даргатай хамт Лемонзыг очиж үзэв.Ойрын үед Монгол хүүхдүүдтэй ч уулзаагүй байсаныг хэлэх үү, урлаг гоо сайханы тал дээр ч огт анхаарал хандуулахгүй байсаныг хэлэх үү.Сонин сайхан л байв.

Жоохон байрлал муутай (олоход хэцүү) л болохоос, их хөөрхөн хийцтэй лайвхауз-д тоглолт болсон. Нэг гэм нь, пиво нь жоохон амт муутай, кэкэ.

Тэгээд очоод харсан, хаврын баяр дээр ч гэсэн санаж байсанчлан...Надад таньдаг Монгол хүүхэд ер нь бараг байхгүй болчихсон юм байлээшд...
Нээх зожиг амьтан л байгаад байдаг... Уг нь өөрийгөө гайгүй найрсаг сайн хүүхэд гэж бодоод байсан үгүй бололтой юм аа..

Ганц таньдаг охин дайралдахаар *Бүдэгхэн гэрэл болохоор гайгүй ануухан харагдаж байна*, * Тэгээд л залуу голоод годгоноод гүйгээд байвал, удахгүй макэйнү (гэрлэж чаддаггүй хүүхнүүдийг хэлдэг япон үг) болох нь ш дээ* энээ тэрээ гээд, хэрээ мэдэхгүй байж баахан хорон үгээр булав...
... Ийм байхаар ч яаж ч хүн амьтантай найрсаг байхав дээ, кэкэ.

Тэгээд угаасаа, эргэн тойронд таньдаг хүн байхгүй болохоор, хүн чинь цайна биз дээ?Баябага даргатай нийлж аваад л * Энэ ч хөөрхөн залуу байна* , *тэр ч хөөрхөн залуу байна* гээд, эхлээд шивнэж ярьж эхэлсэн.

Манай Монгол охид хөвгүүд гэхдээ ажиглаад л сууж байхад сонирхолтой юм байлээ, кэкэ. Охидууд нь нэг тийм *бие даасан*, *жоохон сүрдмээр ч юм шиг*. Ядаж байхад хөвгүүдээсээ нээг их дутахааргүй өндөр биетэй.
Өндөр гоё, тэгээд ганган л даа, гэхдээ л жоохон сүрдмээр... кэкэ

Хамгийн эхний эгнээг мэдээж охидууд нь дээрэлхээд булаагаад авчихсан байна биз дээ??? Шанаагаа тулчихсан, жоохон аймаар, кэкэ

Хөвгүүд нь нэг тийм зөөлхөн, даруухан байрын, тэгээд жоохон жижигхэн биетэй (энэ сүүлийн үеийн хүүхдүүд жижигхэн болоод байна уу, аль эсвэл??) санагдсан

Эхэндээ ч яахав, шивнэж ярьж байсан, Лемонзыг сонсоод, архи уугаад эхэлсэн, дуу шуу ороод хэцүүднэ биз дээ? Ядаж байхад, блоггер хүнд гарын нэг охинтой нийлчихсэн чинь (манайд ирж байсан, хамтдаа 2-р хороолол морооллоор явж байсан хүнд бачка), дуу чангараад...

Нэг мэдсэн чинь эргэн тойрон хүн байна уу хамаагүй *тэр ч хөөрхөн залуу*, *танай анги тийм ийм, манай анги ийм тийм * энэ тэр гээд хадуурчихсан явж байсан. Хажууд байсан хүмүүст л лав *энэ 2 гомо ирчихэж* гэж азаартсан байхаа???

Ядаж байхад би саваагүй болохоор, энд тэнд очиж залуу уургалж ирж яриа өдсөн шиг, намбагүйтсэн байлээ...Охидуудтай очиж юм ярихгүй хирнээ залуу эргүүлээд гүйгээд байхаар яаж ч бодсон...

Харьж ирчихээд зурагнуудаа харсан, нээх хөөрхөн хөөрхөн стрэйт банди нарын зургийг зөндөө авчихсан байлээ, кэкэ. *Ахын дүү хэзээ японд ирсэн юм? Найз охинтой юу?* энэ тэр гэж худлаа ярьсан шиг...
Гэхдээ, битгий буруугаар ойлгоорой. Болдог бол яаж ийчихье гэсэн санаа угаасаа байхгүй. Гомо бид нарыг охидууд оролдлоо гээд яаж ийгээд болгочихгүйтэй адилхан, стрэйт банди нарыг оролдлоо гээд ч угаасаа утгагүй гэх зэргийн юм аа мэдэлгүй яахав.
Зүгээр нөгөө Ён-сама энэ тэрийг харж баясдаг обасан эд нараас нээг их ялгаагүй, харж баясахаас өөр санаа байхгүй, кэкэ

Ямар ч байсан нүдээ баясгаад авсаан. (мэ но хоёо гэдгийг ингэж монголчилох уу?)

Дараа дахиж Монголчуудын иймэрхүү юм болбол идэвхтэй очно оо. Намайг олж харья гэвэл танихад их амархан байх байх. Нэг палийсан тарган шар ажаа, хөөрхөн залуу зүгээр байлгахгүй найраад гүйгээд байвал тэр чинь би гэсэн үг.Парлайсан тарган хар авгай, хөгшин харчуудыг найраад гүйгээд байвал тэр чинь Баябага дарга гэсэн үг.

Гэхдээ тэгээд Баябага дарга, олон хөөрхөн залуу/агаа харсаных уу, дороо муудчихсан байлээ, кэкэ.

Тарчихаад, хамт хоолонд орно гэж ярьж байсан Япон охинтой хонины тархи идэхээр хятад хоолны газар луу марш.
Тэгчихээд, дараад нь баранд орж, 2 стрэйт банди, 1 стрэйт охин, 1 лезби охин хажууд байхаар нь уургалж авч гэртээ дагуулж очиж архидаад, өдөр дуусав.
Би ч сүүлдээ согтоод тас явчихсан, тэгсэн 2 охин нь 2 бандийгаа шалдалж бариад баларсан л юм болсон сурагтай байсан, залуу нас аа гэж, кэкэкэ

Гэхдээ, угаасаа стрэйт залуучуудад нээг их сонирхол байхгүй болохоор (харахын заяа байхаас хазахын заяа байхгүй болохоор?? кэкэ
Угаасаа гомо биш хүнийг сексийн утгаар сонирхоод утга ч байхгүй... )

Уг нь сайндаа ч энэ стрэйт банди нарыг уургалаагүй, хамт хоол идсэн охиндоо залуу олж өгөх гэсэн царайндаа уургалсан (Намайг *Хэрвээ чи стрэйт байсан бол би л лав дурлах байсан байхаа. Даанч гомо юм..* гээд хөөргөөд байхаар нь, онгироод... кэкэ) , тэгсэн, *царай муутай юм байна* гээд голчихсон... Бас их ихэмсэг. Өмнө нь миний олж өгсөн банди нар 2-уулаа лаг хөөрхөн байсан болохоор, муу зан сурчихаж л дээ, хог чинь.


Бүтэнсайн өдөр нь толгой өвдөөд, царай хөөчихсөн (царай муутай гэж бэрх) гачин царайлсан юм өдрийг өнжив шив дээ.

Архи хэтрүүлж уух муухай юм аа тэ?гэсэн хирнээ, зүгээр байхгүй ууж л таарна дөө....
Муу хүн уусан идсэнээ гэж

Лаг, Лемонз Лемонз гэж гарчиглачихаад, Лемонзынх нь талаар ганц ч өгүүлбэр хөндөөгүй байшд тэ? кэкэ.Зиа яахав, хааяа нэг зүгээр ш д тэ?