Цөвүүн цагаа гэж...

Уржигдар ээжтэй утсаар ярьлаа..

Тэгсэн чинь *Хүүш нээрээ, 2012 онд дэлхий сөнөнө гэнэ. Дэлхий дээр, Африк, Монгол 2 л үлдэнэ гэж байлээ. Чи буцаж ирвэл зүгээр биш үү??* гэж ирээд л ярьж байна аа..

*Ээж минь та, хэзээнээс Холивудийн кинонд итгэдэг болчихсон юм бэ* гээд жаал шоолов.

Тэгээд л яриаг нь сонсож байсан, Монголд 1000 бөө ч гэнэ үү, 2000 бөө ч гэнэ үү тодроод, одоо сэргэн мандах гэж байгаа ухааны яриа гарч ирж байна. Бараг айл болгонд нэг бөө байдаг болчихсон, тэгээд л талцаж ирээд л, хоорондоо хараал хийлцээд л асар мундаг байдаг юм байх...

Тэгсэнээ цааш нь, 8 даxь ч гэнэ үү, 9 дэх ч гэнэ үү Богд илэрсэн, тэр бас 2012 онд дэлхий сөнөнө гэж дөвчигнөж (энэ үйл үгийг яг жинхэнэ шууд утгаар нь хэрэглэнэ гэж насандаа төсөөлж байсангүй, кэкэ) байгаа тухай гээд л сонирхолтой сонирхолтой юм их ярьж байна аа...

Яг, ардчилалын дараахан, Алтан Цөгц, Ромбу гариг, Гал асаадаг Нэргүй ч бил үү хүүхэн мүүхэн гээд л есөн шидийн юм гарч ирж байсан санаанд оров...

Цөвүүн цагт, хүмүүс, амьдралыг бодитоор нь харах гэхээр хэтэрхий харанxуй, бүүдгэр болохоор, үлгэрт итгэж, мөрөөдлөөр амьдардаг болдог юм болов уу???


Тэгээд л, сонин сэтгүүл уншиж байхад, энэ дээдчүүлийн увайгүй, эрээн цээр байдлыг нь харахаар үнэхээр дургүй хүрэх юм аа..

*Мөнгөгүй, мөнгөгүй* гэсэн хирнээ, өөрсдийн тойрогтоо гэсэн нэрээр 1 тэрбүм төгрөг гэсэн уухайн тас баталж бариад л...
Тэгсэнээ тайлбар хийж байна гэсэн *Хүмүүс УИX-ын гишүүдийг бэлэн мөнгө өөрсөд дээрээ авна гэж ойлгоод байх шиг байна. Гишүүд бид энэ буруу ойлголтыг залруулахын тулд нэгдэх хэрэгтэй* энэ тэр гээд улаан цайм бичсэн зэрэгтэй...

Бэлэн мөнгө байна уу, хэн нэгнээр дамжаад халаасанд орно уу, угаасаа зарчимын ялгаагүй эд байхад тэр талаар биш, тэнэг хүн хуурч байгаа юм шиг яриаг булзааруулаад, дээрээс нь *Ард түмэн vs. Гишүүд* гэсэн маягтайгаар байна гэхээр...

Хөөрхийлөлтэй ч юм даа гэж бодогдох юм.

Тэгээд л, энэ сэтгүүлчдийн бичиг байгааг харж байхад ч гэсэн дургүй хүрмээp юм их байх юм аа..

*2008 оны 7 сарын 1ний хэрэг, тэртээ тэргүй шийдэгдэхгүй юм чинь, бүгдийг нь цагаатгаад , мартчихья. Тэр түмнийг турхирсан Мандах энэ тэр зүгээр гараад явж байгаа юм чинь* энэ тэр гэсэн юм биччихсэн зэрэгтэй...

Арай дэндүү хариуцлагагүй, тэнэг зүйлийг хээв нэг бичиж байгаа ийм хүмүүсийг харахаар дотор муухай болох юм.

Тэгээд, би угаасаа МАХН энэ тэрд хамаагүй хүн ч гэсэн, тэр хүмүүсийн мэтгэлцээд байгаа *Мандах г/м хүмүүс хүмүүсийг турхирсан* гэх мэтийн яриаг харахаар ард түмнээ бас арай л дэндүү басаж доромжилж байгаа юм шиг.

Хэн нэгэн хүний турхиралт төдийхнөөс болоод, өөрсдийнхөө амь насанд хүрэхээр болчимгүй зүйл хийхээр тийм төвшний хүмүүс гэсэн дүгнэлт арай дэндүү юм шиг.
Тэр хүмүүс чинь худлаа ч үнэн ч бондгор дотор нь ус биш тархи байдаг, өөрсдөө юмыг бодоод, тунгаагаад, дүгнэлт гаргаж байгаа шүү дээ. Тэрнээс биш хэн ч юм бүү мэд Мандах энэ тэр гээд пацаанаас болоод л хөөрөөд юу л бол юу хийчихээр хоосон толгойнууд биш л баймаар тэ?

Ер нь энэ уруу татсан, уруу татагдсан, турхирсан, турхируулсан гэх мэтийн ойлголтуудыг харахаар бүр дотор муухай болоод байдаг юм...

Зиаг тэр ч яахав... Сонин уншаад дургүй хүрсэн дээрээ баахан дэмий балай юм биччихлээ...

2012 оноос өмнө юу хийдэг юм билээ байз, кэкэ