Ideh uuh yum

Дээр уед идсэн уусан юмаа тэмдэглэж оруулдаг байсан юм... Тэрийгээ нэг давтаад үзчихье, завтай хийх юмгуй байгаа дээрээ тэ? хэхэ

Цуврал болгоод, хааяа хааяа оруулаад байхад бичих юмгүй үед зүгээр байх, хэхэ

1. Бүтэнсайн өдрийн оройн хоол... Энэ өдөр, яагаад юм бүү мэд өдөржин унтаж унтаж орой 10 гэж гарч хоол идсэн юм. Өдрийн ганцxан хоол, хэхэ.

 

Турк хоол (шөл, дүрдэг соус, талх болон дөнөр)

Гарчихаад, оройны 11-ээс *Кокухаку* гээд япон кино үзчихээд харив. Аягуй даруухан байгааз? кэкэ. Энэ Кокухаку харин их дажгүй кино байлээ, Японд байгаа хүмүүс үзээд авахад илүүдэхгүй шүү!

2. Нэг дэх өдөр. Экс бф-ээд дуудаж авчраад гэртээ өнжив.
Баябага даргатай мэссенжэрээр юм ярьж байсан, экс бойфрэндээрээ хоол хийлгээд сууж байна гэсэн чинь *тэгэхгүй бол өврөө нээдэггүй айн? Айхтар авгай шүү* энэ тэр гэж доромжлоод байсан, кээ. Ягшд тэ? хэхэ

 

Экс бф-ийн хийсэн өдрийн цай

Фрэнч тост (нээх сүртэй нэртэй тэ? Өндөг, сүү хоёрт дүрсэн талхыг хайруулын тавган дээр шарсан хоол) + гахайн утсан мах

Хоолоо идэж дууссаны дараа...(өврөө нээсэний дараа, лол)

 

Миний хийсэн оройн хоол. Анх удаа хийж үзсэн гэхэд боломжийн амттай болсон шүү

1. Паэлиа (Шар өнгөтэй будаатай хуурган нь. Испани хоол)

Материал:  хоёр аяга будаа, жаал сийфүүд (хясаа, саам хорхой гэх мэт), жоохон тахианы мах, 1 ширхэг помидор, 1 ширхэг сонгино, 2 хумс сармис, тал лууван, Оливийн эсвэл 9-ийн тос, сафран (энэ олдоход хэцүү байж магадгүй)

Хэрхэн хийх нь:  Сармисаа жижиглээд, тосондоо шарна. Түүн дээрээс нь жижиглэж хэрчсэн сонгино, луувангаа хийж жаал шарчихаад, дээрээс нь помидороо хийнэ. Помидор чинь шар өнгөтэй зутаншиг хэлбэртэй болонгуут нь будаагаа шууд хийнэ. (агшаасан биш, түүхий будаа). Будаагаа бусад зүйлтэй хамт хайрангаа ус бага багаар нэмэрлээд *шарна*. Будаа чинь өнгө нь тунгалагдуу болоод ирэхээр сафрангаа хийгээд, дээрээс нь мах, сийфүүдээ хийгээд нэмээд хайрна... Нэг хэсэг хайраад, будаа чинь жоохон ардэнтэ (зажлууртай) болохоор нь гаргаад, хэрвээ зуухтай бол зууханд хийгээд 5 минут шарна. Зуухгүй бол тэр чигтээ үргэлжлүүлээд хайрахад болно.  Дацс, перецээр амтлаад, байвал лемоны шүүс дээрээс нь хийгээд конец...  Уг нь амархан хирнээ, Монголд хийхэд материал олдохгүй, олдсон ч үнэтэй байх муу талтай.

2. Кок о Ван (Coq au Vin - буюу дарсанд чанасан тахиа)

Материал:  Гахайн утсан мах бага зэрэг, сармис, сонгино, лууван, паприка, мөөг, төмс, тахианы мах (болж өгвөл ястай мах), улаан вино, лаврын навч, бага зэрэг гурил тэгээд масло!

Хэрхэн хийх нь:  Эхлээд тахианы махаа давс, перецээр амтлаад хэсэн (15 минут) орхино. Дараад нь тэрийгээ жижиглэж хэрчсэн ногоотойгоо хамт улаан дарсан дотроо хийгээд бас хэсэг (20мин-аас 2-3 цаг) орхино.

Маслаа хайлуулаад, тэрэн тэрэн дотроо дарсанд дарсан тахиан махаа, бага зэрэг гуриланд дүрж байгаад хийж шарна.  Гадна тал нь хуурагдаад хатуу бор болохоор нь махаа гаргана.  Үлдсэн маслон дотороо гахайн утсан махаа бага зэрэг хийнэ (амт оруулах зориулалтаар). Дээрээс нь жижиглэж хэрчээд, дарсанд дарсан ногоогоо хийгээд шарна.  Ногоо чинь болоод ирэхээр, тахиагаа буцааж хийгээд, дарсаа нэмж хийгээд, зөөлөртөл нь зөөлөн гал дээр чанаад тахиа болон соус нь бэлэн. Үүнийгээ, төмсний нухашан дээр тарааж хийгээд хоол бэлэн.

Хоол амттай байсан болохоор, 2-уулаа 3н ч шил вино цааш нь харуулчихсан байсан.

 

Өнөөдөр:/  Өглөө (ч гэж дээ, өдөр) босчихоод, шарсан талх, шарсан гахайн утсан мах, шарсан өндөг зооглочихоод сууж байна.

Одоо гарч жаал сэлж ирэхээс...

Хийх юмгүй завтай суух чинь бас тиймэрхүү юм аа тэ? хэхэ