Дахиад л секс мн?

Зиаг зиаг...

Энхриймаагийн блог дээр *мөнгө секс 2 миний амьдралд хэзээ ч чухал зүйл байгаагүй* гээд биччихсэн байсан, минийх бодоод байсан чинь яг эсрэгээрээ юм байшд, кэкэ.



Секс, мөнгө 2 надад бол аймаааар чухал юм шиг байгаа юм...
Амьдралын гол хөдөлгүүр, мотивац өгдөг зүйл гэдэг шиг???


Сээгэс энд да сити гэдэг шиг, сээгэс энд да манэээ гээд л тэ?

Гэснээс, нөгөө хүн болгоны шуугилдаад байсан сээгэс энд да ситээ гэдэг киног өчигдөр нэг юм үзсэн юм байна.



Шанхайгаас харьж ирээд, гэртээ ч оролгүйгээр үзсэн гэхээр, үгүй мөн дурны тулам шүү тэ?



Киноны талаарх сэтгэгдэл гэвэл, угаасаа нээг их миний дуртай киноны төрөл зүйл биш (дээр үед, Баябага даргыг гоё гээд байхаар нь цувралыг нь авч үзэж байсан, эхлүүлээд уйдчихаж байж билээ. Яахав, хэсэг хэсэг доторх санаанууд энэ тэр нь зүгээр хирнээ, нэг тийм тулга тойрсон гэх юм уу, 1-2 ангийг нь үзчихэд ерөнхийдөө хангалттай санагдсан юм л даа), тэгээд дээрээс нь кино нь цувралаасаа илүү амьдралгүй болчихсон гэх юм уу даа?



Уг нь цуврал дээрээ, хувцас хэтрүүлж худалдаж аваад байрны мөнгөө үрчихээд яахаа мэдэхээ байдаг ч юм уу, гарч архидах мөнгө байхгүй гэж гомдоллох ч юм уу нэг тийм *арай амьдралд ойрхон* байдаг байсан, коноо л бол зүгээр л бөөн гял цал гэсэн эд байна лээ... Яахав, Саманта-гийн сээгэсддэг хэсэг дээрх залуугийн бөгс нь хөөрхөн юм даа, кээк



*Хос бүр өөр өөрийн дүрэм зохиодог* гэх мэтчилэн, уг нь энд тэнд хөөрхөн хөөрхөн санаанууд их оруулсан байсан, тэгээд яахав, үзээд сууж байхад уйдахааргүй кино бол мөн байлээ, гэхдээ ямар ч л байсан *Ваау, Секс энд да Сити-г үзэх юмсан* гэж бодогдохоор кино бол биш санагдав.



Харьж ирээд *Претти Вүүман*-г ДВД-ээр үзсэн, хамаагүй амьдралтай санагдав..

Гээд, үзэж байгаа кинонууд нь аймаар *Гиолз мүүвий* наачихсан тэ? кэкэ.

Заа яадаг юм.



За тэр сээгэс энд да ситий ч яахав.

Өөр сээгэс...



Сээгэс эм эн дээр нэг хэсэг дэмий балай юм оруулсан, хүмүүсийн сэтгэгдэлд сайнаар ч тэр, муугаар ч тэр үлдсэн бололтой.



Нэг гэй залуугийн Монголоо орхисон талаар бичсэн бичлэг дээр ч *Энэ нөгөө гомо гомо гээд орилоод байдаг пататэ гээч өөр маягаар бусдын толгой эргүүлэх гэж оруулсан юм биш үү?* гээд үлдээчихсэн... Залуучуудын туфьл өмссөн зурагнууд оруулсан нэгэн байсан чинь *Заваан юм. Тэр нөгөө хэрүүл хийгээд салдаггүй Пататэ гээч, бодвол нэг ийм амьтан байгаа даа* энэ тэр гээд дурсчихсан, кэкэ.

Гэхдээ энэ хүмүүст, гомо гэхээрээ л заавал эмэгтэй хувцас өмсдөг биш гэдгийг яаж ойлгуулвал таарах юм бол оо тэ? кэкэ.

Уг нь яаж зураг оруулж болдогийг мэддэг бол, нээх гоё ойлгомжтойгоор хүснэгт хийж өгөөд оруулмаар ч юм шиг.



Зиаг тэгээд, их юм бичихээр, *чи яасан их завтай юм. Наад зав, энерги хоёроо зөв юманд зарцуулвал үгүй мөн хэрэгтэй дээ, их юм хийнэ дээ* гэж загнасан хүн ч их байх жишээтэй... (гэхдээ, загнахын хажуугаар ямар ч байсан, бага зэрэг ч гэсэн хүлээн зөвшөөрсөн, хүндэтгэсэн өнгө аяс илэрч байгаа болохоор, би бол дотроо жоохон додигор байгаад байгаа юм аа, лол)



Нээрээ гэхдээ энэ хүмүүсийн хэлээд байгаачлан, их үйлийг бүтээхээр Монгол харьдаг ч юм бил үү гэж хааяа санагдах л юм, кэкэ.


Одооныхоо ажил олон жил ажиллачихсан, сүүлийн үед жоохон уйдаад, мотивац буураад байгаа болохоор, ажлаасаа гардаг ч юм бил үү гэж бас гайхаад л сууж байна. Жоохон амарч авч байгаад, их үйл бүтээхээр ханцуй шамлан дайрах ч бас сонирхолтой ч юм болов уу гэж...

Сайн тал, саар тал аль аль нь байгаа болохоор, шийдэж ядаад л байна.

Сайн тал:

- Уйдаад байгаа орчингоо өөрчилж чадна
- Амарч авах болохоор, жоохон дэмий тэнэж авч чадна
- Их үйлийг бүтээхээр ханцуй шамлан дайрах боломжтой гэх мэт


Муу тал:
- Орчин өөрчлөгдсөнөөр юмыг шинээр эхлэх учир тодорхой хэмжээний эрсдэлтэй
- Ажлаас гарсан жилийн орлого ихээр багасна


Зиаг, сээгэс (мн)-ээс эхэлсэн яриа, мөнгө (цалин орлого, ажил)-тэй холбогдоод их юм бодуулаад хэрэг алга аа...

Хэрвээ ажлаасаа гарчих юм бол энэ сарын сүүл юм уу дараа сарын эхээр Монгол харьж магадгүй байгаа. Шийдвэрийг энэ долоо хоногт гаргах санаатай (лол)

Шанхайгийн репорт нээг их сонин сайхан бол байхгүй, гэхдээ жоол зураг энэ тэр дараа оруулна аа (муу хүн идсэнээ гэсэн бичлэг хийх байх, кээк)


Ийийхаааааа