SUMO SUMO

Ойрын 2-3 долоо хоног зав муутай байлаа..Ажил ажил ажил гээд...

Өдөр болгон өглөөний 2-3 гэж хариад, гэртээ хариад шууд унтахгүй болохоор, 4 энэ тэр гэж унтаад гэсэн амьдралын хэв маяг муу муу..

Саяны хагас бүтэн сайн л гэхэд..

5 дахь = өглөө 4 гэж хариад, гэртээ пиво уучихаад унтав

Хагас сайн = Өглөө 10 гэж ажилдаа явав. Өглөөний 7 гэж гэртээ хариад 2 цаг унтав.

Бүтэн сайн = Өглөө 9 гэж ажилдаа яваад, тэр чигээрээ. Нэгдэхийн өглөө 9 гэж гэртээ харьж хувцасаа сольчихоод, 10 цагаас хуралдав. Өдрийн 2 цаг хүртэл ажиллаад, харьж унтав ...гэсэн маягтай...

..2 hours sleep in 48 hours...

Иймэрхүү маягаар гэхдээ ажил ихтэй байхаар, архи уух багасаад дажгүй тал ч бас байна аа.. 1 сар бараг дуусч байгаа биз дээ?

1 сард архинд хэрэглэсэн мөнгө, 12 сарын архины мөнгөний 1/4 хавьцаа л гарч байна гэхээр сайн хэмнэсэн байгааз дээ? Энэ сард дор хаяж 1,000 орчим дойлуур бол хэмнэх юм шиг байгаам...

Зиаг тэр ч яахав.

Баябага дарга СУМО СУМО гээд баахан юм биччихэж. Би яагаад дуурайж бичиж болдоггүй юм тэ??? кээк

Сумо гэхээр л, бүдүүн царай муутай гээд муулаад байдаг хүмүүс байдаг даа??

Баябага хүртэл *БҮГДЭЭРЭЭ АДИЛХАН ЦАРАЙТАЙ* энэ тэр гээд муулаад амжчихсан...

Би ч хувьдаа нэг их хөөрхөн гэж боддоггүй л дээ..

Гэхдээ, хорвоод, янзан бүрийн хүн их байх юм аа..

Японы гомо залуучууд гэхэд, БҮДҮКАД ДУРЛАГЧ буюу ДЭБҮСЭН, БҮДҮКАД Ч ГЭСЭН ДУРЛАГЧ буюу ДЭБҮМОСЭН, жин нь 100 кг-аас дээш ГУРВАН ОРОНТОД ДУРЛАГЧ буюу МИКЭТА СЭН гээд хүмүүс, нийт гомо хүн амын бараг 1/3 энэ тэрийг эзэлдэг гэх мэт... (1/3-ээс их ч байж магадгүй)

Яагаад бүдүкад дурладаг юм? гэхээр, ГҮЗЭЭ Нь ГОЁ л гэнэ, МӨӨМТЭЙ болохоор л гэнэ, тэврээд унтахад тийм БАРьЦТАЙ ГОЁ л гэнэ, ӨӨХӨН ДОТОР Нь УМБААД ХЭВТЭХЭЭР, ӨДӨН ХӨНЖИЛД БАЙГАА ЮМ ШИГ ГОЁ БАЙДАГ юм л гэнэ.. олон л шалтгаантай юм гэлээ, мань мэт нь ч ямар ойлгох биш...

Тэгээд энэ ДЭБҮСЭН-гүүд, дотроо бас янз бүрийн бүлэглэл байдаг юм шиг байгаа юм. УЛААНТАН / ЦАГААНТАН гээд хуваагдчихдаг жишээтэй, кэкэ.

УЛААНТАН гэдэг нь ямар учиртай вэ гэхээр, бүдүка байсан ч гэсэн, тодорхой хэмжээний БУЛЧИН ШӨРМӨС (улаан мах гэдгийн УЛААН)-тэй бүдүкад дуртай ДЭБҮСЭН.

ЦАГААНТАH гэдэг нь эсрэгээрээ *ЦАГААН ӨӨХ ИХТЭЙ* бүдүкад дуртай ДЭБҮСЭН.

Бодвол, зөөлхөн үү , хатуу юу гэдэгээсээ шалтгаалдаг юм шиг байгаа юм....

Тэгээд, бүр цаашлаад, маньяк болохоороо * БҮДҮКА Л БАЙВАЛ, ЭРЭГТЭЙ Ч БАЙСАН, ЭМЭГТЭЙ Ч БАЙСАН ХАМААГҮЙ* гэх, тухайн хүний ямар хүйстэй нь чухал биш, БҮДҮКА байх эсэх нь л хамгийн чухал гэх нэгэн байдаг гэхээр, амьдрал үгүй мөн сонин шүү тэ???

(Гэхдээ, хүн хөгширөхөөрөө хүйс нь юлгахад хэцүү болдог шиг, бүдүүрэхээрээ бас хүйс нь ялгахад хэцүү болдог тал байдаг болохоор, ойлгож болох ч юм шиг,, кэкэ)

Эдгээр хүмүүсийн дунд, манай АСАШОРЮ агаа бол нилээд АЙДОЛ юм шиг байгаа юм. АСАШЁРЮ АЙМААР КӨӨРКӨӨӨН, ҮНСЭЭД АВМААР... ТЭР ЖААХАН САГСУУ БАЙДАЛ Нь Ч ГЭСЭН, НЭГ ТИЙМ, *ХУЛИГААН ЖООХОН ПАЦААН* МАЯГТАЙ СЕКСИ гэж ирээд л магтах нэгэн бол цөөнгүй!!!

Зөвхөн гомо ч биш, хүүхнүүд хүртэл (гэж, мэдээжийн хэрэг шдээ тэ? кэкэ. Ойрын үед, гомо бус хүнтэй харилцах боломж багатай, гомо бус хүмүүс ямар байдагийг бараг мартаж байх шиг байгаа юм ..) байдаг юм шиг байлээ...

Эдгээр хүмүүсийн нэг нь, Японы алдартай ДРАМЫН ЗОХИОЛЧ (гэх үү???) , ҮЧИДАТЭ МАКИКО гэдэг хүн.

Зохиосон драма, кино энэ тэр нь нэг тийм БУЛИНГАРТАЙ (???) ХҮНИЙ ХАРьЦАА (доро доро шита нингэн канкэй. Шууд Монголчилж үзэв, кэкэ) энэ тэр их байдаг болохоор, энэ хүний зохиолд ГОМО-нууд бас их дуртай.

(энэ булингартай харьцаа гэх мэт, НОЙТОН ХОШНОГОТОЙ Япон, Солонгос хүмүүсийн дуртай сэдэв юм шиг байгаа юм. Монголчууд харьцангүй ХУУРАЙ ХОШНОГОТОЙ болохоор, нэг их ийм сэдэвт дурлаад байдаггүй юм шиг...)

Зиаг тэгээд, энэ ҮЧИДАТЭ МАКИКО гэдэг хүн маань СУМО-гийн холбооны АВАРГА ШАЛГАРУУЛАХ ХУРАЛДААН гээчийн гишүүн байсан гээд айхтар эд...

Сумо, эмэгтэй хүн дэвжээн дээр гарч болдоггүй хатуу журамтай спорт, үүний аварга шалгаруулах хуралдааны анхны эмэгтэй гишүүн гэхээр бас айхтар байгаа биз???

Миний бодлоор мань хүн, ДЭБҮ СЭН (бүдүкад дурлагч) юм шиг байгаа юм. ТОХОКУ-ИЙН ИХ СУРГУУЛь-ийн СУМО-ийн секцний зөвлөх энэ тэр сайн дураараа хийдэг гэх мэт...

Сумог мундаг дэлгэрүүлье энэ тэр гэсэндээ гэж тайлбарладаг ч гэсэн, юу л бол...

20 орчим насны, ЗАЛУУХАН, БҮДҮҮН БҮДҮҮН банди нарыг асар тачаангүй нүдээр харах гэж л ийм ажил сайн дураараа хийдэг болов уу гэж би сэжиглээд байдаг юм.

Ядаж байхад, СУМО-гийн хувцас чинь бараг л шалдан шахуу шүү дээ тэ??? кэкэкэ

Зиаг тэгээд, энэ Үчидатэ Макико маань, манай АСА-д их хайртай юм шиг байгаа юм. Хайртай охин/залуудаа нээх муухай аашлаад л, үс гэзэгнээс нь чангаагаад л байдаг хүүхдүүд байдаг даа?? Яг тэрэн шиг.

Юм л бол АСА-г маань дэглэнэ. 2007 оноос хойш, АСА-г зэмлэх, шүүмжилж хэвлэл мэдээллээр гарахаас өөр ажил хийгээгүй (зохиолоо ч бичихгүй!!! гэхээр, АСАШОРЮД маань ямар их ХАЙРТАЙ гэдэг нь илт байгаа биз дээ тэ? кэкэ...

Тэгээд Аса-д байнга муухай аашилдаг талаар нь сэтгүүлчид асуусан * АСАШЁРЮ-г би мэргэжлийн тамирчин гэдэгээр нь бүрэн хүлээн зөвшөөрдөг. Хүлээн зөвшөөрөөд барахгүй АЙМААР, АЙМААР, АЙМААР ДУРТАЙ * гэж хэлсэн гэх мэт (Чоо га миццү цүкү ходо сүки). Япон хэлэнд, хайртай, дуртай 2 адилхан үгээр хэлэгддэг гэхээр үнэн хүнд тэ??? кэкэ

Сая 1 сарын 25нд, энэ Үчидатэ Макико маань, сумогийн *аварга шалгаруулах хуралдаан* гээчийнхээ гишүүн байхаа больсон (төдөн жил хийнэ гэсэн хугацаатай юм шиг байгаа юм) юм л даа.

Манай Асашорю, барилдаж ялчихаад * Үчидатэ гуайн төгсөх сүүлчийн тэмцээнд түрүүлж чадсандаа баяртай байна. Үчидатэ гуайдаа цэцэг бэлэглэмээр байна* гэж сэтгүүлчид ярилцлага өгсөн, манай Үчидатэ гуай ингэж хариулсан гэсэн...

*Хм.. Цэцэг мэцэг бэлэглээд... наадахыг чинь БҮТЭЛГҮЙ ДУРЛАЛ ГЭДЭГ ЮМ!!!*

Лол...

Дурласан охиноо хойноос нь элдээд л, үс гэзгийг нь зулгаагаад байдаг хирнээ, тэрнийгээ хүлээн зөвшөөрдөггүй, харин ч бүр үгүй гээд гүрийчихдэг банди нар байдаг даа??? Яг тэрэн шиг хөөрхөн байгааз???

Зиаг зиаг, сумогийн тухай бичлэгээ ингэсгээд өндөрлөе байз...