Сүши бол хоолны ертөнцийн Гей Гэрлэлт юм

Зиаг зиаг, зүгээр суухаар зүлгэж суу гэдэг гэсэн гээд гар хангалгаа хийгээд дуусчихлаа...

Хамт зүлгэлцэх хүн байхгүй юм чинь одоо яая гэхэв дээ тэ?

Хамт зүлгэлцэх хүн хайж л байгаа шүү

Тэгээд яахав дээ, дэмий байж байхаар гээд интернетээр жаал дэмийрлээ л дээ.


Гомо хүмүүсийн талаар л баахан хайж харав..
Бидний талаар буруу мэдээлэл их байна аа ккк.

Гей хүмүүс стрейт хүмүүсээс илүү туранхай байдаг
Гомо нар аймаар туранхай байх юм, юу идэж уудаг юм болоо? гэсэн асуулт, тэрэнд нь *тэд нар чинь юм иддэггүй юм* гэсэн хариулт 
"Gay men don't get fat"  гэдэг нэртэй ном энэ тэр гээд.


http://wherethebearsare.tv/

Манай баавгайнууд бослого гаргах цаг нь болсон юм биш үү? ккк

За тэгээд, гомо нарын иддэг хоол гэсэн баруунд СҮШИ гэдэг ойлголт байдаг юм байх, kkk

Энэ нэг нийгмийн сэтгэлзүйч аймаар ярьж байгаа биз дээ.

Сүши бол хоолны ертөнц дэх гэй гэрлэлт юм.

Та нар бодоод үз л дээ.  

Бидний өвөг дээдсийн хувьд, түүхий загас иднэ гэдэг хамгийн сэжгийн юм байсан.
Гэтэл, нэг мэдсэн сүүлийн 20-иод жилд энэ нь маш түгээмэл болоод, хэн ч энийг сэжгийн ч гэх юм уу гэж бодохоо больсон.  Гей гэрлэлт ч гэсэн энэнтэй адилхан, энэ тэр гээд ккк


Лаг ярьж байгааз?


Тэгээд хараад байсан, гей гэрлэлт, сүши хоёрын хоорондох ийм харилцаа байдаг юм байна


http://www.thewire.com/politics/2013/02/people-who-think-sushis-gross-also-probably-oppose-gay-marriage/62600/ 

Millenials - 1982-2000 онд төрөгсөд
Gen X - 1960-1974 онд төрөгсөд
Boomers - 1946-1959 онд төрөгсөд
Silent Generation - 1930-1945 онд төрөгсөд

Залуужих тусмаа сүши ч иддэг, гей гэрлэлтийг ч дэмждэг юм гэнэ.
Тэгсэнээ бас, Ардчилсан намынхан нь Үндэсний намынхнаасаа илүүгээр аль альнийг нь дэмждэг гэнэ шүү, Америкт.

Тэгээд Сүши ч тэр, Гей гэрлэлтийн тухай асуудал ч тэр, 1990-ээд онд анх томоор гарч ирсэн гээд л, төстэй зүйл их байна тэ?

Монголд ч гэсэн анхны сүшитэй газар, анхны гей бар хоёр бараг зэрэг гарч ирсэн байх шүү?  ккк

 Орчин цагийн Солонгын далбаа!



Сүши гэснээс, Францад нээрээ сүшиний рестоны реклам нь аймаар гей гэрлэлттэй холбосон байсан нь бас их сонирхолтой!!

Тахиа, авокадо хоёрыг гэрлэхэд ижил хүйстний гэрлэлтийн тухай хуулийг хүлээх шаардлага байгаагүй! 

Сам хорхой, аспарагус хоёрыг гэрлэхэд ижил хүйстний гэрлэлтийн тухай хуулийг хүлээх шаардлага байгаагүй!



Н? Н?

Юу яриад байгаа юм бол?  гэж бодогдож магадгүй байх.



Үгээр тоглосон нь энэ юм байна лээ.

Франц хэл чинь эр үг, эм үг гэж байдаг даа.

Сам хорхой, Аспарагус -- эм үг
Тахиа, авокадо -- эр үг

Өөрөөр хэлбэл, ижил хүйстний гэрлэлт болчихож байгаа юм байна л даа, ккк


Зиаг зиаг, гарч гомо хоол иддэг юм бил үү

Бас, шинээр гэй бар нээгдсэн гэсэн, тийшээ очиж үзэх санаатай байна.

Адиос!

Judy Garland, the GAY ICON

Өчигдөр угаасаа гей айконы тухай биччихсэн юм чинь, нэг мөсөн үргэлжлүүлчихье тэ?

50-60-аад оны гомонуудын од нь Жьюди Гарланд байсан ч гэдэг юм уу, эсвэл бараг тэр хүн байгаагүй бол Стоун Воллын тэмцэл Нью Ёркт ч болохгүй (Жьюди Гарландын үхсэн өдөр нь гомо нар аймаар гутарчихсан байхад нь цагдаа нар илүү дутуу солиороод, тэгэнгүүд шаралхсандаа ард урдахаа бодолгүй бөөн асуудал үүсгэчихсэн нь ЛГБТ-ийн эрхийн төлөө хамгийн том тэмцэл болоод хувирчихсан гэдэг шиг), тэгээд одоогийн ийм бусдыг хүлээж авч чаддаг нийгэм ч тогтнох боломжгүй байсан гэдэг дөвөргөсөн яриа байдаг хэмжээнд хүртэл ОД болохоор нь жоохон мань хүн болон гей хүмүүсийн хоорондын холбооны тухай ярьдаг юм бил үү гэж бодоод????

Угаасаа хүмүүс өөртэйгээ төстэй байдлыг хамгийн чухалчилж үзэж, тэрэн дээрээ суурьлан бусдыг найзаа, эсвэл дайснаа гэж тодорхойлдог тал байгаа юм шиг.

Гомо бид нарын хувьд ч гэсэн, хэдий өөрсдөө *бид нар ӨӨР ч гэсэн адилхан хүн шүү дээ* гэж орилдог хирнээ, бусдыг үнэлэх, найзлах болохоороо өөртэйгээ адилхан байх байдлыг ямар нэгэн байдлаар хардаг нь ч гэсэн нэг бодлын *ёжтой бурхан гуайн* даажигнал мэт.

Жишээ нь баавгай нар баавгай нартайгаа бамбиралцдаг гэдэг ч юм уу, эсвэл гомо баранд нэг 2 стрейт залуу үнсэлдээд зургаа авахуулангуут зарим нэг хүмүүс уурладаг гэдэг ч юм уу.

Гей Айкон буюу, *Гомо нарын шүтээн* гэдэн ойлголт маань ч энэнтэй төстэй зүйл мэт.




Хүмүүс, хэн нэгэн, өөрсдийн шүтдэг хүнээс өөртэйгээ адилхан зүйлийг олж мэдрээд, тэрэн дээрээ суурьлаад бүр их шүтдэг, хүндэтгэдэг болдог гэдэгийн нэг жишээ нь гей хүмүүсийн хувь дахь Мадонна, Леди Гага, Жюди Гарланд юм болов уу гэж.

Тэгээд л, мань ч яахав, угаасаа 21-р зууны үзэсгэлэн гуа, залуухан халуухан гомо залуу, яаж тэр Жьюди Гарланд энэ тэрийг мэдэхэв??

Жоохон уншиж үзлээ л дээ.


60-аад оны Таймс энэ тэр гээд сэтгүүлүүд дээр Жьюди Гарландын тухай бичсэн госсип энэ тэр их байдаг байсан юм гэнэ.

*Нөгөө трикотой банди нар нь (тухайн үед гомо нарыг хэлдэг хэвлэлийн үг) Жьюдиг харангуутаа орилж хашгираад л... Энэ бачкагийн шөнийн амьдрал нэг л биш байх аа*

энэ тэр гээд л, ккк


Үнэхээр тухайн үедээ Жьюдид үнэн голоосоо дурладаг, дэмждэг хүмүүс их байсаны илрэл.

Үгүйее, ямар сайндаа тэ?  ангийн баранд орохдоо нууц үг хэлдэг, тэгэхдээ *мань чинь Дороти (Жьюдигийн тоглосон Озын шулмас (Wizard of Oz)-ын гол дүр) ) найз байна* гэж ордог байсан гэх вэ дээ???

Тэгээд л яахав, нөгөө сэтгэл зүйч энэ тэр гээд мундаг мэргэжилтэн хүмүүс нь анализ хийсэн юм байна л даа.  Жьюди Гарланд яахаараа энэ муусайн гомо нарт ингэтлээ нэр хүндтэй байдаг юм бол гээд.

Дүгнэлтийн хариу нь нилээд *тийм тийм, тэгэлгүй яахав* гэж бодохоор юм байдаг юм байна лээ, угаасаа л бид нар ч гэсэн ХҮНИЙ Л ҮР, бурхан биш.  Бүгдэнд нь сайн сул тал байгаа, тэрэнтэйгээ шүтдэг хүн, эсвэл киногоо жишээлдэг юм шиг байгаа юм.


1)  Эмгэнэлийн хатан хаан Жьюди Гарланд гэдэг имеж/ эсрэгээрээ эрх чөлөөтэй амьдралын билэг тэмдэг -

Тухайн үед амьдарч байсан гомо залуучуудын хувьд тэртэй тэргүй амьдрал ямар байсан нь тодорхой.  Ажил дээрээ стрэйт царайлах ёстой, аав ээж нь гэрлэ энэ тэр гээд ядаргаатна, тэрнийгээ нөхөхийн тулд өдөр шөнөгүй ажиллан *МУНДАГ САЙН ХҮҮ/ОХИН ШҮҮ* гэдэг дүгнэлт авах нь хамгийн чухал гэдэг ч юм уу, тэгсэн хирнээ уг нь аймаар завхай, тэгээд хааяа сэтгэлзүйн дарамтанд орохоороо архи юм уу хар тамхи хэрэглэх зэрэгтэй тэ???  Тэгээд дээрээс нь тэр стресснээсээ болоод аймаар муухай ааштай болчихсон ч гэдэг юм уу...


Жьюди, мань хүмүүсийн хувьд яг тэр байдалыг нь САНАГАЛЗУУЛАХ зүйл ихтэй байсан мэт.  Жишээ нь

• Дөнгөж 2.5 настай байхаасаа *САЙН ОХИН* байхын тулд тувтан ажиллаад, өөрийн гэсэн прайвет лайф гэдэг юм уу, хувийн амьдрал байхгүй болчихсон
• Өөрийн гэсэн амьдрал байхгүй, тэрийгээ илэрхийлж чадахгүйгээсээ болоод архинд орж, хар тамхинд орсон байдал
• Зөндөө олон залуутай гэрлэсэн асуудал.  Уг нь аймаар арманчик, хайраа хайгаад л яваад байдаг, ердөө тогтдог хүн байхгүй, тэгээд л салаад л, нийлээд л...
• Гэхдээ ямар ч амьдралын хэцүү зүйл байсан гэсэн, эцсийн дүндээ ОД л бол ОД л байхгүй юу гэсэн тийм зүйл
• Гэхдээ, карьерийнхээ явцад хамгийн муухай ааштай од гэдэгээр шалгарчихсан байдал
• Хамгийн сүүлд нь, үхэхдээ хүртэл *ЗАЛУУХНААРАА ШААЧИХСАН* болохоор, хэзээ ч хөгшрөл гэдэгтэй тулгараагүй тэр байдал

 гэдэг шиг??

*Адилхан байдлаар* хувийн амьдралын эрх чөлөөг нийгмийн хувиараа эдэлж чаддаггүй гей хүмүүсийн хувьд, өөрийгөө толинд харж байгаа юм шиг, гэхдээ бүх хүнд хүлээн зөвшөөрөгдсөн Жьюди Гарланд, яалт ч үгүй ШҮТЭЭН байхаас өөр аргагүй байсан мэт.

2) Озын шулмас киноны үүрэг роль (соорий, нэг үгээ 2 удаа давтчихлаа)





1939 оны Озын шулмас (Монгол дээр өөр нэртэй байдаг санагдаж байна)  киноны гол дүр Дороти (Жьюди тоглосон)-ийн дүртэй гомо нар өөрсдийн байдлыг давхаржуулж хардаг тал

• Өөрийн төрсөн жижиг хот нь, энэ кинон дээр ХАР ЦАГААНААР илэрхийлэгддэг Канзасын жижигхэн хоттой адил мэт.   Гэрийнхэн нь ч гэсэн нэг л хүйтэн
  
• Ямар нэгэн ӨНГӨЛӨГ, ӨӨРИЙН ХҮСЛЭЭР БАЙЖ БОЛДОГ газар луу явах гэсэн Доротигийн МӨРӨӨДӨЛ
• Хэнийг ч, ямар ч хүнийг хүлээн зөвшөөрдөг ОЗ гэдэг, солонгын өнгөтэй, ид шидийн газар
  
• Бүр ямар сайндаа, ХУЛЧГАР АРСЛАН, ТАРХИГҮЙ МАНУУХАЙ, ЗҮРХГҮЙ РОБОТ хүртэл байхад бүгдийг нь хүлээн зөвшөөрдөг Дороти байх вэ дээ
• Ямар ч сонин, стереотайпаас өөр зүйл байсан, хүлээн зөвшөөрөөд, найз болоод явдаг Дороти (эсвэл Жьюди) угаасаа мундаг---- Доротигийн найз гэдэг нь нийгмийн стереотайпаас өөр хүмүүс, Дороти (эсвэл Жьюди) гэдэг нь бүгдийг байгаагаар нь хүлээн авах чадвартай хүмүүс
• Хулчгар арслан -- арслан бол эр зоригтой байх ёстой гэдэг стереотайп = Эр юм байж эм юм шиг гэдэгтэй адилхан стереотайп.  Ядаж байхад тэр кинон дээр хулчгар арсланд тоглосон жүжигчин нь аймаар намираа маягаар дуулдаг энэ тэр, ккккк

 Гэхдээ ингээд хараад байхаар, Жьюди Гарландыг шүтэх тухайн үеийн гей нарын сэтгэлзүйг ойлгомоор юм шиг,

Одоо Монголд байгаа гей хүмүүсийнхээ сэтгэл зүй, уур бухимдал, цөхрөл, тэгэнгүүтээ тэнд хэн нэгнийг БУРХАНЧлан шүтэж өөрийгөө тайвшруулах тэр байдлыг ч ойлгож болох мэт....


We don't need no more Judy Garland, but what we need is DIVERSIFIED US!!!

Happy new year (10-н хүртэл юм бичих бол мэндчилнэ шүү!! ккк)

2013 оныг эргэн харахад

Шинэ оны мэнд хүргэе!!


2013 он, дэлхий даяарх ангийн бачкануудын хувьд их л өөрчлөлттэй жил болж өнгөрөх шиг боллоо тэ?  Монголд ч тэр, гадагаадад ч тэр.

Монголын хувьд харьцангуй эерэг тал руугаа өөрчлөлтүүд их байсан гэж бодож байна.
Анхны хүйс солиулсан хүмүүс, анхны гей прайд виик, НҮБ болон олон улсын байгууллагуудын лоббинууд гэх мэтээс эхлээд, өөртөө ойрхоноор хэлэхэд Ханзог цагдаагийн газраас нэг их дарамталж барихаа болиод, харин ч ойлгож хүндлэх байр суурьтай болсон гэх мэт.
Энэ өөрчлөлтүүдийг хийхэд их хэмжээний хүчин чармайлт гаргасан төрийн бус байгууллагууд, нэн ялангуяа ЛГБТ төвдөө маш их баярлаж байгаа.

За тэгээд, 2013 онд ер нь юу юу болоод өнгөрчихвөө? гэдэгийг хальтхан мультхан харахад...
Хуучин ЗХУ, АНУ 2-ын дунд улс төр, систем гэдэг талаасаа үзэл бодлын хүйтэн дайн байсан шиг, 2013 онд ЛГБТ-ийн эрх гэдэг хүйтэн дайн өрнөөд байгаа юм биш үү?

Орос, Америк хоёрт болсон, болж байгаа зүйлс нь яг эсрэг тэсрэг байдалтай байсан нь сонирхолтой байв.

1) Улам бүр либерал болон өөрчлөгдөх Америк

1 сар -  Жюди Фостер, Голден Глоб шагнал гардуулах ёслол дээр өөрийгөө бараг л каминг аут хийв
2 сар - Америкийн телевизийн кинонуудад гарах гей дүрүүд түүхэндээ хамгийн өндөр хувьд хүрэв (Нийт дүрийн 4.4% нь гей)
3 сар - Америкийн олон нийтийн судалгаагаар Америкчуудын 57% буюу, 2 хүний 1-ээс илүү нь гэр бүл, эсвэл найз нөхдийн хүрээнд гей хүн байдаг гэж хариулсан
5 сар -  Америкийн бойскаутын холбооноос, удаан хугацаанд хориглосон байсан гей залуучуудыг холбоондоо элсэхийг зөвшөөрөв
6 сар - Жей Пи Морган болон Голдман Сакс зэрэг санхүүгийн томоохон компаниуд, ижил хүйстэй хосуудад эрэгтэй болон эмэгтэй хүний хоорондын гэрлэлттэй адил эрх олгохыг зөвшөөрөөгүй Америкийн Нэгдсэн Улсын хуулийг Америкийн Дээд Шүүхээс *үндсэн хуулийг зөрчсөн* хэмээн шийдвэрлэсэнийг дэмжиж байгаагаа илэрхийлэв
12 сар - Юта, Нью Мексико мужууд нь ижил хүйстэй хүмүүсийн гэрлэлтийг хүлээн зөвшөөрсөн 17-18 дахь мужууд болов



Алдартай хүмүүс, томоохон компани, корпорацууд, үзвэр, урлаг, хууль зүй зэрэг олон тал дээр ЛГБТ-д ээлтэй мэдээ ихтэй жил болов.
Хэдэн жилийн өмнө хүртэл *Европ бол либерал ч, Америк болохоор консерватив талдаа болохоор, ЛГБТ-ийн эрх энэ тэр жоохон хэцүү* гэсэн ойлголт их байсан бол, анхны хар арьстай ерөнхийлөгч гарч ирсэнтэй холбоотойгоор уу, илүү олон ургальч тал руу өөрчлөгдөж байгаа мэт.

2) Байдал улам бүр эвгүйтэх Орос!

5 сар - Таньдаг хүмүүстээ өөрийгөө гей гэж хэлсэн залуу зодуулан нас барав (23 настай залуу өөрийгөө илчилсэний дараа хэд хэдэн таньдаг хүмүүстээ зодуулсан байна.  Хошного луу нь пивоны шил хийн, хувцсанд нь гал тавиад, хамгийн сүүлд нь толгой луу нь чулуугаар цохиж алсан)

6 сар - Оросын сенатаар *Нас биед хүмүүст ижил хүйстний талаар мэдэгдэж / уруу татах *Пропаганда* болон шашинлаг хүмүүсийн сэтгэлд сэв суулгах үйлдлийг хориглосон 2 хуулийн төсөл батлагдав.

7 сар - Владимир Путин ерөнхийлөгчөөс *Ижил хүйсийг сурталчлах (пропаганда)* үйлдэлд торгууль оногдуулах хуулийг батлав.
ЛГБТ хүмүүсийн талаар кино зураг авч байсан 4 голланд иргэн тус хуулийн дагуу баривчлагдав.
8 сар - Америк, Канад, Англи, Австралийн гейбарнуудад, Орост үйлдвэрлэсэн водкаг бойкот хийх тэмцэл явагдав (жоохон хөөрхөн эсэргүүцэл)

Леди Гага-аас Оросын засгийн газрыг эсэргүүцэж байгаагаа жиргэв.  *Оросын ЛГБТ хүмүүст эр зоригийг.  Засгийн газраас дарамтлана гэдэг, юун ч хоцрогдсон юм*

Обама ерөнхийлөгчөөс ижил хүйстний эсрэг хуулийн талаар *дургүй хүрч байна* гэсэн коммент

Калифорниа мужийн сенатуудаас, Орос луу оруулах хөрөнгө оруулалтыг багасгах талаар тэтгэврийн сангуудад хүсэлт (1.4 тэрбум доллар)

Призн Брейк киноны гол дүр Вентварс Миллер, уг хуулийг эсэргүүцэж байгаагаа илэрхийлэн Санкт Петербургийн кино наадмын урилгаас татгалзангаа каминг аут.

9 сар - Оросын үнэн алдартны сүмээс, тус хуулийг зөрчиж буй үндэслэлээр Элтон Жонны Орос дахь тоглолтыг болиулах талаар Путинд хандав

11 сар -  Америкийн талаас эсэргүүцэл байсантай холбоотой юу, Путин ерөнхийлөгч * Орос улс нь бэлгийн цөөнхийг оруулан, ийм зүйлсийг дургүйцэх тийм бодлоосоо чөлөөлөгдөх шаардлагатай* гэсэн коммент хэлсэн боловч, энэ хуулиа буцааж хүчингүй болгоогүй л байна.

Гей баранд орж хамаг юмыг нь эвдэж хүн амьтан зодоход цагдаагийн зүгээс ямар нэг үйлдэл хийхгүй байх гэх мэтээс эхлэн, алдартай жүжигчин бөгөөд, урьд нь ерөнхийлөгчийн сонгуульд өрсөлдөж байсан хүн нь *Гомо нар нацистуудтай адил.  Тийм болохоор гомо нарыг бүгдийг нь зууханд хийж байгаад шатаавал таарна* гэсэн коммент хэлэх зэргээр, олон тал дээр хүний эрх зөрчигдсөөр байгаа билээ.

Тэгсэнээ, Мадонна, Леди Гага, Элтон Жон гэх мэтийн алдартангуудыг тус хуулийг зөрчсөн гэж үзэх үзэл ихээр илэрсээр.

Гэхдээ манай Элтон эмээ энэ тэр юу гэж тэгж амархан бууж өгөхөв?

*Хм, тэгж ярьвал 1979 онд ЗХУ-д тоглолтоор айлчилж байхдаа орчуулагч орос залуутайгаа секс хийсэн мэдэв үү!* энэ тэр гээд хэл амаа билүүдээд сууж байгаа сурагтай.


За тэгээд, хамгийн сүүлд нь 2013 онд зарим нэг хүмүүсийн хэлсэн үгнүүдийн талаар бичилцэцгээхүү?


1) Өмнөд Африкийн ижил хүйстэй хосын хуриман дээр залуугийн хэлсэн үг



*Гей байна гэдэг нь хар байна гэдэгтай адилхан л Африк зүйл*
 Being gay is as African as being black.

2013 оны 4 сард Өмнөд Африкт хоёр залуу 200 орчим хүмүүсийг урин авчирч хуримаа хийхдээ хэлсэн үг гэнэ.
 Энэ хоёр нь Цувана болон Зулу омгийн залуучууд бөгөөд, *Ижил хүйстэн гэж, Америк, Европыг дуурайж савсаганалаа* гэгддэг үгийн эсрэг *Үгүй ээ, гомо байх чинь Африкт ч гэсэн угаасаа байдаг л байсан зүйл шүү дээ. * гэсэн утгаар хариулсан нь энэ болов уу.

Мэдээж, Америк, Европт баахан туг муг намируулаад илүү ил тод байдаг, Ази, Африкт тэгтлээ тод харагдаад байдаггүйгээс болоод *Барууныхныг дуурайж савсагналаа* гэх хүмүүс олон байдаг ч, харагдахгүй байлаа гээд байхгүй байна гэж байхгүй шүү дээ.

http://www.mambaonline.com/article.asp?artid=7880

Энэ дээрээс зургийг нь үзээрэй.

Бас эндээс хуримийн бичлэг нь. 
Гэхдээ эхэнд нь гарч байгаа баагийнууд, үнэн НАМИРАА ккк.


2) *Гей Аикон* гэдэг нэрний талаар Леди Гагагийн хэлсэн үг

I never said I was a gay icon. (...)That was a label that was invented years ago. I’m a… [pauses] I’m a gay supporter.



Би өөрийгөө гей аикон гэж хэзээ ч хэлж байгаагүй.  Наадах нэр томьёо чинь аль дивангарт хэрэглэгддэг байсан томьёолол.   Би бол... Би бол гей хүмүүсийг дэмжигч л байхгүй юу!


Гей Аикон гэдэг, Гей хүмүүст хайрлагдан шүтэгддэг одыг хэлдэг гэдэгийг бүгд мэдэж байгаа байх.
http://en.wikipedia.org/wiki/Gay_icon


Хүмүүсийг *гей* гэдэгээр нь ганцхан хэсэг болгон групплээд, тэгсэнээ (бүх гей хүмүүсийн) шүтээн нь болон АИКОН гэдэг нэрэнд дургүйцлээ илэрхийлсэн нь энэ болов уу гэж бодогдож байгаа юм.


Америкт 1950-60 он хүртэл гей хүмүүсийг *Содомиин хууль* гэгчээр гэмт хэрэгтэн мэтээр үзэн, бусад нийгмийн гишүүдээс тусад нь хардаг байсан билээ.
Тэр үед, ийнхүү бусдаас тусгаарлагдах цөөн хэдэн ил гарсан гей хүмүүс нь, өөрсдийн адилхан сонирхолоо *ШҮТЭЭН* болгон өргөж, түүнээсээ эрх чөлөөний талаар мөрөөдлөө олж хардаг байсан болов уу.

*Бид нар гей!  Тэгээд бидний шүтээн бол Жюди Гарланд!  Солонгын дээрүүр гараад, сайхан диваажинд очно!*  гэсэн маягтайгаар.

Түүнээс хойш олон жил өнгөрөн, хүмүүсийг хавчин дарамтлах байдал нь багасан, бас олон ургальч үзэл дэлгэрсэн өнөө үед, гей хүмүүс дотор, рок сонсох нь рок сонсоод, дива сонсох нь дива сонсдог болсонтой адил, стрейт хүмүүс ч гэсэн *гей аикон* маягийн зүйлсийг ихээр сонсдог болсон ч юм уу, эсвэл *гей гэхээрээ л найгасан, гунхсан байдаг* гэсэн стереотайпаас шал өөр гей хүмүүс ихээр байдаг болоод, эсвэл стрейт хирнээ найгасан, гунхсан, намирсан метросекшуалууд байдаг болох гэх мэт, зүгээр л гаднах байдалаар нь хараад, эсвэл сонсдог сонирхдог зүйлээс нь тэр хүмүүсийг тодорхойлох, түүн дээрээ үндэслээд хавчин дарамтлах нь байхгүй болсон болов уу.

Ер нь энэ маягаараа дахиад 50 жилийн дараа ЛГБТ гэдэг үг нь өөрөө ямар ч утга, үнэ цэнэ байхгүй үг болох ч юм бил үү? тэ?

Тийм цаг үе ирэхийн цондон байж ч магадгүй.


3) Ханзо бол гей бар биш, Ханзо бол Демокрэйзи бар! by Patatepatata


Яг энэ дээр бичсэнчлэн, би хувьдаа Ханзог гей бар гэж боддоггүй юм.  Хүн болгон өөрийнхөөрөө байж чаддаг Крэйзи фор Демокраси буюу Демокрэйзи бар гэж ойлгодог юм.

Эрх чөлөөг үнэлж, эрх чөлөөтэй байдлыг л гол мотто болгодог жирийн нэгэн бар.


2013 он маань тус барны хувьд, он гарах мөчөөс л 12 цагаас хойш онгорхой байлаа гэдэг шалтгаанаар цагдаад баригдан эрүүлжүүлэхэд хонох, янз зодоон цохион зохицуулахаар өчнөөн удаа *Дулмаа гуай* гэж дуудуулан дуудуулан цагдаа нартай орооцолдох, түрээслэгчээс зүгээс *гомо нарын цуглардаг заваан газар, та нарыг хөөж гаргана* гэж дарамтлуулан, түрээсийн үнээ өдөр тутамд өсгүүлэн барин ажиллах явцдаа тусгай зөвшөөрлөө хүртэл хураалгачихаад буцааж авах зэрэг олон л асуудалтай зүйл гарсан жил болсон.

Гэхдээ асуудалтай, сөрөг зүйлээсээ илүүгээр, олон стрейт, гей хүмүүсийн байх дуртай газрын нэг болж бас чадсан, олон ч дэмждэг хүнтэй болж байгаа зэрэг их дэвшилттэй жил болсон мэт.

2014 он бүх хүмүүсийн хувьд улам их эерэг зүйл ихтэй жил болоосой гэж хүсэн хүлээж байна.
Шинэ жилийн мэндийг хүргэе!!

Negative Politics

Монголчууд яагаад хөгжихгүй байна вэ?

Хэтэрхий ухаантай болохоороо....

Тэгээд хэтэрхий ухаантай болохоороо яадаг вэ?
Бусдыгаа шүүмжилдэг.

Ямар нэгэн байдлаар шийдвэрлээд хийгээд явах боломжтой зүйлийг *төгс* болгож *өөрийн мэргэн ухааныг* оруулахын тулд зогсоогоод, садаа хийгээд эхэлдэг.  Ер нь зүгээр талцаж, аль болох бусадтайгаа хамтран ажиллахгүй тал дээрээ, өөрийнхөөрөө л хийхгүй бол болохгүй гээд зүтгэчихдэг. 

Тэгээд мэдээж, хэтэрхий ухаантай болохоор бусдын саналыг авахгүй.

Болж өгвөл ямар ч хамаагүй аргаар маргаандаа дээр нь гарч *ялалтын баярыг* мэдрэх гээд л гүрийчихнэ.  

Мэдээж өөрийн бодол өөртөө зөв.  Гэхдээ тэглээ гээд бусад луугаа дайрах хэрэггүй мэт. 
Бас тэгээд хамаагүй зүйл рүү хадуурч орох ч.

Өчигдөр Ханзод орж ирсэн тэмдэглэл маягийн нийтлэл гарав. 
Бичлэгийн хэлбэр угаасаа жоохон тийм хөндий, онцгүй сэтгэгдэл төрөхөөр байсан нь үнэн л дээ.  Тэгээд хамгийн гол нь худал мэдээлэлтэй.

Олон нийтийн байгууллагууд маань (Нэн ялангуяа ЛГБТ төв) хурдан, шуурхай хандан, тус сайтаас нийтлэлийг авахуулж авав.

Харин нэг юм анзаарагдсан нь манай ангийнханы өөрсдийн хандлага.
Ажил хэрэгчээр энэ талаар хэрхэх нь зөв бэ? гэсэн УРАГШАА хандсан хэсэг хүмүүс байв.  Сайшаалтай.
Эсрэгээр нь зүгээр л бусдыг буруутгах, эсвэл өөрсдийгөө өрөвдөх гэсэн хэсэг хүмүүс байгаа харагдав. Нэг өгүүлбэрийг хоёр өөр байдлаар илэрхийлэх нь их сонирхолтой санагдав.

Эерэг, урагшаа хандсан -  Ханзо хамгаалалтаа жоохон сайжруулахгүй бол болохгүй юм байна даа
Сөрөг - аль хэдийн мань хэдийн зургийг авчихсан юм байна л дөө, хэзээ сайт дээрээ тавих бол? 
Ийм юмнуудад тайлбар өгөөд далан булчирхайгаа тоочоод байж байдаг, По гэж ямар тэнэг юм бэ? Найр тавьж оруулаад зураг хөрөг авахуулж байдаг  (зураг авахыг зөвшөөрсөн юм байхгүй шүү дээ...)

Эерэг - Дуртай газраа хүмүүс ороо л биз, хэнд ч хал палгүй, гай болохгүй байхад юун хэрэгт дуртай юм (Ханзогийн байнгын үйлчлүүлэгч)
Сөрөг - Ханзо гэж иймэрхүү байдым байна шд.  Надад онцгүй санагдаж байна (Огт ирж байгаагүй хүн)

Дэмжсэн - Манайхан өөрсдөө Ханзогоо дэмжмээр юм, бичиж байгаа сэтгэгдлүүдийг харсан сэтгэл гутарчлаа
Эсрэг - Тэр ярилцлага өгсөн гээд байгаа барны эзэн залуу, түүний ээж 2 орж ирсэн хүн болгоныг мөнгө гэж харсаар байгаад сурчихсан байгаагийн илрэл гэж хэлэхээр байна.   

гэх мэт...

Мэдээж хүн бүр өөрсдийгөө чөлөөтэй илэрхийлж, бусадтайгаа санал бодлоо солилцох хэрэгтэй байх.  Гол нь хэрхэн илэрхийлэхээс шалтгаалж адилхан утгатай байсан ч огт өөр сонсогдох мэт. Тэгээд, хүн сөрөгөөр амьдралыг харвал тэр хүний амьдрал там, эерэгээр харвал диваажин болдог гэж хувьдаа боддог юм.



За за баахан нуршчихлаа :D

Гомо нарын ордог бар

http://www.bataar.mn/10017998
http://free.amjilt.com/?p=5185

Нэг ийм бичлэг тавигдаж.
Эхлээд уншингуутаа нилээд уур хүрэв.

Яагаад гэхээр, ярилцлагад хариулсан ярианы хэлбэр нь яалт ч үгүй По ажаа.
Тэгтэл, нөгөө По ажаа нь тийм ярилцлага өгсөнөө, эсвэл нийтлэл тавихыг зөвшөөрсөнөө санадаггүй...
Тэгээд дээрээс нь хамгийн гол нь 1) огт үнэний хувь байхгүй зарим нэг хэсэг байв.  Нэн ялангуяа *цагдаагаас бичиг ирээд хаачихсан, гэхдээ буцаад онгойно оо* гэдэг хэсэг.  Зүгээр л хууль бусаар үйл ажиллагаа явуулж байгаа, тэрийгээ долоон булчирхайгаа тоочдог хүнтэй ярилцлага хийж байгаа юм шиг...  2) Хувь хүний талаар оруулсан нь.  

Гэхдээ яалт ч үгүй ярилцлага өгсөн хүний ярианы хэлбэр нь миний ярьдаг хэлбэр.


Баахан бодсон, саналаа.

2013 оны 2 сард байна уу, 3 сард байна уу, ЛГБТ төвөөс танилцууллуу, хаанаас танилцууллаа, нэг охин ирж ярилцлага авсан юм. 
Би ч ер нь бол *хүмүүс өөрсдийнхөөрөө аз жаргалтай, хэнд ч садаа бололгүй амьдарч байна* гэдэгээ тодорхой илэрхийлэхэд болохгүй зүйлгүй гэж боддог болохоор ч тэр уу, бас тэр танилцуулсан залуутайгаа энэ талаар ярьж байсан болохоор ч тэр үү, ярилцлага өгөхийг зөвшөөрсөн юм.  Мэдээж 2-3 болзолтойгоор. 
1) Зураг авахгүй, барны нэр болон байршил тодорхой болгохгүй гэх мэт, хувь хүний эрх ашигт нөлөөлөхгүй.
2) Үнэн зөв юм бичих, гол нь хэвлэхээсээ өмнө нэг бидэнд харуулах.

Зиаг тэгээд л ярилцлага өгсөн юм л даа.  Тэр өдөр нь стрейт, рок сонсдог хүмүүс цуглардаг өдөр байсан санагдаж байна.


- Би энэ найздаа /хамт яваа залуугаа/ найз залуу олж өгөх гэсэн юм?
- Энэ чинь гомо биш л байна ш дээ.
- Чи яаж мэдэж байгаа юм?
- Олон жилийн туршлага байлгүй яахав.
- Та гомо юу?
- Улаан гомо ш дээ.
- Гэрийнхэн чинь мэдэх үү?
- Мэднэ, манай ээж дэмжээд явдаг.
- Танайх дандаа гомо лесби хүмүүс байдаг юм уу?
- Үгүй, янзан бүрийн хүн л цугладаг.  Дуу хөгжим, урлагт дуртай хүмүүс илүү их байдаг.  За  яахав, би өөрөө гомо болохоор, гей, лесбиан хүмүүс ч гэсэн тодорхой хэмжээгээр ирдэг байх.  Гол нь бүгд бүжиглэж алжаалаа тайлах гэж л ирдэг хүмүүс.
- Хэдэн хувь нь одоо гей бол?
- Мэдэхгүй байна, ямар асуугаад явалтай биш.  Гэхдээ таньдаг хүмүүсээрээ барагцаалбал бодвол 30% хавьцаа байж магадгүй л юм.  Голдуу рок сонсдог хүмүүс байгаа юм биш үү?
- Цагдаа магдаагаас эргүүлдэж хоргоодог асуудал гардаг уу?
- Хааяа жоохон хэцүү, тарааж барих асуудал бол гардаг

гэсэн маягийн юм ярьсан санагдаад байгаа юм.  Бараг жилийн өмнө байсан болохоор сайн санахгүй байна.
Тэгээд л сэтгүүлч дахиж холбогдоогүй, энд тэнд тавигдаагүй байх л гэж бодоод өнгөрсөн байсан өнөөдөр энэ нийтлэл гарч.

*Яагаад ч юм бэлгийн цөөнхийн цугладаг газар гэдгийг мэдсэн болоод ч тэр үү. Нэг л бие арзаастай. Бас энерги нэг л өөр. Маш хүйтэн, хөндий, аймшигт энерги. Гэхдээ тэднийг буруушаах гэсэнгүй. Зүгээр л надад төрсөн мэдрэмж. Хурдан гарахын л түүс. Зөөгчөөс өөр хүмүүс цуглах уу гэхэд цугланаа гэсэн ч 23.30 цаг хүртэл хүмүүс нэмэгдээгүй юм. Тиймээс сурвалжлагаа ийнхүү дуусгав.

Юутай ч гомо, лесбичүүдийн цуглаж, үзэл бодлоо хуваалцдаг газар байна. Тэд өөрсдийн тэр л ертөнцөд чөлөөтэй амьдарч байна. Гэхдээ энерги нь нэг л өөр.*

Ялангуяа энэ хэсгийг нь хараад, бас зөвшөөрөлгүйгээр авсан зурагнуудыг нь хараад, мөн худлаа бичсэнийг хараад гэнэт уур хүрэв.

За гэхдээ шууд сэтгэлийн хөөрлөөр уурлах нь хир зөв билээ гэж бодоод, жоохон өөрийн хирээр анализ хийх гэж үзэв.

Төрсөн сэтгэгдэлүүд

1) Батаар.мн дээр байгаа хувилбар нь хамаагүй ньютрал тал руугаа санагдав.  Нөгөөх сайт нь нэг сайтаасаа хулгайлангуутаа, нэмээд баахан хувийн юм нэмээд оруулчихав уу??  Эсвэл, хүмүүсийн комментийг уншаад, батаар.мн нь засварлачихав уу?

2) Хамгийн сүүлчийн өгүүлбэр, хамгийн эхний өгүүлбэр хоёрыг харахаар, албаар ньюансаа жоохон *хэцүү* тал руу нь оруулж бичих бичлэгийн хэлбэр авсан байх магадлал??

Бэлгийн цөөнхийг ялгаварлан гадуурхах үзэл иргэдэд төдийгүй төр засгийн түвшинд байсаар байна. Тиймдээ ч бэлгийн цөөнх нээлттэй бус хаалттай нийгэмд оршин тогтносоор. Нэгэнт нийгэм тэднийг хүлээн зөвшөөрөхгүй, тэднийг ялгаварлан гадуурхдаг учир тэд цугладаг нэгэн газрыг бий болгожээ...

Юутай ч гомо, лесбичүүдийн цуглаж, үзэл бодлоо хуваалцдаг газар байна. Тэд өөрсдийн тэр л ертөнцөд чөлөөтэй амьдарч байна.

Зөвхөн энэ талаас нь харахад, мань сэтгүүлч дээрх 2 санаагаа илэрхийлэхийн тулд *ЦЕГ-аас хүртэл хаалгачихдаг.  Өөрөөр хэлбэл, төр засгийн төвшинд ялгаварлан гадуурхаж байна шүү дээ* гэсэн маягийн ХЭТРҮҮЛЭГ хэрэглэчихэв үү??  

Хэрвээ тийм бол хэлэх гэсэн *мессэж* нь бол байж болохоор ч, аргачлал (нэн ялангуяа худлаа зүйл оруулдаг гэх мэт) нь сэтгүүлчийн хувьд байж болохооргүй л санагдав. 

3) Сурвалжлага дээрээ тавьсан зурагнууд нь, тэр ярилцлага авч байсан үеэс нилээд хойно, өөр үед авсан зурагнууд байв.   Бодвол, сэтгүүл дээр тавихынхаа өмнө дахиж Ханзогийн хавиар эргэлдэж зураг авсан болов уу гэж санагдав.  

4)  Хардлага.  Энэ сэтгүүлч, өөр, тэр өмнө нь 2-3 сард хийж байсан ярилцлагыг бусдаас олж авчихаад, өөрөө хийсэн мэт болгоод, нэмэлт *тандалт* хийж байгаад, өөрийн юм шиг болгоод биччихсэн байх магадлал.


Ямар ч байлаа гэсэн, Ханзод ирдэг ангийнхан энэ нийтлэл дээр маш эмзэгээр тусгаж авч байгаа харагдав.  Мэдээж шүү дээ, хамгийн их нууцалж байдаг зүйлийг нь ил гаргачихсан болохоор, тэгээд дээрээс нь сүнстэй байшинд ороод ирсэн юм шиг *бие мие нь арзайгаад* байхаар...

Миний хувьд ч гэсэн, 2 сард өгч байсан тэр мессеж, ор тас алга болсонд үнэхээр харамсмаар санагдаж байв.   Энэ тал дээр манай олон нийтийн байгууллагууд бас ажиллах болов уу гэж бодож байгаа.

Мессежийг зөв хүргэх гэдэг маш чухал эд болохоор.  Буруу мессеж өгөхөөр бол огт мессеж өгөхгүй байх нь дээр шүү дээ.

Гээд нэг серьёзны юм тавьчихья.

Drag Me

Зиаг зиаг, нөгөө л сээгсээ хийгээгүй гэдэгээрээ л эхлэхээс :D

Сээгэс хийх хүн олдохгүй болохоор сүүлийн үед бүр байгаад, хувирч эмэгтэй хувцас энэ тэр өмсдөг болоод байгаашд гээд худлаа яриад л уу, ккк.


Миссийн тэмцээн болж өнгөрсөн.
Даанч би орж чадаагүй.

Ажлын өдөр таарсан байгаад, дээрээс нь би томилолтоор хөдөө явж таарсан байгаад, үзэж ч чадаагүй...
Тэгээд амьхандаа бусдадаа дахин хүргэе, өөрөө бас үзчихье гэсэн сэдлээр 21нд хийе гээд уриалав аа...

Миний юм бичихдээ ойлгомжгүй бичдэгтэй ч холбоотой байх, гэхдээ л манайхан арай л дэндүү бүх юмыг хардаж, муугаар бодох юм аа гэж бодогдов...


Тэмцээн зохион байгуулсан хүмүүс маань бол дэмжсэн юм л даа.

Тэгсэн, хамгийн ихээр үзэх сонирхолтой байгаа болов уу гэж бодож байсан олон нийт маань тэнд боож үхэхнэ ээ...

*Нэртэй хүндтэй тэмцээнийг өөрийн баран дээр аваачиж даажигнах гэлээ*
*Миссийн тэмцээнийг шоу болгож доромжлох гэж байна*
*Ийм улаан цайндаа гарсан юмыг эсэргүүцээрэй* энэ тэр гээд, бөөн юм...


Ээ л дээ... гэж бодогдоно биз дээ?


Болдоггүй бороороо оролдоод сууж байсан нь хамаагүй дээр юм байна гээд, миссийн тэмцээний риплейгээ болиуллаашд...


Тэгээд яах вэ дээ.
Болохгүй юм бол гай л байна, ганцаараа миссийн тэмцээн зохиочихьё гээд үзчихсэн.

Өөрөө хөтлөөд, өөрөө оролцоод, өөрөө түрүүлж, өөрөө эцсийн байранд орон өөрөө шүүдэг тийм миссийн тэмцээн ккк.


Зураг арай цөөхөн авчихсан байна билээ, уг нь үндэсний хувцас, усны хувцас энэ тэр гээд бүх үзүүлбэрээ үзүүлсэн юм...


За тэгээд Мисс Хоролмаа (гэдэг нэр өгчихсөн байна билээ) a.k.a Поожгоо ажаа презентс :D

Halloweeneer.  Tom boojgootoi Poojgoo ajaa :D

Gantsaaraa miss :D

Swan dress made by trash vynil 

Hogiin uutan daashinz @swan dress

Marylin Monroe? kk

Poojgoo ajaa

Za ene ch yaahav, deer uyiin zurag :D

Нэг иймэрхүү, нэг тиймэрхүү

Дасан зохицтолоо...

Зиаг зиаг, ойрд юм бичээгүй юм байна, мэдээж ойрд сээгэс хийгээгүй юм чинь тэгэлгүй яахав дээ тэ?  Тэгээд сээгэс мээгэс хийхгүй байхаар бичих юм олдохгүй юм аа...
(энийг копи пеист хийлээ шүү, ккк)

Монголд ирэхээр л ингээд хатаад цангаад үхчих гээд байх юм, аргагүй л хуурайшилт ихтэй газар...

За за, доодохоо норгосон барьсан талаар бичих юм олдохгүй бол, хуурайшаад, хатуурхаад, хайхар загнаад, баахан хувьсгал ярьчих уу?
ккк


Ханзогийнхоо тухай л юм бичье дээ тэ??

Монголд байж байгаад Камбуж явсан Ди Жей залуугийн фейс бүк саяхан харав аа.
Эдийн засаг гэсэн утгаараа Лийст Девелопд Каунтри буюу, дэлхийн хамгийн ядуу 50-60 улсад багтдаг (Монгол улс энд багтдаггүй) Кампуч улсын гей клабын зураг байна аа!!!

Улс орны хөгжлийг зөвхөн эдийн засгаар нь хэмждэггүй гэдэгийн нэг ТОМ жишээ юм болов уу гэж бодогдов...  Эсрэгээрээ манай Ханзогийн дүр зураг...  Өнөөдөр гэхэд 10 хагас болж байхад орж ирсэн 2-хон зочинтой, 4 ажилтантай...
Мэдээж иймэрхүү байдлыг *танай менежмент чинь муу байна* гэж буруутгахад надад бол хэлэх үг олдохгүй л байх...

Гэхдээ л, Миссийн тэмцээнээс эхлээд ЛГБТ-тэй холбоотой бүх зүйлээ өөр газар очиж хийдэг гэх мэтээс эхлээд, Ханзог ажиллуулж буй хувь хүний хувьд гомдолтой санагдахаар зүйл бол их л харагддаг юм...  Тэр газруудад цагийн 5-600 мянган төгрөг төлж, сонин маягаар харагдан харагдан байж хийж байхаар, тэр мөнгөндөө нэгдүгээрт хөнгөлөлт эдлэн, шагналынхаа санд жоохон дэм хийгээд, түрүүлсэн хүмүүсийнхээ шагналыг ихэсгэнгээ, бас ганц байгаа ангийн газраа дэмжээд явахад болохгүй зүйлгүй мэт ч юм шиг...

Гээд ӨНГӨЦХӨНӨӨР харахаар, бие биендээ гомдоод л, буруутгаад л байх юм олон байгаа юм шиг...

Гэхдээ саяны хагассайн өдөр болсон үйл явдлаас жоохон юмыг өөрөөр бодож харлаа л даа...
Эцсийн дүгнэлтээр хэлэхэд *өнгөцхөн яаж харагдах, ямар үйлдэл хийх гэдэг нэг өөр зүйл.  Эцсийн утгаараа бие биендээ л дэмтэй байвал* гэсэн л үг л дээ...

Юу болсон бэ гэхээр, манай нэг хэдэн 10 жилийн найзууд над луу утасдаж байна.
Яг цэвэр утгаараа бол манай Ханзо барыг сүүлийн үед харьцангуй тайван, цагдаа магдаа орооцолдохгүй байлгахад маш ихээр тусалж байгаа найзууд маань байгаа юм.   Мэдээж Монголын нийгэмд энэ талаар нь нэмж дэлгэрүүлж яриад бол хэрэггүй байх л даа.

Стрейт залуучууд, тэгээд анх бол гомо энэ тэр гэдэгийг ойлгох байтугай, ойлгохыг ч хүсдэггүй байсан тийм л залуучууд.

Намайг анх сонсчихоод, яахаа мэдэхгүй, гайхшралын байдалтай хүлээж авсан тийм л хүмүүс.

Ямар сайндаа * Гамбууш, Нараа гэж сонссоноос, анх удаа гомо гэж байгаа хүн харлаа!!  Тэр нь ядаж байхдаа чи байхдаа яахав дээ!!!* гээд л.


Гэхдээ багын найзууд, дээрээс нь жинхэнэ Монгол эр хүмүүс болохоор найзыгаа ямар нэгэн байдлаар гадуурхах биш, харин ч дэмжиж явах талаар олон юм хийгээд яваа залуучууд байгаа юм л даа.


Тэд нар тэгээд л утасдаж байна.

*Нөгөө хэн, хэн хоёрын чинь төрсөн өдөр!!! Танай дээр яваад очлоо!  Чи байх юм байгаа биз дээ??*


Би яг тэр үеэр нь өөр ажилтай байж таарав.


Тэгээд л жоохон байж байсан чинь, Ханзогийнхон утасдаж байна.
*Нөгөө танай ангийнхан чинь хүмүүс дээр очиж агсан тавиад байна*


Би ч яахав, яаран байв явж очив...


Намайг очиход тэр агсан согтуу нь гайгүй болсон бололтой.
Гэхдээ, манайд байгаа хүмүүс дээр очоод л *Чи гомо юу?  Чи лезбиан уу?* гээд л асууж баахан яваад л, бас хүн амьтан болж өгвөл цохичих гээд л их маягласан сурагтай.


Ямар сайндаа над дээр ирсэнээ *Энэ дотор чиний дургүйг хүргэж байгаа амьтан байна уу?  Мань чинь цохичих уу?* гэх нэгэн байхад *Чи гомо юу?* гээд асуугаад явах манай найзын найз байв....

Би ч яахав *Би чамд цохиулмаар байгаа хүн байвал өөрөө зааж өгье*  *Мань чинь гомо шд, за тэгээд яахав хөгшөөн* гэх маягаар манжлан өнгөрүүлсэн шиг....


Тэгэхдээ бодож байлаа л даа....


Хүний доторх юмыг гэнэт өөрчлөх бол маш хэцүү...
Хэдий энэ найзууд маань намайг хүлээж авсан ч гэсэн, тэр нь гей хүмүүсийг бүгдийг нь хүлээн авсан гэсэн үг бол бас биш.  Эд нар ч гэсэн хүлээж авч, ойлгохын тулд өөрсдийн доторх асар олон хэвшсэн үзэл бодлоо АЛЖ байж хүлээж авч байгаа юм байна шүү дээ гэж...

Тэдний хувьд По ажааг гомо гэдэгээр нь хүлээн зөвшөөрөх бол нэг асуудал, зүгээр л гей хүмүүсийг нийтэд нь хүлээн авах гэдэг бол огт өөр асуудал байж магадгүй юм шүү гэж...

Нээрээ бодоод байсан чинь дээр нэг *гомо хүмүүс яаж сээгэс хийдэг юм?* гэж асууж байгаад надад загнуулж байсан юм байна лээ.  * Би чамайг авгайтайгаа яаж сээгэс хийдэг вэ, чинийх том уу жижиг үү?  авгай чинь тачаангуй юу үгүй юу? энэ тэр гээд шалгаагаад байдаггүй биз дээ?  Эсвэл надтай сээгэс хийж байж яаж сээгэс хийдэгийг нь үзэх гэсэн юм уу?* гэж ирээд, ккк....


Гэхдээ л ер нь хүнийг, тэр тусмаа нийгмийг нэг өдрийн дотор өөрчилнө гэж бол байхгүй.  Тэр хүмүүсийн хувьд, бүх зүйлийн талаар тухайн хүний дотор удаан хугацаанд шингэсэн үзэл бодол байгаа.

Тийм ч утгаараа, нэг бодлын хагассайн ирж агсан тавьсан нь, ямар нэгэн байдлаар энэ хүмүүстэй контакт үүсгэе гэсэн талаасаа болов уу.
Тэгэхгүй бол хэн л ямар дурандаа өөртөө гай удан удан тэгж агсан тавих билээ дээүүү

Ер нь л, хүний ийм том ертөнцийг ойрын хүмүүсээсээ л бага багаар л өөрчилнө үү гэхээс биш, гэнэт хорвоо өөрчлөгдөнө гэж байхгүй юм болов уу гэж....


За тэгээд, бичиж байгаа зүйлийнхээ эхний хэсэг лүү буцаж очиход...

Ханзог ашгийн төлөө байгууллага юм байна, хэрвээ хүмүүс ирэхгүй бол энэ чинь дампуурна шүү гэдэгийг үгээр биш, хүмүүсийн дотор нь суулгахад ч гэсэн...

...эсвэл, энэ баранд чинь орой эртхэн ирээд пиво оо уугаад суухад л тэр нь өөрөө дэмжлэг болно гэдэгийг ойлгуулахад ч гэсэн...

аль эсвэл, хэрвээ ямар нэгэн юм хийхдээ хамтраад ажиллаад, жоохон ч гэсэн орлого оруулбал тэр чинь өөрөө эргээд энэ барыг, дараад нь Монголдоо байгаа гей коммюнитигээ дэмжиж байгаа хэрэг гэдэгийг хүнд ойлгуулах гэдэг, дээр бичсэн стрейт хүмүүсийн гей хүмүүсийн талаарх ойлголтыг өөрчлөхтэй адилхан хэцүү зүйл юм байна гэж ойлгосон нэг өдөр байсан юм...
Тийм болохоор, нээх албатай ямбатай юм шиг гомдоллоод л, үглээд л байх нь дэмий болов уу гэж...


Хамгийн сүүлд нь зар тавихад  (уг нь сад тавихад гэж л бичмээр байна, гэхдээ сад тавих орчин алга даа, ккк)


1.  12 сарын 10нд болох миссийн тэмцээнд би орох гэж байгаа шүү!!!  Ирж балешиглаарай!  Төмөр замын нэг газарт болно гэсэн.
2.  Ханзо дээр 12 сард шинэ жилийн хүлээн авалтын захиалга авч байгаа шүү!!!  Алдагдалаа нөхдөг ганц сар нь гэсэн... ангийнхан миссээ зохиохгүй байсан ч гэсэн, ямар нэгэн аргаар шархаа нөхөхгүй бол.....   Харин, *танайх бид нарт зориулсан газар биз дээ!  Яахаараа стрейт хүнд үйлчилдэг юм!?* гэсэн шүүмж бол сонсохгүй шүү.
Би ч гэсэн амьдрах гээд л ядаж яваа жирийн нэгэн ГОМО.

Зүүдний ертөнц...

Зиаг зиаг...

Ойрд сээгэс хийгээгүй, сонин сайхан багатай гээд л нөгөө ярьдаг юмаа ярьж л эхлэхээс дээ, ккк.


1.  Болоогүй учралын төгсгөл Прологи

Уг нь өчигдөр сээгэс хийх боломж гарсан юм л даа. 

Гэхдээ мань чинь аймаар эмзэг болохоороо, тэр боломжоо ашиглаж чадсангүй.

Яасан бэ гэсэн, Ханзо оров оо.

Текен дээр нэг хөөрхөн залуу сууж байна.
Миний дуртай байрын гэх юм уу даа.

Онигор жижигхэн нүдтэй, нэг тийм эршүүд бор царайтай, намхан, тэгээд хөөрхөн биетэй нэг тиим. (сүүлд сонсохноо барилга дээр ажилладаг, тэгээд тийм натуральны булчинлаг)

Үс нь унтаж байгаад боссон юм уу гэмээр өрвийчихсөн.

Хажууд очоод асуув *чи сая боссон юм уу? Үс чинь өрвийчихсэн байшд*

Нөгөөх чинь инээмсэглэснээ үгүй гэв.  За тэгээд яриа дуусна биз дээ, өөр юу ч ярихав??

Тэгсэн нөгөөх чинь чихэн дээр ирсэнээ *чи гомо юу?* гээд шивнэж байна.

Би ч тийм л гэлээ, ямар ийм улаан цайм гомо юм байж үгүй мүгүй гээд онгон цэцэгтээд байх биш?

Тэгсэн *Би чамд таалагдаж байна уу?* гэнэ.  Би ч яахав *Таалагдаагүй бол ирж үг өдөхгүй шүүдээ* гээд хэрүүл өдөв. 

Нөгөөх чинь тэгсэн *Чи ч надад таалагдах байна.  Би чамайг хүсч байна, хоёулаа гарья, хурдал* гэнэ ээ...

Би ч яахав, *чи байж бай л даа, би ядаж пиво оо ууж дуусгая* гээд жоохон хүлээлгэж байгаад гарав.

Зиаг тэгээд гардаг юм байгаа биз дээ.
Гараад л алхсан хажуугаар явж байгаа охидуудыг *муусайн гичийнүүд* энэ тэр гээд л бяцхан нахал зан гаргаж байна аа..  Тэгээд л буудал гэсэн, хойшоо Тасагийн овооны зүг зүглэхээр нь *энэ чинь зүгээр стрэйт залуу, тэгээд далим малим үүсгээд байгаа юм биш байгаадаа* гэж жоохон сэжиглээд, бас сэрэмжлээд, өөрийн мэддэг нэг буудал луу авч оров.

Оронгуутаа нөгөөх чинь давхар гаагаанаас өөр хувцасгүй болж үлдсэнээ намайг чинь таталж чангаагаад, хувцас урчих шахана.

Би ч яахав *чи чинь яасан ч яаруу хүүхэд вэ дээ* гэнгээ хувцсаа алгуур тайлав.

Ан, яагаад давхар гаагаа гэсэн бэ гэхээр, дотроо боксер бриф, дээрээс нь транкс өмсчихсөн байсан юм, нээх хөөрхөн  ：D

Зиаг тэгээд ирсэн зорилго юу билээ, нөгөө ажилдаа орохоор шамдана биз дээ...
Уг нь ингэхдээ чимээгүйхэн, жоохон ичимхий маягтайгаар ажилдаа орсон бол асуудалгүй ажил явдалаа хийчих байсан юм.

Тэгсэн нэг л биш ээ..

Нөгөөх чинь яг л нөгөө порно кинон дээр гардаг шиг аяглаад эхэлдэг байгаа.  Юу юунд ч хүрээгүй байхад чанга чанга дуугараад л, дээр нэг гараад л, доор нэг гараад л, их л завгүй...  Би чинь угаасаа тийм завгүй сээгэсэнд дургүй юм чинь миний нөгөө гантгар... бишээ, гантгар гэхээр арай күүл сонсогдоод байна, болжмор маань яахав, 90 градус байснаа, 70 градус болж буув...(Угаасаа минийх үсрээд л 90 градус болдог юм, зарим хүмүүсийнх шиг тэнгэр лүү цойлж 135 градус энэ тэр өндийхгүй).

Тэгсэнээ нөгөөх чинь учиргүй үг үсгээр сээгсээ илэрхийлээд эхлэв...
*Чи намайг байхгүй болтол минь шаагаад өгөөч!! Хөөш!!!*  энэ тэр гээд...

Үргэлжилсэн үгийн зохиолд дургүйг хэлэх үү, тэр тусмаа садар самуун сурталчилсан үргэлжилсэн үгийн зохиолд дургүйг хэлэх үү, болжмор маань сэтгэл нь гонсойгоод бараг амь тавихна ээ...  ТАВИХ гэж тэр утгаараа биш шүү...

Зиаг тэгээд, би ч яахав *би сонсохгүй байна би сонсохгүй байна, болжмор минь чи хар, энэ ярихгүй л бол хөөрхөн л залуу байгааз дээ* гээд болжмор андаа аврах гээд хичээж байтал сүүлчийн ЦОХИЛТ...

*Би эрэгтэй хүнтэй унтаж үзээгүй.  Чи миний энэ ОНГОН ХОШНОГЫГ амталмааргүй байна уу!!??* гэж авсан...

Муу болжмор НОКАУТ болно биз дээ энэ чинь!??

Наадахаа чи тэр Дэлгэртээ л хэл гэдэг шиг юм болсон...
Юун онгон хошного амсах... 

Би чинь ер нь бол нөгөө залуу нь хөөрхөн, өөрийн сонирхол байх тусмаа сээгэсдээ муудаад, *энэ муу янханг яасан ч яахав* гэмээр, царай муутай ч юм уу, олон хүнтэй унтсан бололтой хөгшин баагии бол сээгэсдээ сайжраад байдаг нэг гаж донтой хүн л дээ...

Хөөрхөн залуугийн онгон хальсыг нь булаах энэ тэр бол миний хийдэг ажил биш байхгүй юу даа энэ чинь...

Мэргэжлийн банзал болсон хүнтэй л унтах сонирхолтой байдаг хүн болохоор...


За тэгээд хэллээ л дээ *ах нь өнөөдөр 2 удаа гар хангалга хийчихсэн (угаасаа Монголд унтаж хэвтэх хүн олдохгүй болохоор, баруун гартайгаа банзалдах нь их байгаа юм), бас жоохон согтуу байна, тэгээд дээрээс нь ОНГОН ХОШНОГЫГ БАЙХГҮЙ БОЛТОЛ НЬ ШААХ тиим хобби байхгүй болохоор, соории* гээд.

Тэгсэн ер нь бол геи гэдгээ мэддэг, гэхдээ хүнтэй унтаж учирч үзээгүй, тэгээд баахан порно үзсээр байгаад гомо сээгэс гэж тийм тайлбартай кино шиг нэг бүрчлэн үг хэлэнгээ догшин үзэлцдэг эд гэсэн ойлголттой болчихсон хүүхэд байсан юм шиг байна лээ, ккк

 За тэр ч яахав, өнгөрсөн, болоогүй явдал.


Хэдүүлээ өөр юм ярьцгаах уу??

Зүүдний тухай ч юм уу???


2. Зүүдний ертөнц

Сая энэ долоо хоногт ханиад хүрээд, 4 хоног халуунтай байв.
Уг нь нэг өдөр халуурч хөлрөөд л ханиад эдгэчихдэг дээ, энэ удаад тэгсэнгүй...
Сайндаа ч биш л дээ.

Ажил гээд, хөлөрсөн хөлсөө хатаж амжаагүй байхад нь гадаа гарч буцаж ханиадаа муутгаад...  

Бас тэгээд эртээр зүүдэндээ шалдан гадаа гарч явсан сурагтай байсан...
Манай экс экс экс нэг харсан би шалдан гадагшаа орц луу гарч байна гэнэ ээ.  Хойноос нь яваад очсон, унтаагаараа гараад явж байсан гэсэн, гадаа -5 градус. (өнөөдөр энэ градус гэдэг үгийг яасан их хэрэглэж байна аа).  Буцаагаад хөтөлж оруулаад орон дээр унтуулсан гэнэ лээ, би тэрийг нь санахгүй.  Гэхдээ хажууд хүн байгаагүй бол тэгээд гадаа хөлдөж үхэх байсан байлээ шд...

Тэгээд хар хүйтэнд шалдан нүцгэн гүйгээд байхаар чинь ханиад хүндрэхгүй яахав дээ тэ?  

Зиаг тэгээд халуурав оо халуурав...

Гэхдээ халуурахын нэг гоё юм байгаад байгаа юм.
Юу вэ гэхээр, аягүй сонирхолтой зүүд зүүдэлдэг.  Зүүднээсээ ганц нэгээс нь ярьж өгье.

2.1   Амьдралын эцэс гэдэг зүүд
Энэ энэ жил биш, нодлин ханиад хүрээд халуурч байсан үеийн зүүд л дээ.

Би амьдралын эцэст (үхсэнийхээ дараа) байх шиг байгаа юм.  
Тэгсэн тэнд нэг компютер шиг юм байна аа.  Сонголт хийдэг
Сонголт нь
1) Амьдралын хүрээнээс гарч нэг мөсөн алга болох
2) Дараагийн амьдралаа сонгох

Би бодож байна л даа.  *Мэдээж ийм утгагүй дуусдаггүй хүрднээс гарахыг л сонгож таарна.  Гэхдээ яахав, энэ 2 дахь сонголтон дотор нь юу юу байдагийг нь сонирхоод үзье.  Тайлбар майлбар байгаа байлгүй дээ гээд 2)-ыг нь дарав.

Орсон чинь 2 сонголт байна аа.
1) маш сайхан амьдрал
2) 1+1+1 амьдрал

Би ч сониуч зан хөдөлнө биз дээ.  2)-ыг нь дарвал тайлбар нь байгаа байх гээд дарчихсан чинь... Юуу болсон, нэг юм миний дотор орж ирээд, тэгээд би нэг юм луу татагдаж ороод, бага багаар хуучин амьдралын юмаа мартаад эхэлсэн, дээрээс бурхан ч юм уу нэг нь *энэ хүүхэд тоондоо их сайн болно* гэж сонсогдож байна...
Би ч *Өө пиздру, би уг нь дахиж амьдрая гэж бодоогүй юм сан* гэж бодогдоод л, *одоо ингээд алнаас толгойгоо цухуйлгах байх даа* гээд нүдээ нээсэн сэрчихсэн...

Гэхдээ энэ нэг юм орж ирж байгаа юм шиг юм болоход яг нойтон зүүд шиг, тавьсан юм шиг аймаар гоё мэдрэмж төрж билээ....

2.2  Аймшгийн порно Дисней

Энэ 3 өдрийн өмнөх зүүд.  Үнэн хүнд  

Би нэг хүүхэлдэйн кинон зүүд үзээд байгаа юм.  Би бол зүгээр ажиглагч нь.
Кино эхэлж байна аа.  
Нэг аймаар муухай садист тогооч ажлаа хийж байгаагаар.  Нэг муу загасыг амьдаар нь хуйхлаад, нөгөөх нь *ээжээ ааваа божье мой* гээд л орилоод л, тарчлаад л байна аа...
Мэдээж дисней юм чинь амьтан болгон хүний хэлээр ярьдаг.

Тэгээд л дараагийн кадр.  Киноны гол дүр илжиг гарч байна.
Илжиг нөгөө садист тогоочид баригдчихаж.
Айж байна гэнэ *яанаа, энэ намайг яаж тарчлаах бол* гээд.

Садист тогооч ч яаж тарчлаахаа шийдэж.
Илжгэнд хэлж байна.
*Би чиний гошного луу чинь гараа чихэх болно!* гээд.

Илжигч айж орилж байна гэнэ.
*Наадах чинь гар чихдэг газар биш ш дээ* гээд.

Гэхдээ муу илжиг яаж л чадав, фистдүүлээд шаадаг юм байгаа биз дээ??
Илжиг ч орилж байна... *Яааааа!!! ааа!!!! а!  а!  а!!* (өвдөлтөөс таашаал болон хувирах дуу)...

Илжиг бодож байна....* Энэ чинь таашаалтай юм байшд... энэ муу тэнэг хүмүүс, хүн сонирхохгүй байхад шал дэмий хээлтүүлгийн эм илжигнүүд авчирч байхаар зүгээр ингээд л миний таашаалыг хангадаг байхгүй...*

Дараагийн кадр.  Илжиг ганцаараа үлдчихэж.  Садист тогооч илжигнээс уйдаад яваад өгчихсөн бололтой.

Илжиг аймаар ганцаардаж байна гэнэ.  Нөгөө садист тогоочоо санаад шаналж байна гэнэ.  Гэхдээ мэдээж энэ чинь Диснейгийн хүүхэлдэйн кино.
Илжиг мэдээж адал явдал хийхээр аялана биз дээ.
Арманчик (тэгээд мазохист) илжиг маань, хайрт садист тогоочоо хайхаар аян замд гарч байна гэнэ ээ...

Яваад л байж, яваад л байж, тэгсэнээ нэг шуламтай дайралдаж байна.

Шуламд садист тогоочийнхоо тухай ярьсан, шулам аймаар улс төржүүлж байна аа, нөгөө яриаг нь.
*Энэ ертөнцөд, илжиг ч бай, хүн ч бай адилхан л боддог, ярьдаг байхад энэ муу хүмүүс яахаараа биднийг ингэж дээрэлхэж, биднийг ялгаварлан гадуурхдаг байна аа!! Би чиний тэмцлийг дэмжиж байна!!  Тэгш эрхийн төлөө!!* энэ тэр гээд....

Тэгээд, шулам илжгэнд нисдэг шүүр бэлэглэж байна гэнэ.
Нөгөөх нь баярлаад л нөгөөх дээрээ мордож аваад л нисээд байсан, шулам гэнэт хорон зан нь хөдлөөд, нөгөө шүүрэндээ дахиад хүрсэн, нөгөөх нь дээр нь сууж болохооргүй богинохон болчихож байна гэнэ...
Илжиг ч яахав, эхлээд дээр нь сууж болохгүй болохоор, жоохон яахаа мэдэхгүй байж байснаа гэнэт лаг арга бодож олов.  
Тийшдээ, богинохон шүүрнийхээ ишийг гошного луугаа шаачих юм бол нисч болох юм байна шд гээд...  

Учраа олсон армаанчик, бас мазохист илжиг маань, гошногондоо шүүр шаачихаад л цаашаа нисээд л байна нисээд л байна...

За тэгээд тэр явцдаа шүүрээ нисч чадахгүй болохоор нь хаяж бариад л, шүүр нь тэгсэн яс юман дээрээ илжигэнд дурласан шулам хувирсан байдал нь тэр байсан, тэгээд муудалцаад *эд зүйлээ эвдэрлээ гээд хаях чинь, хүн амьтдыг ялгаварлан гадуурхаж байгаатай адилхан, чи эд зүйлийг ялгаварлан гадуурхлаа гэсэн үг* гэж загнуулж байна энэ тэр гээд зөндөө л үйл явдал болоод байсан, сүүлийн хэсгийг нь мартчихаж...

Гэхдээ үнэн күүл хүүхэлдэйн кинон зүүд байсан, хэхэ.

2.3.  Параллел Ертөнцүүд гэдэг зүүд

Халуураад хэвтэж байсан сүүлчийн өдрийн зүүд.  Нөгөө өөрийгөө сэрчихсэн гэж бодоод, дахин дахин сэрээд байдаг зүүд байдаг даа?  Тэрний нэг хувилбар, гэхдээ зүүдлэнгээ аймаар лаг философи бодоод байсан болохоор оруулчихья.

Минии халуун арай буугаад. тэгээд нэг 37 орчим болвол ажилдаа явья гэж бодоод унтаж байсан юм...

За тэгээд *за ажилдаа явахгүй бол* гээд л сэрлээ л дээ.
Тэгсэн нэг л биш ээ.  Манай гэр хирнээ, байнга байдаг гэр биш байна аа.
Би яагаад ч юм, ээж болон бусад хүмүүстэй хамт амьдардаг болчиж.  Ор маань бол хэвээрээ хэрнээ, нөгөө талд ээж, тэгээд ээжийн нөхөр (гэхдээ миний ертөнцийн ээжийн нөхрөөс өөр хүн) энэ тэр цонх угаагаад зогсож байна.
Тэгсэнээ над луу харсанаа *По чи наад биеэ бодож бай.  Ажилдаа явах гэж яарах юу байдаг юм* гээд л үглэж байна аа.   

Би бол яалт ч үгүй сэрчихсэн байдаг...  Тэгээд л бодож байна гэнэ.
*Би чинь өөрийнхөөсөө өөр, параллел ертөнцөд сэрчихсэн юм шиг байна шд... яавал буцаж өөрийнхөө ертөнцөд очих уу* гээд.

Тэгсэнээ *ан, унтаад буцаад сэрвэл буцаад өөрийнхөө ертөнцөд очих юм байна* гээд унтав.  Унтаж байгаад дахиад сэрсэн, дахиад 3 дагч параллел ертөнцөд оччохож байна гээд, зөндөө олон параллел ертөнцөө үзэж байна гэнэ.

Тэр дотроо бодож байна гэнэ л дээ.. *энэ зүүд л байх ёстой, тэрнээс тийм панаалны юм гэж юу байдаг юм.  Хэрвээ энэ зүүд бол, энэн дотор ямар нэгэн логикоор ойлгогдохооргүй зүйл байх л ёстой...* гээд.
Тэгээд яаж ч тийм юм хайсан бүх ертөнц нь тийм юм байхгүй, бүгд л асар төгс бодит ертөнц байгаад байдаг.

Тэгээд буцаад унтсан, гар утас маань (би гар утсаа бариад унтсан байсан юм) чичрээд утас дугарч байна.  Утас чичирч байгаа тэр мэдрэмж нь бол яг бодитой.

Тэгээд л *за энэ компаниас утасдаж байгаа байж таараа.  Энэ бүхэн зүүд байсан бол, сэрээд өөрийн утсаа харахад жинхэнэ ертөнцийн маань утас ч гэсэн дуугарсан байх естой* гээд сэрсэн...

Өөрийнхөө ертөнцөд сэрж байна. Утсаа харсан, огт дуугараагүй....
Эхлээд өөрийгөө жинхэнээсээ сэрсэн эсэхдээ жоохон эргэлзэв.
Дотроо *тэр дуугарсан утас тэгвэл нөгөө олон параллел ертөнцийн аль нэгт нь байсан юм байхдаа* гэж бодоод, нээрээ ч баахан параллел ертөнцөөрөө аялаад ирсэн юм шиг сонин санагдав....


Халуурах ч бас муугүй шүү тэ?   Хэт халуурсанаас болоод тархинаас нэг төрлийн хар тамхи ялгараад, хүн хий юм харж, сонин сонин юм зүүдэлдэг юм шиг байгаа юм.

Сонирхолтой шүү.


За тэгээд, арманчиг, мазохист илжигнүүдийнхээ хүний (илжигний?) эрх, тэгш байдлын төлөө тэмцэцгээе!!!


Нээрээ манай Босоо Боов (Особу-ийн Монголчилсон нэр) буюу Наранцэцэг (малигар шар гэсэн үг) маань Монголд ирчихсэн байлээ.

Эртээр хамт баахан алцганасан.

Гандан Буурахгүй Босоо Боовдоо хайртай шүү (аль аль утгаар нь)





 

Gomo Naraa & tolerance

Зиаг зиаг

Монголд маань бахархлын долоо хоног болоод дуусав.
Өчигдөр хуучин Мр.Бюти буюу энэ жил болохоор Монголиан Бэст Драг Шоугаар өндөрлөөд.

Гоё болж байна лээ.

Охидууд маань ч цоглог, ирсэн хүмүүс маань ч гоё өнгөрсөн.

Зааг тэр гоё болсон юмны тухай бичих ч яах вэ.

Бахархлын долоо хоногт байсан хамгийн онцгой (миний хувьд) зочин нь гомо Нараа байсан болов уу гэж бодогдсон.

Тэр хүнд юу бодогдож байсан бол гэдэг их сонирхолтой санагдсан ч, би юм ярьсангүй л дээ... яаж, юуны тухай ярихаа мэдэхгүй болохоор.

Гэхдээ, насан туршдаа гомо гэж ад үзэгдэж явсан хүн, насны эцэстээ хөөрхөн хөөрхөн транс охидууд, өөрийн дураараа ил гарч ирээд явж байгааг харахад, нэг талаас баярлах, нөгөө талаас атаархах, гомдох сэтгэгдэл их төрж байсан болов уу... Их л ээдрээтэй сэтгэгдэлтэй байсан байх гэж бодож байна.

Өчигдөр тэр нь илэрсэн үү , сэтгэл нь хөөрсөндөө юу, аль эрт, тэмцээн эхлэхээс өмнө согтчихсон, тэгээд үйл ажиллагаанд садаа болсон гэсэн үндэслэлээр хөөгдөж гарахыг нь хараад нилээд өрөвдөв.

Гомо Нараа, манин Буяа, Гамбууш гээд аль эртний хэд хэдэн ил тод хүмүүс байсансан.
Олон нийтэд ад үзэгдээд л явж байдаг...
Тэднээс, Гамбууш бол хүмүүсийг өөртөө татаад, өөрийгөө ойлгуулж чадсан бол, гомо Нараа, өөрийнхөө зан аашаас болоод бусдад өөрийгөө ойлгуулж чадахгүй яваад байгаа мэт...

Эцсийн эцэст, манай Монголчууд юманд их хүлээцтэй, хэрвээ тэр хүн нь дажгүй хүн бол тэр хүн нь гомо байна уу үгүй юу нэг их ач холбогдол өгдөггүй юм шиг санагдаад байгаашд.

Гэхдээ өчигдөр гомо Нарааг хөөгөөд гаргасанд бол би хувь хүнийхээ хувьд жоохон сэтгэл дундуур л байв.

Өөрсдөө бусдад *биднийг хүн гэдэг утгаар нь хараачээ* гэж хэлж байгаа хирнээ, хамгийн олон жил ад үзэгдэж ирсэн нэг ёсны золиос гэж хэлж болохоор нэгнийгээ жоохон уучихсан байсных нь төлөө дамжлаад гаргаж хаях хэрэггүй л байсан мэт...

Тэр хүн согтуу, агсан тавьлаа гээд уг нь шалихгүй шүү дээ, тэгээд зүгээр харсан ч хараагүй мэт орхичихад болох байсан юм биш үү гэж...

Юманд тэвчээртэй, толерент байдлаар харж хандаж сурах хэрэгтэй юм болов уу даа гэж нэг бодогдов...


За тэр ч яахав.


Цаана чинь Японд *Том боовтой сурагтай* гэдэг нэртэй гоё парти болоод байна гэнэ!!!

Ийм парти хийгээд, тэгээд шүүгчээр нь ажиллаж олон боожгооноос хамгийн онцгойг нй шалгаруулаад, тэгээд том боовтойгоос нь амтлаад амсаад явчих юмсан гэж нэг бодогдов ккк.
Мань чинь өнө удаан сээгэс мээгэс хийгээгүй байгааг ч хэлэх үү, юм хум бадайраад сонин болоод байлээ, ккк.

Манайхан гэхдээ ичимхий болохоороо ийм юманд ирэхгүй байх тэ????

Юу ч болсон партины зарлалын зургийг оруулчихья

 

шүүгчид, том боовтой эсэхийг шалгаруулж буй байдал.

Зарлал нь

Нодлингийн мисс нь... бишээ том боожгойтойн аврага нь гэнэ