Ойрын сонин сайханаа бичдэг сайхан заншилаа би чинь нээрээ мартсан юм байшд тэ?
Олигтой сонин содон байхгүй болохоор арга ч үгүй юм уу даа...

Сониноо бичвэл...

5 дахь өдөр, ажлаа тарчихаад явж архи уух гээд гарсан, нэг л толгой өвдөөд л, бие зарзайгаад байсан юм. Ханиад хүрчихсэн юм байна, өнөөдөр даруухан, ганцxан аяга пиво уучихаад харьж унтая ухааны юм бодож байсан...
Ийм үеэр хамгийн хөөрхөн залуус энэ тэр замд тээгэлдэх юм аа.
Дурлах шахсан. Даанч стрэйт...
Дэлдэн чихтэй, намхан (165 хавьцаа юу?), жижигхэн биетэй (туранхай), онигор нүдтэй, гэхдээ хөмсөг сайтай (энэ чухал!) тэгээд барилга дээр ажилладаг маягийн хувцастай (би хэт чамин хүмүүсээс илүү, аль болох бараг бор маягийн хувцасласан залуусд дуртай), тэгээд хамгийн, хамгийн гол нь бараг л зандан!!! (20тойдоо нэг удаа охинтой унтаж үзсэн, тэрнээс хойш байхгүй, одоо 24-тэй гэж байсан.) тийм хүүхэд байв.

Миний эгдүү хүрээд болдоггүй. Баахан чимхэж, нудчиж авав.
Хамт явж байсан 2 залуус нь *наадахаа чи ер нь аваад харь, чамд өгчихье! Амьдралын их сургууль маягаар янз бүрийн юм зааж өг* гээд явуулаастай...
Би хөөрөөд, эрт харих байсан хүн юу байхав, нөгөө хөөрхөн бандийг чинь оролдоод (сээгэс гэсэн утгаараа биш шүү) сууж байсан, нэг мэдсэн 4 болчихсон байлээ...

Даанч өөдгүй, тэр хүүхэд , *маргааш ажилтай* гээд зугтаагаад яваад өгсөн...
Явахынх нь өмнө *Зүгээр байхаар үнсэлцэх үү?* гэсэн дургүйцэхгүй байлээ? ккк


Хагассайнд.
Хоёр өдөр халуураад балрав. Стрэйт залуу оролдсоны гор нь гарч байгаа юм байх даа? ккк
*Энэ арай нөгөө томуу гээч нь биш байгаадаа* гээд эмнэлэгт очсон, зүгээр ханиад байж таарсан байлээ.
Харин, астмыг минь үзчихээд, юун ханиад, юун халуун.
*Хурдан түргэн дуудаж том эмнэлэг рүү оч!!!* *Чи үхэхийг хүссэн хүн үү айн? Ингэтлээ сульдчихаад эртхэн ирэхгүй яасан юм* гээд, дусал мусал элдэв шалдав юм хийлгэх шив дээ...
Ер нь л тэр стрэйт залуу оролдсоны гор байх, ккк

Ядаж байхад, маргааш нь мэйл бичээд, хариу байхгүй, намайгаа мурьчихсан. Настан буурлуудаа баярлуулж, хааяа нэг хоол хамт идчихгүй тэ? өөдгүй..
Уг нь бол алган дээрээ бөмбөрүүлэхгүй юу?? ккк

Мартын наймнаар>
Хэдэн найзуудаараа нийлж жоохон уув. Айхтар Параанц хоолны газар цуглаж бариж байгаад, мэдээж ш дээ тэ? Мартын 8 юм чинь??
Тэгээд яриад сууж байсан, нэг мэдсэн ярианы сэдэв, оршуулга моршуулга руу давхиад орчихсон байсан...
Xөгшчүүлийн гол ярианы сэдэв, өвчин улиг байдаг гэдэг шиг, одоо тэр зүгрүүгээ л чиглээд байх шиг байгаа юм. Одоо удахгүй *Нөгөө По ажаа чинь өнхөрөөд өгсөн гэнэ шүү? Зүгээр ч өнхөрөх мөрөөрөө өнхөрөхгүй, жоохон хүүхэд чангааж, зүрхэндээ хирээсээ хэтэрсэн ачаалал авсанаасаа болоод, фукужоши (сээгэс хийж байхдаа зүрхний шигдээсээр үхэх) болсон сурагтай гэнэ үү?? Шар сэмжилсэн хог!* ч гэдэг юм уу.. *Хөөрхий муу Баябага. Уг нь гайгүй хүн байсансан, даанч сүүлийн хэдэн жилдээ зовсон доо зовсон. Өөрөөс нь ахимад *залуу* олдохгүй байна гээд л шүлсээ савируулаад* энэ тэр гэсэн юм ярьсан хүмүүс болж магадгүй шүү...

Сайндаа ч биш л дээ. Нэг таньдаг(?) хүүхэд, 36-7 тойдоо нас барсан сурагтай, тэгсэн тэрний гэй найзууд нь оршуулганд нь очсон юм байх. Тэгээд, оршуулганд гэй найзууд очих зөв үү буруу юу гэсэн ухааны юм ярилцацгаасан юм.

Миний дүгнэлт гэвэл, угаасаа оршуулга гэдэг, үлдэж байгаа хүмүүсийн төлөө хийдэг зүйл болохоос, тэр өнгөрсөн хүний төлөө хийдэг зүйл бол биш болов уу гэж, Тэгээд, хэрвээ гэрийнхэн нь дургүйцэх хандлагатай бол очих нь дэмий болов уу гэсэн маягтай.

Жич, миний хувьд оршуулганд нь очиж *чадна* гэж бодогдож байгаа хүн гэсэн...
Хамт амьдардагаараа манай экс экс экс л юм шиг байгаа юм. Эцэг эх нь учиргүй гэр орондоо уриад байдаг болохоор. Бусад хүмүүсийн хувьд, эцэг эхийг нь таних ч үгүй болохоор тэ?

Би өөрөө үхсэн тохиолдолд.... Нэг их оршуулга энэ тэр гэж сүйд болохгүй байх нь зүгээр юм шиг санагддаг юм. Хэрвээ *тэмдэглэвэл*, дуутай шуутай, шоудсан маягаар тэмдэглээсэй гэж. Тэрнээс нэг их уйлж унжаад байх бол дэмий юм шиг.

За за, гэхдээ иймэрхүү зүйлийг, үлдсэн хүмүүс өөрсдөө шийддэг асуудал байх л даа.
Тэгээд ч над шиг нөхрийг үхлээ хатлаа гээд, нэг их хойноос санаж дурсах хүн олдохгүй байлгүй? ккк

Нэг тиймэрхүү, нэг иймэрхүү