Бодоод байсан, энэ блогоо хамгийн их бичдэг байсан үе маань оффисст ажилладаг, уг нь завгүй байсан үе юм байна шд.
2006 онын үе гэхээр, уг нь өглөөний 9-өөс шөнийн 3 хүртэл ажилладаг, ажлаа тараад өглөө 5 хүртэл архиддаг байсан үе маань. Ямар заваараа ч илүү дутуу юм бичээд суудаг байсан юм..
Бас яг тэр үедээ сексийн хувьд хамгийн идэвхтэй байсан үе маань байгаад байгаа юм. Долоо хоногт дор хаяж 3-5 хүнтэй бавалцдаг гэхээр, хаанаасаа тийм зав гаргаж ирээд байдаг байсан юм бүү мэд...
Монголд ирсэнээс хойш уг нь маш их завтай болсон байдаг юм. Амьдрал нэг их адал явдалгүй гэхэд бас үгүй байгаад байгаа юм. Тэгсэн хирнээ яагаад ч юм зав их байгаа хирнээ юм бичих сонирхол ч байхгүй болоод, секс хийх давтамж хүртэл илт багассан нь ямар учиртай юм бол?
За сексийн хувьд яалт ч үгүй сонголт цөөхөнтэй байгаа байдал, олон хүн таньдаг болсоны сул тал (хэн л хүн болгонтой харьцдаг, гэй барны эзэнтэй секс хийе гэж бодохов дээ) энээ тэрээ гээд шалтгаанууд байгаа байх л даа.
За тэр ч яахав.
Одоо нэг оффис дээр суудаг болсон юм.
Гэхдээ зүгээр суугаад байдагаас биш, хийх ажил бараг байхгүй, тэгээд юу ч хийхээ мэдэхгүй байгаад байхаар уйдах юм аа.
Уйдаж байхаар блогтоо салхи оруулья гэхээр бас нэг их бичмээр юм олдохгүй юм.
Нөгөө гол ярианы сэдэв байдаг байсан ямар залуу яаж чихэдсэн энээ тэрээ гэдэг юмнууд нь байхгүй байхаар арга ч үгүй байх л дөө.
Юу ч болсон өнгөрсөн 2 жилийн тойм.
Ч гэж дээ, угаасаа 2 жил корона гээд хаашаа ч яваагүй болохоор тоймсоод байх юм байхгүй л дээ.
2019 оны зун Сингапур явж компани байгуулсан юм байна. Тэгэнгээ мэдээж нутгийн ногоо зулгаана биз дээ. Өмнө нь Сингапур гэхээр царай муутай хүмүүстэй, архи нь үнэтэй, уйтгартай гэсэн ойлголттой байдаг байсан, би эсвэл хөгшрөөд бараа голохоо больсон юм уу, эсвэл Сингапур арай сонирхолтой болсон юм уу, ямарч байсан нилээд гайгүй шүү?
Гэхдээ барнуудад нь орсон зарим нэг онцгүй мэдрэмжүүд явж байна лээ. Шинээр нээгдсэн гэх баавгайнуудын баранд орсон, мань мэтийг нь хүн гэж үзэж байгаа юм байхгүй, шууд буланд суу энээ тэрээ гэсэн шиг... Жоохон хүүхдүүдийн ордог баранд орсон бас үл үзэгдэгч хүн шиг байгаад жоохон тиймхэн байсан, харин эртнээс байсан нэг Тантрик бар байсан байх аа, тэр бол дажгүй байна лээ. Хуучин концептоо өөрчлөөд, булан болгон нь өөр төрлийн барнуудын цуглуулга маягийн концепттой болчихсон байсан нь их таалагдсан. Би ер нь нэг төрлийн хүмүүс цуглардаг барнуудад дургүй болохоор, тийм амьтны хүрээлэн шиг мянга түмэн юм холилдсон юм хамаагүй зүгээр санагдаад.
За тэгээд 2020 он. Гэрээсээ хамгийн хол явсан нь Зайсан толгой байсан гэхээр бүр арай дэндүү бүгсэн байна лээ. Тэрийгээ ч анзаараагүй байсан iphone-ы зурагны мапаа харсан бүр арай дэндүү бүгсэн нь мэдэгдсэн.
11 сард төрсөн өдрөө Парти болгож тэмдэглээд (аймар сүртэй нэртэй, Narcissism）, 2020 оны хамгийн эрэлттэй байсан 2 дуучин (Mrs.M, 168) энэ тэрээр дуулуулж бариад, такстай төрсөн өдрийн парти хийсэн, маргаашнаас нь шууд карантин. Lava клуб дээр уг нь 20 орчим авдар пиво үлдээсэн байсан, тэрийгээ авья гэсэн нөгөөдүүл нь (Бид нар ч гэсэн уумаар л байна шд) гээд өгөөгүй энэ тэр :D
Гэхдээ нодлингийн тэр эхний карантин бол бүр үнэхээр утгагүй байсан. Бартай хүн тулдаа пивоор тасраагүй болохоос, хэцүүдэхээр байсан шүү...
2020 онд 21-тэй нэг бой, 24-тэй нэг бойтой жоохон явалдсан юм байна нээрээ, даанч нэг нь давраад (Би Погийн найз залуу нь байна гэж манай үйлчлүүлэгчид агсан тавьж зодоон хийсэн, манай хаалганы шилийг хагалсан, түлхүүр хулгайлж явангуутаа цагдаа дуудсан энэ тэр гээд), нөгөөхөөс нь жоохон уйдаад (их дуугүй хүүхэд) тэгээд больсон доо...
2021 он бол тэгээд бас л хориотой, хаашаа ч явахгүй өнгөрөв шив дээ. Яахав хөдөө явсан болохоор (Архангай) нодлингоо бодвол арай дээр.
Нэг тиймэрхүү л амьдарч байна. Одоо нэг боовшиж, жоохон сэргээхгүй бол бүр арай л идэвхгүй амьдраад байна аа.
Гэхдээ оффис дээрээ юу ч хийхгүй зүгээр сууж байхаар хааяа нэг салхи оруулна даа. Ярих сэдэв олдохно уу харин.
2020 онд нээрээ кекс подкастанд орсон юм байна.
https://www.youtube.com/watch?v=_jrhnzT9ngE
Баахан бурсан, сонирхвол үзээрэй.
2021 онд Fuckup Night-ад бас зочноор орж баахан сексийн амьдралаа ярьсан.
Өөр ч юмгүй дөө.
Нэг тиймэргүү, нэг иймэрхүү
No comments:
Post a Comment