Hyatad hel

Зиа зиаг...
Энүүгээр ч сонин сайхан зүйл алга дөө, идэж уугаад л байдгаараа л байна.

Уг нь 8 сар гээд Монгол бүүр харих төлөвлөгөөтэй байсан боловч, хоёрын хооронд 3-4хөн сар хятад хэл сурлаа гээд, дараад нь дороо мартах юм болох болохоор, ямар ч байсан энэ жилдээ энд байхаар шийдсэн байгаа.

11 сарын сүүл хүртэл Тайванд хичээлдээ суучихаад, 12 сард Японд очиж жоохон байчихаад, тэгээд дараа жилээс л Монгол харих санаа байна шд.

Зиаг тэр ч яахав.
Хэл сурч байгаа болохоор, сүүлийн үед лингвист маягийн юманд их сонирхол төрөөд байгаа.

Хятад хэлний дуудлага, дүрэм нь Монгол хэлнээс шаал өөр (зэрэгцэж оршдог улсууд гэхэд бүр арай дэндүү өөр) болохоор, ер нь яагаад юм бол гэсэн маягаар юм уншиж бариад сууж байсан, яах ч аргагүй юм байна билээ.
Угаасаа гарал үүсэл нь шал өөр юм байна!

Монголчуудын хувьд европын хэлнүүд нь хамаагүй ойрхон санагдах юм гэдгийг энэ зургийг харвал угаасаа ойлгох байх.

Тийм болохоор, Монголчуудын хувьд ямар хэл сурахад амар, ямар хэл хэцүү байх вэ гээд бодоод үзэхээр


Сурахад хамгийн амархан хэлнүүд (амарханаасаа хэцүү лүүгээ):
- Турк хэл:  Адилхан Алтайн хэлний овогт багтдаг!
- Солонгос хэл: Турк хэлнээс арай хэцүү байх боловч, адилхан Алтайн хэлний овогт багтдаг болохоор харьцангүй амархан
- Япон хэл:  Дээдэхтэй төстэй боловч, хэцүү зүйл нь ханз


Сурахад харьцангуй амархан хэлнүүд:
- Англи хэл:  Дүрэм нь амархан болохоор
- Унгар хэл, Финлянд хэл: Уг нь бол нилээд хэцүү хэл боловч Урал-Алтайн хэлний бүлэгт багтдаг, Монгол хэлтэй нилээд төстэй.


Сурахад харьцангуй хэцүү хэлнүүд:
- Герман, Орос, Испани гэх мэтийн Европын хэлнүүд.  Дүрэм нь харьцангуй төвөгтэй, Монголчуудад ойлгоход хэцүү


Сурахад хэцүү хэл:
- Араб хэл.  Нилээд төвөгтэй, европын хэлнүүдтэй төс багатай
- Тайланд, Вьетнам гэх мэтийн Азийн хэлнүүд.  Дүрэм болон дуудлага нь Монгол хэлнээс эрс ялгаатай
- Хятад хэл, хятад хэлний дайлектууд: Дүрэм болон дуудлага нь Монгол хэлнээс эрс өөр.  Дээрээс нь Ханз нэмж сурах хэрэгтэй
- Африкийн хэлнүүд???


За ямар хэл сурмаар санагдав? хаха.

Нээрээ нэг ийм бичлэг олсон, сонирхолтой.

Хятад гэдэг улсын газар нутаг ямар байх нь зохистой вэ гэдэгийг Тайван хүн хийсэн анимеишн юм байлээ.




Эсрэгээрээ, манай Монголчуудын хийж байгаа зүйлс нь нэг тийм богино хараатай байгаад нь хааяа харамсал төрөх юм.

Нэг ийм зурагийг хүн болгон хуулаад л, шэйрлээд л, ийм байвал гоё шүү гээд л байгаа байхгүй юу!!!

Хэрвээ чи энэ зурагны Монгол гэдэгийг нь Хятад гэдэгээр солиод л, Хятад гэдэгийг нь Төвд болгоход л, энэ зураг ямар санаатай гэдэг нь шууд харагдахаар байгаа биз дээ тэ?

Хэрвээ л Монголынхоо хуучин ямар байсанаа сэргээмээр байвал, Орос, Казакстан энэ тэрийг ч гэсэн нийлүүлж харах хэрэгтэй байгаа байхгүй юу!
Манай Монголчуудын үндэсний үзэлийг буруугаар хөөргөж байгаа нь бараг Хятадуудын бодлого юм биш үү гэж хардаад байгаашд...



Нэг иймэрхүү нэг тиймэрхүү