SUMO SUMO

Ойрын 2-3 долоо хоног зав муутай байлаа..Ажил ажил ажил гээд...

Өдөр болгон өглөөний 2-3 гэж хариад, гэртээ хариад шууд унтахгүй болохоор, 4 энэ тэр гэж унтаад гэсэн амьдралын хэв маяг муу муу..

Саяны хагас бүтэн сайн л гэхэд..

5 дахь = өглөө 4 гэж хариад, гэртээ пиво уучихаад унтав

Хагас сайн = Өглөө 10 гэж ажилдаа явав. Өглөөний 7 гэж гэртээ хариад 2 цаг унтав.

Бүтэн сайн = Өглөө 9 гэж ажилдаа яваад, тэр чигээрээ. Нэгдэхийн өглөө 9 гэж гэртээ харьж хувцасаа сольчихоод, 10 цагаас хуралдав. Өдрийн 2 цаг хүртэл ажиллаад, харьж унтав ...гэсэн маягтай...

..2 hours sleep in 48 hours...

Иймэрхүү маягаар гэхдээ ажил ихтэй байхаар, архи уух багасаад дажгүй тал ч бас байна аа.. 1 сар бараг дуусч байгаа биз дээ?

1 сард архинд хэрэглэсэн мөнгө, 12 сарын архины мөнгөний 1/4 хавьцаа л гарч байна гэхээр сайн хэмнэсэн байгааз дээ? Энэ сард дор хаяж 1,000 орчим дойлуур бол хэмнэх юм шиг байгаам...

Зиаг тэр ч яахав.

Баябага дарга СУМО СУМО гээд баахан юм биччихэж. Би яагаад дуурайж бичиж болдоггүй юм тэ??? кээк

Сумо гэхээр л, бүдүүн царай муутай гээд муулаад байдаг хүмүүс байдаг даа??

Баябага хүртэл *БҮГДЭЭРЭЭ АДИЛХАН ЦАРАЙТАЙ* энэ тэр гээд муулаад амжчихсан...

Би ч хувьдаа нэг их хөөрхөн гэж боддоггүй л дээ..

Гэхдээ, хорвоод, янзан бүрийн хүн их байх юм аа..

Японы гомо залуучууд гэхэд, БҮДҮКАД ДУРЛАГЧ буюу ДЭБҮСЭН, БҮДҮКАД Ч ГЭСЭН ДУРЛАГЧ буюу ДЭБҮМОСЭН, жин нь 100 кг-аас дээш ГУРВАН ОРОНТОД ДУРЛАГЧ буюу МИКЭТА СЭН гээд хүмүүс, нийт гомо хүн амын бараг 1/3 энэ тэрийг эзэлдэг гэх мэт... (1/3-ээс их ч байж магадгүй)

Гомо залуугийн охинтой сексдсэн түүx

Эртээ урьдын цагт...


Орчлон ертөнц нэг тийм чимээгүй, нам жим байсан цаг үе.
Гудамжаар волга, лада машинууд давхилдах үедээ давхилдаад, давхилдахгүй үедээ давхилдахгүй...


Лада машин 10,000 төгрөгний үнэтэй, маружин 60 мөнгөний үнэтэй, талх 1 төгрөг 20 мөнгө, хамгийн амттай чихэр 24 төгрөг байсан цаг.


Цэвэрлэгч хүний цалин 280 төгрөг, дээд боловсролтой багш хүний цалин 600 төгрөг, алдартай Австри гутал 450 төгрөг байсан тэр л үе...


Ийм л үед өсвөр насаа өнгөрөөв, би...

Арай ч ГОМО болчихоогүй үе байсан юм байх гэж уг нь бодогдоод байдаг юм...


Ярьж эхлээд удалгүй хажууд айлын хөөрхөн агаа гээд зад хандардаг байсан, 3 настайдаа нагац эгчийнхээ бөмбөгтэй улаан палаажийг булаацалдаж байгаад тархиа хагалж байсан гэх мэтийг эс тооцвол...


Бусад талаараа бол зад шулуун банди байсан гэж бол хувьдаа боддог юм...


Найзуудтайгаа нийлж, элсээр тоглохдоо, шалдан хүүхэн барьсан шиг (хөхтэй, хэлмүүтэй мундаг элсэн хүүхэн)...


Бас болоогүй, 3 хан см-ийн урттай боожгойгоо өөрийн бүтээл элсэн дач вайф руугаа шургуулж үзэх гэсэн шиг...

Zav baihgui, mungu baihgui...

Hereg alga aa...
12 saryn arhiny mungu, 184,796 yen (2,000 dollar...) garsan baina...
12 saryn hoolny mungu, 95,469 yen (1,060 dollar...) garsan baina...

12 sard ugsun eruul mendiin uzleg C garsan baiv...

Eleg bolon, sheesen dehi isgelen ed ih baina gene ee...
Ideh uuh ni ihdej baigaa tsarai ni ene....

Umnuh udur ni zad arhidchihaad ochson bolohoor, jaal nootoi garsan baih l daa...

Tegeed 1 sar.
Mungugui, zavgui, zaluugui, neg tiimerhuu

Ziag tegeed, mungugui, zavgui, zaluugui bolohoor, bichih yum ch oldohgui biz dee te? keek...

Ug ni *GOMO PO-giin OHINTOI BAMBIRALTSSAN (bambiraltsah gej oroldson) TALAAR URT TUUH* enee teree geed bichmeer yum baigaa l daa, gehdee ene talaar tuhtai, zavtaidaa BANJIG ene ter deer zereg tavin barin bichsen ni deer geed hadgalaad baigaa yum.. keke

Tegeed bichih yum oldohgui bol yaahav...

Hugshin GOMOgiin garyn hool ene ter oruulah uu daa te?? keek....
Yaaj hiihtei ni zaaj uguh uu? lol

Hugshin GOMOgiin garyn hool No 1 - Aquapazza

Material:

1. Zagas (Yamar ch zagas baisan bolno)
2. Hyasaa (baival ter, baihgui bol baihgui baij bolno)
3. Pomidor (jijighen bol zugeer)
4. Sarmis
5. Tsagaan vino, baihgui bol pivo, arhi baisan ch bolno
6. Lavryn navch bolon parsley, basil geh metiin nogoon ungutei herb
7. Oliviin tos, baihgui bol maslo, baihgui bol 9-iin tos
8. Davs, perets

Yaaj hiih talaar:
1. Zagasaa tseverlene (gedes dotryg ni avch hayaad, gadnah hairsyg ni husaad geh met..Delguurt tseverlesen zagas baival tiimiig avsan ni hamaagui deer)
2. Zagasandaa davs, pyertsee nyalzaagaad heseg orhino
3. Oliviiin tos, esvel maslo-aa hailuulaad, dotor ni sarmisaa hiine
4. Amtalsan (davsalsan?) zagasaa sharna. Zuulun gal deer, sarmistai tosooroo baga bagaar bolgoson shig...
5. Zagas chini gadna tal ni bolood ireheer, vino yum uu arhia hiigeed, bas herb bolon pomidoroo hiigeed hesen jignene. Ene uyedee hyasaa baival hyasaagaa dotor ni hiivel amt ni iluu dajgui
6. Bolohoor ni idne.

America gay scenes in its best and worst days...

Durtai kino maani youtube deer baina.

Hilarious irony!!!
People in the cruel times are cruel as well, I presume

Hoorondoo ugeer ideltssen baidal, gunigtai bolovch comical tuuh geed l...



Bayabaga bid 2-yn hiideg heruulerhuu, keke.


1970 ond neeltee hiisen geheer, 1969 ony stonewall incidentiin uyeer zurag avaltaa hiij baisan gesen ug uu te???

40 jiliin umnu uu gej...
Have fun watching

Byatshan tuuh

Зиаг зиаг...

ойр зуурын сонин сайхнаас..

Өчигдөр, байнга ордог гэй барандаа уугаад сууж байлаа...

Мэдээж, ярианы сэдэв дэвэн дэлхийгээр... *Солонгосын орчин үеийн охидын хамтлагууд сонирхолтой, чанартай болоод байгаа*, * Биёнсе, Шакила нарын сүүлийн үеийн бүжгийн талаар*,





*Солонгос залуучуудын боожгооны талаар*, *Эмэгтэй хувцас өмсдөг хүмүүсийн талаар*, *Орчин үеийн Япон залуучууд үлбэгэр болж байгаа талаар* гэж эхлээд, мэдээж сексийн талаар ....

Цаг хугацаа гэж...

2010 оны мэндийг хүргэе!!!

Сайхан шинэлж, сайн ондоо оров уу???

гээд лаг оройтож ирээд мэндэлж энэ тэр...


Гэхдээ хөгширөхөөр нээрээ цаг хугацаа өнгөрөх нь хурдасдаг гэж үнэн юм шиг ээ...

Өнөөдөр яаж яваад ч юм, юу тюб энэ тэр үзээд яриад сууж байсан юм.

Тэгээд дуртай дуунууд энэ тэр гээд ярьж байсан, би угаасаа юмны нэр мэр цээжлэх биш???
Экс бойгфрендтэйгээ *Яагаав, нөгөө Бекийн дуу, саяхан гарч байсан даа, би дуулаад л байдаг байсан ш дээ...* гэж яриад, бараг өчигдөр уржигдарын юм ярьж байгаа шиг санаад байсан чинь, олоод, хэдэн он гэдгийг нь харсан чинь...



2005 он... 5 жилийн өмнө байж авдаг байгаа...

Тэгээд, ер нь сүүлд сонсож байсан дуунуудаа гээд хайгаад үзсэн, ёстой жинхэнэ дур гутсан...

Увайгүй хог, адгийн шаараараа дуудуулсан зул сарын баяр...

Зиаг зиаг

Сар шинийн баяр маань өнгөрчих шив дээ.Эндэхийн заншилаар, нэг хар юм уургалж аваад өнгөрөөчихье гээд, орсон буур шиг чичрээд дайрсан, барсангүй шүү???

Эхлээд, нэг хөөрхөн солонгос бандитай хамт зул сарын баярын өмнөх үдэш (крисмас ив) хамтдаа болзоодно гэж юм ярьсан байсан юм.

Крисмас ив-ээр болзоодно гэдэг, эндэхийн журмаар бол нилээдгүй жогтой эд л дээ. Хир баргийн хүнтэй хамтдаа өнгөрөөхгүй, үнээрийн хайртай дуртай энээ тэрээ гэсэн хүнтэйгээ өнгөрөөдөг баяр юм шиг байгаа юм.
Тэгээд, зул сарын баярын өмнөхийн өмнөх өдөр нөгөө Солонгос хархүүтэйгээ хамт архи уув аа...

Уг нь энэ чигээрээ дэгтэйхэн, донжтойхон байсан бол, зул сараар хамтдаа болзоодоод, түүний дараа дэгэн догон дээр доороо болох боломж байсан юм.

Гэтэл би гэдэг нөхөр... жоохон архи уучихсан чинь *зиа байз, өнөөдөр сээгэсдмээр байна. Энэ нөхөртэй бол ч яахав тэртэй тэргүй зул сараар сээгэсдэх юм чинь хойш нь тавьчихья* гэсэн ухааны юм согтуу ухаанаараа санаж байсан... Нэг мэдсэн болдоггүй газар ганцаараа байж байлээ...

Gomo bolon, huvtsas

Нээх урт урт хэрүүл нэхсэн бичлэгүүд хийсэн, Банжиг дээр маань хүмүүс *Эмзэг эрхтэн... бишээ сэдэв хөндлөө, чи ямар деликаси байхгүй нөхөр вэ?* гээд комментууд их үлдээж байна аа, кэкэ

Зиаг зиаг, богинохон тэмдэглэлүүд...

1. Гомо болон Мода

Каролин-аас гомо болон дезайнерийн талаар бичээрэй гэсэн даалгавар ирсэн байсан тул, саяны хагас бүтэн сайнаар жаал моод эргүүлэв.

Хагассайнд нэг найзындаа очиж хоол идээд, тэгээд гарч 2-р хороолол орсон юм. Манай тэр найз, өөрийгөө *Фашиониста* гэж нэрлээд, хобби нь шоппинг нөхөр л дөө..

Гэрээс гарах гэж бөөн юм болж байна аа... Ямар ч л байсан 5-6 удаа хувцсаа сольж өмссөн байх. Хамгийн сүүлд нь, шаав шар ноосон цамц, цэв цэнхэр футболка өмсөөд гараад шидчихсэн. Өвлийн хар хүйтнээр...

*Чи даарахгүй байна уу?* гэсэн *Ганган хүн хавар намар гэдэг юм, даарах зэргийн юманд санаа зовоод байх юм бол жинхэнэ МОД-ны хүн / ФАШИОНИСТА болж хэзээ ч чадахгүй* гэж ирээд л зад шилбэлзэж байлээ, кэкэ.

Тэгсэнээ метронд ороод явсан, өмнөөс нь нэг хөөрхөн залуухан аав суучихсан байсан *Ёоноо, ямар хөөрхөн юм бэ. Тэгээд дээрээс нь хувцас хунар нь ч гэсэн хөдөөний маягтай аягүй секси. Энэ залуугийн бүх хувцасыг нэмээд ч, миний энэ шар ноосон цамцны тал үнэнд ч хүрэхгүй байхаа* гэж тас тас инээгээд, хүн сонсож байхад хэцүү хэцүү..

Гэхдээ ялангуяа гэй хүмүүсийн дунд, ганган байх хүсэл, хүнд тоогдох хүсэл 2 нь хоорондоо зөрчилдөөд хэцүү байдаг хүмүүс их байдаг юм шиг.

Тогос шиг xэт гангалчихвал *эрэгтэйлэг шинж* нь багасаад, тоогдохоо боличихно...*Эрэгтэйлэг шинж/ гүндүүгүй байдал*-аа сонгохоор өөрөө өөртөө таалагдахаа больчихно гээд, кээк.

Залуухан, Ази, тэгээд ГОМО

Саяхан, Хьюстонд лезби мэйёр сонгогдсон гэж уншиж байсан, тэгсэн Силикон Валэйд ГОМО хотын дарга сонгогдсон гэнэ.

Залуухан, дөнгөж 26-тай, Ази, тэгээд ГОМО.
Хүн амын 70 хувь нь цагаан арьстан хотод гэхээр, болж л байна тэ? кэкэ

Типикал Чайнийз Американ маягийн төрхтэй жаал байна, кэкэ

Эван Лоу

Chingis, gomo bolon DAYAR mongolyn talaar

Нэг хоёр хоног аягүй хүнд сонин сайхан байж магадгүй гэсэн нийтлэлүүд (лаг томорч бичив, кээк) бичсэн, энэ удаад, хэрүүл хийх аазгай маань хөдөлсөн тул, жаал хэрүүл хийгээдэхье. кээк

0. ОРШИЛ

Энхриймаагийн Даяар Монголын залуучуудад зодуулсан тухай уншаад сууж байсан энэ талаар жаал юм бодогдов.

Даяар Монгол гээд хэсэг залуучууд, гадаадын иргэнтэй явалдсан хүүхнүүдийн үсийг нь хусдаг энэ тэр гээд уншиж байсан өөр юм угаасаа мэдэхгүй байсан юм л даа.
Гэхдээ бодоод байсан, энэ Даяар Монгол гэдэг их сонин юм аа.

1. Гадаадын иргэд Монголоор дүүрээд хэцүүдээд байна гэсэн хирнээ, гадаадын иргэдийг олноор оруулж буй дарга нараа нээг их шүүмжлэхгүй юм. Аль эсвэл санаа байвч сач нь хүрдэггүй юм болов уу??

2. Даяар Монголын залуучуудад зодуулсан Англи эр, Америк эр энэ тэр гэж нээг их сонсохгүй юм. Юм л бол муусайн Солонгос, Япон, Хятадууд гэж ирээд хараах юм...
Цагаан арьстаныг шүтэн биширдэг/ хүлээн зөвшөөрдөг боловч, Монголойд хүмүүсийг үзэн яддаг хүмүүс юм болов уу?

3. Ер нь гэхдээ яаг гадаад хүн лүүгээ дайрч довтолсон талаар нэг их юм сонсогдохгүй юм (мэдээж, дайр довтол гэж хэлж байгаа биш л дээ) байж, гадаад хүнтэй явалдсан МОНГОЛ хүүхнүүдийг үсийг нь хуслаа барьлаа гэсэн юм их сонсогдох юм... Монгол ХҮҮХНҮҮДЭД өстэй юм байхдаа?? Эсвэл, дээрэлхэж чадаж байгаа нь хүүхнүүд болохоор юм болов уу???

4. Энхриймаа гэх мэтийн МОНГОЛ ГОМО/ ТРАНС хүмүүсийг зодсон гэнэ.

Зиаг иймэрхүү үйлдэлүүдийг нь хараад жаал өрөвдөсхийгээд сууж байлаа..
Дээшээ тэнгэр (Шар арьстай гадаад хүмүүс?? Дарга нар??) хол, доошоо газар хатуу (Авгай хүүхнээ гадныханд алдаад дууслаа) болохоор, чаддагаараа *ЭХНЭРТЭЭ (хүүхэн, транс гэх мэт) л томрохоос* гэсэн аргаа барсан эрчүүд юм болов уу даа гээд..
Зиаг тэгээд Энхриймаагийн зодуулсан тухай блогийг уншаад сууж байсан * Чамайг энэ тухай олонд хэлбэл хоxь чинь шүү гэж хэлээд байхад... Чингис хаан ч гэсэн гомонуудыг цаазалдаг байсан юм. Монгол хүн чамайг алахад буруудахгүй* гэсэн маягийн нэг хэсэгхэн коммент харагдав.

*Чингис хаан нээрээ л цаазалдаг байсан юм байхдаа? Нууц товчоон дээрээс тийм үг өгүүлбэр харж байгаагүй л санагдаж байна* гэж бодоод байж байсан, энэ *Мундаг хүн тэгэж хэлсэн, тийм болохоор түүнтэй адилхан юм хийж байгаа би буруугүй* гэсэн үг нэг л танил санагдаад явчихав аа..

ХААНА ХАРЛАА БАЙЗ????

Гэсэн, нээрээ би чинь ХРИСТОСЫН ШАШИНТАЙ ХҮН шүү дээ...

Мэдээж, миний хайртай ЕРТӨНЦИЙН ЭЗЭН, ЕСҮС ХРИСТОС болон АРИУН СҮНС-ний үг болгоныг бичсэн БИБЛИ -ээс иш татаад, христосын шашинтнуудын хэлдэг үг энэ шүү дээ гэдгээ саналаа...


1. ХРИСТОСЫН/ ЛАЛЫН ШАШИН БОЛОН ДАЯАР МОНГОЛ

Obsessed with religion

Нээрээ би өөрийгөө Христосын шашинтан гэж хэлж байлуу?? кэкэТэрэндээ автаад сүүлийн үед ийм кинонуудыг их сонирхож үзээд байгаа



1990-ээд оны эхээр, *АРДЧИЛСАН ХУВьСГАЛ* ялсаны дараахан, Монголд Христосын шашины *Мессенжэр*-үүд олноороо орж ирж байсаныг санах хүмүүс байгаа байх. Одоо ч гэсэн олноороо явж байдаг даа?? Цагаан цамц, зангиа зүүгээд 2, 2-оороо явдаг, олон авгай авахыг ятгаж, эмэгтэй хүн хүүхэд гаргахгүй бол диваажинд очиж чадахгүй хэмээн сургадаг Мормон (Хойч Үеийн Гэгээнтний Сүм гэдэг бил үү??)-аас эхлээд...

Одоо эдгээр нөхдүүд, Монголоор аягүй сайн ярьдаг болчихсон, хүмүүсийг тэр бөө мөө нараас дутахааргүй мунхруулаад гүйгээд байгаа юм шиг байлээ..

Намайг Христосын шашинд элсэх үед, ийм нөхдүүд дөнгөж Монголд орж ирж байсан, Монголоор ярьж чаддаггүй байсан юм. Мань мэт нь ч яахав, дунд сургуулийн сурагч, юм юм сонирхож, дэлдэгнэж байсан үе.

Гадаад хүн ховор байсаныг ч хэлэх үү, *АЙ ЭМ МАЗИ, БИЙГ МАЗИ* гэдгээс өөр үг мэдэхгүй ч гэсэн, Англиар ярих ховор тохиолдол гээд, хуйлраад гүйгээд очно биз дээ?

Америк дахь үймээний түүх - Анхны гомо үймээн

Баябага даргын блог дээр, *Эрэгтэйчүүдэд лээвчиг хэрэглэх эрхийг олго*, * Эрчүүдэд эрх чөлөөг* энэ тэр гээд айхтар айхтар либерал бичлэг биччихсэн байхаар нь, миний хувьсгалч сэтгэлийн гал хөөрөөд... Жаал дэмий юм бичмээр санагдчихлаа, кээк

Нээрээ гэхдээ энэ олон төрлийн *ёс суртахуун*, * комон сенс* энэ тэр их ядаргаатай тэ? Ямар ч тэгж болохгүй ингэж болохгүй гэсэн дүрэм байхгүй байхад л дарамтлаад байдаг... *Угаасаа ийм байx ёстой* гэсэн, хэн зохиосон нь мэдэгдэхгүй ойлголтууд.

Зиаг, жишээ нь *гаж* болон *энгийн* зүйлсийг харьцуулж үзэх үү?Мэдээж цухайн орчин, цаг үе, нийгмийн байдал, шашины онцлог гэх мэтээсээ шалтгаалаад шаал өөр байх нь ойлгомжтой

1. Эр хүний хувцаслалт гэхэд л:

Скотланд вс Ингланд (Эртний шотландад аль гаж гэж үзэгдэх байсан бол?)
Палааж вс. Гонжоом

Ёс суртахуун, байгалын жам гэх мэтийн талаар.

Ойрд банжиг дээрээ бичих гэхээр айхтар улаан гомо бичлэг санаанд орохгүй хэцүү юм аа..

Хүмүүс асуумаар юм байвал асуугаарай! Мэдэх чадахаараа хариулья.
Ядаж л бага сага ч гэсэн бичих юм олдох юм байлээ, ямар банжиг дээр *гоё залуу байлээ, найрлаа* энээ тэрээ гээд бичээд байлтай биш тэ? кээк

Харин нэг хүүхэд, надаас *Гомо нарыг яагаад ЦЭНХЭР гээд байдаг юм* гэсэн асуулт өгч, бичих юмтай болгов, кээк. Тайнкс шүү.

Яг энэ үгний талаар бол би сайн мэдэхгүй юм, оросуудын хэрэглэдэг байсан Голубой гэдэг үг Монголд орж ирээд дэлгэрсэн гэдгээс өөр юм.

Ингээд, интернэтээр харж байсан, энэ үг нь, эртний Грекийн гүн ухаантан (энэ асар чухал нэр тэ? Гүн ухаантан байгаа юм чинь, өргөн ухаантан, өндөр ухаантан энэ тэр гээд байж болохоор юм шиг тэ? кэкэ) Плутоны *Небесной Любви* (= тэнгэрлэг хайр гэж орчуулна тэ?) гэдгээс гаралтай юм гэнэ.

Цөвүүн цагаа гэж...

Уржигдар ээжтэй утсаар ярьлаа..

Тэгсэн чинь *Хүүш нээрээ, 2012 онд дэлхий сөнөнө гэнэ. Дэлхий дээр, Африк, Монгол 2 л үлдэнэ гэж байлээ. Чи буцаж ирвэл зүгээр биш үү??* гэж ирээд л ярьж байна аа..

*Ээж минь та, хэзээнээс Холивудийн кинонд итгэдэг болчихсон юм бэ* гээд жаал шоолов.

Тэгээд л яриаг нь сонсож байсан, Монголд 1000 бөө ч гэнэ үү, 2000 бөө ч гэнэ үү тодроод, одоо сэргэн мандах гэж байгаа ухааны яриа гарч ирж байна. Бараг айл болгонд нэг бөө байдаг болчихсон, тэгээд л талцаж ирээд л, хоорондоо хараал хийлцээд л асар мундаг байдаг юм байх...

Тэгсэнээ цааш нь, 8 даxь ч гэнэ үү, 9 дэх ч гэнэ үү Богд илэрсэн, тэр бас 2012 онд дэлхий сөнөнө гэж дөвчигнөж (энэ үйл үгийг яг жинхэнэ шууд утгаар нь хэрэглэнэ гэж насандаа төсөөлж байсангүй, кэкэ) байгаа тухай гээд л сонирхолтой сонирхолтой юм их ярьж байна аа...

Яг, ардчилалын дараахан, Алтан Цөгц, Ромбу гариг, Гал асаадаг Нэргүй ч бил үү хүүхэн мүүхэн гээд л есөн шидийн юм гарч ирж байсан санаанд оров...

Цөвүүн цагт, хүмүүс, амьдралыг бодитоор нь харах гэхээр хэтэрхий харанxуй, бүүдгэр болохоор, үлгэрт итгэж, мөрөөдлөөр амьдардаг болдог юм болов уу???

Boginohon jil

Нээрээ, он жил гэдэг гялс юм аа...

Саяхан л 10 жил төгсөж байсан, нэг мэдсэн төгсөөд 10 хэдэн жил болчихсон байдаг..
Саяхан л 20 хүрээгүй жоохон хүүхэд, (лаг том хүн болсоноор өөрийгөө төсөөлөөд) японд ирж байсан, нэг мэдсэн ирээд 10 хэдэн жил болчихсон байдаг...

Саяхан л ажилд орж байсан санагдаж байсан, одоо нэг хэлтэс дотор надаас хуучин ажилтан гарын 10 хуруунд багтахаар болчихсон байдаг.

Саяхан л он гарч байна даа, *энэ жил хэдэн залуутай явалдахна уу, тоолж үзье. Нэг залуутай унтахаараа 500 иен хадгалж байя* энэ тэр гэсэн юм яриад явж байсан, нэг мэдсэн 12 сар дуусах гээд явж байдаг...

Гэхдээ энэ жил, харьцангүй бага завхайрсан санагдаад байгаа. *Долоо хоногийн 3 хүнтэй, жилд 52 долоо хоногтой гэхээр 156 хүн* энэ тэр гэж ярьдаг бага залуу нас бас хэтэрсэн бололтой..
Тоолж үзээгүй ч, зиаг, үсрээд л 20-30 хүн л байх гэж бодож байна. Эрийг нас, уулыг цас гэгчээр чалх малx нь буураад байгаа юм байлгүй тэ? кээк

Найз залуугаасаа салсанаас хойш сар гаран өнгөрчихсөн байна... Шинэ он гарах дөхөөд байдаг, одоо хугацаа үлдээгүй...намар, өвлийн загвар ч дүүрсэн бололтойдог, кээк. Зиаг яахав, хаая ганц бие? байхад болохгүй юу байхав тэ?

Гэхдээ гандан буурахгүйээ, Крисмасын дараа, 26-7нд 100 гомотой хамтдаа халуун аршаанд хонуутаар явж ирнэ, тэгэхдээ илүү харж чивэлт нүдээ баясган, билүү долоож бие сэтгэлээ илааршуулна аа, кээк

Халуун аршаан болохоор, дор хаяж 100 гаруй залуугийн нүцгэн биеийг хараад амжих учир, кэкэкэ

Нэг тиймэрхүү, нэг иймэрхүү...

Энэ хүний амьдралыг 30 секундээр илэрхийлсэн анимешн хөөрхөн байгааз?Фатбой слимийн клиптэй жоохон төстэй ч юм шиг...

Улаанбаатрын үдэш4

Ойрд нээрээ, маргааш нь ажилтай хирнээ л шөнө унтахгүй балайраад хэрэг алга аа...Дандаа 3:30, 4:00 хүртэл сэрүүн байж байгаад, унтаад, 4-5 цаг унтсан болоод ажилдаа явсан маягтай...

Уржигдар, шөнө 2 гэж ажлаа тараад, архи уулгүй лаг томоотой гэртээ харив. Харьж ирчихээд, гар мараараа хангадаг ч юм уу ухааны юм бодоод интэрнетээр дэмий тэнэж байсан, яагаад ч юм Хон Гил Доны кино ингэхэд интернет дээр байдаг болов уу гэж хайж үзмээр санагдаад (арай Хон Гил Доны тусламжтайгаар гараараа мараараа хангаж барья ч гэж бодоогүй л дээ, гэхдээ яагаад ч юм хайчихсан байсан), гүүглдсэн, байдаг юм байлээшд дээ тэ?


Бүр Монгол хэл дээр гээч???



Бага байхад (Намайг 7-8 тай байхад гардаг байсан уу?) нээг л их нүд хөмсөг болсон ХӨӨРХӨН ЗАЛУУ гээд, их дуртай, дахин дахин очиж үздэг байсан чинь, нас биед хүрчээд үзсэн, нээг их хөөрхөн санагдахгүй байлээ, кэкэ. Сонирхол бас өөрчлөгддөг л юм байна.

hon-gil-don MGM_Dermee Yзvvлж Байна @ Yahoo! Video

Зиаг тэгээд өчигдөр. 2-р хороолол орж жаал архи уучихаад, 1 гэж харьсан. Харьчихаад, прокатнаас авсан The World гээд хятад кино үзэв.




Энэтхэг хүний хувцастай эмэгтэй хүний зурагтай жакеттай болохоор нь нээг их сонирхохгүй байгаад байсан, үзсэн аягүй дажгүй кино байв.





Бээжинд Дэлхийн Парк бил үү? нэг тийм юм байдаг даа? Манайхан очихоороо учиргүй зургаа авахуулаад байдаг???

Тэрэн дотор өрнөж байгаа үйл явдалтай кино байсан.

Үзэж эхлээд л үхтлээ инээсэн, нэг тийм хөөрхөн юмортой кино. Инээдмийн кино бол яг биш байх, гэхдээ Хятадуудыгаа аягүй ёжлосон маягтай, тэгээд нэг тийм зөөлхөөн, аядуухан үйл явдалтай кино байсан.

Энэ кинон дээр тэгсэн, Улаанбаатарын маань тухай их гарах юм аа..3-н дэд хэсэгтэйгийн эхнийх нь *Бээжингийн захын Парис*, 2 дахь нь *Улаанбаатрын үдэш*, 3 дахь нь *Токиогийн дурлалын түүx*.

Мөрөөдөлдөө хөтлөгдөөд, анх удаа гадаад пасспорттой болоод гадаад явж байгаа залуу нь, галт тэргээр Монгол яваад л.

Хамт ажилладаг Орос хүүхнийх нь дүү нь Монгол хүнтэй гэрлээд Улаанбаатарт байдаг, тэрэн дээрээ айлчилж очихыг мөрөөдөөд хятадад биеэ үнэлэн барин ажилладаг ч юм уу.Тэгээд л зурагтаар цаг агаарын мэдээгээр Улаанбаатар гэж гардаг ч юм уу. Орос хүүхэн, Монгол явахыг мөрөөдөнгөө *Улаанбаатрын үдэш*-ийг дуулаад л...
Сүүлд нь мөрөөдлөө биелүүлээд Монгол нисэж байх үедээ асар сэтгэлийн ханамжтай байдалтай гэх мэт.

Гоё санагдав.

Олж үзээрэй!!!

Улаанбаатрын үдэшийн хятад орчуулга нь гэнэ.




( Karaoke huvilbar )

Тэгсэн *Дууны эх: Монгол ардын дуу* гээд аваад хаячихаж, кэкэ.

Гэхдээ энэ сайн орчуулсан байна шүү.

Улаанбаатрын үдэш, намуухан, намуухан гэдгийг нилээд төстэй сонсогдохоор, тэгээд утга нь адилхан байдлаар

(Улан бато да ю а, на му жин на му жин = Улаанбаатрын орой ааа, яагаад ч юм чимээгүй, яагаад ч юм чимээгүй )

Гэхдээ, дахилт биш хэсэг нь (юу гэдэг билээ?) өөр утгатай юм шиг ханзнууд харагдаад байна.

Чи минь хаана байна, архи, Би сэтгэж чадахаа больлоо, зүрх минь өвдөж эхэллээ энэ тэр гэсэн үгнүүд харагдаад байна. Бодвол бүтэлгүй хайр дурлалын тухай дуу болгосон юм байх даа?? кэкэкэ

Demii balai

Зүгээр суухаар зүлгэж суу гэдэг бил үү??

Хүн хүлээгээд, ажил дээрээ дэмийрээд сууж байна, кэкэ.Тэгэхээр дэмий байж байхаар ойрын сонин сайхнаас тэ???

А> Сарын зарлагын тайлан.

Энэ сард зарцуулсан дэмий зардал маань, өнгөрсөн сартай харьцуулахад 16.2%-оор буурсан байв. Болоошд тэ?? кэкэ.

Деталчилбал доодох байдалтай.

1. Архи : Нийт зардалын 40.4%,
Хамгийн их зардал гэдэг нь хэвээрээ боловч, энэ сард бүтэн 41.2%-аар буурсан байв!!! Сайн хүүхэд, хичээвэл чадаж л байшд тэ? Гэхдээ ядаж, хоолны зардалаасаа илүү гаргахгүй бариад сурчихвал тэ???

2. Хоол : Нийт зардалын 33.4%
Идэмхий болоод байгаа юм байхдаа? Түрүүчийн сартай харьцуулахад 24%-аар нэмэгдсэн байв... Гэхдээ хоногийн 30 дойлуур гэхээр, санаж байсанчлан ч юм шиг (өдрийн хоол 10, оройн хоол 20 гэж тооцохоор),,, Гэхдээ жаахан багасгахгүй бол таргална гэж нэг аюул бий, энэ чинь...

3. Гуаа сайхан ; Нийт зардалын 12.4%
Өмнөх сартай харьцуулахад 2.3 дахин өссөн байв... Энэ хэмжээгээрээ 2 дахин үзэсгэлэн гуааа болсон бол ч болж л байна...гээд бичсэн, гэнэт аймаар өөрийгөө өрөвдчихлөө, лол.

4. Урлаг уран сайхан: Нийт зардалын 7.6%Уншихгүй хирнээ ном авч бариад л, хааяа коноо моноо үзсэний хэрэг гарсан бололтой. Ан тийм, гомбүүтэрийн тоглоом авсан ч бас том үүрэг гүйцэтгэсэн байхаа...

• Коноо;
  Хамгийн сүүлд, түрүүчийн долоо хоногт *Инглориус Бастардс* гээд Тарантино агаагийн коно, *Эх хүн ээ гэж* гээд Солонгос коно 2 үзсэн юм байна.
  
  Энэ Солонгос коноо харин их таалагдсан (Баябага ажаатай лаг лезби болзоо хийсэн юм, лол). Баябага даргын *Хүн чанар гэхээр заавал хүний сайн сайханыг хэлдэг юм шиг манайхан хэрэглэдэг, гэхдээ хүн чанар гэдэг чинь хүний муу муухай байдлыг ч гэсэн оролцуулаад хэлэх ёстой үг биш үү?* гэж ярьдагчлан, *Эхийн хайр = (зөвхөн) ариун, гэгээн, тунгалаг* бус, *Эхийн хайр = үр хүүхдийнхээ төлөө чөтгөрт сүнсээ худалдахаас ч буцахааргүй тийм агуу хайр* гэдэг талаас нь гоё зурагласан коно байв.
  
  Гэхдээ энэний найруулагч нь гомо байхаа гэж жаал хардсан.
  Яагаад вэ гэхээр 1. Гомо найруулагч нар, гомо хүмүүс, эмэгтэй хүмүүсийн муу муухай талыг *хайрласан хирнээ ёжилж доош нь чихсэн хэлбэрээр* өгүүлсэн кино хийх нилээд дуртай байдаг (Алмодоварын Кика, Women on the Verve of a Nervious Breakdown, Volver гэх мэтчилэн...) ба, тиймэрхүү хандлага ажиглагдсан 2. Хөөрхөн хөөрхөн залуусыг үгүй мөн их шалдалж зургийг нь авах юм аа... гээд л, кэкэАлдартай солонгос жүжигчидээс Вонбин тоглосон байсан, сайн тоглосон байлээ!!!
  
• Тоглоом
  Бэёнетта гэдэг тоглоом (PS3) авч тоглов.
  Лааг секси шулмас хүүхэн, тэнгэрийн элч нарыг будаа болгож өгдөг тоглоом, кэкэ.
  Тоглоомын баатар нь секси хүүхэн гэдэг утгаараа ч тэр, *тэнгэрийн элч = сайн сайхан, шулмас = муу муухай* гэсэн тийм хуучинсаг, байдаг л нэг үзлээр биш, арай өөр өнцөгөөс харж хийсэн гэдэг утгаараа ч тэр, *гомо* сэтгэлийг минь гижигдсэн тоглоом байсны дээр, угаасаа би *тэнгэрийн элч, чөтгөр шулам, ид шид* гэх мэтийн үлгэр домог шиг юманд дуртай тул, 2 хоногийн дотор тоглож дуусгав, кэкэ.
• Ном: Уншсан ном байхгүй.... Энэ тал дээр анхаарахгүй бол тэ?
  

5. Унаа : Нийт зардалын 6.1%.
Өмнөх сартай харьцуулахад 58.7%-аар өссөн байв. Залхуу хүрээд хааяа таксидчихаад байсантай холбоотой болов уу...

6. Ойр зуурын зардал: Нийт зардалын 0.1%, өнгөрсөн сартай харьцуулахад 97.6%-аар буурсан байв...
Тийм л бага сээгэсдэж барьсан юм байхдаа??? ккк

Б> Зул сарын баяр, түүний дараа...

Мэдээжийн хэрэг, хугацаа багасах тусам, эрчимтэйгээр занимальдана биз дээ? Өнгөрсөн долоо хоног л гэхэд...

Тав даxь:

*30 эргэм насныхны хайраа хайх үдэшлэг* гээчид очив (лол).
Таалагдсан залуу байвал, түүнд *чи надад таалагдаж байна. Миний утасны дугаар* гэсэн маягийн зурвас болон, өөрийнхөө номероо дискогоор нь дамжуулж өгөөд, нөгөө хүнд нь чи таалагдвал эргээд холбогддог маягий үдэшлэг юм л даа..

Урамгүй нь, таньдаг голдуу эрхэмүүд, юун хайр майр...

Эхлээд орохдоо *Ёстой баллаж өгнө өө, дайралдсан болгондоо зурвас тараана* энэ тэр гээд орсон, эцсийн эцэст ганцxан зурвас нэг залууд өгөөд, ганчан зурвас хүлээж авсан... Ядаж байхад, ямар залуугаас зурвас авсанаа ч анзаарч авч чадаагүй...

Гэхдээ юу ч болсон гээд мессэж шидэлцээд байгаа, кээк. Гэхдээ ч энэ ч бүтэхгүйээ, өөр залуу хайхгүй бол... кээк

Өглөө хирд, гадаа зогсож байгаад, согтуу байсаныг ч хэлэх үү, дайралдсан хүнтэйгээ юм ярьдаг хүн, нэг жоохон хүүхэд байхаар нь 2-3 үг өдсөн юм. Тэгсэн, нөгөөх чинь *утасны номероо өгчих* гэхээр өгчихсөн, тэрэнтэй бас мэссеж бичилцэж байгаа.

Гэхдээ нэг сонирхолтой нь, тавдахын өглөө номероо өгсөнөөс хойш, өдөр болгон уулзая учрая гээд амар заяа үзүүлэхгүй, ядаж байсан *Би По ажаатай учирчихсан болохоор (хувь тавилан?? кээк), одоо дахиж хүн амьтан харж барихгүй* шахуу мессэж ирүүлж намайг ухаан алдуулах дөхсөн.,,,

Настай хүний даралт ихэсгээд, нүгэлтэй хог...

*Хөж гэм чи, ганц удаа ойртуулсаныгаа... бишээ ганц удаа юм ярьж үзсэнээ юу гэж бодоод байгаа юм? Би өөр хүн шүү* гэж золтой нь мэссеж биччихээгүй... кэкэ

Ай даа, энэ орчин үеийн хүүхдүүдийг ойлгох ч хэцүү юм шиг байгаа юм аа...

Ядаж байхад, зул сарын баяр гээд нүд нь улаанаараа эргэлдчихсэн байх үед нь бол бүүр хэцүү...

Хагассайн>

Түрүүчийн долоо хоногийн *Гомжоомтой гоонь эрчүүдийн хайртаа олох үдэшлэг* дээрээс уургалж авсан залуутай болзож үзэв.

Ойрд хүнтэй болзож бариагүй байсан, болзох гэдэг чинь бас их хэцүү эд байлээ тэ?

Ядаж байхад л юу ярихаа мэдэхгүй. *Энэ хоол гоё амттай*, *Энэ хоол халуун юм* гэх мэтийн МОДОН яриа өрнөөстэй... Арай ч дээ гэмээр тэ?

Мэдээж болзоо юм чинь, эхлээд хоолонд орно биз дээ?
Тэгээд, *Чи ямар хоолонд дуртай юм? * гээд асуусан (амихандаа *Итали хоол/ Параанц хоол/ Хятад хоол* энэ тэр гэсэн тиймэрхүү хариу ирэх байх гэж бодоод байж байсан...) *Төмс* гэж авдаг байгаа...

Би ч, ямар хоолны газар дагуулж явахаа мэдэхгүй хэсэгхэн балмагдав....

Төмс, төмс, төмс... Фааст фүүд? Френч фрай энэ тэр??? ...арай ч болзоонд дэндэнэ ээ...Герман хоолны газар? Аль эсвэл төмсний нухаш энэ тэр идэж болохоор нь, Инглиш Паб энэ тэр???
Нилээд, гайхсаны эцэст, нээрээ *Камжатан* гээд солонгос төмстэй шөл байдаг шүү дээ гэж санаад, солонгос хоолны газар дагуулж орсон, овоо ш дээ тэ?

Тэгээд *Чи төмсөнд дуртай гэж, төмсийг яаж идэх дуртай юм?* гээд л лаг асуусан *Чанаж байгаад, дээрээс нь давс түрхээд идэх дуртай* гэж авдаг байгаа...

Ахын дүү, аль эринээс ирсэн юм бэ? Арай Ирланд мирландаас гаралтай юм биш биз дээ? гэж дуу алдах дөхөв.. (Ахын дүү ч юу байхав, надтай чацуу хүүхэд байсан)

Зиаг тэгээд, хоолонд орсоныхоо дараа, гараад, тоглоомын газар мазраар орж жаал болзоотчоод (мөрийтэй тоглох Пачинко гээд юм байдаг юм. Тэгсэн тэрэнд дуртай жаал байж таараад хамт орсон... ойлгох эд биш байлээ... Тэр нэг машин нь эргэлдээд л байх юм, би юу хийхээр хожоод байдаг юм, юу хийхээр хожигдоод байдаг юм бүү мэд... *Энэ яахаар хождог юм?* гэж ирээд лаг найрсагхан асуусан чинь *Яасан ч ялгаагүй, бүгд чиний АЗ-наас хамааралтай* гэж ирээд палхийтэл хэлж намайг бас алмайтуулав...), хамтдаа шоппинг.

Хамтдаа ч гэж дээ, тэр жаал, дэлгүүр ормоор байна гэхээр нь дагаж дэлгүүр орсон юм. Би ямар хувцас хунар сонирхох биш. Манай нөхөр ч зад шоппинг хийж байна аа...
Хурга мурга шиг буржгар материалтай ягаан ногоон хувцас өмсөж үзээд л *Корэ кавайи* *(энэ ёстой ХӨӨРХӨН) гэсэн шиг.
Хамгийн сүүлд нь *Энэ хувцасыг өмсөхөөр, би яг ХАЛТАР ХУРГА шиг хөөрхөн харагдаж байгааз? Энэ хувцас ёстой ХӨӨРХӨН байгааз? Зиа зиа энийг авлаа* гээд, нэг халтар хурга шиг өнгөтэй куртка аваад, нэг юм шоппинг маань дуусав.

*Тийм байна* гэхэд ч хэцүү *Үгүй байна* гэхэд ч хэцүү эд байлээ, болзоондоо шоппинг л хийхгүй юм шүү...

Иймэрхүү маягаар болзоотчоод, хамгийн сүүлд нь гэй баранд орж жаал ууж байгаад мань эрийг орхичихоод харьчихсан...
Уг нь хөөрхөн хирнээ, яриа хөөрөө, стил энэ тэр жоохон таарахгүй шинжтэй болохоор нь... Гэхдээ бас зүгээр ч хариагүйээ...

Тэр баранд байсан хамгийн хөөрхөн гэсэн 3-4 залууг хамж аваад явсан, кээк.
Солонгос залуучууд, яаг Монгол шиг царайтай, хөөрхөн банди нар байлээ. Дараа хамтдаа Монгол хоолны газар орьё гэж яриад байж байгаа. Баябага ажаа, хамт ирэх үү???

Нэг иймэрхүү шиг, тиймэрхүү шиг л өдөр хоногийг өнгөрөөж байх шив дээ.
Зул сар ч дөхөж байна, миний нүд ч энэнээсээ илүүгээр улаанаараа эргэлдэж, шүлс амаа савируулан ороо орох байх.
Сонирхолтой үйл явдал болбол тэгээд бичнэ ээ, кэкэкэ

В> Гэснээс, нээрээ өнөөдөр чинь, ДОХ - той тэмцэх олон улсын өдөр байсан байшд тэ?

Анзааралгүй ажил дээрээ эргүүтэж байтал өдөр солигдчихсон байшд...Зиа яахав.

Энэ жил гэхдээ, ДОХ-ын халдварын эрч буурсан тухай Дэлхийн Эрүүл Мэндийн байгууллагын судалгааны хариу гарсан гэл үү??

Японд, гахайн томуунаас болоод, шинжилгээ өгөх хүний тоо буурсан муу мэдээ ч бас сонсогдож байсан. Монголд маань ямархуу байгаа бол?

Гэхдээ, манайхны дунд *Энэ өвчин, ГОМОнуудын өвчин* ч гэдэг юм уу, аль эсвэл, *ДОХ той хүмүүсийг буудаж ал* гэсэн сэтгэхүй байгаа үед ч тархалт буурах нь хэцүү л байх тэ?

Өвчнөөс хүн өөрөө өөрийгөө л хамгаалахгүй бол, хэзээ ч хаанаас ч олж авч мэднэ гэдгээ ухамсарладаг болохгүй бол ч, хэн нэгний буруу зөв гээд мэтгэлцээд байгаа цагт, халдвартай хүмүүс нь ч өөрсдийгөө нууна, халдваргүй хүмүүс нь өөрсөддөө хамаагүй юм шигээр сэтгэнэ гээд.

Бараг худалч хүнд, бэлгэвч хэрэглэх гэсэн нэгэн байлаа гэхэд * Би ДОХ гүй шүү! Битгий доромжлоод байгаарай. Аль эсвэл чи ДОХтой болохоороо бэлгэвч хэрэглэх гээд байгаа юм уу? * ухааны юм ярьж байж мэднэ шүү.

Эсрэгээрээ, өөрөө өөрийнхөө эрсдэлээр хийж байгаа, түүнийгээ мэдэж байгаа, харилцан түүнийгээ хүлээн зөвшөөрөлцсөн байгаа бол, яаж сээгэсдэнэ үү мань мэтэд нь хамаагүй эд гэдэг шиг.

Зиаг зиаг, хамгийн сүүлд нь лаг серьёзны яриагаар дуусгав. Юун төлөө ДОХтой тэмцэх өдөр билээ тэ? keke

Богинохон дурлалын урт түүх

Зул сарын баяраа гэж...

Энэ япончууд тэгж байгаад их сонин улсууд шүү. Одоо л лаг серьёзны, нухацтай, хөндийдүү энэ тэр болчихсон болохоос, уг нь нилээд хөөрхөн дампуудуу маягийн үндэстэн байсан байж магадгүй юм шиг хааяа санагддаг юм.

Киноны дүр энэ тэр гэхэд л, Тора-сан гээд, ажил хийдэггүй, дэмий тэнээд л, хүүхэн харж шүлэнгэтээд байж байдаг мөнгөгүй эрийн дүр асар их хүмүүсийн таашаал авдаг дүр байдаг ч юм уу, эсвэл жижиг сажиг юмаар баяр ёслол хийх, архи уух шалтаг гаргадаг энэ тэр гээд...

Манайхан *Баасан ажаагийн төрсөн өдөр* энэ тэр гэдэг шиг л... энд чинь *Цэцэг дэлгэрлээ, архи ууя = Ханами *, *Шинэ он гарлаа архи ууя = Шиннэнкай*, * Хуучин оныхоо муу муухайг мартаж архи ууя = Боонэнкай*, * Шинээр хүн орж ирлээ, баярлаж хүлээж авч байгаа нэрээр архи ууя = Кангэйкай*, * хүн ажлаас гарлаа гэнэ, үдэж архи ууя = Соубэцүкай* гэж ирээд л шалтаг мундахгүй.

Үгүй бүр болохоо байхаар *Намар болохоор, өөр шалтаг олдохгүй юм чинь ТЭНГЭРТ БАЙГАА САРЫГ ширтэнгээ архи ууя = Цукими* гэж ирээд шалтаг зохиогоод байхаар, яав ч олигтой биш дэг...

Жич, Баасан ажаагийн төрсөн өдрийг, Японоор Ханакин (Хана но кинёби / ханаяка на кинёби = Зад наргихад зориулагдсан баасан гариг???) гэж нэрлэдэг юм...

Тэгээд тэр арвич хямгач энээ тэрээ гэдэг ч гэсэн нилээд сүүлд, 2-р дайны дараагаас улсын бодлоготой боловсрол энэ тэрнээс болоод орчин үед тийм болсон гэх яриа ч байдаг юм...

Дэлхийн 2-р дайн хүртэл бол, хувьцаа мувьцаанд хамаг мөнгөө хийгээд шатаж барьчихдаг, архинд мөнгөө туугаад тавьчихдаг энэ тэр хүмүүс их байсан гэж ярьдаг юм билээ, үнэн үү үгүй юу..

Түүнийг нь, 2-р дайны дараа, *Шуудан Банк*-аар дамжуулж улсын төсөвт хэрэглэх мөнгө цуглуулахын тулд *Мөнгөө хямгад, хадгал* гэсэн баахан кампэйн явуулаад, хүүхдүүдийг бичиг үсэг сурахтай нь зэрэгцүүлээд тархийг нь угаагаад, зурагтаар нь *Ошин* энэ тэр гаргаад зад хүмүүжүүлчихсэн, орчин үеийн *Өвсөн тэжээлт* гэж нэрлэгдэх *хямгач/ хүйтэн хөндий/ юманд улангасдаггүй* үеийнхнийг бий болгосон гэх яриа хүртэл байдаг гэгчлэн...

Гэхдээ угийн шалтаг зохиогоод архи уух, баяр тэмдэглэх дуртай ард түмэн, тэгж амархан хүмүүжнэ гэж байхгүй шүү дээ...гадаадын баяр ёслолыг хүртэл ямар нэгэн юмны шалтаг болгоод оруулаад ирэхээсээ буцахгүй биз дээ??

Түүний хамгийн тод жишээ нь Зул Сарын Баяр...

Яаж төсөөрөхөөрөө манай агуу Есүс Христийн төрсөн өдөр (лол) нь хосуудын хамтдаа өнгөрөөдөг баяр болчихсон юм бүү мэд... гэхдээ хадуураад, зул сарын баяр = дурлалт хосууд хамтдаа өнгөрөөдөг өдөр гэсэн ойлголт олон нийтэд шингэчихсэн байлээ..

Зул сараар хамтдаа өнгөрөөх хайртай хүнгүй байна гэдэг чинь тэгээд л ИЧИГ ИЧИГ ш дээ.. гээд, залуус хүүхнүүд өдийд хайр дурлалын аянд эрчимтэй гарна ш дээ..

Тийм болохоор, хэрвээ чи япон найз залуу/ охинтой болохыг хүсвэл 11 сар, 12 сард японд ирэхийг би л лав зөвлөх байна...

Зиаг тэгээд... Япон По гэдэг гуншин автлаа японы соёлыг сайн мэддэг болсон би байна, яаж дутахав??? (лол... Намайг гэхдээ *Япон* гэж нэрлэдэг хүн нэг их байхгүй юм шиг байгаа юм (манайхан чинь уг нь хүнийг хаана амьдардаг байсанаар нь гуншин өгчихдөг дөө?)... Гомо По, Завхай По, Архичин По гэх мэтээр нэрлэдэг хирнээ *Япон* По байхгүй... Японд байдаг энэ тэр гэж бол хэлсэн ч, тэмдэг нэр хэлбэрээр хэрэглэхгүй байгааг би л лав хатуу эсэргүүцэж байна. Баргийн Япон хүнээс дээр Япон хэлээр ярьдаг надад өгөхгүй бол хэнд өгөхөв? лол)

Нүд амаа гялалзуулаад л, шүд мүдээ хавиран барин зул сарын баяраас өмнө нэг юмтай болчих гээд залуугийн эрэлд гарна биз дээ? (лол)

Нөгөө орсон буур гээд, амнаасаа шүлс савируулаад дайралдсан болгон луугаа чичирч дайрдаг өвчтэй хүүр байдаг даа?? Яаг тэрэн гэсэн үг (кээк)

Энэ долоо хоногч гэсэн, тийм *зул сарын бэлтгэл*-дээ завгүй, блогоо ч бичиж чадахгүй, хүмүүсийн бичсэн юманд коммент үлдээх ч завгүй л гүйгээд байлаа...

Саяны тав даxь өдөр л гэхэд, *Баасан ажаагийн төрсөн өдөр = гонжоомтой бизнесменүүдийн хайртыгаа олох үдэшлэг* гээчид очсон гээд л...

Даанч гомдмоор нь, ихэвчлэн таньдаг хүмүүс байж таараад...
Тэгсэн нэг залуу *Чи одоо ийм олон танилтай юм байж яагаад найз залуутай болж чаддаггүй юм???* энэ тэр гэж ирээд, надад *Найз залуутай болж чаддаггүй өрөвдмөөр залуу* гэсэн пайз зүүж дургүй хүргэсэн ш дээ..
*Танил олонтой болохоороо (миний муу муухайг мэдэх хүн олон, тэгээд) найзтай болж чадахгүй байна аа* л гэж тайлбар тавихаас өөр арга байсангүй...

Зиаг тэгээд, байж байсан, үерхэж байгаад саяхан салсан манай 2 найз тэр парти дээр байж таараад.. Хоорондоо бирэвшээд л, гоё оо гоё...Мэдээж ийм гоё юм байхаар, жоохон явуулмаар санагдана биз дээ?

*Хаягдсан хүүхний дуу* (Мацутоя Юмин гэдэг гомонуудын дуртай дуучны дуу ) гээчийг дуулж өгөв...

*Чамд ямар хайртай байснаа мэдэрсэн.

Чамтай буцаад нийлэх заяа байж ч магадгүй хэмээн бодогдсон..

Тэгээд.

Ядаж дайралдсан үедээ хамгийн ганган хувцсаа өмсвөл буцаад нийлэх ч юм уу хэмээн хичээсэн.

Гэтэл...

Өнөөдөр..

Ганцхан удаа (гэнэдээд) хямдхан сандалтай гадуур явж байхдаа чамтай дайралдлаа...

Чамтай буцаад нийлэх маань ч үлгэр ээ үлгэр*

энэ тэр гэсэн үгтэй дууг, кэкэ.

Ийм шаал гунигийн/ пессимист, улаан гомо дуу дуулж барихаар угаасаа залуу тооно гэж байхгүй болохоор, энэ үдэшлэг дээрээс залуу уургалах горьдлогоо гээгээд, 2-р хороолол руу марш.

Энэний дараа, залуухан хүүхдэд толгойгоо эргэтэл загнуулж үзэв, кэкэ.Ээждээ ч загнуулж үзээгүй шүү би!!! гээд хэрэлдмээр байсан ч гэсэн, жоохон хүүхдийн өөдөөс юм дугарч чадахгүй юм байна билээ... кэкэкэ

--------------------------------------------------------------

2-р хороололд очоод нэг баранд орсон нэг банди, барны үйлчлүүлэгчийг зад загнаад байж байна аа .

*Би Шокошү (= хятадын, Кола шиг амттай архи)-тэй Кола захиалсан, энэ чинь Кола-аас өөр юм амтагдахгүй байна!!! Дахиж бэлдэж ир* энэ тэр гээд л тачигнаж өгч байна. Зиаг энэ чинь сонирхолтой юм болж магадгүй гээд хажууд нь очоод суув.

22той 2 хүүхэд, тачигнасан буржгар банди нь Токиод амьдардаг, нөгөөх нь Осакагаас ирсэн юм гэx.. Осакагаас ирсэн хүүхэд нь миний лаг дуртай тайп байсан тул, жаал жуул юм ярьчихаад *Маргааш хамт хоолонд оръё* гэж хаягаа өгчихөөд харив.

Маргааш нь.

Орой хоолонд орж амжаагүй ч, хамт жаал пиво уух болов. Тэгсэн нөгөө миний хайрт, яахаараа тэгдэг юм, нөгөө тачигнуур буржгар бандиа дагуулаад ирсэн байв.
Нөгөө буржгар нь лагаа лаг, намайг чинь нөгөө Осакагийн хүүхдийн хажууд суулгах гээд л, их л идэвхтэйгээр хооронд холбох гээд байгаа юм шиг санагдаад, дотроо жаал баярлаад байж байсан, үгүй байсан юм билээ...

Жаал бараар орчихоод, дараад нь манайд очиж вино ч юм уу ууж суух уу? гэсэн юм ярьчихсан байсан, бараар хэсэж байсан, манай хөөрхөн банди (Осакагаас ирсэн гэх) согтчихсон, нээх хөөрхөн болчихсон байсан юм.
Тэгэхээр нь эгдүү хөдлөөд, барьж аваад үнсчихсэн чинь, тачигнуур буржгар найзад нь алуулах шахсан, кэкэ

*Чи манай найзыг, согтсоныг нь далимдуулж үнслээ*

*Үерхээ ч үгүй байж, үнсэнэ гэдэг, арай дэндэнэ, нүдэндээ ч итгэхгүй байна*

*Чи яахав, ветеран, хуучирч дөжирчихсөн улаан Гомо байж болно, наад хүүхэд чинь дөнгөж саяханаас гомо болж байгаа гэнэн цайлган, цэвэр ариун хүүхэд* энэ тэр гээд

Тэгээд жоохон намжаад, манай хөөрхөн жаал (ойрд дайралдаагүй хөөрхөн жаал байсан. Энэ хүүхэд бол, Осака-Токиогийн хооронд нааш цааш байнга явсан ч яахав гэж бодогдохоор) нилээд согтоод ирсэн болохоор нь, угаасаа манайд очно гэж ярьж байсанаа ч санаад *Манайх руу явах уу?* гэсэн, тэр жаалд ч гэсэн би гайгүй таалагдсан байртай байсан болохоор *Тэгье* гэж хариулсан, буржгар тачигнуур дахиад тачигначихсан...

*Наад хүүхэд чинь, наанаа дуртай юм шиг байгаа ч гэсэн, цаанаа бол дургүйцэж байгаа, Би мэдэж байна!!!*

* Чам шиг, танил олонтой ч, хүнтэй дотно найзалж үзээгүй тийм хөнгөмсөг хүн биш, бид 2 хамгийн сайн дотны найзууд болохоороо, би наад хүүхдийг чинь мэднэ*

* Ер нь чи наад хүүхдээ дагуулж явж яах гээд байгаа юм? Чадвал согтуу байгааг нь далимдуулаад сексдчих санаатай байгаа биз дээ? Үерхээ ч үгүй байж, үнсэж барьдаг чам шиг адгийн шаар бол тэгж л бодож таараа*
энэ тэр гээд...

Би ёстой *Ёонооо* гээч нь болно биз дээ?

Тэгсэнээ, нөгөө жаал дээр очсоно оо *Чи наадахтайгаа цуг явах юм уу? Би л лав дургүй байна!!! * гэж бараг сүрдүүлэв... Нөгөөх нь ч яахав, нэгдүгээр удаан найзалсан найз, хоёрдугаарт, Токиод ирсэнийхээ дараа гэрт нь хонож барисан болохоор үгийг нь зөрж чадахгүй *За, чи дургүй байвал, болиё* ухааны юм ярина биз дээ?

Тэгсэн над руу харсанаа тачигнуур маань *За тэр?? харав уу?? Үгүй гэж байна!!! Тэгээд ч наадах хүүхдийн чинь хамаг юм нь манайд байгаа!!!* гэж ширвэж ирээд тачигнаж байна...

Би ч юм хэлж чадахгүй баахан загнуулсаны эцэсд, дургүй хүрсэн болохоор *Чи ямар хүүхэн шиг банди вэ* гээд хэлчихсэн, алуулах шахсан. *Чи ч гэсэн хүүхэн шиг! Чиний л зөв юм бол, өөдөөс ганц үг ган хийчих чинь яасан юм? Чадахгүй л биз дээ?* гэж ирээд, манай Монголын автобусны кондуктороос дутахааргүй тачигнуулчихаж байна лээ...

Иймэрхүү байдлаар, миний богинохон өвлийн дурлал маань өндөрлөв...

Орчин үеийн жоохон хүүхдүүд чинь ямар ч айхтар болчихсон юм.
Хамаагүй, найзуудынx нь хажууд найзыг нь үнсэж барьж болохгүй юм байлээ шүү. Алуулах юм байлээ...

Миний л бодлоор, Осакагийн хүүхдэд тэр буржгар угаасаа сайн байсан юм шиг байгаа юм. Тэгээд нэг хөгшин бачкатай дотно нялуураад байхаар дургүй нь хүрээд хөгшин бачкаг болгож өгч байгаа нь тэр юм шиг...

Еэ бурхан минь, амьд үлдсэндээ л баярлаж явах минь...

Гэхдээ гандан буурахгүйээ, маргааш дахиад тэр гудамжаар явна аа.. (Нөгөө хүчиндүүлдэг мэлхий шиг, лол)

Миний найз ДОХ-той ч, миний найз хэвээрээ

DOH toi zaluugiin yariltslaga

Гарчигийг нь уншаад уг нь жоохон аятайхан ярилцлага байх байх гэж хүсэн хүлээсэн...
Авцалдаа муутай, олон санааг хольж солиод биччихсэн яриа, эсрэг үр дүнтэй ч байж магадгүй л юм...

Энэ залуу, уг нь санаа нь зөв хирнээ, жоохон муухан ярих юм тэ?

Уншаад * хөөрхий амьтан, нээрээ ч тийм дээ* гэж бодогдохоор биш * өөрөө завхайрч явж өвчин тусчихаад, бусдаас хүний эрх гэж нэхээд, ичихгүй амьтан*, *ДОХ = гомо* , *Авгайтай хүүхэдтэй юм байж эрэгтэй хүнтэй завхайрч байж өвчин авсан л юм байшд* гэх мэтийн сэтгэгдэл авахаар юм шиг...

Тийм ч утгаараа, доор нь байгаа хүмүүсийн сэтгэгдэл нэг тиймэрхүү *муусайн юмнуудыг ал хяд* гэсэн маягтай байгаа юм шиг...

Уг нь 1. Хэн ч энэ өвчнийг тусах магадлалтай (монголд байгаа байдалаас дүгнэхэд ч) 2. Хүү чинь ч юм уу, ээж чинь ямар нэг өвчин туслаа гээд өөр хүн болчихгүй биз дээ? тэрэнтэй л адилхан шүү дээ. 3. Хэрвээ эдгээр хүмүүсийг ад үзээд хавчаад байх юм бол тэр нь ямар сөрөг үр дүнтэй байх магадлалтай вэ? (ад үзэгдэхгүйн тулд өвчнөө нуугаад бусдад тараах гэх мэт) гэх мэтээр ярих гэсэн санаагаа цэгцлээд ярьж хэлбэл илүү аятайхан сэтгэгдэл төрөх магадлалтай байсан мэт.

Гэхдээ, нэг ч гэсэн хүн санаагаа гаргаад ярьж байгаа нь их юм даа.

По, Японы хамгийн том гэй сэтгүүлд зургаа авахуулав.

Лол, лаг гарчигтай наачихсан...

Нээрээ таг саначихсан байсан .... гээд бичих гэсэн, Монгол хэлнийхээ тухай жоол хадуурмаар санагдчихлаа.

Намайг жоохон байхад энийг уг нь *таг мартах* гэж л хэлдэг байсан санагдаад байгаа юм, хэзээнээс хэн нь ингэж өөрчлөөд, хэзээнээс эхлээд хүмүүс энэ үгийг ингэж хэлэх нь зөв гэж боддог болчихсон юм бол?Бодвол *яг ш дээ*, *яг тэгэж харагдаач* энэ тэр гэдэг үг дэлгэрч эхлэх үед л ингэж өөрчлөгдсөн болов уу = намайг 12-3тай байхад гэхээр, 1990-ээд оноос уу тэ?

Яаж ч бодсон дүрмийн хувьд алдаатай хэллэг... Харанхуй байхыг пад харанхуй гэдэг болохоос, пад гэрэлтэй гэдэггүй, дүлий хүнийг дүв дүлий гэдгээс, дүв сонсголтой гэдэггүй, шинэ гэдгийг цоо шинэ гэдгээс, цоо хуучин гэдэггүйтэй адилхан, таг мартах гэхээс таг санах гэж хэлмээргүй л юм....

Гэхдээ ингэж ирээд яншаад эхлэхээрээ хүн хөгширсөний шинж гэдэг үнэн байхаа тэ? кэкэ

Зиаг, тэр ч яахав... гэхдээ бичих гэж байсан юмтай маань холбоотой болохоор, үргэлжлүүлчихье.

....Таг саначихсан байсан, энэ сарын байна уу, түрүүн сарын, эсвэл дараа сарын Бади гээд японы хамгийн том гэй сэтгүүл дээр зураг маань тавигдах юм байшд.

Японд хэд хэдэн гэй сэтгүүл байдаг юм л даа. Баки биетэй, 40 эргэм насныханд зориулсан Жий Мэнз гээд сэтгүүл, Хөгшин өвгөчүүд болон, бүдүканүүдыг секси гэж зургийг нь тавьдаг Самусон, тэгээд, бусад олонх болох залуухан бөгөөд үзэсгэлэнтэй хүмүүсий зургийг тавьдаг, эндээ хамгийн том сэтгүүл болох Бади.

Тэгээд, энэ Бади гээд сэтгүүл нь тэгсэн, эртээр *Чи ёстой аягүй үзэсгэлэн гуаа юм аа.. Зургийг чинь аваад, сэтгүүл дээрээ тавья* гээд ирэхээр нь, ичих нүүр элгэн дээрээ гарсан улаан гомо болохоороо зөвшөөрчихсөн юм. Энэ сарын ч юм уу, ирэх сарын сэтгүүл дээр гарна гэсэн. Намайг амьдаар нь олж харья гэсэн (айх ичихээ байсан / муу юманд дуртай) хүн байвал, худалдаж авч хараарай, лол.

Угаасаа энэ сэтгүүл дээр өмнө нь нэг удаа гарч байсан л даа (онгиров). *Гудамжаар гунхах ганган залуус* гэдэг булан дээр нь (лол)

Энэ удаад илүү томоор гарна гэдэгтээ итгэлтэй байна (кээк)

Халлоуйнаар, аягүй гоё намбатай, улаан туузтай малгай, торгон эмжээртэй хантааз өмсчихсөн алхаж явсан, тэгсэн харин *чи ямар өвөрмөц, үзэсгэлэн гоо юм бэ? зургийг чинь авмаар байна* гээд гуйгаад байхаар нь зөвшөөрчихсөн юм.

Уг нь энэ улаан тууз маань ч тэр, торгон эмжээртэй хантааз маань ч тэр Монгол үндэсний хувцас байсансан... тэгсэн хүмүүс чинь *Чи өнөөдөр Кёнши (= хятадын шулмасны нэг төрөл, лол) болсон юм уу ?* гэж доромжилцгоогоод... Өвөрмөц үзэсгэлэн гоо гэдэг нь *шулмас шиг* гэсэн утгаараа байсан ч байж магадгүй юм тэ? лол

Зиаг, тэгээд Кёнши гэж ямар хувцастай юм бол оо? гэж бодоод сэтгэлд хоргодоод байсан, тэр чигтээ мартчихсан байлээ....

Олон хоног мартсан байж байгаад, өнөөдөр, ажил дээр хийх юм олдохгүй байж байгаад гэнэт санасан, нэг санасан дээрээ гээд Кёнши гэдгийг нь википедиадаад үзсэн юм... Манж үндэсний хувцас өмссөн бачка байж таарсан...

Сайн харахаар, нээрээ манай Монголын дээр үеийн ноёдын хувцас, Манжийн хувцастай төстэй юм байшдээ, гээд, тэгээд нэмээд Манж үндэстэний тухай, Манж улсын тухай, Манж хэлний тухай гээд үргэлжлүүлээд уншаад суулаадаа...

Тэгсэн, Манж хэл чинь Монгол хэлтэй аягүй төстэй юм байна???
Тэгээд л, *өсөхөөс сурсан эх хэл, мартаж болшгүй соёл* гээд, жоохон шезо хөдлөөд бичиж эхэлсэн нь энэ дээдэх эхлэл байсан юм, кээк.

Сүүлчийн эзэн хаан гэгддэг Айшин Жолой Пуй гэж байдаг даа?
Ханзаар болохоор *Хайр, Шинэ, Сэрэх, Эзэгнэх* гэж бичдэг ч гэсэн, манж үгээрээ Айшин гэдэг нь Алтан гэсэн үг гэнэ?? Алтан улс гээд, 1200-аад оны үеийн Манжийн улс байсан, тэгээд энэ Айшинжолой гэдэг манж овгийг Хятад овог болгохдоо Кин (Алт) гэж товчилдог гэхээр, энэ нэр нь *Алтан Жолоо* гэдэг овог байх магадлалтай мэт?

Эзэн хааны овог гэсэн утгаараа нилээд таарч байгааз? Манжийн Нурхач баатрын бүтэн нэр нь ч гэсэн, Айшин Жолой Нурхач (Алтан жолоодогч Нурхач) гэдэг гэхээр Монгол нэрэрхүү байгааз? Нурхачийн хааны цол нь * Geren gurun-be ujire genggiyen Han * = Гэрэн гүрэний ужир гэгээн Хаан??? )

Бусад нэр ч гэсэн их Монголорхуу..
Нурхач баатрын том хүүг нь Хунтайж гэдэг байсан гэх. Монгол хэлэнд байдаг Хааны хүүг Хунтайж гэдэг нь ч гэсэн энэнтэй холбогдолтой юм шиг. 14 дэх хүүг нь Дөлгөөн гэдэг байсан гээд л...


Ер нь тэгээд өгүүлбэрийн бүтэц, үг гэх мэт нь Монгол хэлтэй их төстэй байсан юм байна.

*Чи Манж бичиг сурсан* гэдгийг * Си Манж бичхэ тачимби*
*Согтуу хүн* гэдгийг * Согтохо Ниялма* гэдэг гэгчлэн.

Анхдагч бие үг гэдэг бил үү юу гэдэг билээ? тэр нь Монгол хэлтэй их төстэй

*Би = Би*, *Бид = Бээ /мүүс *хүмүүс гэдгийг мүүс мөн үү??)*, * Чи = Си*, *Та нар = Субай* , *Энэ = Энэ*, *Тэр = Тэрэ*, *Энд = Уба*, *Тэнд = Туба*, *Ийм = Энтэкэ*, *Тийм = Тэнтэкэ*, *Ингэж = Өттө*, *Тэгэж = Төттө* гээд л...

Тэгснээ, тийн ялгал нь Монгол хэлтэй төстэй юм шиг.

Нэрлэх = залгавар байхгүй (= Монгол хэлэнд ч адилхан)
Харьяалах = ий, ний (Монгол хэлэнд ч адилхан)
Өгөх орших = дэ (Монгол хэлэнд *д*)
Заах = бэ (Монгол хэлэнд *айг, г*)
Гарах = сэ (Монгол хэлэнд аас, ээс)
Үйлдэх = и, ни (Монгол хэлэнд аар, ээр. Хуучин монгол хэлэнд *и, жи* гэж хэлэх хэллэг байсан гэх... сайн мэдэхгүй юм)
Дамжин өнгөрөх = дэри ( Монгол хэлэнд байхгүй, эсвэл үйлдэх тийн ялгал болох байх... Орон дээгүүр, Өрөөн дундуур гэх мэт)
Хамтраx = ?? (Монгол хэлэнд тай, тэй)
Төгсгөх = таалай , тээлэй, тоолой, төөлэй (Монгол хэлэнд байхгүй юу тэ? )

Сонирхолтой байгааз? Өгүүлбэр зүй нь ч Монголтой төстэй мэт.

Тэр охин хотод очиж = Тэрэ сарган хотон дэ гэнэхэ
Тэр охин гэрээс явж = Тэрэ сарган боо чи тучикэ
Тэр охин гэрээсээ яваад, хотод очиж = Тэрэ сарган боо чи тучимэ, хотон дэ гэнэхэ

Ямар ч байсан, сарган гэж охин гэсэн үг юм шиг байгаа юм...кэкэ. Үүнээс хойш, Особу сарган, Баябага сарган гэж бичдэг ч юм уу??

Зиаг зиаг, баахан маниак юм биччихлээ, кэкэ.

Гэхдээ иймэрхүү хэлзүй, 10 жилд байхад үгүй мөн дургүй байсан, сүүлийн үед их дуртай болоод байгаа, энэ хөгширсөнийх байх тэ???