Зугтаалаа таминь

Зиаг зиаг...

Сүүлийн үед амар болсон ш дээ.
Өглөө болгон ээж утасдаж сэрээж өгч ажилд явуулж байгаа, ккк

Монголд нөгөө дэвэргэдгээрээ дэвэргээд байгаа юм шиг байлээ.

Өнөө өглөө ярьсан ээж юу гээд байлаа даа?

Ан тийм *Зурагтаар ярьж байлээ. Тэр цахилгаан станцууд нь шатаад дэлбэрээд хэцүүдэж байгаа гэнэ. Ингээд дэлбэрчихээр дахиад 1000 жил (МЯНГАН ЖИЛ!!!) нөхөн сэргэгдэхгүй гээд зурагтаар яриад байлээ. Бүр Японы ерөнхий сайд нь тэгж яриад байгаа юм биш үү? Чи ер нь харьж ирнэ байгаа!!!* гэнэ ээ...

Яг зурагтаар юу гэж ярьсаныг нь үзээгүй болохоор мэдэхгүй юм, гэхдээ бодвол, манайхны хамгийн сайн чаддаг *янзан бүрийн мэдээллийг хольж хутгаж тавих* чадвараа ашигласан юм биш үү?

Аягүй бол, Кан соорий -гийн ярьж байгаа яриаг хялбарчлан орчуулахынхаа хамтаар, нэмж урд талд нь *МЭРГЭЖЛИЙН* тайлбар хийсэн юм болов уу...

Гэхдээ угаасаа хүнд юм тайлбарлах гэдэг хэцүү эд юм шиг байгаа юм.
Энд ч гэсэн тэр цацраг идэвхтийнхээ хэмжээ энэ тэрийг тайлбарлахдаа эхэндээ *өдөр тутмын хүмүүсийн авдаг цацраг идэвхт бодисын хэмжээнээс төд дахин их* энэ тэр гэж ярьж байсан аа, нөгөөх нь 500, 600 энэ тэр болоод ирсэн, одоо болохоор *одоогийн байдлаар тэдэн микро сиеверт. Энэ нь рентгенд зураг авахуулахаас тэд дахин бага болно* гэж ярьж эхэлж байлээ.

Яаж сонсогдох нь огт өөр тэ?


Монголд тэгээд иймэрхүү маягаар хүн амьтнаа айлгаад байсан, манай эмээ бүүр айчихсан бололтой, тэнд Монголд хувьсгал гаргаж байгаа сурагтай байлээ.

*Хүүхдүүдээ татаж авна аа! Үнээнүүдээ зарж замын зардал болгоно!! Бусад хамаатан садангаасаа хандив авна* гээд цамнаад хэцүү байгаа сурагтай байсан.

Очиж санааг нь амраах санаатай байгаа. Нөгөөдөр ниснэ дээ.
Муу эр дажинд хөөрнө гэгчээр, энийг нь далимдуулаад амраад авахгүй бол, ккк

Гэснээс, энэ вальютын ханш гэж ёстой учир нь ойлгогдохгүй эд нэг ширхэг байна аа тэ?
Яагаад иений ханш өсөөд байгааг огт ойлгохгүй гайхаад сууж байна.

За нэг тиймэрхүү нэг иймэрхүү