Нөгөө юу гэдэг шиг...

Японд ОМИАЙ гээд нэг юм байдаг юм. Манайхаар бол танилцуулах алба гэх юм уу даа. Монгол харьцангүй хайр дурлалаар гэрлэх нь их байдаг бол, Япон болохоор саяхныг хүртэл ийм танилцуулах албаар суух нь илүү их байсан гэж ярьдаг юм л даа. Тэгээд л, танилцахаараа харилцан бие биенийхээ боловсрол, орлого, удам судар гээд л бүх юмыг нь сайн сонгож байгаад, өөртөө таарах эрэгчин эсэхийг судлахаар ярилцлага авч байгаад шийддэг, тийм системтэй эд...




Миний яриад байдаг ГОКОН (танихгүй хүүхдүүд хоорондоо уулзаад, хос болох хүнээ сонгодог) энэ тэр ч гэсэн ийм уламжлалаасаа гаралтай байх...



Тэгээд хүүхэд нь, охидууд 25-6, хөвгүүд 26-7 хүрэхээр эцэг эх нар нь *хүүхэд чинь хэнзэрлээ, алив хурдан нэг юм олж ав,.. Олигтой юм олдохгүй байгаа бол тэр танилцуулах алба ор* гээд зүгээр байлгадаггүй юм гэсэн... Орчин үед ч арай өөр болсон байх л даа..



Дээр үеийн загалмайлсан ажаа буюу, хуучин гомонууд, эцэг эхийгээ ингэж шахахад нь, эвтэйхэнээр нөгөө хүүхнээрээ татгалзуулахын тулд яадаг байсан тухай нэг яриа байдаг юм.



Танилцах товчоон дээр уулзаад, өөрийнхөө тухай танилцуулах болоход нь *Чи нусны алчуур яаж индүүддэг талаар мэдэх үү?* гээд асуудаг юм гэнэ.



Тэгээд мэдээж, *Яаж индүүддэг юм?* гээд асуухад нь * 4 өнцөгийг нь зэрэгцүүлж байгаад, зөөлөн эд дээр тавьж байгаад, индүүгээ илүү ч үгүй, дутуу ч үгүй 160 градус болохоор нь чийгшүүлэлтийг нь 2-р зэрэглэл дээр тавьж байгаад бүх талаас нь 20, 20 секунд индүүднэ* гээд асар нарийвчилан тайлбарладаг гэнэ.. Ингэхээр хүүхнүүд нь * ийм шаль шаль гэсэн юмтай гэрлэж чадахгүй. Аягүй бол нусны алчуур буруу индүүдлээ гээд үглээд унах байх* гээд татгалзах магадлал өндөр байдаг гэнэ.



Мэдээж, нусны алчуур гэхээр нэг их тоохгүй бол, дараад нь орны даавууг хэрхэн индүүдэх талаар гэх мэтээр үргэлжлүүлэхээр хир баргийн хүүхнүүд сүүлээ хавчаад зугтдаг гэх??



Яагаад гэнэт хадуураад унасан бэ гэхээр...



Камертоны Мээдээгийн ярилцлагыг уншсан тэр санаанд орчихлоо, кэкэ