Zodno shuu! :)

Би ч Монголчуудын гэй нийгэмтэй холбогдох боломж багатай байсан хүн л дээ.
Яахав, блог бичдэг хэдэн геи хүүхдүүдтэй уулздаг, бас тэгээд хааяа нэг Монгол очихоороо партин дээр очдог гэх мэтээс өөрөөр.

Тэгээд сүүлийн үед яахав, нөгөө Ханзогоос болоод, ямар нэг хэмжээгээр янзан бүрийн юм дуулах сонсох зүйл ихэсч байгаа юм л даа.

Тэгээд л сонсож байхад, хөгжилтэй юм их болдог юм байна аа...
Боевик гарууд их байдаг гэнэ.
Юугаа булаацалдахаараа хоорондоо зодоон цохион хийгээд байдаг юм мэдэхгүй л дээ, гэхдээ сая туршилтын журмаар, бүрэн цагаар ажиллагаагаа эхлэхээс өмнө 2-3 удаа парти хийсэн, 2 удаад нь зодоон болсон сурагтай байв. Сүүлийнх дээр нь цагдаа ирж зохицуулж!!

За хүмүүс жоохон давсалж л ярьдаг, тэгээд давстай хоол амттай байдаг болохоор, янзан бүрийн л цуурхал явна л даа.

Эхний зодооны талаар, нэг стрэйт залуу зодоон хийгээд, тэгсэн тэнд байсан зодуулсан залуугийн найз нь *Миний хайрын нүүрийг маажаад хаячихаж* гэж орилсон энэ тэр гээд л, сонирхолтой зүйл сонсов. Үнэн худлыг бол мэдэхгүй, тэр нь ч тийм чухал биш, гэхдээ гол нь инээдтэй байвал бас болоошүү дээ тэ?

Би ч яахав *Нанчилдаангүй найрыг ямар найр гэдэг юм* гэсэн байдалтай, жоохон сонирхсон шиг байсан юм...

Тэрний дараа хүмүүс фэйсбүүкийн коммюнити дээр, дандаа зодоо хийдэг болж гэсэн зүйл ярьж байгаа байдал нь уншиж суухад нилээд сонирхолтой санагдав.

Манайхан хараад байхад, гомо момо гэлтгүй нилээд нанчилдацгаадаг бололтой юм аа тэ? ккк.
Партин дотор нэг зодоон болоод, гараад бас нэг зодоон болсон гэхээр, зодоон модоон харалгүй удчихсан хүнд сонирхолтой санагдаад, баахан хэрэгт дурласан, ккк.

Тэгээд л уншиж байсан, доод талд нь *тэгээд муухай хүүхнүүд шиг хэрүүл хийж байхаар, нэг сайхан нанчилдчихсан нь хамаагүй дээр шүү дээ* гэсэн бодолтой хүмүүс ихэнх нь.


Энд гэхдээ манай Монголчуудын *Мачо* үзэл бас яваад байх шиг байгаа юм, хэхэ.
Хүн хэлээрээ мал хөлөөрөө гэдэг байсан бол одоо, *Хүүхэн чавганц нар хэлээрээ, хүнхэр эрчүүд нь нударгаараа* гэдэг болсон юм шиг...

Гэхдээ энд бас нэг *Эрчүүд, эршүүд = сайхан, эмэгтэй, эмэгтэйлэг = муухай* гэсэн үзэл яваад байгаа юм шиг санагдсан... Өөрөө, өөрийгөө эмэгтэй гэж үздэг Энхриймаа хүртэл, дургүй нь хүрсэн гомо нараа *хүүхэн шиг* гэж муулж байна гэхээр....Бусад хүмүүсийн дотор тийм үзэл бүр гүнзгий байгаа байх...

За тэгээд нанчилдахаараа л эр хүн шиг гэдэг энэ ойлголт, жоохон сонин бас санагдаад байгаа юм... Жинхэнэ эр хүн шиг эр хүн чинь, жижиг сажиг зүйлд уурлаж ундууцаад байдаггүй, тийм тайван, гүндүүгүй байдаг юм болов уу гэж би бодоод байдаг юм, тэгсэн энэ дээдэх ойлголтоор бол жоохон юманд ямаан омог нь хөдлөөд нударгаа зангидаад дайрчихдаг хүнийг хэлдэг ч юм шиг...

За мэдэхгүй, би гадаадад удаад жоохон домбоо болчихсон байж ч магадгүй...
Тийм гэж найдья....

Гэхдээ, гэр орондоо зодолдоно уу алалцана уу өөрсдийнх нь хэрэг байх, олон нийтийн газар зодоон нүдээн үүсгэхээр, ядаж л тэнд байгаа бусад хүмүүсийн амар тайван байх эрхэд халдаж байгаа гэдгээ ойлгодоггүй юм уу гайхаад байгаа юм...

Зодоон болонгуут хамгаалагч гүйж очиход болох ч, гүйж очихоос өмнө хамрыг нь чихэж хаяад, цагдаа сэргийлэх болбол, нэг газар адилхан гомо хүмүүсээрээ цуглаж жоохон аятайхан байя гэсэн хүмүүсийгээ хорлосон л явдал болох мэт.

Тэгээд энэ нэг сайн учрыг нь олохгүй бол болохгүй проблем болчихоод байгаа юм.
Юу ч болсон, хамгаалагч нараа тун сайжруулья гэж бодож байгиаа.
Бас, зодоон хийсэн хүмүүсийг дахиж оруулахгүй болгож бол болж байгаа юм, гэхдээ тэгэхээр бас эргээд өс санасан хүмүүс яачих ч юм билээ гэж бодогдсон шиг.

Нэг мөсөн цагдаатай холбоотой байсан нь амар ч юм шиг...
Эсвэл, зодоон цохион хийдэг жоохон хүүхдүүд орохын аргагүй үнэтэй болгодог юм болов уу???

Бодоод бодоод бодын шийр дөрөв гээч л болоод байж байна.
За яахав, ямар нэг байдлаар учрыг нь олно доо.

2 дахь удаагаа зодоон болсон гэж сонсоод, миний мэдээж уур хүрнэ биз дээ.
Адилхан гэй хүмүүсээрээ цугладаг газартай байя гээд хичээж байдаг, тэгтэл тэр орчингоо өөрсдөө хорлосон юм хийгээд унахаар.

Тэгээд, тэр фэйсбүүкийн коммюнити дээр *Хүмүүс дахиад зодоон хийсэн сураг сонсов... Юугаа булаацалдаж зодоон хийдэг юм бэ? хэхэ. Өөрсдийгөө эрсдэлд оруулах ийм үйлдэл хийхээ больцгоомоор юм шиг ээ* гэсэн, маш ньюутрал коммент үлдээсэн юм.

Хэн нь зодоон хийсэн талаар ч юм уу, тиймэрхүү юм огт дурьдалгүйгээр!! Зүгээр л *ерөнхий онол* гэдэг шиг хэлбэрээр.

Тэгсэн, бодвол тэр зодоон хийсэн хүүхдийн найзууд л бололтой, 2-3 хүүхдээс учиргүй занаж сүрдүүлсэн мессежүүд ирээд, намайг бүр айлгаад хаячихлаа, кккк.


Залуу 1>

*Хай!. Наадах постоо устга. Миний таньдаг хүнтэй холбоотой, хайр дурлал огт хамаагүй* гэнэ...

Юу бичээд байгааг огт ойлгохгүй би ч яахав

*Ойлгосонгүй* гээд хариу бичив.

Тэгсэн хариу ирсэн нь
*Юугаа мэдэж дэмийрээд байгаан бэ чи! Устга гэж олон хэлэхгүй шүү!*.

Харилцан яриа гэж хэлэхэд ч хэцүү мэт... За энэ нь ч бас яахав.

Залуу 2>

*Наадах постоо устга. Юу болсоныг нь мэдэхгүй байж яасан сүрхий хамт байсан юм шиг бичсэн юм бэ* гэнэ...

Өөрийнхөө бичсэн юмыг эргүүлж тойруулж харав. Тийм айхтар мэдэмхийрсэн юм байхгүй л харагдах юм... Тэгээд 2-3-уулаа тушаагаад байхаар нь уур хүрээд

*Зодоон болсоныг шүүмжлэх яагаад болохгүй байгаа юм? Би ямар нэг тодорхой нэртэй устай юм бичээгүй санагдаж байна. 2-3уулаа нийлээд устга гээд шаардаад байгааг ердөөсөө ойлгохгүй байна* гээд хариу бичив.

Тэгсэн *Би нэг л сануулсан шүү! Ямар ажил хийдэг хэн гэдгийг маань наад грүпээсээ асуу! Чиний үзэл бодлыг хүндэтгэнэ. Гол нь өөр юм бичээд үзэл бодлоо хуваалц. Заавал наад болоод өнгөрсөн юмаар яахнав. Ирээдүйнхээ талаар гоё бичээч. Наад постноос чинь чамайг зарим нь илүү зантай юм гэж буруугаар ойлгоно* гэсэн хариу ирж байна...

Би одоо яамаар юмбэ дээ... Тэр групийн хүмүүсээс нь энэ хүний ямар ажил хийдэг хэн гэдгийг нь асуух ёстой юм уу? Бас нэг л сануулсан гэхээр нь айх ёстой юм болов уу?? Бүүр гайхшаа бараад сууж байна, кккк.


Хамгийн гол нь, хүнтэй ингэтлээ хэл амаа ололцохгүй байж үзээгүй болохоор, миний Монгол хэл ингэтлээ муудсан юм байхдаа гэж сэтгэл санаагаар унаад сууж байна, кккк.

Амьдрал нэг иймэрхүү маягаар, хөгжилтэй, сонирхолтойгоор өрнөсөөр л байна.

Уг нь нэг их хүний мессеж энэ тэр гаргаж ирж бичмээргүй байсан, занаад зандраад байхаар нь гэдэн хөдлөөд энд биччихлээ, ккк.
Бас, ядаж байхад, бичихэд сонирхолтой болохоор.... нөгөө миний доторх хов живэнд дуртай хүүхэн өндөлзөөд байх юм, ккк.


За ямар ч л байсан, Монгол очихоороо сайн зодоон хийж сураг хэрэгтэй юм шиг байгаа юм. Эсвэл бие хамгаалагч хөлсөлдөг юм уу? ккк.



За за нэг иймэрхүү, нэг тиймэрхүү.

Ахимаг насны Поожгоо

Ойрд фэйсбүүкийн нууц бүлгэм, Фрий Зон гээчид их ороод байгаа юм.
Амьхандаа шинээр хүмүүстэй танилцаж, боломж олдвол нялх ногоо зулгаачих санаатай, ккк.

Тэгсэн энэ муу сээгэс амьдралаа олон түмэнд зарлаж байдаг блогноос болоод, хүмүүс намайг таниад байх юм.... *Ан, нөгөө Поожгоо юу? Мэднэ мэднэ, завхай гээ биз дээ?* гэсэн аялгатай...

Хммм... Урд хойдохоо бодохгүй хамаагүй чалчихаар ийм л үр дүнтэй байгаа юм.
Уйлсан хүүхэд унадаггүй... бишээ, өөрөө унасан хүүхэд уйлдаггүй гээд хувь тавилантайгаа эвлэрчихээд байгаа, ккк.

Тэгээд тэр бүлгэм дотор дэмий тэнээд явж байсан, манай энд байдаг япон найзын найз залуу нь тэр дотор явж байх юм... Бүр 2 ширхэг... (Нэг хүний зураг)

Монгол хэл мэдэхгүй, Монголд очиж үзээгүй, ганц таньдаг Монгол нь уг нь би баймаар байдаг хүн, яагаад ч юм шал Монгол орчинд...

Гайхаад мессеж явуулсан, фэйсбүүкийн учрыг нь олохгүй *аксепт* хийгээд байсан яваад орчихсон байна билээ гэж байна лээ, гэхдээ л хорвоо жижигхэн шүү тэ?

Нөгөөх нь, бодвол тэр залууг гоё залуу гэж бодсон юм уу, өөрийнхөө зургийг гээд худлаа нэмээд хийчихсэн нэг Монгол залуу байсан.
Юу ч болсон зурагны эзэнд нь *чиний зургийг ашиглачихсан хүн байлээ* гээд хов зөөчихсөн...

Угаасаа гэхдээ, за тэр од модын зургийг ашиглаж байгаа бол бас яаая гэхэв, зүгээр өөр хүний зургийг авчраад өөрийгөө гээд тавьчих чинь болохгүй асуудал шүү дээ тэ?

За тэр ч бас яахав.
Өчигдөр тэгээд тэр нууц бүлгэм дотроо *хүрээ яриа* үүсгэн суув.
Чатлаад.

Нэг хүүхэд ороод ирж байна аа.
Намайг бодвол блогоос мэддэг бололтой юм.

*Би хавраас Японд очно шүү!* гээд юм ярихаар нь, би ч яахав, сайхан зантай хүний дүр эсгээд *Ө, ирвэл хэлээрэй. Дагуулж явья!* гэж худлаа ярив. (Худлаа ч юу байхав, угаасаа хүмүүст юм үзүүлж, хүнтэй танилцуулахад бол надаас ямар юм уначих биш, тэгье гэж бодож байсан юм)

Тэгээд л бас хэдэн настай юм гэх мэтийн юм асуусан шиг, *хөөх, үе мултарчихсан юм байшд!* хэмээн *Чи залуухан шүү!* гэж магтсан / манжилсан байдлаар хэлсэн шиг сууж байсан юм.

Тэгсэн нөгөөх чинь
*Дагуулж явна гэж, зүгээр л дагуулж явна гэсэн үг биз дээ? Намайг оролдоод янз бүр болгоод хаячихгүй биз? Сорри, би ахимаг хүн сонирхдоггүй болохоор* гээд л пал хийтэл аваад хаядаг байгаа.

3-4 юманд зэрэг уур хүрээд явчихав, ккк.
Миний энэ ямаан омогтойг хэлэхэв.

1-рт өөрт нь ханд хаясан юм байхгүй, зүгээр л найрсаг загнаж байхад их юм бодлоо
2-рт зүгээр байх зүгээргүй байхыг би бас давхар голж шилж сонголт хийх эрхтэй шүү дээ...
3-рт *АХИМАГ* гэнэ ээ???? гээд л, кккк

Уур дүрэлзсэн боловч нас биед хүрсэн хүн байна даа, уураа мэдээж тэсэрч байгаа юм шиг гаргахгүй ш дээ... Бага багаар, хэмлэсэн маягтайгаар гаргаж байгаа юм.... (Илүү муухай хэлбэр, ккк)

Тэр хүүхэд нилээд өндөр биетэй гэхээр нь *Өндөр хүмүүсийн боов нь жижигхэн юм шиг санагддаг юм. Адилхан хэмжээтэй байсан ч гэсэн биетэйгээ харьцуулахаар жижигхэн байх учир. Үүнийг Эйнштэйний харьцангуйн онол гэдэг юм* , *Тийм болохоор би харьцангуйн онолоор том боовтой юм шиг *санагддаг* намхан залууст илүү дуртай*, *Тийм болохоор, би чамайг *оролдохгүй* л болов уу* гэж үгээр идсэн шиг...

Хөөрхий *Минийх том шүү!* *Хүмүүс угаасаа өндөр хүмүүст дуртай байдаг биз дээ!!* гээд л өөдөөс *цор цор* хийж байна, хэхэхэ.

Хэсэг уураа гаргасаныхаа дараа, хэсэг гэмшив...

Дөнгөж 20 орчим настай хүүхэд, одоохондоо жоохон юм үзээгүй байгаа болохоороо жоохон гэнэн юм л яриа биз, тэгээд үгийн сонголтоо буруу хийсэн нь түүний биш, түүний Монгол хэлний багшийнх нь буруу байх гээд.

Бодоод байсан, би ч гэсэн түүний насан дээр адилхан л юм ярьдаг байсан санаанд оров.

Анх Японд ирчихээд, их сургуулийн хэдэн сэнпай (дээд жилийнхэн)-тэйгээ уулзсан юм.
Нэг эгч байхаар нь насыг нь асууваа. *25-тай* гэжбайна.

Би ч юу гэхэв *Өө, ЭМЭЭ юм байшд!!!* гээд л пал хийтэл авч байсан шиг.

Түүнээс гадна, анх гэй хүмүүстэй уулзаж эхэлж байхдаа, уулзсан хүн болгоноо өөртөө дурлах юм шигээр, надаар оролдох мэтээр төсөөлдөг байсан гээд л.
Тэр байтугай *залуухан / гэнэхэн* байхаа больсон атлаа өөрийгөө *Үзэсгэлэн гуааа* гээд блог дээрээ зарлаад байгаа хүнийг юу гэхэв тэ? ккк

Бодоод байсан, тэр хүүхдээр тэр үгийг хэлүүлсэн нь, тэр хүүхдийн *НАС* нь болж таарсан.

Гэхдээ...

Энэ *АХИМАГ* гэдэг үг муухай үг тэ? *ХӨГШИН* гэж хэлүүлсэн нь хамаагүй дээр санагдаад байдаг юм.
Хөөрхий амьтан, онцгүй сэтгэгдэл төрүүлэхгүй гэж амьхандаа хичээсэндээ *илүү боловсон үг* мэт санагдах *АХИМАГ* гэдэг үгийг хэрэглэсэн байх л даа...

Нөгөөх нь эсрэгээрээ үйлчлээд...

Ирэхээр нь дагуулж явангаа жоохон *оролдож* янзыг нь үзэхээс, ккк.
Тэгэх нь илүү сонирхолтой болохоор, хэхэхэ.

Амьдралын их сургуульд сургая байз.
Нэг тиймэрхүү нэг иймэрхүү

Some statistics

Эрчүүдийг дуурайгаад, статистикаа дэлгэе байз.

Миний энэ муу блогийг 2009 оны 5 сараас хойш давхардсан тоогоор нийт 128 мянган хүн үзсэн юм байх.  2009 оны 5 сараас өмнөх статистик байхгүй юм байна.

Үгүй мөн хөгийн юманд дурладаг хүмүүс шүү тэ? ккк
Ямар ч байсан миний сээгсийн амьдрал, Мишаг гүйцэхгүй ч гэсэн, нилээд хүмүүст *ил тод* болсон юм байна гэж ойлгоод байгаа.

Аль улсаас их орж байна вэ гээд харсан

1. Монголоос          56,552
2. Америкаас         19,463 (Америкт тийм олон Монголчууд байдаг юм байх даа?)
3. Японоос             17,326 (энэ бүгд би өөрөө байвал ёондроо, ккк)
4. Солонгосоос        4,403
5. Германаас           4,024
6. Англиас                2,092
7. Ирландаас           1,438 (Ирландаас гэхээр их гайхав... Монголчууд олон  байдаг юм уу?)

Хэний сайтнаас их орж ирдэг вэ гээд харсан:

1. google.mn -->  16,157
2. google.com -->  4,805
3. http://2046fan.blogspot.com -->  2,230 (За энэ ч баябага ажаа өөрөө л байхаа даа...ккк  Ингэж их орж ирж байна гэж, арай дурлачихсан юм биш байгаа даа? кк)
4. http://www.bearmongol.com --> 1,540 (Аргагүй л Монголын хамгийн том гэй блог!)
5. erchuud.blogspot.com --> 1,060 

(Хамгийн хуучины активистуудын нэг, кк.  Одоо тэгээд Америкт залуучуудыг хуулируулаад баллаж байгаа сурагтай байсан, кк)
6. vimomn,net --> 796 (Mongolchuudyn SNS)
7. enkhriimaa.blogspot.com  -->577

За тэгээд гүүглдэхдээ яаж хайдаг юм бол гээд харсан, аягүй мундаг намайг хайж ирсэн хүн их байдаг юм байна

1.  greazy queen
2.  greazy queen patate
3.  patatepatata
4. gomo (lol)
5. oguulleg  (хөөрхий амьтад, аягүй зүгээр дажгүй өгүүллэг хайгаад ороод ирсэн, миний завхай блог....)
6. porno kino (уг нь ийм хайлтаар, монголбаавгай-г олж орвол  хамгийн оновчтой байхгүй юу тэ?)
7. gazar hodlolt
8. patatepatata.blogspot.mn  (Ийм ойртуулчихаад, хайгаад байхдаа яахав дээ тэ? кк)
9. Mongol porno
10. bayabaga

ингэнэ ээ.

Сонирхолтой л юм.

За нэг тиймэрхүү, нэг иймэрхүү.
Еах еах!

Hanzo!

Гэй клубын нэр, Ханзо болгохоор болсон гэсэн дээ?

Ханзо гэж ер нь ямар гомо золиг байна гэж бодсон хүмүүс байж магадгүй гэж бодоод тайлбарлахаар шийдлээ.

Ханзо гэдэг нь, Хаттори Ханзо гээд дээр үеийн мундаг НИНЖА-ны нэр юм л даа....

Энэ байна, кккк

Сээгсий байгаа биз?  ккк

Энэ японы *Хаттори Күн* гэдэг нинжатай хүүхэлдэйн киноны гол дүр.

Энэнээс гадна, Килл Билл дээр сэлэм хийдэг өвгөн нинжа маягаар гардаг, ер нь бол Японы алдартай баатрын нэг юм л даа.

(Kill Bill's Hattori Hanzo sword)

*Жоохон нуугдмал (=нинжа)* гэсэн байдлыг жоохон ёжилсон нэр маягаар өгчихсөн ч юм шиг, ккк.

За юу ч болсон зурагнууд оруулав.

Энэ шиноби гэдэг кинонд ч гэсэн Хаттори Ханзо гардаг байх аа...

гээд лаг тайлбарласан, би чинь ингэхэд нинжад дуртай бил үү? ккк

За юу ч болсон, клуб, яг албан ёсоор нээгдэх нь жоохон байж байгаад юм шиг байна.  Нээгдэхээр нь дахиад мэдэгдэе.

Club-iin ner

Өчигдөр орой, интернет ухаад сууж байсан юм.
Сайндаа ч биш, шинээр нээгдэх гэж байгаа клубынхаа дотор заслыг яаж шийдэх үү, хоол энэ тэр бэлдэх үү яахав, бэлдвэл ямар хоол хийх вэ энээ тэрээ гэсэн юмны санаа авчих санаатай, интернетээр хэссэн шиг.

Тэгээд байж байсан, манай нэг Монголд байдаг найз мессенжерээр яриа өдөж байна.

*Өө, найз нь сайн сайн, нөгөө ярьж байсан гэй клубаа нээх гээд л* гэсэн юм ярьсан байж байсан манай хүн хэлж байна аа

*Найз нь тэр клубыг чинь маш их дэмжиж байна, очно оо! Гэхдээ нээрээ сониноос, найз нь гэр бүлтэй болж байгаа! Тэгээд найз охинтойгоо суухаараа геи залуустай нэг их уулзахаа болих байх. Мэдээж чамтай бол уулзана л даа* гэж байна.

Нэг их олон гэй залуучуудтай уулзаад бариад явдаггүй (парти энэ тэр ирдэггүй) ч гэсэн, маш нээлттэй, боловсролтой залуу л даа.
Өөрийгөө нэг их нуугаад ч юм уу, эсвэл гэй болж төрсөндөө гутарч бариад байдаг юм шиг бол санагддаггүй байсан юм.

Тэр залууг, бисекс байсан уу эсвэл гэй байсан уу гэдгийг би сайн мэдэхгүй (асууж байгаагүй).
Гэхдээ ямар ч байсан, миний хийхгүй л болов уу гэсэн сонголтыг хийж байгаа гэдэг нь бодууштай л санагдав.

Мэдээж, би хүнээр өөрийнхөө амьдралын хэв маягийг шүүмжлүүлэхийг хүсэхгүйтэйгээ адилхан, надад тэр хүүхдийн сонголтыг шүүмжлэх эрх ч, шүүмжлэх үндэслэл ч байхгүй. Тэр залуу, үр хүүхэд, гэр бүлтэй болохыг хүссэн, сонгосон бол *Баяр хүргэе* хэмээн сэтгэлээсээ баярлахаас өөр зүйл байхгүй мэт.

Тэгээд тиймэрхүү зүйл ярингаа, одоо Монголд маань гэй хүмүүсийн байдал аль зүг рүү явж байгаа юм бол хэмээн жоохон бодов.

Хэрвээ залуус зөвхөн өөрийгөө нуухын тулд, гэрлэлт гэдэг зүйлийг сонгож авч байгаа бол тэр нэг өөр асуудал, нэг их хүсээд байх асуудал биш мэт.

Харин, тийм биш, огт өөр үндэслэлээр, олон сонголтоо тунгаан байж сонгосон бол, тийм олон сонголт байгаа бол маш дэвшилттэй асуудал ч юм шиг.

Зүгээр л муйхраар, барууныхныг дуурайсан юм шиг *Гэй бол ийм сонголт хийх ёстой* (өөрийгөө гэй гэдгээ каминг аут хийж, түүнийгээ бусдад тэр чигээр нь тулган хүлээлгэx гэх мэт) гэсэн үзэл нь эсрэгээрээ нилээд их аюултай ч юм шиг. Нэг утгаараа, гомо л бол Мадонна болон Кайли, Гага-г сонсдог байх ёстой ч юм уу, эсвэл гомо л бол фашон энэ тэрд дуртай байх ёстой ч юм уу, гомо л бол завхай байдаг ч юм уу, гомо л бол ДОХ-той байдаг ч юм уу, тийм стереотайпыг өөгшүүлэх хэрэгсэл болох учир.

Сан Франциско ч юм уу, барууны хот, улсуудад очихоор, яагаад ч юм тийм муйхар, эсрэгээрээ *ялгаварлан гадуурхсан* үзэл бас нилээд гарч ирээд байгаа юм шиг санагдаад байдаг юм...

За тэгээд Монголчуудын талаар, Монголд гэй бар гэх мэтийг яаж хүлээж авах бол гэж бодсон юм.
Би өөрөө Монголд амьдардаггүй болохоор, таамаглахад хэцүү л дээ.

Зарим хүмүүсийн ярьж байгаа шиг, Монголд гэй амьдрал гэх мэтийн тухай ярихад арай эрт байж ч магадгүй л юм.
Төрийн ордондоо гал тахиад, тэрэндээ хүүхэн хүргэхгүй энэ тэр гэсэн юм хийж байгаа үед бол, тэр үнэний ортой ч байж магадгүй.

Гэхдээ хүн чинь өөрийнхөө эргэн тойрныг харж юм дүгнэдэг болохоор, миний хувьд бол нилээд өөдрөгөөр хараад байгаа.
Манай Монголчууд угаасаа, эерэг утгаараа ч тэр, эсрэг утгаараа ч тэр маш их уян хатан, юманд зохицож таарахдаа хурдан хүмүүс мэт.

Ажлаа хийхээс хойргошсон үедээ би эндэхийн Вимо гээд социал нетворк ордог юм л даа.
Ямар гэдэн нь хөдөлсөн юм, би анхнаасаа өөрийгөө *би энэ Вимогийн цорын ганц гомо* гээд л нөгөө Литтл Бритэйн дээр гардаг этгээд шиг зарлаад орсон юм.

Эхэндээ ч хүмүүс яахав, пүү пай, садар самуун сурталчиллаа гээд л загнаад байдаг байсан юм.
Тэгсэн, хэдхэн сарын дараа нөгөөдүүл чинь гомогийн талаар, эерэг биш юм аа гэхэд сөрөг биш ойлголттой болчихсон, хамгийн гол нь хүлээж авдаг болчихсон байх жишээтэй.

Тэгээд энэ жил, Монголчуудын шинэ жилийн баяраар, хуучин найз залуугаа дагуулаад очсон юм.
Гэр бүлтэй хүмүүс гэр бүлийн хөнгөлөлттэй ордог баяр л даа.
Тэгсэн, надаас *та хоёр гэр бүлийн хөнгөлөлт авахгүй юм уу?* гэж асууж байна гээд бод доо??


Аль эсвэл гэй клубны жишээ.
Нодлин жилийн 10 сарын үед, дээр үед Монголд *Сити лайф* гээд гэй бар нээж байсан залуутай ярьж байсан юм.

*Энэ чинь одоо, 1 сая 200 мянга илүү хүн амтай хот байна даа, ядаж нэг байнгын бартай болох цаг нь болсон баймаар тэ? *

*Одоо тэгээд парти болсон ч зөндөө хүн ирдэг болоод, бараг багтааж оруулах газар олдохоо больж байгаа гээ биз дээ?*

*Ер нь чи бид хоёр л хийж эхлэхгүй бол, хүлээлээ гээд баригдчихгүй юм чинь тэ?* гэж ярилцаад, клуб нээхээр болсон юм.

Тэгээд, би өөрөө Монголд байдаггүй болохоор, хамаг ажлыг Монголд байгаа хүмүүс болон ээждээ даатгана биз дээ.

Манай ээч ч тэгсэн ханцуйгаа шамлаад л орчихсон.
Хэдхэн жилийн өмнө л анх өөрийгөө гэй гэж хэлж байхдаа ингэтлээ гүнзгий манай ангийнхны төлөө юм хийнэ гэж огт бодоогүй байсан болохоор.
Бүр яваандаа нөгөө хэдийгээ *Эд нар чинь ямар аймаар айлгүй юм бэ!?* гэж шоолонгоо *гэхдээ гэй хүүхдүүдэд бол итгэж болох юм шиг санагдаад байгаа* гээд асар сайн амтай.

Тэр бүү хэл, эмээ өвөө энэ тэр, кланын дотор засвар хийж байгаа хүмүүст хоол унд зөөгөөд байгаа сурагтай байсан, аймаар либерал наачихсан тэ? ккк

Тэгээд тиймэрхүү юмнаас хараад байсан ч гэсэн, манай Монголчууд угаасаа хүнийг хүлээж авахдаа нилээд мундаг хүмүүс юм биш үү гэж бодогдсон.

Барууныхан шиг, бусдыг үгүйсгэж, өөрийгөө төвийлгөж байж өөрийгөө хүлээн зөвшөөрүүлдэг соёл биш, харин харилцан бие биенээ хүлээн зөвшөөрдөг нийгэм болохоороо тэр юм болов уу гэж.

Одооноос эхлээд л тэр барууны соёлын хэрэгтэй хэрэггүй зүйл нь ихээр орж ирээд энэ сайхан заншилууд маань алга болчихгүй л бол....

За за баахан дэмийрч, мэдэмхийрчлээ, ккк.

Энэ бичлэгийг бичиж эхэлсэн маань, клубын нэрээ буруу бичсэн байна лээ гэдгээ мэдэгдэх гэж бичиж эхэлсэн юм байна шд...


Клубт нэр өгөх гэж нэг хэцүү ажил байсан юм...
Япон маягийн клуб болгож хийж байгаа болохоор, Япон нэр өгье гэж яриад...

Эхлээд *Дэрү Күги* буюу *Онцгойрсон этгээд* гэсэн нэр бодож олсон, хамтарч хийж байгаа хүнд маань таалагдаагүй...

Японоор *Дэрү Күги га Утарэрү* буюу, *бусдаас онцгойрвол балбуулна шүү!* гээд үг байдаг юм...
Тэрүүгээр ёжилж нэрлэдэг юм уу гэж бодож байсан юм л даа, хэхэ.

Дараад нь Баябаяга даргын санаачлагаар *Хазама* буюу *хоёрын хооронд гурвын дунд* эсвэл *хаданд хавчуулсан халиуны зулзага* гэдэг нэр бодож олсон.
Даанч Монголд төстэй нэртэй өөр газрууд байна гээд болив.

Тэгээд бодож олсон нь, элдэвээр ёжилж барьсан биш гэсэн утгаар нь *Шөнийн Сакура* буюу Ёзакура гэж нэрлэсэн, Монголчуудын хувьд дуудахад хэцүү, тэгээд урт болоод байсан учир, явж явж Японы дээр үеийн баатарын нэрээр Ханзо гээд нэрлэчихлээ, ккк.


За ингээд, хамтарч анх санаа гаргасан 2 ч биш, Цагаанаа жаалхүүгээс эхлээд олон гэй болон стрэйт (манай авга ах, ээж, эмээ өвөө гээд л, ккк) хүмүүсийн дэмжлэгтэйгээр ямар ч байсан нэг юм эхлүүлэх шинжтэй!

Энэ долоо хоногийн эцсээр анхны ангийнхны парти хийх санаатай байгаа!
Фэйсбүүк дээр зарлал тавигдсан байгаа тул хүрэлцэн ирнэ үү!

Анхны үйл ажиллагаа болох бөгөөд, дээрээс нь клубын доторх зүйл бүрэн бүрдээгүй үед хийгдэж байгаа учир, зарим нэг учир дутагдалтай зүйл гарч магадгүй.
Гэхдээ яваандаа үйл ажиллагаагаа улам бүр сайжруулахаар шамдаж зүтгэж байгаагаа учир, дэмжээрэй! Хүрэлцэн ирээрэй!

New Gay Club

Ойрын үед блогоороо орсонгүйшдээ нээрээ...

Ёондроо, яануушкаа гэдэг бил үү???

 Сайндаа ч биш л дээ, завгүй... гээд худлаа шаах гэсэн, ам эвлэхгүй байна...
Сайндаа ч биш л дээ, ойрд олигтой биччихмээр сонирхолтой зүйл байсангүй л дээ...


 Залуучууд ч яахав байж л байсан л даа, гэхдээ Эршүүд тохиолдсон шиг түрийвчин доторхыг минь цөлмөж барихгүй бол биччихмээр сэдэв болохгүйшд тэ?
 Ямар нээх аргаа барсан юм шиг *Ийм залуутай, ингэж сээгэс хийв* гээд айхтар дитэйлчлээд бичээд байлтай биш тэ?
 Тэгээд ч би ямар тэр дээр үеийн Америкийн зохиолчид шиг * Ягаахан цэнхэр өнгөөр туяарах, Ялдамхан сайхан шөнийн тэр нэгэн агшинд, Яадаг ийдэг сайхан залуу чи минь, Янхилхан, анхилхан намайг тэврэнхэн эзлэнхэн юу яав* энээ тэрээ гээд уянгын халилтай ч бичиж чадах биш тэ???

 Тэгээд, угийн даруухан, хөөрхөн (нэмэв) залуу болохоор, муу бичихээр сайн дуугай байя даа гээд хэвтэж байсан, нэг мэдсэн он өнгөрөөд, нөгөө дэлхий ертөнц сүйрдэг 1912... бишээ, 2012 он нь болчихсон байшд....

 Ингээд бүтэн зуунаар андуураад байхаар хүмүүс миний нас масыг таачих байх тэ гээд ичингүүрээд бичиж эхэлсэн юм аа арилгах гэснээ... арай ч дээ, ямар онгон охин биш дээ гээд, юу ч болсон бичиж эхэллээ...

гэхдээ хэзээ өөр онгон охин орж ирээд (Бөөгийн ёсоор юу гэж хэлдэг бил ээ??? Онгон орох, онгод орох гэдэг бил үү??) намайг юм бичүүлэхийг минь болиулах юм бүү мэд...

 За яахав, задгай заваан бузар булай, завхай замбараагүй байгаа дээрээ хэдэн үг биччихье тэ???




 Гээд бичих гэсэн Онгон авгай саад болоод, бичих юм санаанд орохоо больчихлоо...

 Би ч яахав, энд нэг иймэрхүү, нэг тиймэрхүү... Юу ч болсон он гаргасаны баяраа тэмдэглэж нэг сээгэс хийж авсан.

 Энэ чинь он гарахаар ганц хундага юм уух, ганц сээгэс хийх болон ганц чоно алах чинь нөгөө эр хүний хиймарь бил үү? хоосон морь бил үү?? тэр нь мундаг босдог юм гээ биз дээ....


 гэж... ямар боожгооны тухай ярьж байгаа биш дээ, босох мосох ч гэх шиг... Чөтгөр намайг алгадаг (Devil Spank Ме гэхээр жоохон сээгсий ч юм шиг тэ? ккк)


 Надаар сонин сайхан байхгүй, гэхдээ хорвоогоор сонин сайхан байх шиг байгаа юм тэ?

 Тэр улс төр мөр, эдийн засаг масаг (энэ гэхдээ асар оносон үг тэ???? Эд хөрөнгө нь хүн ёс гэх мэтийг захираад засаглах одоогийн нийгэмийг асар оновчтой илэрхийлсэн... Эд нь захирах буюу, эдийн засаг!! ) энээ тэрээг ойлгох биш....

 Гомо над мадхантайгаа холбоотой юм аа л халтар хултар гадарлана ш дээ... Нөгөө юу яасан гээ биз дээ? (цайгаа оочлов)

 Канадад, ХДХВ (энэ үг гэхдээ ерөөөсөө хүмүүсд тархахгүй юм аа тэ? ДОХ гэх нь элбэг болохоор)-ын эсрэг вакцин нээгээд одоо хүн дээр туршиж эхэлсэн гээ биз дээ???

 http://www.vancouversun.com/health/Canadian+researchers+start+clinical+trials+vaccine+January/5887090/story.html

 Нээчихээд, хулгана мулгана, шимпанзе энэ тэр дээр туршаад үр дүн нь гараад, одоо хүмүүс дээр туршиж эхэлж байгаа, хэрвээ амжилттай болбол 5 жилийн дараа вакцин тарих боломжтой болох юм гээ биз дээ???

 Гээд лаг хуучны мэдээг, асар шинэ юм шиг танилцуулав, ккк...
Гэхдээ мэдээ гэдэг чинь мэдсэн үедээ л хамгийн шинэ байдаг ш дээ тэ???

 За тэгээд энэ өвчнөөс хамгаалах вакцин гарах сурагаар нь өвчтэй юм шиг, ороо нь орсон юм шиг хоорондоо хамгаалалтгүй сээгэсдээд унав аа???
 Вакцин тариулахаасаа өмнө ДОХ тусчихвал ёстой шатчихсан юм болно биз дээ????

 За тэр бусдыг сургах ч яахав.... Ийм мэдээ сонсоод, лаг өөрийгөө хамгаалуулдаг хүн болох гэсэн, аль хэзээний ДОХ тусчихсан байх бий вий гээд өнөөдөр очиж шинжилгээ өгөв.

Би ч угаасаа жоохон дампуу талдаа, нэг их шинжилгээ энэ тэр өгөхдөө хойрго хүн л дээ... Нэг мэдсэн бүр интернэт дээр намайг ДОХ туссан гэсэн цуу яриа явж байна гээ биз дээ???

 Тэгээд өнөөдөр, дандаа очдог, эмч нь гомо клиник дээр очиж шинжилгээ өгөв. Ямар ч шинжилгээ өгсөн шинж байхгүй *Шинэ оны мээнд!! Өчигдөр хаана уув???* энээ тэрээ гэж эмчтэйгээ буу халангаа шинжилгээгээ өгсөн, ямар ч байсан, зарим нэгэн хүний хүсэн хүлээсэн шиг *позитив* биш байж таарсан.

Энэ эмнэлэг гэхдээ аймаар бизнесийн авхаалжтай, нэг шинжилгээ авахдаа *чи ер нь завхай нөхөр, тэмбүүтэй ч юм бил үү???? Б гепатиттай ч юм бил үү???* гэж айлгаж байгаад болж өгвөл үнэтэй шинжилгээ авчихдаг юм...

 Би ч угийн муусайн наймаачидад хулхидуулах авьяастай хүн... хэлсэнээр нь бүх шинжилгээг нь өгөв.

 Хариу нь: ХДХВ - байхгүй (негатив)
Тэмбүү- байхгүй (негатив)
Б гепатит - байхгүй (негатив)

ингэнээ.

 Тэгсэнээ л нөгөө эмч чинь асар баясгалантайгаар *Чи яав, шинжилгээнийхээ хариуг хүлээж байхдаа догдлов уу?* энэ тэр гээд...

 Би ч юу гэх нь ойлгомжтой. *Найз нь тийм юмнаас догдлохоо болиод удаж байгаашд... Чи манийгаа нэг өөр маягаар догдлуулахгүй юм уу??* гэнгээ эмчийн гуяыг жоохон илэв...

 Мэдээж илж байсан гараа алгадуулсан л даа...


 За тэр ч яахав. Өчигдөр, ойрд ороогүй байж байгаад гэй партид орсон, ийм бүжгийн хамтлаг үзүүлбэр хийв. Дажгүй шүү???




 За тэр ч бас яахав.
 Нээрээ, Монголын анхны Геи, Лесбиан, Трансжендер, Бисекс болон нээлттэй стрэйт хүмүүст зориулсон клаб удахгүй нээх гэж байгаа!!!

Одоохондоо бүх юм бүрэн болоогүй байгаа болохоор ”Pre-Open" гэсэн хэлбэрээр юу ч болсон нээх гэж байгаа, хэрвээ хурдан нээвэл дараагийн долоо хоногт, удлаа гээд 2 сар болохоос өмнө.

Бүх юм бүрдэхээрээ мундаг томоор *ГРАНД ӨҮПҮН* хийнэ.

Гэхдээ та нар, эртнээс, пре өүпүн хавиас нь ирнэ биз дээ тэ??????

 Хүнээр хийлгэх гэсэн, хүн олдоогүй болохоороо, өөрийнхөө хийсэн нэг миа рекламны паузаа орууллаа!!!

 За тэгээд ирж, хамтдаа архи ууцгаая??
 Зовлон жаргалаа хуваалцая??

 Боломж олдвол нөгөө *элэг нийлүүлье!!*

лол


 За нэг тиймэрхүү нэг иймэрхүү


 Энэ жил, Монголд янз бүрийн юм санаачлах санаатай байгаа болохоор, дэмжээрээ хүүхнүүдээ.... залуусаа!!! за ер нь хүнүүсээ!!!