Wednesday, March 18, 2015

Nikiton, Dolce& Gabbana, busad

За за, цэргийн баяр гээд, цэцэрлэгт явсан би жоохон уучихаад сууж байна.
Сүртэй ш д.
Доошоо харахаар нэг хэдэн см хар бор?  чернилен ягаан?  бачка унжаад байж байна.

Доодохоо базаад юм базагдвал тэмдэглээрэй гээд байсан биз дээ?
А, тэр нь бас босдог бол гэсэн...
(Ингээд хэлчихээр, настан буурлаа хүндэлсэнгүй гээд загнуулах юм болов уу? ккк)


Зиаг тэмдэглэлээ тэмдэглэлээ.  Уулаа, идлээ.
Эхлээд Особу жаалын төрсөн өдөр дээр очиж баахан орилж дуулж дайлуулж байгаад, тэгээд Айзам орж бас шинэ боожгоо энэ тэр байна уу хайж өлөн нүдэлж байгаад ирэв.
Даанч, би нөгөө нэг амьдралдаа унтах хүний тоо нь дуусчихсан юм уу, шинэ боожгоо ердөөсөө харагдахгүй юм.  Уг нь зөндөө хүн байсан, бүгдийг нь таних юм...
Бүгдэнтэй нь унтаж үзсэн бол биш л дээ...

Тэгээд нийгмийн хонгор болчихсон манийг чинь хүмүүс ямар тоох биш, жаал сэмбэгэнэж, сайн уу юу байна гэж байгаад л ирэх шив дээ.


Харьж ирчихээд, айхтар Японы гомо амьдралын тухай бичих гээд байж байсан, сонирхолтой санагдсан хэд хэдэн юм сонсогдоод байна.

Бичиж байхдаа аягүй бол мартчихна.
Номерлочихьё!


1.  Никитоны тоглолт 1 сая төгрөг
2.  Долче & Габбана
3.  Японд гомо барыг үйлчлүүлэгчтэйгээ хамт дуу дууллаа гээд баривчилсан талаар.


Уг нь 3-ын тухай бичье гэж бодож байсан юм.
12 цагаас цагдаа нар орж ирээд бар савыг хаагаад л, хамаг юмыг онхичоод байдаг чинь зөвхөн Монголд байдаг гээд бодоод байсан үгүй юм билээ...

Христийн шашинд, онгон хүүхэн гадуур явж байгаад хүчиндүүлчээд чангаар орилж чадаагүй бол, тэр хүүхнийг чулуугаар нүүлгэж алах хэрэгтэй гэж байдаг ч, хэн ч тэрийг санахыг оролддоггүй шиг, дэлхийн олон улсад тийм, утга учиргүй хирнээ *хаягдсан* хуулиуд их байдаг юм шиг байгаа юм.   Гэхдээ юм яаж ч эргэж болно.  Гэнэт *Хүүе!  Ийм хууль байдаг байсан юм байна шд!! Энийг дагахгүй бол болохгүй* гээд донгиотоод, шударга царайлаад эхлэх хүмүүс байхыг хэн мэдэхэв...

Японыг ч гэсэн би, аймаар эрх чөлөөтэй орон, жинхэнэ ардчилал, коммюнизм 2-ыг зэрэгцүүлээд барьчихсан улс гээд боддог байсан юм.  Хэдэн цаг хүртэл архи уусан ч болно, гаж донтонгууд нь нэгдэж байгаад сардаа нэг цуглаж асар тайвнаар шоудаж барьдаг гээд л..

http://patatepatata.blogspot.com/2008/01/hamar-darah-short-bus-bolon-viva-da.html


Гэтэл, энэ маань бас ч яг тийм 100% эрх чөлөө биш байсан, тийм нуугдмал, харсан ч хаячихсан хууль энэ тэр их байсан юм байна.

Мэдээж хуулиуд дандаа асуудалыг багасгахын тулд гардаг байх.
Монголын архидан согтуурахтай тэмцэх хууль, хүмүүсийгээ хэт архидаад байна, тэгээд өөрсдөө ухамсраараа засарчих чадваргүй арчаагүй иргэд болохоор, хуулиар тэрийг нь зохицуулья гэж бодож гаргаж ирсэн зүйл байгаа...

Японы хувьд ч гэсэн, дайны дараа, биеэ үнэлэгч их байсанаас шалтгаалаад бий болсон хуулиуд зөндөө байсан юм байна.  Тэрнийгээ угаасаа хэрэгцээгээ гаргасных нь дараа хэсэгтээ мартчихсан байсан, гэнэт хүмүүсийн шизотой, хэт шударга зан нь хөдлөөд, чангалж эхлэв ээ..

Эхлээд бүжиглэхээс эхлэв.

Японы хуулиар, диско барнууд нь хүнийг 12 цаг хүртэл бүжиглүүлж болно.  12 цагаас хойш бүжиглүүлбэл хориотой юм байна.
Энэ нь, нийтийн бүжгийн газар янхан хүн хамгийн ихээр цуглардаг байсантай холбоотой зохиогдсон юм билээ...  Миний цэвэр ариухан Япон хүүхнүүд, муусайн Янкинуудын боовыг хөхөөд байна, ийм байх юм бол цэвэр цус энээ тэрээ гээд хэцүүднэ!! Бүгдэнгийнх нь үсийг хус, янхандалт үүсгээд байгаа тэр диско барнуудыг нь эрт хаадаг болго!!! гээд баахан популистууд нь орилолдож орилолдож тийн журам зохиосон юм байх

3-хон жилийн өмнө хүртэл, бүх клубууд өглөө хүртэл ажилладаг болохоор хэн ч тийм хууль байдагийг мэддэггүй байв.  Цагдаа нар нь ирсэн ч юу ч хэлэхгүй яваад л байдаг.
3 жилийн өмнөөс, үйлчлүүлэгчдээ бүжиглүүлсэн гээд зөндөө олон барыг хаав...
Эхлээд Осакагийн стрэйт бачка нарт зориулсан барнуудаас эхлээд, тэгээд яваандаа Ничомегийн гей бар энэ тэр хүртэл.


Клубууд *Битгий бүжиглэнэ үү!!!* гэсэн сануулга тавичихсан байдаг байсан гэхээр инээдтэй байгаа биз дээ?



Тэгсэн саяхан, бас нэг барыг *Үйлчлүүлэгчид дотно үйлчилсэн* гэсэн нэрээр, үйлчлүүлсэн хүнтэйгэйгээ хамт Караоке дуулсан баагийг баривчлаад авав...

Шибуя дүүрэгт ижил хүйстэнтэйгээ хамт амьдардаг хүнд, гэрлэлттэй адил эрхтэй *ХАМТ АМЬДАРДАГ* гэдэг сертификат гаргасаны дөнгөж дараад нь...

Үйлчлүүлэгчдээ дотно үйлчлэх (Караоке, хажууд нь суух, секс хийх?)-ийн тулд, тус газар нь * ДОТНО ҮЙЛЧЛЭХ* эрхийн бичиг авах ёстой бөгөөд, тийм эрхийн бичигтэй газар нь шөнийн 12 цагаас хойш үйлчилгээ үзүүлж болохгүй гэсэн бас нэг НУУГДМАЛ хуулиас шалтгаантай юм гэнэ...
Хэдэн 10 жил тоохгүй байж байж, гэнэт хуулиа баримтлана гэсэн нэрээр буцааж гаргаж ирээд, бүгдийг буцаагаад үнс болгох.... хуулийн жинхэнэ утгаар цоорхой..

Хүмүүс фашист тал руугаа хандаад эхлэхээрээ, гэнэт айхтар зарчимч болоод л, тэгээд бусдын үзэл бодлыг үл тоомсорлоод эхэлдэг.

1930 он хүртэлх Берлин бол дэлхийн хамгийн дэвшилтэт гомо, лезбиан эрхийг хамгаалдаг хот байсан боловч, дайн дажинд ялагдаад, хүмүүс сульдаад ирсэн фашист үзэл газар аваад, яваандаа өөрсдөөс өөр, эсвэл хууль дүрмээс гадуур зүйлийг үгүйсгэж эхэлсэнээр, Гитлерийн Германы үед ямар их харгислал авчирсан бил ээ... Тийм утгаараа, гэнэт ингэж хатуурхаж эхлэх нь яав ч олигтой зүйл биш мэт.   Мэдээж, Гитлерийн Германы үед, дайнд дарлагдсан Германы ард түмэн, гэнэт их эдийн засгийн хөгжил ирээд баярлаад эхэлсэн нь үнэн.  Гэхдээ л юм хэрээс хэтрэхээрээ юу болдог талаар бүх хүн мэдэж байгаа..

Нээрээ энэ үеийн талаар Кабаррет гээд аягүй гоё кино байдаг юм байна билээ, үзээрэй!!

http://www.imdb.com/title/tt0068327/





Мэдээж, үйлчлүүлэгчтэйгээ караоке дууллаа гээд баривчлагдсан хүний талаар зөндөө асуудал үүсэв.   Энэ бол ГОМО нарыг ялгаварлан гадуурхаж байна гэж эхлээд л...


Гэхдээ яг явж явж, ЭНЭ ЧИНЬ ХАРИН Ч ГОМО НАРЫГ БУСАДТАЙ АДИЛХАН ҮЗСЭН ЮМ БИШ ҮҮ??  гэсэн сонирхолтой нийтлэл олж уншив.

Юу вэ гэхээр, угаасаа стрэйт барнуудад ч гэсэн иймэрхүү маягийн чангалах асуудал аль хэзээний үүссэн байсан юм байна билээ.
Японд, хажууд нь хүүхэн очиж суудаг клубууд бол дээрх эрхийн бичгийн дагуу ажилладаг бол, хажууд нь очиж суухгүй ч, барны нөгөө талаас үйлчилдэг ОХИДЫН БАР гэдэг зүйл ихээр дэлгэрээд, тэд нарыг *ХУУЛИЙГ НЬ САХИУЛАХ* нэрээр хатуурхаад эхэлчихсэн байсан юм байна.  
Тэрний үргэлжлэл нь гэй баранд орж ирсэн нь л энэ мэт.

Мэдээжийн хэрэг зүгээр үйлчлүүлэгчтэйгээ хамт караоке дууллаа гээд баривлуулагдаж яваад байвал ямар олигтой зүйл байхав.  Энэ бол өөрөө том асуудал.

Гэхдээ асуудал нь, гомо нарыг ялгаварлан гадуурхсандаа биш, харин хуулийн гаж тогтолцоо байгаад байсан мэт.

Гэхдээ юм ингэж асуудал болж гарч ирж байж, тэр асуудлыг үндэс сууриар нь өөрчлөх бас үндэслэл болдог болохоор заавал сөрөг зүйл биш л байх.

Шал хадуурч юм ярихад, сая Монголд 3 гадаадыг, Монгол улсын ДНБ-тэй тэнцэх хэмжээний татвар хулхидсан гэж шоронд хийгээд, тэрийг нь сулласан зүйл болсон доо?
Тэр хүмүүс татвараас зугтсан эсэх нь сайн мэдэхгүй юм, гэхдээ татварын асуудлыг нь компанитай ярих ёстой атал хувь хүмүүсийг шоронд хийснээр, Монголд иргэдийнхээ эрхэнд хэрхэн зүй бусаар халддаг нь ил тод болсон зүйл болсон мэт.

Ийм асуудал гарч ирж байж, асуудлыг үндсээр нь шийдвэрлэх нь чухал мэт...

За хадуурчлаа.
Буцаад дээрх зүйл рүүгээ орьё.

Юм л бол *НАМАЙГ ГОМО БОЛОХООР НЬ ДЭЭРЭЛХЛЭЭ* гэж орилох, нэг бодлын утгагүй зүйл мэт.  Гомо гэдэг чиний том хэсэг мөн ч гэсэн, тэрнээс нь болж дээрэлхэх, тэрнээс өөр шалтгаанаар дээрэлхэх гээд олон зүйл байдаг мэт.

Тэгээд, юманд тэгш эрх хүсч байна гээд, бүх зүйлээ стрэйт хүмүүстэй адилхан болгох гэж дайрах нь бас өөрөө их сонин асуудал мэт.

Үүний нэг жишээ нь гей гэрлэлт.
Мэдээжийн хэрэг, гэрлэсэн хүмүүстэй адил эрхтэй болох хэрэгтэй нь үнэн.  Гэхдээ энийг заавал ГЭРЛЭЛТ гэж нэрлэх шаардлага байна уу гэдэг асуудал тусдаа ч юм шиг.

Тийм утгаараа, гэрлэлттэй адилхан эрх зүйн чадвар бүхийн Партнершип гэдэг зүйлийг гаргаж ирсэн Европ, гэрлэлтийн тухай л яриад байдаг Америкаас илүү дэвшилттэй ч юм шиг.

Зиаг энэн дээр тулгуурлаад дараагийн сэдэв.

2.  Долче Габбанагийн *Хуурамч хүүхэд* гэдэг талаар.

Долче Габбана, *Жинхэнэ гэр бүл бол эрэгтэй хүн, эмэгтэй хүн 2 хоорондоо гэрлэж байж хүүхэд төрүүлсэн гэр бүл болно!* гэж хэлсэнээс болоод, Элтон Жон, Викториа Беккам, өөр хэн хэн ч гэлээ, Долче-г өмсөхгүй байхыг уриалж байна гээд баруунаар нэг бөөн юм болж байна даа....

Долче Габбанагийн хувьд угаасаа гэй гэрлэлтийг эсэргүүцдэг байсан бөгөөд дараах хэдэн аргюментийг хэлсэн юм байх.
-  Бид гэй хүн хүүхэд өргөж авахыг эсэргүүцдэг.  Гэр бүй гэдэг бол уламжлалт гэр бүлийг л хэлнэ!
-  Чи аав ээжүүдийн ХАЙРЫН дундаас төрсөн, тийм ч байх ёстой.  Бид тэр хуруун шилний хүүхдүүдийг ХИМИЙН БҮТЭЭГДЭХҮҮН, ХИЙМЭЛ ХҮҮХЭД, ТҮРЭЭСИЙН АЛ БОЛОН КАТАЛОГООС СОНГОСОН ТОЧИГО! гэж нэрлэнэ!

Аргагүй л гомо ажаа нар, хэл амаа билүүднэ гэж аймаар байгаа биз дээ.  Түрээсийн ал, каталогоос сонгосон точиго байхдаа ч яахав дээ, ккк.

Мэдээж энэ стэйтментүүдэд нь асуудалтай зүйл их байгаа.
Жишээ нь, энэ нь нэгдүгээрт зөвхөн гей үрчлэл ч биш, хүүхэд үрчлэх, өргөж авахыг бүхэлд нь үгүйсгэсэн зүйл болох мэт.  Өнчин хүүхдүүд тэгээд яахав?  Насан туршдаа өнчин байх ёстой юу?  гэдэг ч юм уу.

Эсвэл хуруун шилний хүүхэд ч гэсэн, хүүхэд гаргах боломжгүй эх, эцгүүд, заавал гомо лезбиан гэлтгүй хэрэглэдэг арга бөгөөд, тийм хүмүүсийг *та нар хүүхэд гаргах боломжгүй юм чинь хохь чинь!!!* гэж хэлж байгаа ч юм шиг.

Гэхдээ ямар нэгэн зүйлийн талаарх үзэл бодол гэдэг чинь угаасаа л аль нэг талаараа өрөөсгөл байдаг шүү дээ.
Тийм болохоор, өөрийн үзэл өөртөө зөв, гол нь бусдад тулгаж л болохгүй мэт.

Тийм утгаараа ч тэр, хэдийгээр Долче & Габбанагийн үзэл нь нилээд олон асуудалтай боловч, Италийн Католик шашинтай хүний хувьд тийм үзэлтэй байхыг нь хүндэтгэж үзэж болохоор асуудал мэт.

Харин ийм үзлээ хэллээ гээд *Энийг хар даа! Ийм балиар үзэлтэй байна!! Бүгдээрээ хамтдаа эсэргүүцье!  Хамтдаа энэ бачкад энэний буруу гэдгийг нь ойлгуулья!!!* гэж нийтээрээ дайрах нь бас нэг өрөөсгөл үзэл мэт.

Элтон ажаагийн хувьд *Долче & Габбанаг ийм гэж үнэхээр бодсонгүй.  Гомдлоо!! Хувцсыг нь өмсөхөө болилоо!!* гэдэгээ их гоёор бичсэн байна билээ.

"How dare you refer to my beautiful children as 'synthetic,'  IVF is a "miracle" that has helped many couples have children! "Your archaic thinking is out of step with the times, just like your fashions. I shall never wear Dolce and Gabbana ever again."
( ЧИНИЙ НААД ХУУЧИНСАГ, ШАШИНЛАГ БОДОЛ ЧИНЬ, ЧИНИЙ ХУВЦАСНЫ ЗАГВАРУУДТАЙ ЧИНЬ ЯГ АДИЛХАН ХУУЧИРЧ БАЛАРСАН ЭД ЗА ЮУ!!!  )

Аргагүй л олон жил гомо хийж байгаа ажаа.  Хэл ам бол байна аа байна.

Гэхдээ тэгээд Элтон ажаа ингэж баахан хистери үүсгэчихээд, маргааш нь Долче& Габбанагийн уут бариад явж байгаад баригдсан байна билээ шд, ккк.





3.   Никитоны билет 1 сая төгрөг.


Дээдэх асуудалтай шууд холбогдож байгаа юм.

ХҮН БОЛГОНЫ ЕРТӨНЦИЙГ ҮЗЭХ ҮЗЭЛ ӨӨР!!!

Заавал бусдыг НЯЦААЖ байж ӨӨРИЙГӨӨ ХҮЛЭЭН ЗӨВШӨӨРДӨГ ХҮМҮҮС ӨРӨВДӨЛТЭЙ.

Өчигдөр цэргийн баяраар Никитоны тоглолт болсон юм байна.
Зарим билет нь 1 сая төгрөгийн үнэтэй байсан юм байх.

Тэгсэн, шууд л Никитоныг шулаачаар нь, үзсэн хүмүүсийг муусайн олигарх, фёодолоор нь дуудсан юмаар фейсбүк дүүрчихэж.

Саятан болоод үзэх нэгэн байгаа байх, гэхдээ, САЯ ТӨГРӨГ ТӨЛСӨН Ч ХАМААГҮЙ ҮЗМЭЭР БАЙНА!!! гэсэн хүн байгаад үзэх юм бол тэр хүнийг чамд шүүмжлэх эрх байхгүй шүү дээ....

Хамгийн сонирхолтой нь Фесбүк харж байсан, *Надад таалагдаагүй юм чинь, чамд ч таалагдаагүй байлгүй* гэсэн коммент, нийтлэлүүд...

Угаасаа 1 сая-ын нэр чинь маркетингийн л бодлого байсан биш үү...

За биш байсан ч гэсэн, Тунгалаг Тамир киноны СОНГОДОГ үг байдаг ш дээ.

ХҮН Лаагаа ч иднэ үү, Луувангаа ч иднэ үү, НАДАД ПАДЬ АЛГА!! гээд...
(Тэр лаа, луувангаа идэхдээ амаараа ч иднэ үү, бөгсөөрөө ч иднэ үү бас л хүний эрх шүү дээ, ккк)

Аргагүй л өвгөд дээдэс маань мундаг үг хэлдэг байж шүү!!!

Зиаг зиаг, согтуу хүний замбармаагүй хүүрнэл орууллаа....

Цэргийн Баярын Мэнд!!!

Sunday, March 15, 2015

УБ-ын гей амьдрал - дараагийн шат

Зиаг зиаг.

Ханзо хаагдаад одоо бараг сар гаруй болж байна.
Энэ хооронд гэхдээ нилээд хэдэн дэвшилттэй зүйл бий болсон мэт ажиглагдаж эхлэв.

Ханзогийн хувьд, яг цэвэр гэй бар уу гэхээр бас биш ч юм шиг, тэгээд биш юм уу гэхээр мөн ч юм шиг нэг тийм Каос, замбараагүй маягийн бар байсан юм л даа.

Гадаадын ихэнх барнууд бол, гей нь гейгээрээ, лесбиан нь лесбианаараа, трансжендер/сексуаль нь транссексуалаараа ялгарчихсан, тэгээд тэр нь дотроо, баавгайнд дуртай, туранхай жоохон хүүхдэд дуртай, хөгшин хүнд дуртай гээд улам цаашаа задраад явчихсан байдагийг энд тэнүүгээр их тэнэдэг манайхан сайн мэдэх байлгүй.

Ханзогийн хувьд, (эсвэл түүнээс өмнө байсан 100% гэх мэт ч гэсэн), цорын ганц бар гэдэг утгаараа ч тэр үү, ер нь бол бэлгийн цөөнхүүд өөрсдийгөө АНГИЙНХАН гээд нэрлэчихсэн, тэгээд ангийнхан, гей байна уу, лезбиан байна уу, трансжендер байна уу, эсвэл зүгээр л алтернатив юманд дуртай стрэйт залуучууд байна уу хамаа байхгүй бүгд холимог байдаг байсан нь миний хувьд тус баранд дуртай байх гол зүйл байсан юм.

Заавал хэсэг бүлгээрээ ялгараад, тэгээд бие биенээ бараг мэдэхгүй шахам байдаг хөгжингүй улсуудын барнууд шиг биш.

Тийм ч утгаараа, нэг тийм амьтны хүрээлэн шиг ч юм шиг тийм сонирхолтой уур амьсгал байдаг байсан мэт.  (Токиогийн Нью Сазаэ гээд бас 70-аад оны бар нэг иймэрхүү холимог уур амьсгалтай)

Рокерууд гээд урт үстэй баачкаанууд, эмэгтэй хувцасласан урт үстэй бачканууд хоорондоо нийлчихсэн, тэгсэн тэднуусаасаа эрэгтэйлэг болон эмэгтэйлэг лезбиан охидууд нь хажуугаар нь найзан дундаа орчихсон гэх мэт.

Энэ олон ургальч үзэл нь нэг утгаараа маш дэвшилтэт зүйл байсан ч, нөгөө утгаараа бас л зодоон цохион, үл ойлголцол үүсэх нэг шалтгаан болдог байсан байж ч магадгүй мэт...

Зиаг тэгээд Ханзо хаагдав.

Ёстой л нөгөө *эзэнт гүрний задрал* гэдэг шиг, УБ-ын гэй амьдрал дараагийн шинэ үе лүүгээ орж байгаа мэт санагдаж эхлэв.

Нэгдүгээрт, Ханзод орж үзэж байсан олон стрэйт хүмүүс, барнууд, ангийнханд илүү нээлттэйгээр үүд хаалгаа нээж эхлэв.

Хөгжим сонирхдог, урлаглаг голдуу залуус цугладаг Рүбирүүм үүний нэг жишээ мэт. 
Эзэн нь хэдий стрэйт боловч, Ханзод ирэх дуртай залуу байсан юм.

Тэгээд л Ханзо хаагдсан, нилээд урлаглаг талын, стрэйт хүмүүсээс нэг их айж ичээд байдаггүй хэсэг бүлэг фракцынхан Рүбирүүмд орж тавлах дуртай болсон нь харагдаж байв.  Би ч гэсэн, гэрээс ойрхон байдаг, таньдаг хүн их цугладаг, тэгээд хамгийн гол нь эзэд болон ажилчид нь маш найрсаг болохоор энэ баранд орох их дуртай болоод байгаа.  Долоо хоногтоо 1-2 удаа дор хаяж...

Хоёрдугаарт, миний анзаарсанаар, гей, лезбиан, трансжендер гэх мэтээрээ ангижиж эхэлж байгаа харагдав.   Блисс гээд герман эзэнтэй, ангийнханд ээлтэй ханддаг бар байдаг байсан бол, тав дахь болон хагассайн өдрүүдээ ангийнханд зориулдаг болж эхэлж.

Гэхдээ, хөгжлийн дараачийн үе шат юм уу, ангийнхан орохдоо, гей залуучуудаас илүү лезбиан охидууд илүү их орж байгаа нь анзаарагдаж байв.

Гадаадын барнууд тус тусдаа байдаг нь хөгжлийн явц, эволюц байсан юм биш үү гэж бас бодогдов.

Мэдээж, харьцангуй холимог байдлаа авч үлдсэн газрууд бас нээгдэж эхлэв.
Айзам бар эдний нэг.
Хоёр хөөрхөн хос охидууд ажиллуулдаг энэ баранд, эрэгтэй эмэгтэй, гэй, лезбиан, трансжендер гэлтгүй бүгд холилдоод ордог болж байна.  Харьцангуй хуучин Ханзотой төстэй уур амьсгалтай бар гэвэл энэ байж магадгүй.  Хамгийн гол нь, Ханзод ч харагддаггүй хөөрхөн залуучууд хааяа ирчихсэн байдаг болохоор миний дуртай газруудын нэг болж амжаад байгаа юм.

Дөрөвдүгээрт, хүмүүсийн байдаг орчинд ойрхон олон барнууд нээгдэж эхлэв.  Их дэлгүүрийн урд, 10-р хороололд, 19-р хороололд гээд.
Хүмүүс сонголт ихтэй болж байна гэдэг, УБ-ын гей амьдрал хөгжлийн дараагийн шатандаа орсоны шинж болов уу гэж харагдаад их баяртай байгаа.

За тэгээд сонголт олонтой болж байгаагийн дээр, өмнө нь бичсэнчлэн, ТББ-ууд нэг дор цугларч, нэг цонхны үйлчилгээтэй болсон нь үнэхээр том дэвшил мэт.  

Одоо тэгээд ТББ-ууд маань нэгдсэн мэдээлэл өгдөг болоод (жишээлбэл барнууд хаана байдаг вэ гэдгээс эхлээд, хэзээ хэзээ ямар парти болох гэж байгаа гэх мэтчилэн) эхэлбэл бүр зүгээр мэт.

Бас, Гоодаль, Засгийн Газрын Мэдээ гэх мэт олон нийтэд хүртээлтэй томоохон хэвлэлүүдээр тун зөв мэдээлэл өгсөн бичлэгүүд ихээр нэмэгдэж байгаа гэх мэт.

Ганц үлдэж байгаа юм нь, сексдээ нээлттэй хөөрхөн залуучууд л байх шив дээ.  Над луу шуурах залуучууд гарч ирвэл бүр сайн байна, ккк.

Зиаг зиаг, нэг иймэрхүү, нэг тиймэрхүү л байна даа.

Дараагийн удаад, Японд болж байгаа зүйлийн талаар ганц нэг юм оруулж бичье дээ.

Friday, March 13, 2015

Happy Gay Life vs. Unhappy Gay Life

Өнөөдөр жаал Айзамд ууж байгаад ирэв...

Ирэв ч юу байхав, уг нь ээжийг ирээгүй бол дуустал нь согтуураад гарья гэж бодож байтал, ээж ирээд, нөгөө бүрэн эрх чөлөөгөө эзэлдэг маягаараа баахан шоудаад, хүргэж өгөхөөс аргагүй болоод, тэгээд хүргэж өгчихөөд ирэв...


Буцаж ирчихээд, пиво, вино уунгаа баахан ярилцав...ф

4 төв нэг газарт орсон, гоё оффистой болсом талаар.

Миний сэтгэгдэл бол нэг.

Нэгдүгээрт, 4 өөр газарт байдаг байсан газрууд нэг газар цугларсан нь, төвүүдээр үйлчлүүлэх хүмүүст олон газраар явах шаардлагагүй, нэг цэгийн үйлчилгээ өгсөнөөрөө үнэхээрийн дэвшилтэт зүйл болсон мэт.
Энийг би аль 3-4 жилийн өмнөөс хэлдэг байсан болохоор, миний саналд бол 100% тэнцсэн гоё зүйл болсон санагдав

Хоёрдугаарт, Гей, Лезби гэхээрээл заавал подвалд нуугдах ёстой биш, тодорхой хэмжээний өөрийгөө ЭРХЭМСЭГЭЭР илэрхийлэх газар байх ёстой гэдэг талаараа тун зөв мессеж өгч байгаа юм биш үү гээд...



Гэхдээ юм чинь олон талтай, олон ургальч байх нь угаасаа зөв мэт,,,

Манай нөгөө баагий ярьж байна л даа...



Наад логик чинь, өөрсдийгөө хүлээн зөвшөөрсөн гомо нарт л үйлчлэх бус уу???



ЭРХЭМСЭГ байх ёстой гэж үзэж байгаа гомо, лезби нар чинь хэний ч дэмжлэг, тусламж байхгүй байсан ч. өөрийгөө хүлээн зөвшөөрүүлээд, өөрийнхөөрөө амьдраад явчихна!!!!!

Хамгийн гол нь тэгж өөрийгөө илэрхийлж чадахгүй, өөрийн эрхээ хамгаалж чадахгүй ангийнхан байгаа тулдаа наад ТББ-ууд чинь байгаа юм биш үү???

Өөрсдийгөө хамгаалж, эсвэл илэрхийлж чадахгүй байгаа хүмүүст ашгийн бус наад байгууллагууд чинь үйлчлэх ёстой!  Бусад нь угаасаа учраа олчихно!  Тэгэхээр, хүн амьтан ороход амар газар байрлах нь чухал биш үү???

Тэгээд угаасаа энэ ТББ-г байгуулсан хүмүүс чинь тодорхой хэмжээгээр ЧАДАЛТАЙ! ЗОРИГТОЙ хүмүүс байгаа.  Бусад хүмүүсийг өөрсөд шигээ чадалтай, зоригтой гэж бодох чинь өөрөө төөрөгдөл юм биш үү????

гэж байна...


Сонсохоор үнэн үг санагдав...




Мэдээж бүх хүнд сэтгэлд нь хүрнэ гэж байхгүй.

Гэхдээ, яавал бусдад хүрэх талаар бодох хэрэгтэйг бодохоор, манай ТББ-ийнхэн үнэхээр хэцүү ажлыг үүрч байгаа шүү.


Энэ хүнд ажлыг хүлээж байгаа хүмүүстээ бид талархах хэрэгтэй болов уу!!!!

Monday, March 09, 2015

Тэмдэглэл - Азийн хамгийн ОНГОН хот?

Зиаг зиаг.

Хамгийн сүүлд чинь Израйл, Турк явж ирсэнээсээ хойш аялалын тухай, эсвэл энгэр зөрүүлсэн тухай бичээгүй юм байна шд, тэ?

Нударга биш, энгэр зөрүүлсэн тухай бичих ер нь бол их зүгээр гэж боддог юм, ядаж л үзэн ядалт биш, харилцан таалагдсан тухай, эсвэл хүйтрэх шөнө бүлээхэн хөнжилд харилцан бие биенээ дулаацуулсан тухай энэ тэр болохоор.  ккк

2014 оны 4 сараас хойш нэг их гадагшаа гарч орсонгүй л дээ.
2-3 удаа Солонгос, Япон ажлаар явсан, тэгээд сүүлд 10 сард Тайланд, Лаос, Хонгконг, Макао орсон, сая сүүлд Бээжин, Хөх хот, Эрээн орж явж ирсэнийг эс тооцвол.

Хүн хүний сонирхол өөр байх л даа, гэхдээ миний бодлоор Ази тивийн хувьд, хойшлох тусмаа хүмүүс илүү царайлаг болдог юм шиг санагдаад байдаг юм.  

Гэхдээ эсрэгээрээ, хойшлох тусмаа улам бүр хүмүүс нь секс, кексийн талаар илүү баригдмал болоод байдаг ч юм шиг...

Хамгийн урд зүгт байгаа Тайландын тухай бол яриад ч яахав.
Азидаа хамгийн нээлттэй газар болохоор.

 Нэг дэх өдөр бусад бүх газар барнууд хов хоосон байдаг даа.  Гэтэл энд бол бүр шоу моутай, аймаар том клубууд нь бүгд пиг хүнтэй байх жишээтэй.

Мэдээж секс ч гэсэн хийх боломж зөндөө өндөр.  Секс хийсөөн хийсэн, юугаа нуухав.  Монголд цангаж үхэх гэж байгаа амьтан чинь говьд худаг олсон юм шиг л чичрээд дайрна биз дээ? ккк.
Гэхдээ, олон жилийн өмнө явж байхад, гудамжаар зүгээр явахаар л хойноос залуучууд шүгэлдээд л, найрах гээд байдаг байсан,тэр бол байхгүй болсон байна билээ.   Аргагүй л дээ, одоо худалч хүнд 40 хүрэх гэж байгаа өвөөг тэгж хойноос нь шүгэлдэж бариад унавал гаж донтой юм байна гэж хардана биз дээ, ямар Баябага байгаа биш,
Хөгширч дээ, би ч гэж л бодов...

Гэхдээ л, жирийн массажны газар ороод массаж хийж байсан чинь л учиргүй боожгоогоо тулгаж ирээд байсан, нөгөөх нь босчихсон, тэгсэнээ *Чш!!!* гэж байгаад жив жирийн массажны газар нуугдаж байгаад секс хийчихэж байна гэхээр бас л донтой ард түмэн шүү, ккк.  Би ч яахав, массажны 200 батт (6 доллар)-аар массаж ч хийлгээд, секс хийчихээр под хийгээд л явчихна шүү дээ, хэхэ.

Зиаг тэгээд Лаос амьдралдаа анх удаа орж үзэв.
Бангкокоос галт тэргээр явж очсон юм.
Шөнө унтаад явчихдаг болохоор, зочид буудлын мөнгө хэмнээд, тэгээд нэг их ядрахгүй харин ч зүгээр эд байна билээ.

Лаосын хувьд, хүмүүс их дуртай байдаг юм билээ, миний хувьд бол дэндүү тайван чимээгүй газар санагдсан... Гэхдээ 2 дахь өдөр очсон болохоор бас арга ч үгүй л дээ.


(Меконг мөрөн.  10 жилийн хүүхдүүд мотоцикл дээр 3лаад суучихсан байгаа нь их хөөрхөн харагдаж байна билээ)

(Бас, лам нар ихтэй)

Виентиан гэхдээ л дөнгөж 210,000 хүнтэй хот гэхэд, 2 гей бар, 1 гэй сауна байна гэхээр, УБ-аас хамаагүй нээлттэй л байгаа биз дээ.  Тайландад баахан саунадчихсан байсан болохоор, сауна мауна энэ тэр бол орсонгүй, зүгээр баранд нь орж суув.
5-6 өдөр хүн гишгэх зайгүй болчихдог, 2 дахь өдөр болохоор 2-3 хан хүнтэй байна гэж байна.
Гэхдээ социалист улс.  Монгол шиг утгагүй хууль дүрэм бас байдаг гэнэ.
Барнууд нь 12 цаг хүртэл ажиллахыг зөвшөөрсөн гээд...

Манайх энэ хуулиа ер нь Социалист Лаос улсаас хуулбарласан юм биш үү хэмээн хардах сэтгэгдэл төрөв.  Адилхан социалист БНХАУ, Вьетнам, Камбужид нь тийм юм байхгүй байхад.
Тайландад төстэй хууль бас байдаг юм билээ, гэхдээ тэр нь зөвхөн дэлгүүрт 12-оос хойш зарахыг хориглоод, бар, ресторанууд бол болдог уян хатан.  Ахуйн архидалтаас сэргийлэх гэсэн үүднээс гэж ойлгохоор, зөв л байгаа байхгүй юу тэ?

Зиаг тэгээд хойшлоод Хонгконг.
Бизнесийн хот гэсэндээ, ажлын өдрүүдээр бар савнууд бол хоосон шахуу байдаг юм билээ. Хагас бүтэнсайнд барандаа багтахгүй гадна тал руугаа сагаж гартлаа цугларна.

Би чинь хамгийн сүүлд 2004 онд Хонгконг явж байсан гэхээр, бүтэн 10 жилийн дараа явсан юм билээ.  Тухайн үедээ *Хонгконгчууд аймаар царай муутай* гэсэн ойлголттой буцаж байсан, ямар сайндаа *Азийн хамгийн царай муутай 3 хот, Хонгконг, Сингапур, Нагоя* гэж ярьдаг байсан байхав дээ...

Нас ахиад залуухан л бол хөөрхөн харагддаг болсон юм уу, эсвэл Хонгконгчууд энэ 10 жилд арай гайгүй царайлаг болсон юм уу, энэ удаад бол тийм царай муутай санагдсангүй.

Хонгконгчуудын тухай бусад хүмүүсийн блог дээрээс харж байсан *Баранд пиво ууж суухаасаа илүү сауна орж секс хийхийг илүүд үздэг* гэсэн маягаар бичсэн байсан юм.
Байдаг 2-3 газраар нь орж үзэв.  Үнэн бололтой.
Ажлын өдрийн орой 5-7-ийн хооронд бөгс эргэх зайгүй.

Энэ талаараа ч гэсэн, адилхан том хотууд болох Токио, Сөүлээс илүү идэвхтэйгээр бамбиралцдаг юм шиг сэтгэгдэл төрөв.   Урагшлах тусмаа секст илүү нээлттэй, хойшлох тусмаа илүү хаалттай болдог гэж үнэн ч юм уу хэмээн бодогдож байв.

Зиаг ямар ч л байсан, Монголд байх хугацааныхаа хагсарааг гаргаад авчихав.
Ер нь хааяа гадагшаа явж хагсараагаа гаргаж байхгүй бол, олны танил болоод ч тэр үү, Монголд угаасаа тийм боломж олддоггүй юм.  Аягүй бол нөгөө По ажаатай секс хийсэн бол янхан завхайгаараа дуудуулна гээд хүмүүс айгаад байдаг юм шиг байна билээ.

10 сард Бангкок, Хонгконг, Виентиан-аас гадна Макао бас орсон юм байна.  Хонгконг хажууханд нь байдаг болохоор ямар нэгэн гей бар сав юу ч байдаггүй гэсэн байсан, тэгээд би ямар мөрийтэй тоглоом тоглох биш...  Очиж 2 цаг болчихоод буцчихсан.  Нэг их дурлаад очих газар миний хувьд биш санагдсан...

Хонгконгоос, Ханзод зориулж 1-2 гэрэл энэ тэр авчихаар харьж ирсэн юм...
Ингэж хурдан хаахаас өөр аргагүй болно гэж төсөөлөө ч үгүй байсан юм чинь...

Шинэ жилийн өмнө, Ханзог удаа дараалан цаг хэтрүүлсэн гээд бусад 6 газартай хамт тусгай зөвшөөрлийг нь цуцлана гэж цагдаагийн газраас яриад, бид тэгж цаг хэтрүүлсэн зүйл байхгүй гээд шүүхээр орсон юм.  Шүүхээр ороод, Ханзо удаа дараалан цаг хэтрүүлсэн гэж нотлогдохгүй тул арга хэмжээ авч болохгүй гэсэн шүүхийн шийдвэр гарсаар байтал, цагдаагийн байгууллага занасаар байгаад манай тусгай зөвшөөрлийг 1 сарын эхээр цулуулчихав...

Монгол улс ч хууль гэж гууль болсон газар гэдэг нь илт мэдэгдэж байгаа юм.  Тэгээд тусгай зөвшөөрөл цуцлах бол, цуцалсан газраас нь бидэнд өөрсдөнд минь мэдэгдэх ёстой байтал, цагдаагийн газраас гэнэт л *танайх ажиллах ёсгүй!!* гээд ороод ирэх жишээтэй...
За яахав, тэр хугацаанд нь жоохон засвар энэ тэр хийгээд байж байя гээд, засвараа хийгээд, тусгай зөвшөөрлөө сэргээлгэчихээд (угаасаа цагдаагийн газраас хууль бусаар цуцалсан гэж заргалдаад авсан юм.  Тэмдэгтийн хураамж гэж бас 2,4 сая төгрөг тушаана аа болоогүй) долоо хонож байсан, түрээслэгч газраас *энэ газрыг хуучин түрээсэлж байсан газарт өгөхөөр болсон тул, 30 хоногийн дотор суллана уу!!!* гэсэн бичиг ирдэг байгаа...

Тэгсэн яг яс юман дээрээ тэр түрээслэгч газар нь өөр газартай шүүхийн маргаантай, биднийг хөөх эрхгүй л байсан юм билээ...

Олон юм зэрэг давхцаад, нэг их сөжиг байхгүй болчихсон байсан болохоор, гарахаар шийдээд юм аа нурааж аваад гарсан даа,,,




Ширхэг тоосго ч үлдээхгүй гээд л...

Гэхдээ Ханзо ч БИЕСИЙГ ГАРГУУНД НЬ ГАРГАДАГ газар байсан юм шиг байгаа юм...
Хүмүүсийн мартаж явсан юмс гэж зөндөө гарч ирж байна билээ...


бичиг баримт, түлхүүр, бөгж зүүлтнээс эхлээд л...

Хувцас хунар...
Дотуур хувцас...


Хиймэл шүд хүртэл...


Зиаг тэгээд нэгэнт сүжиг байхгүй болсон байсан тул юм аа нурааж аваад, хэд хоног амрая гээд урагшаа явж ирваа.


Бээжин - Хөххот - Эрээн - Замын Үд - УБ гэсэн чиглэлээр.
Бээжин ч яахав бахь байдгаараа.

Кай бар ганцаараа гайгүй хүнтэй, бусад барнууд бол хоосон шахуу байна билээ.
Дестинэйшн, аргагүй л хамгийн хуучин бар гэсэндээ, бусад барнуудыг сайн мэдэхгүй хөдөөний хүүхдүүд ганц нэгээрээ ордог юм билээ.  Алфа энэ тэр бол бүр огт хүн байхгүй...
Уг нь Алфа энэ тэр бол асар их хөрөнгө зарцуулж нээсэн нь илт бар байсан, тэр ч ашгаа олж чадаагүй л өдийг хүрч байгаа бололтой байв.

Саунанууд уг нь 2-3 сауна байдаг байсан, бас л хаагдсан байв.
Венеци гээд, саунад нь орохоор үнэн балиар нэг сауна байсан, уг нь хотын төвд...  Тэрийг хааж хаясан сурагтай...   Үлдсэн ганц нь FFYE гээд асар жижигхэн сауна.  Бүхэл бүтэн 20 сая хүнтэй хот гэхэд арай л уйтгартай... Шанхай хажууд нь хамаагүй амьдралтай... Нөгөө л урагшлах тусам илүү нээлттэй гэдэг логик уу?

Гэхдээ л Монголыг бодвол, гэй барнууд нь өглөө хүртэл ажиллачихаж болдог, бас хүн гайгүй нэг нь гайгүй байх юм даа...

Тэгээд л, нэгэнт л тэр талын шуналаа биелүүлж чадахгүй юм чинь муу хүн идсэнээ гээд л дайрчихна биз дээ...
Ritz Carlton Club Floor Complementory Wine

Ritz Carlton Club Lounge Afternoon Tea + Champagne

Dadong Beijing Duck  etc.


Найзын хүчинд Риц Карлтоны клаб флоорт нь 2-3 хоночихоод, вагоноор Хөххотыг зорив.

Хөххот... 
2.6 сая хүнтэй асар том хот атал, үнэхээр урамгүй газар байв.
Ганц байдаг Драгон бар гэдэг лүү очсон, нүүчихэж...
Арай чүү гээд хайгаад очсон, 10 цагаас онгойсноо, 11 гээд хаачихдаг наасан...
Дотор нь ганц ч хүн байхгүй,,,  Хүмүүсээс асуусан *энэ чинь Хөххот шүү дээ, зугаа цэнгэл хүсэн хүлээгээд ч хэрэг байхгүй* гэж авсан... 

Осака 2.6 сая, Нагоя 2.4 сая, Тайпэй 2.5 сая, Саппоро 2 сая, Фукуока 1.8 сая гээд, ижил төстэй хэмжээтэй хотуудтай харьцуулбал бүр гомдмоор байгаа байхгүй юу...

Хойшлох тусмаа, хуурай, хүйтэн, хатуу уур амьсгалтай болох тусмаа уйтгартай, дүнсгэр, бусдад хатуу ширүүн болдог гэдэг нь үнэн мэт...


Зиаг тэгээд Эрээн оров.  
Нэг их удаагүй, гэхдээ жинхэнэ уйтгар гунигийн хот шиг санагдав.

Хил гарахад 50 юань гэхээр нь билет авчихсан, автобусны жолооч нь наашаа уурлаад наадаг юм... Муусайн хужаануудад мөнгө унагаалаа.  Билет авахгүй надад шууд өгөх ёстой байсан юм! гээд...

Хамтран ажиллаж байгаа л юм бол харилцан итгэлцэлтэй, анхлан ярилцсаныхаа дагуу ажиллах ёстой мэт... Тэгээд албан ёсны билет нь байдаг, тэрэндээ харилцан хувь тохиролцож явдаг юм бол нэн ялангуяа...
Тэгсэн, зорчигчид луугаа уурлаад л, өөр автобусанд суу энэ тэр гээд, эцсийн дүндээ мань хүн өөрөө л ганц ч төгрөгний орлогогүй л үлдэж байгаа байхгүй юу...  
Манай төрийнхний хийдэг наймаа, дээрэмтэй яг адилхан, ийм сэтгэхүйтэй байхаар яаж хөгжинө дөө гэж бодогдохоор...

Зиаг тэгээд Монголдоо ирэв дээ.
Манай нэг найз Японоос ирсэн байсан, хамт дагуулаад.

Монголд гэхдээ нэг үеээ бодвол ангийнхан ороод уух газруудтай болсон нь сайн мэт.
Айзам, Андууд, Рубирүүм (анги газар яг жинхэнэ утгаараа биш л дээ, гэхдээ ангийнхан ордог болсон) гэх мэт.

Гэхдээ л яг ангийнханд зориулсан төвлөрсөн газар гэгддэг байсан Ханзогийн орон зай яалт ч үгүй дутагдаж байгаа мэт санагдаж байв.
Мэдээж, би өөрөө гардаж байгуулж байсан болохоор тэгж санагдаж байгаа байж ч магадгүй л юм.

Зиаг тэгээд, хамгийн сүүлд нь драг күйн По ажаагийн хэдэн бичлэг тавиад энэ удаагийн уртаас урт бичлэгээ өндөрлөе дөө.







Thursday, March 05, 2015

37-ны жил

Нээрээ Монголд ирсэнээс хойш блог бичихээ больчихож ээ...

Завгүй болсон юм уу гэхээр үгүй байгаа юм.
Ер нь хүн завгүй байх тусмаа гараас нь их юм гардаг байж ч магадгүй л юм.

Монголд ирээд болсон сонин сайхан гэвэл...
Баахан л шатах шив дээ...

Угаасаа 37-ны жил ороод сая гарсан юм.  Энэ хугацаандаа жоохон зарлага ихтэй байх үйлтэй байсан бололтой.

2012 оны сүүлээр ирэхдээ ч яахав, нилээд л их юм хийж бүтээнэ дээ гэсэн өндөр сэтгэгдэлтэй буув. Гэй амьдралд тодорхой хэмжээний өөрчлөлт оруулна, өөр маягаар ч гэсэн өөрийн мэддэг чаддаг зүйлээ эх оронтойгоо хуваалцана, тэгээд бас баяжина гээд л...

Эхний ээлжинд, Ханзо клуб дампуурах гээд байна гэхээр нь нэмж 60 гаруй сая төгрөгийн хөрөнгө оруулалт оруулан (нийт 200 гаруй сая төгрөг зарцуулчихсан гэхээр, зах зээлээ судлаагүй хэтэрхий үрэлгэн зан гаргасан хэрэг болсон) дахиад 2 жил гаруй ажиллуулав.

Мэдээж энэ хугацаанд их л юм болов. Зодоон цохион (ангийнхан өөрсдөө асуудал их үүсгэдэг нь өөрсдийгөө үгүйсгүүлэх бас том үндэс болдог мэт) цагдаагийнханд адлуулах гэдгээс эхлээд л...

Дөнгөж ирсэн шинэ жилээрээ драг шоу үзүүлээд байж байсан цагдаа нар орж ирэнгүүтээ барьж аваачаад эрүүлжүүлэхэд хийчихдэгээс эхлээд, 6-7-уулаа байсан нэг өвчтэй баагий өөрийг нь Ханзод хүчиндчихлээ гэж цагдаа дуудаж бид олноороо очиж байцаагдаж байсан, эсвэл хамгийн сүүлд саяхан Ханзод хүн амьны хэрэг гарсан гэж Гомо Нараа дуудлага өгсөн гээд 10-аад цагдаа шөнө дөлөөр Ханзогийн хаалгыг дураараа онгойлгоод орсон байсан гээд л...

Асуудлуудаас гадна, Монголчуудад итгэх итгэлийн асуудал бас их байв.
Нэг л их мөнгөтэй юм шиг ууж идчихээд, яг төлбөрөө төлөх болохоор мөнгөгүй гээд өр тавьчихна.  Хамгийн сүүлд нийт 7 сая 600 мянган төгрөг зөвхөн авлаганд байсан гэхээр л...  Тэгээд өртэй хирнээ ичихгүй дахиж орж ирж, дахиж өр тавих гэх тэр сэтгэлгээг нь огт ойлгохгүй байгаа юм...
Хамтарч ажилласан хүн маань ч хир итгэл үнэмшилтэй байсан нь бас тодорхойгүй...
2012 онд ирэхэд, нийт 30 гаруй сая төгрөгийн өр архи ханган нийлүүлдэг газрууддаа тавьчихсан байж байсан, тэрийг нь дарав...  Сүүлд оруулсан мөнгөөрөө өөрийн хувиа нэмэгдүүлье гээд улсын бүртгэл дээр очсон, компанийн бүртгэлд өөрчлөлт оруулахыг цагдаагийн газраас хориглосон гэхээр нь очиж шалгуулсан, хамтарч байсан хүн маань эрүүгийн (залилан) асуудалтай байснаас болоод, компанид өөрчлөлт оруулахыг бүр 2012 онд хориглосон байсан гэх...
Тэгээд, 2012-2015 онд Ханзог ажиллуулахад, өөр хүнд даатгасан байсан 2012-2014 оны эхний хагас хүртэл огт ашиг байхгүй, харин ч надаас нэмж мөнгө авсан л газар байсан бол, сүүлийн хагас жилд нь өөрөө ажилласан, үлдээсэн өрийг дараад, хүмүүсээ цалинжуулаад, тэгээд бага хэмжээний ашиг гарч болохоор байсан жишээний...

Ер нь л нэг тийм итгэл даах хүн цөөхөн л улс болж дээ гэсэн сэтгэгдэл л үлдэв...


Гэхдээ мэдээж, саарын хажуугаар сайн юм ч их л байв.
Нийгэмд нөлөөлсөн нөлөөлөл гэдэг утгаар бол энэ оруулсан 200 гаруй сая төгрөгөөс хамаагүй өндөр сэтгэл хангамж өгөхөөр болсон мэт.

Цагдаагийн газар л гэхэд, анхандаа *танай муусайн гомо лезби нар!* гэж харьцдаг байсан бол, сүүлрүүгээ *хүн л юм чинь сайнтай муутай байдаг юм байна. Гомо лезби гээд өөр хүмүүс байдаггүй юм байна* гэсэн эерэг хандлагатай болсон байв.

Олон ч хүнтэй бас танилцав.  Урлагийнхнаас эхлээд, ер нь эерэг энергитэй, юм хийж бүтээдэг хүмүүс ч олон л байна гэдгийг олж мэдэв.

Тэгээд зиа, 3 жил нилээд гүрийлээ, одоо тэгээд юм цэгцрээд явах байх даа гэж бодож байтал, яг жил ороод дуусахын даваан дээр, түрээслэгчийн зүгээс, хуучин түрээсэлдэг байсан хүнд нь түрээслэхээр болсон гэсэн мэдээлэл ирээд, Ханзогийн амьдрах хугацаа нь дууссан юм байна даа гэж үзээд, нэг их чаргууцалдсан ч үгүй энэ газрыг хаалаа.

Дараагийн газраа, өмнөх туршлагаа харж байгаад ажиллуулах санаатай л байна, хэзээ харин эхлүүлэх бол...

2013 оны эхээр байгаль орчин ээлтэй нэг Японы технологи Монголд оруулж ирэв.
Уг нь хамаатан, хамаатан ус хүмүүсээрээ хамтраад нийт 200 гаруй сая төгрөгийг 4 хуваагаад адилхан хувь эзэмшээд явья гээд л ярилцав...
Гэтэл, нөгөө л итгэлцэлийн асуудал.

Хөрөнгө оруулна гэж байсан хүмүүс маань *яг одоо мөнгө байхгүй байна* гэлцсээр, явж явж бүх хөрөнгийг өөрөөсөө гаргав.  Тэгээд юм хийхээр болсон, яг юм хийх хүн нь олдохгүй, тэгээд ч өөрсдөөс нь мөнгө гараагүй болохоор хүчлэхийг хүсэхгүй баахан хүмүүс...
Ямар сайндаа нэг хамаатнаа шүүхэд хүртэл өгөх вэ дээ...
Уг нь бол яг бизнес болбол маш дэвшилтэт технологи... Гэхдээ гардаад явах хүн байхгүй бол ямар ч бизнес хөгжихгүй нь ойлгомжтой...
Эцсийн шийдвэр.  Энэ компаниа чадна мэднэ гэсэн хүмүүст нь даатгахаар болов.  Морь жилдээ шийдээд шилжүүлсэн, гэхдээ мөнгөө харин буцааж авахад хэдэн жил болох юм байгаа юм...

Төмөр зам барихаар хэсэг бас гүрийв.
Хараад байхад манай Монголчуудын том дутагдал нь бүгд юу ч мэдэхгүй хирнээ, бүгд бүгдийг мэддэгт...

Дэс дараалал, деталь дээр анхаарахгүйгээр том том ярьсаар өөрсдийгөө алдаг явдал.
Зүв зүгээр жамаараа явах ёстой байсан юмыг өөрсдөө чадна мэднэ гэсээр булааж аваад бантан болгодог ажил...  Энэ над дээр ч байсан л байх.  Энэ дээрх Япон технологийг анхнаасаа би гар бие оролцох шаардлагагүй л байсан...

За тэр яахав.  Болгоно бүтээнэ гээд л давхиад оров.
Эхэндээ ч овоо урамтай урагшилж л байв.  Гэтэл тэгээд л улс төрийн бөөн садаа болсон хүчин зүйлээс болоод, болохоор байсан зүйл маань болохгүй тал руугаа яваад өгөв...
Энэ байран дээрээ удвал, бараг худалч хүнд нээнтэглэн, хэлмэгдүүлэх хүн амьтан ч гарч ирж магадгүй болоод ирэв.
Морь жил.  Миний хувьд бүх эхэлсэн байсан зүйлээ дуусгах, дараа жилээс нь шинээр эхлэх ёстой жил байсан бололтой.

Ажлаасаа гарахаар шийдэв.  Гарсаныхаа дараа зөв шийдвэр байж гэж олон талаар бодогдохоор байна билээ.

Хүмүүс итгэлцэл гэдэг ямар чухал зүйл болохыг мэдрээд, бас өөр өөрсдийн мэддэг чаддаг зүйлээ хийгээд явбал Монгол улсад уг нь хөгжих дэвших боломжоос их зүйл байхгүй мэт.
Харин хоорондоо талцаад, бие биенээ хуураад, бусдыг хуураад, чадахгүй байж цээжээ дэлдээд яваад байвал яаж ч юм сайжрах билээ дээ.

Нэг иймэрхүү байдлаар Морь жил маань гарч, Хонь жил эхэллээ дээ.
Одоо ирж байгаа энэ жилээс бүх юмыг шинээр, зөвөөр эхлээд явах л миний хувьд ч, бусдын хувьд ч чухал болов уу...


Зиаг зиаг.

Дараад нь арай өөрийнхөө бичдэг шигээ бөгс бөөрний тухай бичье дээ, ккк